विमला गुप्ता, ८ भदौ /
यशोदा ब्याग तथा रेडिमेड उद्योगकी सञ्चालिका यशोदा गजुरेल उद्यमी महिलाका साथै आफ्नो समुदायको लागि एक उदहारणीय पात्र पनि हुन् । अनावश्यक खर्च नगरी बचत गर्ने बानीले उनी आज औद्योगीक नगरी वीरगंजमा उद्यमी महिलाको रूपमा परिचय बनाउन सफल भएकी छन् ।
माइती घर चितवन भएकी यशोदाको १० वर्ष अघि तत्कालीन वीरगंज–१३ मा विवाह भयो । दुई सन्तानकी आमा यशोदा विगत डेढ वर्षदेखि आप्mनै उद्योग सञ्चालन गर्छिन् । स्कूलदेखि कलेज, अफिसलाई चाहिने फाइल, लगेज ब्याग उनको उद्योगमा उत्पादन हुन्छ । गृहिणी महिला भएर सफल उद्यमी बन्न सकेकोमा उनी साह्रै खुशी छिन् ।
घरकी एक्ली बुहारी भएकीले घर खर्चको सम्पूर्ण जिम्मेवारी उनकै काँधमा छ । उनका पतिको पनि छुट्टै ब्यागको कारखाना छ । यशोदा गजुरेल भन्छिन्– “सामान्य परिवार भएपनि घरमा खान लाउन कमी थिएन । म पतिको कमाइमा रमाउनुभन्दा आप्mनै कमाइमा रमाउन चाहन्थें”–उनी अगाडि थप्छिन्–“महिला भएर पुरुष सरह केही गर्न चाहन्थें । तर कसरी गर्ने ? बुहारी भएकीले सहज थिएन, फेरि पनि मनमा दृढ विश्वास थियो कि केही गर्छु ।”
यशोदा पतिले दिएको घर खर्चको पैसाबाट जोगाएर थोरै–थोरै रकम सहकारीमा खाता खोलेर जम्मा गर्न थालिन् । निरन्तर बचत गर्दा उनको खातामा ६ वर्षको अवधिमा १ लाख रुपियाँ जम्मा भयो । त्यसपछि उनले पति समक्ष ब्याग उद्योग सञ्चालन गर्ने प्रस्ताव राखिन् । बुद्धिमान पतिले पनि पत्नीको भावना बुझ्दै ब्याग उद्योग सञ्चालन गर्न दुई लाख रुपियाँ थप गरिदिए । यसरी ३ लाखको लागतमा शुरू भयो ‘यशोदा ब्याग उद्योग’ । जसको पूँजी अहिले डेढ वर्षको अवधिमा २५ लाख पुगेको छ ।
विवाह गरेको ३ वर्षमैं २ सन्तानकी आमा भएपछि यशोदाले घर कामबाट बचेको समयमा जागीर गर्ने सोच बानाइन् तर उनलाई मिल्ने समयमा बाहिर काम पाउन सहज थिएन । पतिको ब्याग उद्योग पनि घर खर्च पुग्ने खालकै थियो । बाहिर काम नपाएपछि यशोदाले पतिकै उद्योगमा गई ब्याग बनाउने सीप सिक्न थालिन् । यसरी यशोदा घरको काम सकेर दिनहुँ पतिको उद्योगमा कारीगरहरूसँग मिलेर काम गर्न थालिन् ।
उनी घरमा नहुँदा बच्चाको देखभाल सासूआमा गर्थिन् । सासू र बुहारी आमाछोरी जस्तै मिल्ने भएकाले काम सिक्न उनलाई खासै गाह्रो भएन । एक अर्काको भावना दुवैले बुझ्थे । तर बुहारी घरभित्रै बस्नुपर्ने पुरातन सोच भएको समुदायमा घरभन्दा बाहिर निस्केर काम गर्न भने सहज थिएन । घर परिवारले साथ दिएपनि बाहिर निस्कँदा कतिपय कुरा काट्थे । “किन बुहारीलाई काम गर्न बाहिर पठाएका होलान् ?”
सामान्य किसान परिवारमा जन्मेकी यशोदा सानैदेखि कामप्रति चनाखो थिइन् । उद्योग शुरू गर्दा शुरूमा पतिको सहयोग पाएपनि अहिले भने उद्योगभित्र र बाहिरको काम उनी आफैं गर्छिन् । यशोदाको काम देखेपछि शुरूमा आलोचना गर्नेहरू अहिले प्रशंसा गर्न थालेका छन् । शुरूमा जागीर माग्न गएको स्थानका अधिकार प्राप्त व्यक्तिहरू आज आफ्नो उद्योगमा आएर चिनजानको व्यक्तिलाई काम लगाइदिनु भनेर सिफारिश गर्दा हौसला झन् बढेको उनी बताउँछिन् ।
आजकल यशोदा आप्mनो काममा निकै व्यस्त छिन् । उनको व्यापार पर्सा जिल्लामा मात्र सीमित नभई पूर्व झापा, इटहरी, इनर्वा र जनकपुर, हेटौंडा हुँदै पश्चिम धनगढीसम्म पुगेको छ । उनको उद्योगले गर्दा पहिलेभन्दा अहिले घरको आर्थिक अवस्थामा सुधार आएको छ । पति र घरपरिवारको साथ–सहयोग पाएरै आपूm सफल उद्यमी महिलाको रूपमा अगाडि बढन सकेको उनी बताउँछिन् ।
यशोदा भन्छिन्–“उद्योग खोल्नु मात्र ठूलो कुरा होइन, आपूmले जानेको सीप प्रयोग गरी बजार व्यवस्थापन गर्नु मुख्य चुनौती हो । ब्याग व्यवसायमा पनि प्रतिस्प्रर्धा बढी रहेकोले आजकल घर भन्दा पनि उद्योगलाई बढी समय दिनुपरेको छ ।” पाँचवटा मेशिनबाट शुरू गरेको ब्याग उद्योगमा अहिले ७ वटा मेशिन छ । एउटा मेशिनको मूल्य रु ३० हजारभन्दा बढी पर्छ ।
पर्सेली महिलाहरूद्वारा सञ्चालित उद्योगमा यशोदा ब्याग उद्योग उत्कृष्ट सूचीमा परेकोले अहिले नेपाल सरकारबाट १२ लाख रुपियाँ सहुलियत कर्जाबापत पाएको उनले बताइन् । जसको ब्याजदर ३ प्रतिशत तिर्नुपर्छ । उनी भन्छिन्–“सरकारबाट पाइने सेवा र सुविधाले गर्दा अहिले उद्यमी महिलाहरूको हौसला बढेको छ । करमा छुट र बेला बेलामा सरकारद्वारा सहुलियत कर्जाले गर्दा महिलाहरूलाई उद्यमी बन्न उत्प्रेरित गरेको छ । जसले देशको अर्थतन्त्र र सामाजिक परिवर्तनमा सकारात्मक टेवा पुगिरहेको छ । बेरोजगारी समस्या न्युनीकरणमा यस्ता कार्यले सहयोग पुग्ने उनको ठम्याइ छ । उद्यमी यशोदा गजुरेल भन्छिन्–“महिलामा दृढ इच्छाशक्ति, कामप्रति लगनशीलता छ र पारिवारिको सहयोग पनि पाइयो भने हरेक क्षेत्रमा सफलता हासिल गर्न सकिन्छ ।”
यशोदा ब्याग तथा रेडिमेड उद्योगकी सञ्चालिका यशोदा गजुरेल उद्यमी महिलाका साथै आफ्नो समुदायको लागि एक उदहारणीय पात्र पनि हुन् । अनावश्यक खर्च नगरी बचत गर्ने बानीले उनी आज औद्योगीक नगरी वीरगंजमा उद्यमी महिलाको रूपमा परिचय बनाउन सफल भएकी छन् ।
माइती घर चितवन भएकी यशोदाको १० वर्ष अघि तत्कालीन वीरगंज–१३ मा विवाह भयो । दुई सन्तानकी आमा यशोदा विगत डेढ वर्षदेखि आप्mनै उद्योग सञ्चालन गर्छिन् । स्कूलदेखि कलेज, अफिसलाई चाहिने फाइल, लगेज ब्याग उनको उद्योगमा उत्पादन हुन्छ । गृहिणी महिला भएर सफल उद्यमी बन्न सकेकोमा उनी साह्रै खुशी छिन् ।
घरकी एक्ली बुहारी भएकीले घर खर्चको सम्पूर्ण जिम्मेवारी उनकै काँधमा छ । उनका पतिको पनि छुट्टै ब्यागको कारखाना छ । यशोदा गजुरेल भन्छिन्– “सामान्य परिवार भएपनि घरमा खान लाउन कमी थिएन । म पतिको कमाइमा रमाउनुभन्दा आप्mनै कमाइमा रमाउन चाहन्थें”–उनी अगाडि थप्छिन्–“महिला भएर पुरुष सरह केही गर्न चाहन्थें । तर कसरी गर्ने ? बुहारी भएकीले सहज थिएन, फेरि पनि मनमा दृढ विश्वास थियो कि केही गर्छु ।”
यशोदा पतिले दिएको घर खर्चको पैसाबाट जोगाएर थोरै–थोरै रकम सहकारीमा खाता खोलेर जम्मा गर्न थालिन् । निरन्तर बचत गर्दा उनको खातामा ६ वर्षको अवधिमा १ लाख रुपियाँ जम्मा भयो । त्यसपछि उनले पति समक्ष ब्याग उद्योग सञ्चालन गर्ने प्रस्ताव राखिन् । बुद्धिमान पतिले पनि पत्नीको भावना बुझ्दै ब्याग उद्योग सञ्चालन गर्न दुई लाख रुपियाँ थप गरिदिए । यसरी ३ लाखको लागतमा शुरू भयो ‘यशोदा ब्याग उद्योग’ । जसको पूँजी अहिले डेढ वर्षको अवधिमा २५ लाख पुगेको छ ।
विवाह गरेको ३ वर्षमैं २ सन्तानकी आमा भएपछि यशोदाले घर कामबाट बचेको समयमा जागीर गर्ने सोच बानाइन् तर उनलाई मिल्ने समयमा बाहिर काम पाउन सहज थिएन । पतिको ब्याग उद्योग पनि घर खर्च पुग्ने खालकै थियो । बाहिर काम नपाएपछि यशोदाले पतिकै उद्योगमा गई ब्याग बनाउने सीप सिक्न थालिन् । यसरी यशोदा घरको काम सकेर दिनहुँ पतिको उद्योगमा कारीगरहरूसँग मिलेर काम गर्न थालिन् ।
उनी घरमा नहुँदा बच्चाको देखभाल सासूआमा गर्थिन् । सासू र बुहारी आमाछोरी जस्तै मिल्ने भएकाले काम सिक्न उनलाई खासै गाह्रो भएन । एक अर्काको भावना दुवैले बुझ्थे । तर बुहारी घरभित्रै बस्नुपर्ने पुरातन सोच भएको समुदायमा घरभन्दा बाहिर निस्केर काम गर्न भने सहज थिएन । घर परिवारले साथ दिएपनि बाहिर निस्कँदा कतिपय कुरा काट्थे । “किन बुहारीलाई काम गर्न बाहिर पठाएका होलान् ?”
सामान्य किसान परिवारमा जन्मेकी यशोदा सानैदेखि कामप्रति चनाखो थिइन् । उद्योग शुरू गर्दा शुरूमा पतिको सहयोग पाएपनि अहिले भने उद्योगभित्र र बाहिरको काम उनी आफैं गर्छिन् । यशोदाको काम देखेपछि शुरूमा आलोचना गर्नेहरू अहिले प्रशंसा गर्न थालेका छन् । शुरूमा जागीर माग्न गएको स्थानका अधिकार प्राप्त व्यक्तिहरू आज आफ्नो उद्योगमा आएर चिनजानको व्यक्तिलाई काम लगाइदिनु भनेर सिफारिश गर्दा हौसला झन् बढेको उनी बताउँछिन् ।
आजकल यशोदा आप्mनो काममा निकै व्यस्त छिन् । उनको व्यापार पर्सा जिल्लामा मात्र सीमित नभई पूर्व झापा, इटहरी, इनर्वा र जनकपुर, हेटौंडा हुँदै पश्चिम धनगढीसम्म पुगेको छ । उनको उद्योगले गर्दा पहिलेभन्दा अहिले घरको आर्थिक अवस्थामा सुधार आएको छ । पति र घरपरिवारको साथ–सहयोग पाएरै आपूm सफल उद्यमी महिलाको रूपमा अगाडि बढन सकेको उनी बताउँछिन् ।
यशोदा भन्छिन्–“उद्योग खोल्नु मात्र ठूलो कुरा होइन, आपूmले जानेको सीप प्रयोग गरी बजार व्यवस्थापन गर्नु मुख्य चुनौती हो । ब्याग व्यवसायमा पनि प्रतिस्प्रर्धा बढी रहेकोले आजकल घर भन्दा पनि उद्योगलाई बढी समय दिनुपरेको छ ।” पाँचवटा मेशिनबाट शुरू गरेको ब्याग उद्योगमा अहिले ७ वटा मेशिन छ । एउटा मेशिनको मूल्य रु ३० हजारभन्दा बढी पर्छ ।
पर्सेली महिलाहरूद्वारा सञ्चालित उद्योगमा यशोदा ब्याग उद्योग उत्कृष्ट सूचीमा परेकोले अहिले नेपाल सरकारबाट १२ लाख रुपियाँ सहुलियत कर्जाबापत पाएको उनले बताइन् । जसको ब्याजदर ३ प्रतिशत तिर्नुपर्छ । उनी भन्छिन्–“सरकारबाट पाइने सेवा र सुविधाले गर्दा अहिले उद्यमी महिलाहरूको हौसला बढेको छ । करमा छुट र बेला बेलामा सरकारद्वारा सहुलियत कर्जाले गर्दा महिलाहरूलाई उद्यमी बन्न उत्प्रेरित गरेको छ । जसले देशको अर्थतन्त्र र सामाजिक परिवर्तनमा सकारात्मक टेवा पुगिरहेको छ । बेरोजगारी समस्या न्युनीकरणमा यस्ता कार्यले सहयोग पुग्ने उनको ठम्याइ छ । उद्यमी यशोदा गजुरेल भन्छिन्–“महिलामा दृढ इच्छाशक्ति, कामप्रति लगनशीलता छ र पारिवारिको सहयोग पनि पाइयो भने हरेक क्षेत्रमा सफलता हासिल गर्न सकिन्छ ।”