- डा. रमेश मिश्र
मधुमेह रोगीहरूमा यौन समस्या आजभोलि धेरै देखा परिरहेको छ । यो समस्याले लोग्ने र स्वास्नीबीच केही अप्ठ्यारो, केही कष्ट, केही नैराश्य र केही अस्वस्थ वातावरण बनिरहेको छ । पुरुषहरूमा देखा पर्ने यौन समस्याहरूमा यौन उत्तेजनामा कमी, वीर्य स्खलनमा समस्या, सम्भोग इच्छामा कमी आदि हुन् । यी समस्याहरूमध्ये यौन उत्तेजनामा कमी मुख्य हो । यो समस्या उमेर ढल्कँदै जाँदा हुने समस्या भएकोले खासमा मधुमेहको कारणले हो कि उमेरको कारणले, रोगीको उमेर र रोगको अवस्था निर्धारण गरेर छुटयाउन सकिन्छ । प्राय: दुईजना मधुमेह रोगीमध्ये एकजनालाई यौन समस्याले सताएकै हुन्छ ।
यौन उत्तेजनामा कमी इरेक्टाइल डिस्अर्डर डायबिटिजमा टोटल कोलेस्ट्रोल बढी भई एसडिएल कोलेस्ट्रोल कमी भइरहेको हुन्छ । प्राय: शुरुदेखि ५ वर्षसम्म पनि मधुमेह रोगीहरूले ग्लुकोज नियन्त्रणमा नलिए यो समस्या देखापर्छ तर यो जुनसुकै उमेरमा पनि हुन सक्छ । साथै यिनीहरूमा कामवासनामा पनि कमी हुँदै जान्छ ।
प्राय: मधुमेह भएका बिरामीहरू यौन क्रियाकलापमा एकदम कमी महसुस गरी चिकित्सककहाँ पुग्छन् र जाँच गर्दा मधुमेह भएको पत्ता लाग्दछ । फेरि कसैकसैमा मधुमेह रोग लागेको केही महिनापछि नै यौन समस्या देखा पर्छ । बढी चिन्ता, तनाव, अल्कोहलको बढी सेवन, अवसाद कम गर्ने औषधिको सेवन, उच्च रक्तचाप कम गर्ने औषधिको सेवन, इस्टोजन र अरू हार्मोनयुक्त औषधिको सेवन पनि यस रोगको कारण हो ।
मधुमेह लागेका रोगीहरूलाई विस्तारै पहिले वीर्य निस्कनमा समस्या शुरु हुन्छ । अनि पछि गएर उत्तेजनामा कमी आउन थाल्छ । कोहीलाई वीर्य एकदम कम वा वीर्य नै नआउने हुन्छ ।
माथि उल्लिखित लक्षणहरू देखा परेमा चिकित्सकको सल्लाह अनुसार औषधि सेवन गर्नुपर्छ । जथाभावी प्रचारप्रसारको भरमा बिक्री हुने औषधि सेवन गर्नुहुँदैन । साथै योगी साधुहरूले प्रचारप्रसार गरेका औषधि सेवन गर्नुहुँदैन, जसलाई यस सम्बन्धी अनुभव र ज्ञान नै छैन । सबभन्दा पहिले मलाई ठूलो समस्या भयो भनेर भ्रममा पर्नुहुँदैन र आफूलाई कमजोर ठान्नुहुँदैन । कुपोषण छ भने कुपोषणको उपचार गर्नुपर्दछ । चिन्ता कम गर्ने अनि जोडीले सँगै उपचार गराउनुपर्छ । मधुमेह बढेको छ भने नियन्त्रणमा राख्नुपर्छ । चुरोट, अल्कोहलका साथै नशालु पदार्थबाट टाढा रहनुपर्छ । यौन सम्बन्धी आत्मविश्वास बढाउनुपर्छ । मनोवैज्ञानिक पद्धतिका साथसाथै निम्न आयुर्वेदिक औषधि र जडीबुटी चिकित्सकको सल्लाहअनुसार सेवन गर्नुपर्छ । टेनटेक्स, हिमकोलिन जेल, कौचबीच चूर्ण, अश्वगन्धा चूर्ण, जाइफल, सतावरी, अकरकरा, यार्सागुम्बा आदि । बढी चिल्लो, पीरो, गुलियो खाद्यवस्तु परहेज गर्नुपर्छ ।
– लेखक नेपाल आयुर्वेद चिकित्सा परिषद्का रजिस्ट्रार हुन् ।
मच।चबmभकजmष्कजचब२थबजयय।अयm
मधुमेह रोगीहरूमा यौन समस्या आजभोलि धेरै देखा परिरहेको छ । यो समस्याले लोग्ने र स्वास्नीबीच केही अप्ठ्यारो, केही कष्ट, केही नैराश्य र केही अस्वस्थ वातावरण बनिरहेको छ । पुरुषहरूमा देखा पर्ने यौन समस्याहरूमा यौन उत्तेजनामा कमी, वीर्य स्खलनमा समस्या, सम्भोग इच्छामा कमी आदि हुन् । यी समस्याहरूमध्ये यौन उत्तेजनामा कमी मुख्य हो । यो समस्या उमेर ढल्कँदै जाँदा हुने समस्या भएकोले खासमा मधुमेहको कारणले हो कि उमेरको कारणले, रोगीको उमेर र रोगको अवस्था निर्धारण गरेर छुटयाउन सकिन्छ । प्राय: दुईजना मधुमेह रोगीमध्ये एकजनालाई यौन समस्याले सताएकै हुन्छ ।
यौन उत्तेजनामा कमी इरेक्टाइल डिस्अर्डर डायबिटिजमा टोटल कोलेस्ट्रोल बढी भई एसडिएल कोलेस्ट्रोल कमी भइरहेको हुन्छ । प्राय: शुरुदेखि ५ वर्षसम्म पनि मधुमेह रोगीहरूले ग्लुकोज नियन्त्रणमा नलिए यो समस्या देखापर्छ तर यो जुनसुकै उमेरमा पनि हुन सक्छ । साथै यिनीहरूमा कामवासनामा पनि कमी हुँदै जान्छ ।
प्राय: मधुमेह भएका बिरामीहरू यौन क्रियाकलापमा एकदम कमी महसुस गरी चिकित्सककहाँ पुग्छन् र जाँच गर्दा मधुमेह भएको पत्ता लाग्दछ । फेरि कसैकसैमा मधुमेह रोग लागेको केही महिनापछि नै यौन समस्या देखा पर्छ । बढी चिन्ता, तनाव, अल्कोहलको बढी सेवन, अवसाद कम गर्ने औषधिको सेवन, उच्च रक्तचाप कम गर्ने औषधिको सेवन, इस्टोजन र अरू हार्मोनयुक्त औषधिको सेवन पनि यस रोगको कारण हो ।
मधुमेह लागेका रोगीहरूलाई विस्तारै पहिले वीर्य निस्कनमा समस्या शुरु हुन्छ । अनि पछि गएर उत्तेजनामा कमी आउन थाल्छ । कोहीलाई वीर्य एकदम कम वा वीर्य नै नआउने हुन्छ ।
माथि उल्लिखित लक्षणहरू देखा परेमा चिकित्सकको सल्लाह अनुसार औषधि सेवन गर्नुपर्छ । जथाभावी प्रचारप्रसारको भरमा बिक्री हुने औषधि सेवन गर्नुहुँदैन । साथै योगी साधुहरूले प्रचारप्रसार गरेका औषधि सेवन गर्नुहुँदैन, जसलाई यस सम्बन्धी अनुभव र ज्ञान नै छैन । सबभन्दा पहिले मलाई ठूलो समस्या भयो भनेर भ्रममा पर्नुहुँदैन र आफूलाई कमजोर ठान्नुहुँदैन । कुपोषण छ भने कुपोषणको उपचार गर्नुपर्दछ । चिन्ता कम गर्ने अनि जोडीले सँगै उपचार गराउनुपर्छ । मधुमेह बढेको छ भने नियन्त्रणमा राख्नुपर्छ । चुरोट, अल्कोहलका साथै नशालु पदार्थबाट टाढा रहनुपर्छ । यौन सम्बन्धी आत्मविश्वास बढाउनुपर्छ । मनोवैज्ञानिक पद्धतिका साथसाथै निम्न आयुर्वेदिक औषधि र जडीबुटी चिकित्सकको सल्लाहअनुसार सेवन गर्नुपर्छ । टेनटेक्स, हिमकोलिन जेल, कौचबीच चूर्ण, अश्वगन्धा चूर्ण, जाइफल, सतावरी, अकरकरा, यार्सागुम्बा आदि । बढी चिल्लो, पीरो, गुलियो खाद्यवस्तु परहेज गर्नुपर्छ ।
– लेखक नेपाल आयुर्वेद चिकित्सा परिषद्का रजिस्ट्रार हुन् ।
मच।चबmभकजmष्कजचब२थबजयय।अयm
