सबै दलको सहमतिमा जारी भएको संविधान केही दलले चाहँदैमा संशोधन हुन नसक्ने नेकपा एमाले स्थायी कमिटी सदस्य मुकुन्द न्यौपानेले बताएका छन् ।
नेकपा एमाले बाराको ९ औं जिल्ला अधिवेशनका प्रमुख अतिथि रहेका न्यौपानेले अधिवेशनको उद्घाटन समारोहलाई सम्बोधन गदै सो कुरा बताएका हुन् ।
कोल्भीमा आयोजित उद्घाटन समारोह्लाई सम्बोधन गर्दै उनले केही दलले असन्तुष्टि जनाउँदैमा बल्लतल्ल जनताको पक्षमा जारी भएको संविधान संशोधन हुन सक्दैन उनले भने । तर, सबै दल सहमत भए संविधान संशोधन हुन सक्ने पनि बताए ।
जारी संविधानले सबै जातजाति, धर्म सस्कृति, क्षेत्र, हक अधिकारलाई सम्बोधन गरेको दाबी गर्दै सस्तो, मिथ्या, गलत प्रचारको पछि नलाग्न असन्तुष्ट दलहरूलाई आग्रह गरेका थिए । एमालेका कार्यकर्ता, समर्थक, शुभेच्छुक जस्तोसुकै सा¥होगा¥हो परिस्थितिमा पनि डगमगाउँदैनन्, विचलित हुँदैनन् । एमाले जनताको पार्टी हो भन्दै एमाले पहिले, अहिले पनि र जहिले पनि देश, जनताको पक्षमा रहेको छ र रहन्छ उनले भने । नेकपा एमाले औचित्यको आधारमा संशोधन गर्न तयार रहेको बताउँदै नेता न्यौपानेले सत्तारूढ दलले संविधान संशोधनको औचित्य पुष्टि गर्नुपर्ने बताए । केही सभासद्को असन्तुष्टिले जारी संविधान कार्यान्वयनमा बाधा पुगेको अवस्थामा एमाले, राप्रपा नेपाल र अन्य साना दलसमेत तयार भइ नसकेको अवस्थामा संशोधन र कार्यान्वयन कसरी हुन सक्छ ? उनले प्रश्न गरे ।
प्रमुख अतिथि न्यौपानेले सत्तारूढ दलहरूले आप्mनों पार्टीसँग अहिलेसम्म जारी संविधान संशोधनबारे कुनै संवाद नगरेको खुलासा गर्दै उनले एमालेसँग पनि कसैले कुरा नगरेको तर प्रस्ताव आयो भने प्रतिक्रिया दिने उनले बताए । विभिन्न राजनीतिक पार्टी परित्याग गरी करिब चार दर्जन एमालेमा प्रवेश गरेको एमाले पार्टी कार्यालय, बाराले जनाएको छ ।
सो समारोह्मा एमाले स्थायी कमिटी सदस्य एवं प्रदेश नम्बर २ का संयोजक सत्यनारायण मण्डल, सहसंयोजक नागेन्द्र चौधरी, केन्द्रीय सदस्य एवं नारायणी अञ्चल इन्चार्ज केदार न्यौपाने, दिनेश राई, सांसद्हरू पुरुषोत्तम पौडेल , नेजमा खातुन, बलवीर चौधरी, राजकुमार गुप्ता, रामचन्द्र साह, अच्युत मैनालीलगायत बारा, पर्सा, रौतहट र सर्लाही जिल्लाका एमाले नेताहरूको सहभागिता थियो । ्
कार्यक्रममा विभिन्न दलका प्रमुख एवं प्रतिनिधिहरूले शुभकामना व्यक्त गरेका थिए ।
नेकपा एमाले जिल्ला कमिटी बाराका कार्यवााहक अध्यक्ष त्रिलोकी चौधरीको अध्यक्षतामा सम्पन्न उद्घाटन कार्यक्रमको सञ्चालन अद्यानन्द पाण्डेयले गरेका थिए । पूर्व प्रधानमन्त्री एंव एमाले अध्यक्ष केपी ओली आउने प्रचारप्रसार गरिए पनि आएनन् ।
अध्यक्ष ओली कोल्भी आउने प्रचार गरिएसँगै थारू कल्याणकारीसभा बारा, मधेसवादी दलले विरोधस्वरूप कालो झन्डा देखाउने कार्यक्रम बनाएको थारू कल्याणकारी सभा बाराका सचिव यादवकृष्ण चौधरीले जानकारी दिए । अध्यक्ष ओली आउने भनिएसँगै कार्यक्रमस्थल आसपास सादा पोशाकका प्रहरी, नेपाल प्रहरी, सशस्त्र प्रहरीले कडा सुरक्षा ब्यवस्था मिलाएको थियो ।
