प्रस, वीरगंज, १५ चैत/
एकीकृत माओवादी नेतृत्वको ३० दलीय मोर्चाले आज वीरगंजमा लाठी जुलुस प्रदर्शन गर्यो ।
घण्टाघरबाट निस्केको लाठी जुलुसमा सहभागीहरूको लाठी खोस्ने क्रममा माईस्थान चोकमा प्रहरी र आन्दोलनकारीबीच भएको सामान्य झडपमा प्रहरीतर्फ दुईजना र आन्दोलनकारीतर्फ करिब ८ जना घाइते भएको बताइएको छ । जिप्रका पर्साले माईस्थान चोकमा प्रदर्शनकारीहरूले प्रहरीलाई निशाना बनाएर लाठी प्रहार गरेको र सोबाट प्रहरी निरीक्षक बिजुली भुँजेल र प्रज सन्तोष पटेल घाइते भएको प्रहरी प्रवक्ता वीरबहादुर ओलीले बताए । उनले ५७ वटा लाठी प्रहरीले नियन्त्रणमा लिएको जानकारी गराएका छन् ।
यता प्रदर्शनकारीहरूमध्ये ८ जना घाइते भएका मोर्चाका पर्सा संयोजक प्रदीप यादवले बताएका छन् ।
उनले आफूसमेत रामसपाका केन्द्रीय सदस्य राजेशमान सिंह, सद्भावना पार्टी पर्साका अध्यक्ष इमदाद गद्दी, इन्द्रकान्त दास, बाबूराम कौशिक, सन्तोष पासवान, गगनदेव पटेल, ओमप्रकाश साह, मुख्तार अन्सारी, पिन्टु उपाध्याय र वकिल मियाँलगायत सामान्य घाइते भएको बताए ।
अध्यक्ष यादवले प्रदर्शनकारीहरूले शान्तिपूर्ण तरिकाले लाठी जुलुस निकालेकोमा प्रहरीले माईस्थानमा लाठी खोस्ने क्रममा प्रदर्शनकारीहरूसँग भीडन्त भएको बताए । उनले शान्तिपूर्ण जुलुसमा प्रहरी दमनको प्रतिकारस्वरूप सामान्य भीडन्त भएको बताएका छन् ।
भीडन्तपछि नगर परिक्रमा गरेको लाठी जुलुसले पुन: घण्टाघरमा कोणसभा गरेको थियो । फोरम नेपाल पर्साका अध्यक्ष प्रदीप यादवको अध्यक्षतामा सम्पन्न कोणसभालाई राष्टिय मधेस समाजवादी पार्टीका केन्द्रीय सदस्य राजेशमान सिंह, फोरम लोकतान्त्रिकका जिल्ला अध्यक्ष हरेन्द्र सिंह, तराई–मधेस लोकतान्त्रिक पार्टीका जिल्ला अध्यक्ष रमतुल्लाह खान, सद्भावना पार्टीका जिल्ला अध्यक्ष इमदाद गद्दी, एकीकृत नेकपा माओवादीका बाबूराम कौशिकले प्रहरी ज्यादती भएको बताउँदै प्रहरीले आचरणमा सुधार नगरे थप सङ्घर्ष गर्ने बताए ।
अब आन्दोलन रोकिंदैन
सिकेन्द्र पासवान, कलैया/
मधेसी जन अधिकार फोरम नेपालका महासचिव रामसहाय यादवले अब कसैले चाहेर पनि आन्दोलन नरोकिने बताएका छन् ।
३० दलीय मोर्चाले कलैयामा निकालेको लाठी जुलुसपछि आयोजित कोणसभालाई सम्बोधन गर्दै यादवले मधेसको उपलब्धिहरू अब नेपाली काङ्ग्रेस र एमालेले दबाउन नसक्ने उनको कथन थियो ।
विभिन्न कालखण्डमा भएका विभिन्न आन्दोलनका उपलिब्धहरू संस्थागत गर्न मोर्चाले चरणबद्ध आन्दोलन थालनी गरेको भए पनि सरकारले बल प्रयोग गरेर आन्दोलन दबाउने दुष्प्रयास गर्यो भने मोर्चाले डटेर सामना गर्ने उनले बताए । मुलुकमा अहिले दण्डहीनता बढेको, शान्तिसुरक्षा कायम हुन नसकेको बलात्कार, हत्या, हिंसा बढिरहे पनि वर्तमान सरकारले नियन्त्रण गर्न नसक्नु सरकारको नालायकीपन भएको उनले बताएका थिए । सोही सभालाई सम्बोधन गर्दै तमलोपाका सहमहामन्त्री जितेन्द्र सोनलले सहमतिमैं संविधान जारी गर्न सत्तापक्षलाई आग्रह गरे । बहुमतको दम्भमा संविधान जारी गर्न खोजे त्यसको नतिजा भयावह हुने उनले बताए ।
मधेसी जन अधिकार फोरम लोकतानित्रकका जिल्ला अध्यक्ष ओमप्रकाश चौधरीको नेतृत्वमा निस्केको लाठी जुलुस नगरको विभिन्न भागमा प्रदर्शन गरी भरतचोकमा आएर कोणसभामा परिणत भएको थियो । सभालाई पूर्व भौतिक योजना तथा निर्माण सहायकमन्त्री कलावती पासवान, सभासद् दिलमाया धामी, पूर्वसभासद् प्रमोद गुप्ता, राष्ट्रिय मसपाका केन्द्रीय सचिव पारस साह, तमलोपाका केन्द्रीय सदस्यद्वय जितेन्द्र सिह, नवलकिशोर सिह, श्याम गुप्ता, एमाओवादीका केन्द्रीय सदस्य क्षेत्रबहादुर श्रेष्ठ, युवा नेताहरू मिश्री सहनी, सचितानन्द यादव, मुकेश साह, रामकिशोर यादव, धुरी साह, रामबाबू यादवलगायतले अब मधेसको अधिकार कसैले रोकेर नरोकिने कुरामा जोड दिएका थिए ।
प्रहरी र प्रदर्शनकारीबीच केही बेर घम्साघम्सी भएको थियो । आज व्यापक रूपमा सुरक्षाकर्मी परिचालन गरिएको थियो ।
मोर्चाले राष्ट्रिय पत्रिका जलाएप्रस, रौतहट/
३० दलीय मोर्चाका कार्यकर्ताहरूले आज कान्तिपुर दैनिकलगायत राष्ट्रिय पत्रपत्रिका जलाएका छन् । मालपोत कार्यालय तथा नापी शाखाको सेवा केन्द्र चन्द्रपुरमा सारिएको निर्णय खारेज गर्न माग गर्दै जारी रिले अनशन सम्बन्धी कान्तिपुर दैनिकलगायत राष्ट्रिय पत्रपत्रिकाले समाचार प्रकाशन नगरेको विरोधमा पत्रिका जलाइएको हो ।
नेपाल पत्रकार महासङ्घ जिल्ला कार्य समिति रौतहटले पत्रिका जलाउने कार्यको घोर भत्र्सना गरेको छ । महासङ्घका अध्यक्ष शैलेन्द्रकुमार गुप्ताद्वारा हस्ताक्षरित प्रेस विज्ञप्तिमा समाचार आउँदा ठीक नआउँदा पत्रपत्रिका जलाउने परिपाटी बस्दै आएकोमा त्यस्ता क्रियाकलाप नगर्न सम्बन्धित पक्षको ध्यानाकर्षण गराएको उल्लेख छ ।
यसै गरी ३० दलीय मोर्चाको लाठी जुलुसमा आज भएको दोहरो भिडन्तमा दुईजना आन्दोलनकारी घाइते भएका छन भने एकजना सुरक्षाकर्मी घाइते भएका छन् । घाइते हुनेमा एकीकृत माओवादीका जिल्ला इन्चार्ज तथा केन्द्रीय सदस्य उपेन्द्र प्रसाद साह, फोरम नेपालका श्रीभगवान पटेल घाइते भएका हुन् भने जिल्ला प्रहरी कार्यालय, रौतहटका प्रहरी जवान रामबाबू यादव घाइते भएको जिल्ला अस्पतालले जनाएको छ । लाठी जुलुस प्रदर्शन गर्न प्रहरीले रोक लगाएपछि दोहरो झडप भएको थियो ।
लाठी जुलुसमा सहभागी कार्यकर्ताहरूले गौर सदरमुकामको विभिन्न भागको परिक्रमा गर्दै सहमतिको सविधान निर्माण गर, सेवा केन्द्रको नाममा सारिएको निर्णय खारेज गरजस्ता नारा लगाउँदै परिक्रमा गरेका थिए । नगरका विभिन्न चोकमा प्रहरी परिचालन गरे पनि लाठी जुलुसमा रोक लगाउन सकेन ।
एकीकृत माओवादी नेतृत्वको ३० दलीय मोर्चाले आज वीरगंजमा लाठी जुलुस प्रदर्शन गर्यो ।
घण्टाघरबाट निस्केको लाठी जुलुसमा सहभागीहरूको लाठी खोस्ने क्रममा माईस्थान चोकमा प्रहरी र आन्दोलनकारीबीच भएको सामान्य झडपमा प्रहरीतर्फ दुईजना र आन्दोलनकारीतर्फ करिब ८ जना घाइते भएको बताइएको छ । जिप्रका पर्साले माईस्थान चोकमा प्रदर्शनकारीहरूले प्रहरीलाई निशाना बनाएर लाठी प्रहार गरेको र सोबाट प्रहरी निरीक्षक बिजुली भुँजेल र प्रज सन्तोष पटेल घाइते भएको प्रहरी प्रवक्ता वीरबहादुर ओलीले बताए । उनले ५७ वटा लाठी प्रहरीले नियन्त्रणमा लिएको जानकारी गराएका छन् ।
यता प्रदर्शनकारीहरूमध्ये ८ जना घाइते भएका मोर्चाका पर्सा संयोजक प्रदीप यादवले बताएका छन् ।
उनले आफूसमेत रामसपाका केन्द्रीय सदस्य राजेशमान सिंह, सद्भावना पार्टी पर्साका अध्यक्ष इमदाद गद्दी, इन्द्रकान्त दास, बाबूराम कौशिक, सन्तोष पासवान, गगनदेव पटेल, ओमप्रकाश साह, मुख्तार अन्सारी, पिन्टु उपाध्याय र वकिल मियाँलगायत सामान्य घाइते भएको बताए ।
अध्यक्ष यादवले प्रदर्शनकारीहरूले शान्तिपूर्ण तरिकाले लाठी जुलुस निकालेकोमा प्रहरीले माईस्थानमा लाठी खोस्ने क्रममा प्रदर्शनकारीहरूसँग भीडन्त भएको बताए । उनले शान्तिपूर्ण जुलुसमा प्रहरी दमनको प्रतिकारस्वरूप सामान्य भीडन्त भएको बताएका छन् ।
भीडन्तपछि नगर परिक्रमा गरेको लाठी जुलुसले पुन: घण्टाघरमा कोणसभा गरेको थियो । फोरम नेपाल पर्साका अध्यक्ष प्रदीप यादवको अध्यक्षतामा सम्पन्न कोणसभालाई राष्टिय मधेस समाजवादी पार्टीका केन्द्रीय सदस्य राजेशमान सिंह, फोरम लोकतान्त्रिकका जिल्ला अध्यक्ष हरेन्द्र सिंह, तराई–मधेस लोकतान्त्रिक पार्टीका जिल्ला अध्यक्ष रमतुल्लाह खान, सद्भावना पार्टीका जिल्ला अध्यक्ष इमदाद गद्दी, एकीकृत नेकपा माओवादीका बाबूराम कौशिकले प्रहरी ज्यादती भएको बताउँदै प्रहरीले आचरणमा सुधार नगरे थप सङ्घर्ष गर्ने बताए ।
अब आन्दोलन रोकिंदैन
सिकेन्द्र पासवान, कलैया/
मधेसी जन अधिकार फोरम नेपालका महासचिव रामसहाय यादवले अब कसैले चाहेर पनि आन्दोलन नरोकिने बताएका छन् ।
३० दलीय मोर्चाले कलैयामा निकालेको लाठी जुलुसपछि आयोजित कोणसभालाई सम्बोधन गर्दै यादवले मधेसको उपलब्धिहरू अब नेपाली काङ्ग्रेस र एमालेले दबाउन नसक्ने उनको कथन थियो ।
विभिन्न कालखण्डमा भएका विभिन्न आन्दोलनका उपलिब्धहरू संस्थागत गर्न मोर्चाले चरणबद्ध आन्दोलन थालनी गरेको भए पनि सरकारले बल प्रयोग गरेर आन्दोलन दबाउने दुष्प्रयास गर्यो भने मोर्चाले डटेर सामना गर्ने उनले बताए । मुलुकमा अहिले दण्डहीनता बढेको, शान्तिसुरक्षा कायम हुन नसकेको बलात्कार, हत्या, हिंसा बढिरहे पनि वर्तमान सरकारले नियन्त्रण गर्न नसक्नु सरकारको नालायकीपन भएको उनले बताएका थिए । सोही सभालाई सम्बोधन गर्दै तमलोपाका सहमहामन्त्री जितेन्द्र सोनलले सहमतिमैं संविधान जारी गर्न सत्तापक्षलाई आग्रह गरे । बहुमतको दम्भमा संविधान जारी गर्न खोजे त्यसको नतिजा भयावह हुने उनले बताए ।
मधेसी जन अधिकार फोरम लोकतानित्रकका जिल्ला अध्यक्ष ओमप्रकाश चौधरीको नेतृत्वमा निस्केको लाठी जुलुस नगरको विभिन्न भागमा प्रदर्शन गरी भरतचोकमा आएर कोणसभामा परिणत भएको थियो । सभालाई पूर्व भौतिक योजना तथा निर्माण सहायकमन्त्री कलावती पासवान, सभासद् दिलमाया धामी, पूर्वसभासद् प्रमोद गुप्ता, राष्ट्रिय मसपाका केन्द्रीय सचिव पारस साह, तमलोपाका केन्द्रीय सदस्यद्वय जितेन्द्र सिह, नवलकिशोर सिह, श्याम गुप्ता, एमाओवादीका केन्द्रीय सदस्य क्षेत्रबहादुर श्रेष्ठ, युवा नेताहरू मिश्री सहनी, सचितानन्द यादव, मुकेश साह, रामकिशोर यादव, धुरी साह, रामबाबू यादवलगायतले अब मधेसको अधिकार कसैले रोकेर नरोकिने कुरामा जोड दिएका थिए ।
प्रहरी र प्रदर्शनकारीबीच केही बेर घम्साघम्सी भएको थियो । आज व्यापक रूपमा सुरक्षाकर्मी परिचालन गरिएको थियो ।
मोर्चाले राष्ट्रिय पत्रिका जलाएप्रस, रौतहट/
३० दलीय मोर्चाका कार्यकर्ताहरूले आज कान्तिपुर दैनिकलगायत राष्ट्रिय पत्रपत्रिका जलाएका छन् । मालपोत कार्यालय तथा नापी शाखाको सेवा केन्द्र चन्द्रपुरमा सारिएको निर्णय खारेज गर्न माग गर्दै जारी रिले अनशन सम्बन्धी कान्तिपुर दैनिकलगायत राष्ट्रिय पत्रपत्रिकाले समाचार प्रकाशन नगरेको विरोधमा पत्रिका जलाइएको हो ।
नेपाल पत्रकार महासङ्घ जिल्ला कार्य समिति रौतहटले पत्रिका जलाउने कार्यको घोर भत्र्सना गरेको छ । महासङ्घका अध्यक्ष शैलेन्द्रकुमार गुप्ताद्वारा हस्ताक्षरित प्रेस विज्ञप्तिमा समाचार आउँदा ठीक नआउँदा पत्रपत्रिका जलाउने परिपाटी बस्दै आएकोमा त्यस्ता क्रियाकलाप नगर्न सम्बन्धित पक्षको ध्यानाकर्षण गराएको उल्लेख छ ।
यसै गरी ३० दलीय मोर्चाको लाठी जुलुसमा आज भएको दोहरो भिडन्तमा दुईजना आन्दोलनकारी घाइते भएका छन भने एकजना सुरक्षाकर्मी घाइते भएका छन् । घाइते हुनेमा एकीकृत माओवादीका जिल्ला इन्चार्ज तथा केन्द्रीय सदस्य उपेन्द्र प्रसाद साह, फोरम नेपालका श्रीभगवान पटेल घाइते भएका हुन् भने जिल्ला प्रहरी कार्यालय, रौतहटका प्रहरी जवान रामबाबू यादव घाइते भएको जिल्ला अस्पतालले जनाएको छ । लाठी जुलुस प्रदर्शन गर्न प्रहरीले रोक लगाएपछि दोहरो झडप भएको थियो ।
लाठी जुलुसमा सहभागी कार्यकर्ताहरूले गौर सदरमुकामको विभिन्न भागको परिक्रमा गर्दै सहमतिको सविधान निर्माण गर, सेवा केन्द्रको नाममा सारिएको निर्णय खारेज गरजस्ता नारा लगाउँदै परिक्रमा गरेका थिए । नगरका विभिन्न चोकमा प्रहरी परिचालन गरे पनि लाठी जुलुसमा रोक लगाउन सकेन ।