पर्साका प्रमुख जिल्ला अधिकारी कैलाश बजिमयको नेतृत्वमा जिल्लाका उच्च पदाधिकारीहरूले आज ग्रामीण क्षेत्र घुम्दै जनताको गुनसो सुनेका छन् ।
वीरगंज ठोरी अनुगमन निरीक्षक तथा गुनासो सड्ढलनमा निस्केको टोलीले ठोरी, सेढवालगायत स्थानमा अन्तक्र्रिया तथा भेटघाट गर्दै जनगुनासो सड्ढलन गरेका थिए ।
ठोरीमा आयोजित अन्तक्र्रियामा स्थानीय बासिन्दाले हुलाकी सडक निर्माणमा भएको ढिलाइ, निर्मलबस्ती–ठोरी ग्रामीण विद्युतीकरणमा भइरहेको विलम्ब र सीमा विवादका कारण ठोरी खोलामा पुल नबनेकोमा गुनासो गरेका थिए ।
त्यसैगरि गाउँघरमा खुला तास–जुवा खेल्ने, जाँड–रक्सी बिक्री गर्नेहरूलाई कारबाई हुन नसकेको र पछिल्लो समय ठोरी नाका हुँदै चेलीबेटी बेचबिखनको घटना दोहरिएकोमा प्रमुख जिल्ला अधिकारी बजिमय र जिल्ला प्रहरी प्रमुख पीताम्बर अधिकारी समक्ष गुनासो गरेका थिए ।
इलाका प्रहरी कार्यालय ठोरीको संयोजकत्वमा सम्पन्न कार्यक्रममा स्थानीय बासिन्दाको तर्फबाट निवर्तमान गाविस अध्यक्ष उद्धव सापकोटा, पारालिगल कमिटि ठोरीका अध्यक्ष मीना गिरीलगायतले मन्तव्य व्यक्त गरेका थिए ।
त्यसैगरी इलाका प्रहरी कार्यालय, सेढवाको संयोजकत्वमा सेढवामा सम्पन्न कार्यक्रममा स्थानीय बासिन्दाले ज·लबाट दाउरा पनि ल्याउन नपाएको, तस्करहरूले भने दिनहुँ गोलिया तस्करी गर्ने गरेका,े किसानले आवश्यक मल र घर परिवारका लागि आवश्यक सामग्रीसमेत भारतबाट ल्याउन सुरक्षााकर्मीले रोकेको, सिंचाइको अभाव, गाविस सचिवको गाविसमा अनुपस्थिति, गाविस भवन निर्माण हुन नसकेकोलगायत गुनासाहरू अधिकारीहरू समक्ष पोखेका थिए । त्यसैगरी चाडबाड, भोज–भतेर, विवाह आदिको समयमा नेपाल–भारतको सवारी साधन सीमा क्षेत्रमा आवतजावत गर्न पाउनुपर्ने माग उनीहरूले राखेका थिए ।
सो अवसरमा सेढवाका निवर्तमान गाविस अध्यक्ष महादेव महतो, सेढवा माविका प्रअ महेशप्रसाद यादव, सामाजिक परिचालक गोमा कठायतले जनताको समस्या प्रस्तुत गरेका थिए ।
सशस्त्र प्रहरी नायब उपरीक्षक आरके क्षत्रीको पनि सहभागिता रहेको उक्त कार्यक्रममा प्रहरी उपरीक्षक पीताम्बर अधिकारीले किसानका लागि दुई बोरासम्म भारतीय मल ल्याउन पाउने, घरपरिवारका लागि आवश्यक नुन, तेल, खाद्यान्न तथा अन्य सामग्री ल्याउन प्रहरीले बन्देज नगर्ने बताए ।
उपरीक्षक अधिकारीले खुला मदिरा तथा तास जुवाविरुद्ध तुरुन्त कारबाई थाल्न प्रहरी एकाइलाई निर्देशन दिएका छन् । महिला एवं बाल हिंसामा संलग्न व्यक्तिहरूलाई कडा कानुनी दायरामा ल्याउन सहयोग गर्न सबै पक्षलाई उपरीक्षक अधिकारीले आग्रह गरे ।
ठोरी पुल निर्माण, हुलाकी सडक र ग्रामीण विद्युतीकरण सम्बन्धमा सम्बन्धित निकायसँग समन्वय गरी समस्या समाधान गर्ने र यथाशीघ्र कार्य सम्पन्न गर्नका लागि ताकेता एवं कारबाई अगाडि बढाउने प्रमुख जिल्ला अधिकारी बजिमयले जनसमुदायसमक्ष प्रतिबद्धता जाहेर गरेका छन् ।
