राजनीतिक स्तरमा सङ्घीयता स्वीकार गरेको तर कर्मचारीतन्त्रले अहिलेसम्म सङ्घीयता स्वीकार नगरेको कारण प्रदेश नं. २ को समस्या समाधान हुन नसकेको मुख्यमन्त्री लालबाबू राउत गद्दीले बताएका छन् ।
तेरापन्थ युवक परिषद्ले आयोजना गरेको २६१७ औं महावीर जयन्तीको अवसरमा बोल्दै उनले भगवान् महावीरले अङ्गीकार गरेको अहिंसाको बाटोमा लागेको खण्डमा देश–प्रदेशमा हिंसा न्यून हुने र समृद्धितर्पm उन्मुख हुन सक्ने बताए । मुख्यमन्त्री गद्दीले भगवान् महावीरको विविध पक्षबारे चर्चा पनि गरे । सोही कार्यक्रममा उनले अङ्गीकृत नागरिकता समस्या समाधान भए पनि कर्मचारीको लापरवाहीको कारण प्रदेश नं. २ का जन्मसिद्ध नागरिकले आप्mनो सन्तानलाई नागरिकता दिलाउन नसकेको आरोप लगाए । संविधान र कानुनले नागरिकता दिन नरोके पनि कर्मचारीतन्त्रको हैकमबाजीका कारण नागरिकता समस्या समाधान हुन नसकेको उनले बताए ।
प्रधानमन्त्री केपी ओलीसँग सो विषयमा कुराकानी भएको र उनले सम्पूर्ण जिल्लामा तत्काल निर्देशन दिई नागरिकता वितरण हुने मुख्यमन्त्री गद्दीले बताए । अन्य प्रदेशको तुलनामा प्रदेश नं. २ मा सुरक्ष्Fाको सवाल चुनौतीपूर्ण रहेको उनले बताए ।
मुख्यमन्त्री गद्दीले हिजो बसेको मन्त्रिमण्डलको निर्णय अनुसार प्रदेशले छुट्टै प्रहरी गठन गर्ने र प्रहरी संयन्त्रलाई सक्ष्Fम बनाई प्रदेश नं. २ को अपराध तथा भ्रष्टाचार न्यूनीकरण गर्ने कार्य अगाडि बढाएको बताए । प्रदेश सञ्चालन गर्ने अधिकार प्रदेशसभालाई भए पनि अहिले प्रदेशसभामा केन्द्र सरकारले अधिकार नदिएको उनले आरोप लगाए । प्रदेशसँग अहिले कानूनसमेत नरहेको र केन्द्र सरकारले निर्देशनसमेत नदिएको कारण सुरक्ष्Fा निकायले जथाभावी काम गरिरहेको आरोप लगाए । प्रदेशमा भ्रष्टाचार मौलाउँदै गएको आरोप लगाउँदै उनले मुख्यमन्त्री स्वच्छता अभियान, बेटी पढाओ, बेटी बचाओ अभियानलगायत ४ बुँदे योजना अनुरूप अगाडि बढेको बताउँदै प्रदेश नं. २ मा २ लाख बालबालिका विद्यालयबाट वञ्चित रहेकाले उनीहरूलाई विद्यालय भर्ना गर्न अति आवश्यक रहेको बताए ।
मुख्यमन्त्री गद्दीले भने– प्रदेश अहिले भद्रगोल छ, सिस्टममा ल्याउन कानून निर्माण गर्ने कार्य भइरहेको र त्यसपछि मात्र प्रदेशमा सुशासन आउँछ । राजधानीको सवालमा उनले विगतको काङ्ग्रेसको सरकारले नै जनकपुरलाई राजधानी तोकेको र संविधानले दुईतिहाई बहुमतबाट नाम परिवर्तन र सेवाकेन्द्र स्थानान्तरण गर्ने अधिकार दिएकोले दुई तिहाई बहुमत पु¥याउन समस्या भएको बताए । केही दिन पहिले प्रधानमन्त्रीसँग भएको भेटघाटमा मुख्यमन्त्री गद्दीले मानवीय सूचकाङ्क र जनसङ्ख्याको आधारमा बजेट बाँडफाँड गर्न अनुरोध गरेको जानकारी गराए ।
कार्यक्रममा भौतिक निर्माण तथा विकासमन्त्री जीतेन्द्र सोनलले युरोपियन युनियनले दिएको प्रतिवेदन सही भएको बताए । जुन संविधानलाई हामीले स्वीकार गरेका छैनौं, त्यो संविधान र संविधानको धाराको कारण भेदभाव हुने र सो विषयमा युरोपियन युनियनले दिएको प्रतिवेदनप्रति प्रम ओलीले दुःख व्यक्त गर्नु दुःखद भएको बताए । संसारलाई थाहा छ नेपालको संविधान अधूरो छ, अधूरो संविधानले पूर्णता दिंदैन, त्यसकारण युरोपियन युनियनको भनाइलाई राष्ट्रियतासँग नजोड्न आग्रह गरे ।
केही दिन पहिले ३ नं. प्रदेशका मुख्यमन्त्री ठोरी पुगेर ठोरीलाई ३ नं. प्रदेशमा लैजाने दिएको अभिव्यक्तिप्रति खेद व्यक्त गर्दै मन्त्री सोनलले एक इन्च पनि प्रदेश नं. २ को जग्गा कसैलाई नदिने बताए । आपूmहरू २० जिल्लालाई एक गर्ने अभियानमा लागेको र ८ जिल्लालाई आधार जिल्लाको रूपमा लिई मधेसी दलहरू अगाडि बढिरहेको बताए । ८ जिल्ला मिलेर बनेको प्रदेशमा अब १२ जिल्ला कसरी मिलाउन सकिन्छ भन्ने गृहकार्य गरिरहेको उनले बताए । चुनौती चिर्दै समृद्धितर्पm मुलुक तथा प्रदेश अगाडि बढिरहेको मन्त्री सोनलले बताए ।
परिषद्का अध्यक्ष रञ्जीत मनोहरको सभापतित्वमा शुरु भएको कार्यक्रममा प्रदेशसभा सदस्य तथा वीउवासङ्घका अध्यक्ष ओमप्रकाश शर्मा, रागिनीदेवी वर्णवाल, भारतीय महावाणिज्यदूत विसी प्रधान, महासभा प्रभारी अशोक बैद, डा. अनिल सिन्हालगायतले मन्तव्य व्यक्त गरेका थिए ।
यस अघि महावीरजयन्तीको अवसरमा घण्टाघरबाट प्रभातफेरी निकालिएको थियो । बिहान निकालिएको प्रभातफेरीमा मुख्यमन्त्री–प्रदेशमन्त्रीलगायतको सहभागिता थियो ।
