प्रस, पथलैया/निजगढ, ११ साउन/
नेकपा एमालेका वरिष्ठ नेता माधवकुमार नेपालले प्रधानमन्त्री डा. बाबुराम भट्टराईले तत्काल राजीनामा दिएर राजनीतिक निकास नदिए देश गम्भीर मुठभेडमा जान सक्ने बताएका छन् ।
गृह जिल्ला रौतहटमा आयोजित कार्यक्रममा सहभागी हुन जाने क्रममा बिहीवार बिहान सिमरा विमानस्थलमा सञ्चारकर्मीहरूसँग कुरा गर्दै पूर्वप्रधानमन्त्री नेपालले माओवादी आफ्नो अडानमा रहेर प्रधानमन्त्री भट्टराईले राजीनामा नदिने हो भने देशमा मुठभेडको स्थिति निम्तिन सक्ने बताए । उनले देश मुडभेडमा गए यसको जिम्मेवारी प्रधानमन्त्रीले लिनुपर्ने बताए ।
उनले राजनीतिक निकासका लागि प्रधानमन्त्रीले तत्काल राजीनामा दिनुपर्ने भन्दै माओवादी सहमतिमा नआए विगतमा संविधानका विवादित विषयमा दलहरूबीच भएको सहमतिसमेत उल्टिन सक्ने चेतावनी दिएका छन् ।
माओवादीले वर्तमान सरकारलाई स्विकार्दै अघि बढ्नुपर्ने भन्दै अडान राखेकोमा पूर्ण असहमत रहेको भन्दै नेता नेपालले सरकारबाट प्रधानमन्त्रीले राजीनामा दिए दलहरूबीच न्यूनतम सहमति हुन सक्ने बताए ।
प्रधानमन्त्री भट्टराईले राजीनामा दिए दलहरूले साझा उम्मेदवारको निर्णय गर्ने समेत उनको भनाइ थियो । उनले प्रधानमन्त्रीले राजीनामा नदिएसम्म सहमति जुटन नसक्ने भन्दै तत्काल राजीनामा नदिए दलहरूले आन्दोलन शुरु गर्ने बताए । माओवादी सत्ता कब्जाको मानसिकतामा रहेको भन्दै उनले त्यो अभिलाषा कदापि पूरा हुन नदिने बताए ।
नेता नेपालले पार्टीका जनजाति नेताहरूलाई आफ्नो कुरा पार्टीमा आएर राख्न आग्रह गरे । उनले जिम्मेवारीबाट कसैलाई नहटाएको भन्दै पार्टीको काम नियमित सञ्चालन गर्नुपर्ने भएकोले तत्काल अन्यलाई जिम्मेवारी दिइएको बताए ।
निजगढ संवाददाताले पठाएको समाचारमा मुलुकमा राजनीतिक सङ्क्रमण लम्बिंदै जाँदा केन्द्रदेखि गाउँबस्तीसम्म विकासका कार्य हुन नसकेको, सङ्क्रमणकालको फाइदा उठाउँदै विकास रकमको दुरुपयोग भएको माधवकुमार नेपालले बिहीवार निजगढमा बताएका थिए । निजगढ पार्टी कार्यालयमा कार्यकर्ताहरूसँग भेटघाट गरी उनले सो कुरा बताएका हुन् । सरकारको आर्थिक विकासतर्फ ध्यान नगएको, भएको संविधानबाट संविधान नबनाई मुलुकलाई बर्बादीतर्फ सरकारले धकेलिरहेको उनले आरोप लगाएका थिए ।
प्रधानमन्त्री डा. बाबुराम भट्टराईको पालामा भ्रष्टाचार मौलाएको, रहरको रूपमा चुनावको घोषणा गरेको, विभिन्नखाले चालबाजी गर्ने, कुरा फेर्ने र सत्ता टिकाइराख्ने ए. माओवादीको चालकै कारण अन्य ठूला राजनीतिक दलहरूबीच सहमति जुट्न नसकेको वरिष्ठ एमाले नेता नेपालले बताए ।
संविधानसभामा मिलेको कुरा मिले बमोजिम र नमिलेको कुरामा जनमत सङ्ग्रहबाट गरी मुलुकलाई उचित निकास दिनुपर्ने उनले बताए । आफू प्रधानमन्त्री भएपछि निजगढमा अन्तर्राष्ट्रिय विमानस्थल बनाउने निर्णय भएको नेता नेपालले खुलासा गरे । निर्माण शुरु भएको फास्टट्रयाकले पनि बेलैमा उचित गति लिन नसक्नुमा सङ्क्रमणकाल नै कारण रहेको उनले बताए । यस्ता विकास निर्माणका काममा स्थानीय सहयोग जुट्नुपर्ने, वनज·ल विनाश हुनबाट जोगाउन उनले आग्रह गरे । मुलुककै ठूला राष्ट्रिय निर्माणका आयोजनाहरू बारा निजगढमा रहेकाले तराईकै पर्यटन विकासको सम्भावना बढ्ने उनले बताए । राजनीतिकर्मीहरूले राष्ट्र, जनताप्रति सर्मपित भई इमानदारी अँगाल्नुपर्ने, अन्यथा पैसाको मोहमा पदको दुरुपयोग गरेर जयप्रकाश गुप्ता, गोविन्दराज जोशीको हालत बेहोर्नुपर्ने अवस्था आउने हुँदा बेलैमा सचेत हुन उनले बताए । लामो समयदेखि अस्वस्थ अगुवा महिला कार्यकर्ता नेत्रकुमारी पौडेललाई भेटी नेता माधवकुमार नेपालले स्वास्थ्यलाभको कामना गरेका थिए । उनी अहिले ७७ वर्षकी छन् ।
नेकपा एमालेका वरिष्ठ नेता माधवकुमार नेपालले प्रधानमन्त्री डा. बाबुराम भट्टराईले तत्काल राजीनामा दिएर राजनीतिक निकास नदिए देश गम्भीर मुठभेडमा जान सक्ने बताएका छन् ।
गृह जिल्ला रौतहटमा आयोजित कार्यक्रममा सहभागी हुन जाने क्रममा बिहीवार बिहान सिमरा विमानस्थलमा सञ्चारकर्मीहरूसँग कुरा गर्दै पूर्वप्रधानमन्त्री नेपालले माओवादी आफ्नो अडानमा रहेर प्रधानमन्त्री भट्टराईले राजीनामा नदिने हो भने देशमा मुठभेडको स्थिति निम्तिन सक्ने बताए । उनले देश मुडभेडमा गए यसको जिम्मेवारी प्रधानमन्त्रीले लिनुपर्ने बताए ।
उनले राजनीतिक निकासका लागि प्रधानमन्त्रीले तत्काल राजीनामा दिनुपर्ने भन्दै माओवादी सहमतिमा नआए विगतमा संविधानका विवादित विषयमा दलहरूबीच भएको सहमतिसमेत उल्टिन सक्ने चेतावनी दिएका छन् ।
माओवादीले वर्तमान सरकारलाई स्विकार्दै अघि बढ्नुपर्ने भन्दै अडान राखेकोमा पूर्ण असहमत रहेको भन्दै नेता नेपालले सरकारबाट प्रधानमन्त्रीले राजीनामा दिए दलहरूबीच न्यूनतम सहमति हुन सक्ने बताए ।
प्रधानमन्त्री भट्टराईले राजीनामा दिए दलहरूले साझा उम्मेदवारको निर्णय गर्ने समेत उनको भनाइ थियो । उनले प्रधानमन्त्रीले राजीनामा नदिएसम्म सहमति जुटन नसक्ने भन्दै तत्काल राजीनामा नदिए दलहरूले आन्दोलन शुरु गर्ने बताए । माओवादी सत्ता कब्जाको मानसिकतामा रहेको भन्दै उनले त्यो अभिलाषा कदापि पूरा हुन नदिने बताए ।
नेता नेपालले पार्टीका जनजाति नेताहरूलाई आफ्नो कुरा पार्टीमा आएर राख्न आग्रह गरे । उनले जिम्मेवारीबाट कसैलाई नहटाएको भन्दै पार्टीको काम नियमित सञ्चालन गर्नुपर्ने भएकोले तत्काल अन्यलाई जिम्मेवारी दिइएको बताए ।
निजगढ संवाददाताले पठाएको समाचारमा मुलुकमा राजनीतिक सङ्क्रमण लम्बिंदै जाँदा केन्द्रदेखि गाउँबस्तीसम्म विकासका कार्य हुन नसकेको, सङ्क्रमणकालको फाइदा उठाउँदै विकास रकमको दुरुपयोग भएको माधवकुमार नेपालले बिहीवार निजगढमा बताएका थिए । निजगढ पार्टी कार्यालयमा कार्यकर्ताहरूसँग भेटघाट गरी उनले सो कुरा बताएका हुन् । सरकारको आर्थिक विकासतर्फ ध्यान नगएको, भएको संविधानबाट संविधान नबनाई मुलुकलाई बर्बादीतर्फ सरकारले धकेलिरहेको उनले आरोप लगाएका थिए ।
प्रधानमन्त्री डा. बाबुराम भट्टराईको पालामा भ्रष्टाचार मौलाएको, रहरको रूपमा चुनावको घोषणा गरेको, विभिन्नखाले चालबाजी गर्ने, कुरा फेर्ने र सत्ता टिकाइराख्ने ए. माओवादीको चालकै कारण अन्य ठूला राजनीतिक दलहरूबीच सहमति जुट्न नसकेको वरिष्ठ एमाले नेता नेपालले बताए ।
संविधानसभामा मिलेको कुरा मिले बमोजिम र नमिलेको कुरामा जनमत सङ्ग्रहबाट गरी मुलुकलाई उचित निकास दिनुपर्ने उनले बताए । आफू प्रधानमन्त्री भएपछि निजगढमा अन्तर्राष्ट्रिय विमानस्थल बनाउने निर्णय भएको नेता नेपालले खुलासा गरे । निर्माण शुरु भएको फास्टट्रयाकले पनि बेलैमा उचित गति लिन नसक्नुमा सङ्क्रमणकाल नै कारण रहेको उनले बताए । यस्ता विकास निर्माणका काममा स्थानीय सहयोग जुट्नुपर्ने, वनज·ल विनाश हुनबाट जोगाउन उनले आग्रह गरे । मुलुककै ठूला राष्ट्रिय निर्माणका आयोजनाहरू बारा निजगढमा रहेकाले तराईकै पर्यटन विकासको सम्भावना बढ्ने उनले बताए । राजनीतिकर्मीहरूले राष्ट्र, जनताप्रति सर्मपित भई इमानदारी अँगाल्नुपर्ने, अन्यथा पैसाको मोहमा पदको दुरुपयोग गरेर जयप्रकाश गुप्ता, गोविन्दराज जोशीको हालत बेहोर्नुपर्ने अवस्था आउने हुँदा बेलैमा सचेत हुन उनले बताए । लामो समयदेखि अस्वस्थ अगुवा महिला कार्यकर्ता नेत्रकुमारी पौडेललाई भेटी नेता माधवकुमार नेपालले स्वास्थ्यलाभको कामना गरेका थिए । उनी अहिले ७७ वर्षकी छन् ।