प्रस, वीरगंज, १५ जेठ/
सातौं गणतन्त्र दिवसको अवसरमा आज वीरगंज, घण्टाघरमा नागरिकको गणतन्त्र दिवस मनाइएको छ ।
जवाफदेहिताको लागि युवा अभियानको आयोजना तथा विकास नेपाल पर्सा र नेपाल पत्रकार महासङ्घ पर्साको समन्वयमा घण्टाघरमा आयोजित कार्यक्रमका प्रमुख अतिथि पर्साका प्रमुख जिल्ला अधिकारी कैलाशकुमार बजिमयले जनाताको बलबाट ल्याइएको परिवर्तनलाई उत्कर्षमा पुर्याएर गणतन्त्र स्थापना भए पनि संस्थागत हुन नसक्दा नेपाली जनता निराश भएको बताए । उनले राष्ट्रको परिवर्तन र हितको लागि शहीदहरूले देखाएको बाटो बिर्से फेरि तानाशाह जन्मने खतरा रहेको बताए ।
नेपाल पत्रकार महासङ्घका केन्द्रीय सदस्य एवं मध्यमाञ्चल संयोजक शीतल महतोले गणतन्त्र ल्याउन वीरगंजको उल्लेखनीय योगदान रहेको चर्चा गरे । उनले गणतन्त्र जोगाउन पनि यस क्षेत्रका जनताको योगदान उत्तिकै हुनुपर्ने बताए । महतोले जनताको बलमा स्थापित गणतन्त्रमा शहीद परिवार र घाइतेहरूले अहिले पनि राहत नपाएकोमा तत्काल राहत उपलब्ध गराएर गणतन्त्रको अनुभूति दिन माग गरे । पत्रकार महासङ्घका अध्यक्ष श्याम बञ्जाराले जनता सामु वाचा गरे अनुसार राजनीतिक दलका नेताहरूले गरेको प्रतिबद्धताभन्दा पनि जनताको घरघरमा गणतन्त्रको आभास भएको हेर्न चाहेको बताए । उनले सञ्चारकर्मीहरूको तर्फबाट खेल्नुपर्ने भूमिकाको लागि पत्रकार महासङ्घ सदैव क्रियाशील रहने प्रतिबद्धता जाहेर गरे । कार्यक्रममा नेपाल मानव अधिकार स·ठन पर्साका अध्यक्ष कमलमोहन पोखरेलले मेलमिलापको नीति लिएर संविधान निर्माण गर्नुपर्ने र संविधान निर्माणपछि नै देश विकासले गति लिने बताए । नेपाल रेडक्रस पर्साका सभापति एवं विकास नेपाल पर्साका अध्यक्ष फूलमहम्मद मियाँले जनतामा अझै गणतन्त्र स्थापना भएको अनुभूति हुन नसकेको बताए ।
कार्यक्रममा पर्साका प्रजिअ कैलाशकुमार बजिमयले जनान्दोलन २०६३ मा शहादत प्राप्त गरेका बाराका हीरालाल गौतमकी घर्मपत्नी गायत्री देवी गौतमलाई दोसल्ला ओढाएर सम्मान गरेका थिए ।
जवाफदेहिताको लागि युवा अभियानका संयोजक शिवनाथ यादवको अध्यक्षतामा सम्पन्न कार्यक्रममा पत्रकार महासङ्घ पर्साका पूर्व अध्यक्ष केसी लामिछाने, सदस्य मायामितु न्यौपाने, सुरेश विडारी, कविता खड्कालगायतले मन्तव्य व्यक्त गरेका थिए ।
कार्यक्रमको संयोजन नीरज पीठाकोठेले गरेका थिए ।
दुई माओवादी निकट विद्यार्थीको एउटै कार्यक्रम
गणतन्त्र दिवसको अवसरमा एमाओवादी र नेकपा–माओवादी निकट विद्यार्थी स·ठनले संयुक्त कार्यक्रम गरेका छन् । अखिल क्रान्तिकारी र अनेरास्ववियु क्रान्तिकारीले आज साँझ ठाकुर राम बहुमुखी क्याम्पस परिसरमा संयुक्तरूपमा मैनबत्ती बालि गणतन्त्र दिवस मनाए ।
सो अवसरमा विद्यार्थी नेताहरू प्रभाकर गुप्ता, राकेश यादव, सन्तोष घिमिरे, ठाराब स्ववियुका निवर्तमान सभापति मुकेश द्विवेदीलगायतले सम्बोधन गरेका थिए । कार्यक्रममा दुवै माओवादी निकट विद्यार्थी नेताले यथाशीघ्र दुई दलबीच एकीकरण हुनुपर्नेमा जोड दिएका थिए । वामपन्थी एकताबिना समाज परिवर्तन सम्भव नभएको उनीहरूको धारणा थियो ।
पथलैया वृद्धाश्रमलाई खाद्यान्न
प्रस, जीतपुर/
गणतन्त्र दिवसको पूर्व संध्यामा सञ्चालनमा आएको गढीमाई नगरपालिका कार्यालय, जीतपुरका कार्यकारी अधिकृत कृष्णप्रसाद चापागाईं, सशस्त्र प्रहरी बल सुरक्षा बेस क्याम्प जीतपुरका प्रमुख नरेन्द्र सिंह धामी, इलाका प्रहरी कार्यालय जीतपुरका प्रमुख अरुणकुमार कुशवाहाले गणतन्त्र दिवसको अवसरमा पथलैयास्थित जेष्ठ नागरिक वृद्धाश्रमलाई रु १५ हजार मूल्य बराबरको खाद्यान्न एक समारोहबीच आज वितरण गरेको छ ।
गणतान्त्रिक मुलुकमा जेष्ठ नागरिक तथा वृद्धवृद्धाहरूलाई सम्मानसहित राहत सामग्री वितरण गर्नु यस भेगकै लागि प्रशंसनीय कार्य भएको पथलैया विकास समितिका अध्यक्ष रामदास धौजुले बताए ।
फलफूल वितरण
सिकेन्द्र पासवान, कलैया/
सातौ गणतन्त्र दिवसको अवसर पारेर जिल्ला विकास समिति बाराले कलैया अस्पतालमा बिरामीहरूलाई फलफुल वितरण गरेको छ ।
प्रमुख जिल्ला अधिकारी परशुराम अर्यालको प्रमुख आतिथ्यमा सम्पन्न फलफूल वितरण कार्यक्रममा बारा नागरिक समाजका अध्यक्ष सुखप्रसाद चौधरी, जिल्ला विकास समितिका निमित्त स्थानीय विकास अधिकारी जितेन्द्र कर्ण, अस्पतालका प्रमुख डा. सुन्दरश्याम झा, विभिन्न राजनीतिक दलका प्रतिनिधिहरू, सरकारी कार्यालयका प्रमुखहरूको सहभागितामा फलफूल वितरण गरिएको जिल्ला विकास समितिका नायब सुब्बा बद्री बहादुर थापाले जानकारी गराए ।
उनका अनुसार बेलुका सम्पूर्ण सरकारी कार्यालयहरूमा दिपावली गरी गणतन्त्र दिवस मनाउन प्रमुख जिल्ला अधिकारी अर्यालले कार्यालय प्रमुखहरूलाई निर्देशन दिएका थिए ।
सातौं गणतन्त्र दिवसको अवसरमा आज वीरगंज, घण्टाघरमा नागरिकको गणतन्त्र दिवस मनाइएको छ ।
जवाफदेहिताको लागि युवा अभियानको आयोजना तथा विकास नेपाल पर्सा र नेपाल पत्रकार महासङ्घ पर्साको समन्वयमा घण्टाघरमा आयोजित कार्यक्रमका प्रमुख अतिथि पर्साका प्रमुख जिल्ला अधिकारी कैलाशकुमार बजिमयले जनाताको बलबाट ल्याइएको परिवर्तनलाई उत्कर्षमा पुर्याएर गणतन्त्र स्थापना भए पनि संस्थागत हुन नसक्दा नेपाली जनता निराश भएको बताए । उनले राष्ट्रको परिवर्तन र हितको लागि शहीदहरूले देखाएको बाटो बिर्से फेरि तानाशाह जन्मने खतरा रहेको बताए ।
नेपाल पत्रकार महासङ्घका केन्द्रीय सदस्य एवं मध्यमाञ्चल संयोजक शीतल महतोले गणतन्त्र ल्याउन वीरगंजको उल्लेखनीय योगदान रहेको चर्चा गरे । उनले गणतन्त्र जोगाउन पनि यस क्षेत्रका जनताको योगदान उत्तिकै हुनुपर्ने बताए । महतोले जनताको बलमा स्थापित गणतन्त्रमा शहीद परिवार र घाइतेहरूले अहिले पनि राहत नपाएकोमा तत्काल राहत उपलब्ध गराएर गणतन्त्रको अनुभूति दिन माग गरे । पत्रकार महासङ्घका अध्यक्ष श्याम बञ्जाराले जनता सामु वाचा गरे अनुसार राजनीतिक दलका नेताहरूले गरेको प्रतिबद्धताभन्दा पनि जनताको घरघरमा गणतन्त्रको आभास भएको हेर्न चाहेको बताए । उनले सञ्चारकर्मीहरूको तर्फबाट खेल्नुपर्ने भूमिकाको लागि पत्रकार महासङ्घ सदैव क्रियाशील रहने प्रतिबद्धता जाहेर गरे । कार्यक्रममा नेपाल मानव अधिकार स·ठन पर्साका अध्यक्ष कमलमोहन पोखरेलले मेलमिलापको नीति लिएर संविधान निर्माण गर्नुपर्ने र संविधान निर्माणपछि नै देश विकासले गति लिने बताए । नेपाल रेडक्रस पर्साका सभापति एवं विकास नेपाल पर्साका अध्यक्ष फूलमहम्मद मियाँले जनतामा अझै गणतन्त्र स्थापना भएको अनुभूति हुन नसकेको बताए ।
कार्यक्रममा पर्साका प्रजिअ कैलाशकुमार बजिमयले जनान्दोलन २०६३ मा शहादत प्राप्त गरेका बाराका हीरालाल गौतमकी घर्मपत्नी गायत्री देवी गौतमलाई दोसल्ला ओढाएर सम्मान गरेका थिए ।
जवाफदेहिताको लागि युवा अभियानका संयोजक शिवनाथ यादवको अध्यक्षतामा सम्पन्न कार्यक्रममा पत्रकार महासङ्घ पर्साका पूर्व अध्यक्ष केसी लामिछाने, सदस्य मायामितु न्यौपाने, सुरेश विडारी, कविता खड्कालगायतले मन्तव्य व्यक्त गरेका थिए ।
कार्यक्रमको संयोजन नीरज पीठाकोठेले गरेका थिए ।
दुई माओवादी निकट विद्यार्थीको एउटै कार्यक्रम
गणतन्त्र दिवसको अवसरमा एमाओवादी र नेकपा–माओवादी निकट विद्यार्थी स·ठनले संयुक्त कार्यक्रम गरेका छन् । अखिल क्रान्तिकारी र अनेरास्ववियु क्रान्तिकारीले आज साँझ ठाकुर राम बहुमुखी क्याम्पस परिसरमा संयुक्तरूपमा मैनबत्ती बालि गणतन्त्र दिवस मनाए ।
सो अवसरमा विद्यार्थी नेताहरू प्रभाकर गुप्ता, राकेश यादव, सन्तोष घिमिरे, ठाराब स्ववियुका निवर्तमान सभापति मुकेश द्विवेदीलगायतले सम्बोधन गरेका थिए । कार्यक्रममा दुवै माओवादी निकट विद्यार्थी नेताले यथाशीघ्र दुई दलबीच एकीकरण हुनुपर्नेमा जोड दिएका थिए । वामपन्थी एकताबिना समाज परिवर्तन सम्भव नभएको उनीहरूको धारणा थियो ।
पथलैया वृद्धाश्रमलाई खाद्यान्न
प्रस, जीतपुर/
गणतन्त्र दिवसको पूर्व संध्यामा सञ्चालनमा आएको गढीमाई नगरपालिका कार्यालय, जीतपुरका कार्यकारी अधिकृत कृष्णप्रसाद चापागाईं, सशस्त्र प्रहरी बल सुरक्षा बेस क्याम्प जीतपुरका प्रमुख नरेन्द्र सिंह धामी, इलाका प्रहरी कार्यालय जीतपुरका प्रमुख अरुणकुमार कुशवाहाले गणतन्त्र दिवसको अवसरमा पथलैयास्थित जेष्ठ नागरिक वृद्धाश्रमलाई रु १५ हजार मूल्य बराबरको खाद्यान्न एक समारोहबीच आज वितरण गरेको छ ।
गणतान्त्रिक मुलुकमा जेष्ठ नागरिक तथा वृद्धवृद्धाहरूलाई सम्मानसहित राहत सामग्री वितरण गर्नु यस भेगकै लागि प्रशंसनीय कार्य भएको पथलैया विकास समितिका अध्यक्ष रामदास धौजुले बताए ।
फलफूल वितरण
सिकेन्द्र पासवान, कलैया/
सातौ गणतन्त्र दिवसको अवसर पारेर जिल्ला विकास समिति बाराले कलैया अस्पतालमा बिरामीहरूलाई फलफुल वितरण गरेको छ ।
प्रमुख जिल्ला अधिकारी परशुराम अर्यालको प्रमुख आतिथ्यमा सम्पन्न फलफूल वितरण कार्यक्रममा बारा नागरिक समाजका अध्यक्ष सुखप्रसाद चौधरी, जिल्ला विकास समितिका निमित्त स्थानीय विकास अधिकारी जितेन्द्र कर्ण, अस्पतालका प्रमुख डा. सुन्दरश्याम झा, विभिन्न राजनीतिक दलका प्रतिनिधिहरू, सरकारी कार्यालयका प्रमुखहरूको सहभागितामा फलफूल वितरण गरिएको जिल्ला विकास समितिका नायब सुब्बा बद्री बहादुर थापाले जानकारी गराए ।
उनका अनुसार बेलुका सम्पूर्ण सरकारी कार्यालयहरूमा दिपावली गरी गणतन्त्र दिवस मनाउन प्रमुख जिल्ला अधिकारी अर्यालले कार्यालय प्रमुखहरूलाई निर्देशन दिएका थिए ।