प्रस, वीरगंज, १५ जेठ/छैटौं गणतन्त्र दिवसको अवसरमा आज जिविस पर्सामा आयोजित अन्तक्र्रिया कार्यक्रममा प्रमुख अतिथि पर्साका प्रजिअ कैलाशकुमार बजिमयले अनुशासन, कर्तव्य र अधिकार बुझेको खण्डमा मात्र गणतन्त्र स्थापना हुने बताए ।
उनले कर्तव्यभन्दा बढी अधिकार खोज्ने प्रवृत्ति नेपालीमा बढेको भन्दै चिन्ता व्यक्त गरे । प्रजिअले राज्यले दिएको सीमित स्रोतसाधनबाट कर्मचारीहरूले गणतन्त्र स्थापनाका लागि कार्य गरिरहेका बताए ।
सो अवसरमा नेपाली काङ्ग्रेस पर्साका सभापति सुरेन्द्र चौधरीले गणतन्त्र प्रजातन्त्रको आधार स्तम्भ भएको बताए । उनले गणतन्त्रलाई संस्थागत गर्न विदेशीभन्दा पनि नेपालीको भूमिकालाई महत्त्व दिनुपर्नेमा जोड दिए । एमाओवादी पर्साका इन्चार्ज क्षेत्रबहादुर श्रेष्ठले गणतन्त्रको लागि सम्पूर्ण नेपाली एकसाथ अगाडि बढ्नुपर्ने बताए । उनले यसका लागि बहस आवश्यक भएको पनि बताए । कार्यक्रम जिविस पर्साका स्थानीय विकास अधिकारी गजेन्द्र ठाकुरको अध्यक्षतामा सम्पन्न भएको थियो । कार्यक्रममा वरिष्ठ प्रहरी उपरीक्षक सर्वेन्द्र खनाल, सशस्त्र वप्रउ नगेन्द्र थापा, प्रउ पीताम्बर अधिकारी, वीउमनपाका कार्यकारी अधिकृत ताराबहादुर कार्कीलगायतले मन्तव्य व्यक्त गरेका थिए । यसअघि गणतन्त्र दिवसको अवसरमा नाउक्षे अस्पतालका बिरामीहरू र जिल्ला बालकल्याण गृहका अनाथ बालबालिकाहरूलाई फलफूल वितरण गरिएको थियो ।
यसैगरी गणतन्त्र दिवसको अवसरमा आज नेपाली काङ्ग्रेस वीरगंज नगर कार्यसमितिले चियापान एवं रक्तदान कार्यक्रमको आयोजना गरेको थियो । नगर कार्यसमितिको कार्यालय महावीरस्थानमा आयोजित चियापान समारोहमा नेका पर्साका सभापति सुरेन्द्रप्रसाद चौधरी, नगर कार्यसमितिका सभापति महम्मद सहाबुद्दिन, पूर्वसभापति राजेन्द्रबहादुर अमात्य, महासमिति सदस्य ध्रुव नेपाल, महिला सङ्घकी केन्द्रीय सदस्य शान्ति कार्की, क्षेत्रीय सभापति श्याम पटेल, प्रकाश उपाध्यायलगायतले मन्तव्य व्यक्त गरेका थिए ।
रक्तदान कार्यक्रममा ३ महिलासहित ५५ जनाले रक्तदान गरेका रक्तसञ्चार केन्द्र वीरगंजका प्राविधिक धीरेन्द्र झाले बताए । रक्तदान कार्यक्रममा केन्द्रका आर्यन चौधरी र ब्लड डोनर्स एसोसिएसनका अरविन्द सिंहले सहयोग पुर्याएका थिए ।
त्यस्तै नगर कार्यसमितिले साँझ माईस्थान चोकमा दीप प्रज्वलन गरेको थियो ।
गणतन्त्र दिवसको अवसरमा लायन्स क्लब अफ वीरगंज होराइजन र करेन्ट ल्याङ्ग्वेज इन्स्टिच्युटले घण्टाघरमा मैनबत्ती प्रज्वलित गरेको थियो ।
यसैगरी नेकपा एमाले पर्सा क्षेत्र नं. २ ले गणतन्त्र दिवसको अवसरमा चियापान समारोहको आयोजना गरेको थियो । क्षेत्रीय अध्यक्ष विचारी यादवको अध्यक्षता एवं केन्द्रीय सदस्य रामचन्द्र साहको प्रमुख आतिथ्यमा सम्पन्न कार्यक्रममा चिरञ्जीवी आचार्य, बालगोपाल थापा, मिथिला पौडेल, डा. विश्वम्भर शर्मा, निर्मला भण्डारी, प्रेमा पौडेल, पुरेन्द्रकिशोर लाभ, बृज यादव, मेघराज पासवान, प्रभु पासवान, अरविन्द सिंह, अमानत अन्सारी, मञ्जुर आलम, सदन कुर्मी, किश्मतिया क्षेत्री, राजेन्द्र यादवलगायतले मन्तव्य व्यक्त गरेका थिए ।
त्यस्तै एमाले पर्सा क्षेत्र नं. ३ ले गणतन्त्र दिवसको अवसरमा प्रशिक्षण कार्यक्रम आयोजना गरेको थियो । क्षेत्रीय अध्यक्ष राजकुमार गुप्ताको अध्यक्षतामा सम्पन्न प्रशिक्षण कार्यक्रममा वैकल्पिक पोलिटब्युरो सदस्य नागेन्द्र चौधरी, वैकल्पिक केन्द्रीय सदस्य रामचन्द्र साह, रापस बालगोपाल थापा,
सहभागीहरूलाई नागेन्द्र चौधरी, रामचन्द्र साह र बालगोपाल थापाले प्रशिक्षण दिएका थिए ।
सिकेन्द्र पासवान, कलैया/
जिल्ला विकास समिति बाराले अस्पतालमा रहेका २५ जना रोगीलाई फलफूल वितरण गरेको छ ।
निमित्त स्थानीय विकास अधिकारी कृष्ण चापागाईंको सभापतित्वमा शुरू भएको कार्यक्रममा प्रमुख अतिथि प्रमुख जिल्ला अधिकारी दुर्गाप्रसाद पोखरेल, नेपाल मजदुर किसान पार्टीका मुक्ति यादव, मजफो (लो) का रामबाबू यादव, जिविस बाराका बद्रीप्रसाद लगायतले मन्तव्य व्यक्त गरेका थिए ।
त्यसैगरी एमाले क्षेत्र नं. ३ ले छैटौं गणतन्त्र दिवसको अवसरमा अन्तक्र्रिया कार्यक्रम सम्पन्न गरेको थियो।
क्षेत्रीय अध्यक्ष ध्रुवप्रसाद यादवको अध्यक्षतामा शुरू भएको अन्तक्र्रियामा केन्द्रीय पार्टी परिचालन प्रमुख सुन्दर विश्वकर्मा, अध्यानन्द पाण्डे, शेख सम्मुल्लाह, जवाहिर मन्सुर, विनोद साह, इब्राहिम आलमलगायतले मन्तव्य व्यक्त गरेका थिए ।
