प्रस, वीरगंज, १७ जेठ/
नारायणी उपक्षेत्रीय अस्पतालमा भर्ना हुन आउने बिरामीहरूलाई अस्पतालबाटै अन्यत्र लैजाने परिपाटीको विकास बढेपछि अस्पतालको आग्रहमा प्रहरीले कार्यवाही शुरु गरेको छ। नारायणी उपक्षेत्रीय अस्पतालको प्रसूति र सर्जिकल वार्डहरूका बिरामीहरूलाई खासगरी अस्पतालमा रहेका केही दलालहरूले निजी क्लिनिक, नर्सिङ होममा लाने गरेको गुनासो आउन थालेपछि अस्पतालका मेसु डा. बिके झाले प्रहरी बिटलाई त्यस्ता दलालविरुद्ध कार्यवाही गर्न पत्राचार गरेको र प्रहरीले तदाकरुता देखाएपछि दलाली प्रथामा केही सुधार आएको बताइन्छ।
अस्पतालमा उपचारका लागि आउने प्रसूति वार्डका बिरामीहरूलाई विभिन्न नर्सिङ होम, निजी क्लिनिकबाट खटाइएका दलालहरूले ललाइफकाई लाने गरेका थिए। प्रहरीले कार्यवाही शुरु गरेपछि तीन महिला र एक पुरुष पक्राउ परेका अस्पताल प्रहरी बिटले जनाएको छ। अहिले प्रहरी बिटले अस्पतालमा उपचार्थ आउने बिरामी र तिनका कुरुवाहरू गलत व्यक्तिको शिकार नबनून् भनेर अस्पतालका विभिन्न वार्ड र सिंढीघरमा सर्वसाधारणले सहज देख्नेगरी सूचना टाँस गरी दलालबारे सूचना दिन आग्रह गरेपछि दलाली प्रथामा कमी आएको बताइन्छ। अस्पतालका मेसु डा. बिके झा अस्पतालमा आउने बिरामीहरूलाई दलालहरूले अन्यत्र लैजाने कार्य गरेको थाहा पाएर प्रहरीको सहयोग लिन बाध्य भएको बताए। उनले अस्पतालमा आउने बिरामीलाई अस्पतालबाट लैजाने, उनीहरूले खरिद गर्ने औषधि आफूअनुकूल पसलबाट खरिद गराउन लगाउने, ल्याब, भिडिओ एक्स–रेलगायत काम पनि अस्पताल बाहिर गराउन थालेकोमा प्रहरी सक्रियता बढेपछि रोकथाम भएको बताए । उनले अस्पतालका चिकित्सक, कर्मचारीहरूको संलग्नताबारे भने किटानी गर्न चाहेनन्।
मेसु डा. झाले चिकित्सक, कर्मचारीको संलग्नतापछि दलालीप्रथा बढेको बताएपनि प्रत्यक्षरूपमा अहिलेसम्म कसैको त्यस्तो संलग्नताको पुष्टि हुन नसकेको बताए। अपराध पुष्टि नहुन्जेल आरोप लगाउनु उचित नहुने उनले बताए। तर अस्पतालका चिकित्सकहरूले विभिन्न बहाना र बाध्यता सृजना गरेर निजी अस्पताल, नर्सिङहोम तथा क्लिनिकहरूमा बिरामी लाने गरेको बताइन्छ। प्रसूतिगृहमा आउने बिरामीहरूलाई अनिवार्य भिडिओ एक्स–रे परीक्षण गराइन्छ र निजी भिडिओ एक्स–रे सञ्चालकहरूले त्यसको अधिक फाइदा लिने गरेको बताइन्छ। त्यस्तै ल्याब परीक्षणमा पनि ओपिडी समय सिद्धिएपछि रिपोर्ट दिन लगाउने र सम्बन्धित चिकित्सकलाई निजी अस्पताल, नर्सिङहोम, क्लिनिकमा रिपोर्ट देखाउन जानुपर्ने अवस्था सृजना गरेर आफ्नो व्यवसाय चलाउने कार्य भइरहेको कर्मचारीहरू बताउँछन्।
अस्पतालहरूलाई प्रसूति तथा सर्जिकल बिरामीबाट बढी फाइदा हुन्छ । सामान्य अवस्थाका प्रसूतिलाई पनि अप्रेसन गर्न बाध्य पारेर रकम असुलिने काम हुन्छ। जबकि सरकारले प्रसूतिका लागि नाउक्षे अस्पतालमा सम्पूर्ण सुविधा निश्शुल्क प्रदान गर्नुका साथै घर फर्कंदा भाडाबापत रु. पाँच सय पनि प्रदान गर्दै आएको छ।
विभिन्न प्रलोभनका साथै पुरानो अस्पताल भएको र औजारहरू पनि पुरानो भएको बताउँदै इन्फेक्सनको भय देखाएर बिरामीलाई अन्यत्र लगिने कार्य हुँदै आएको छ। प्रहरी बिटले अस्पतालको आग्रहमा यस्ता कार्यविरुद्ध कार्यवाही शुरु गरेपछि दलालहरू लापता हुनुका साथै प्रतिष्ठा जाने भयले चिकित्सकले पनि अस्पतालको सेवा उपभोग गर्न
बिरामीलाई सल्लाह दिंदै आएका छन्।
नारायणी उपक्षेत्रीय अस्पतालमा भर्ना हुन आउने बिरामीहरूलाई अस्पतालबाटै अन्यत्र लैजाने परिपाटीको विकास बढेपछि अस्पतालको आग्रहमा प्रहरीले कार्यवाही शुरु गरेको छ। नारायणी उपक्षेत्रीय अस्पतालको प्रसूति र सर्जिकल वार्डहरूका बिरामीहरूलाई खासगरी अस्पतालमा रहेका केही दलालहरूले निजी क्लिनिक, नर्सिङ होममा लाने गरेको गुनासो आउन थालेपछि अस्पतालका मेसु डा. बिके झाले प्रहरी बिटलाई त्यस्ता दलालविरुद्ध कार्यवाही गर्न पत्राचार गरेको र प्रहरीले तदाकरुता देखाएपछि दलाली प्रथामा केही सुधार आएको बताइन्छ।
अस्पतालमा उपचारका लागि आउने प्रसूति वार्डका बिरामीहरूलाई विभिन्न नर्सिङ होम, निजी क्लिनिकबाट खटाइएका दलालहरूले ललाइफकाई लाने गरेका थिए। प्रहरीले कार्यवाही शुरु गरेपछि तीन महिला र एक पुरुष पक्राउ परेका अस्पताल प्रहरी बिटले जनाएको छ। अहिले प्रहरी बिटले अस्पतालमा उपचार्थ आउने बिरामी र तिनका कुरुवाहरू गलत व्यक्तिको शिकार नबनून् भनेर अस्पतालका विभिन्न वार्ड र सिंढीघरमा सर्वसाधारणले सहज देख्नेगरी सूचना टाँस गरी दलालबारे सूचना दिन आग्रह गरेपछि दलाली प्रथामा कमी आएको बताइन्छ। अस्पतालका मेसु डा. बिके झा अस्पतालमा आउने बिरामीहरूलाई दलालहरूले अन्यत्र लैजाने कार्य गरेको थाहा पाएर प्रहरीको सहयोग लिन बाध्य भएको बताए। उनले अस्पतालमा आउने बिरामीलाई अस्पतालबाट लैजाने, उनीहरूले खरिद गर्ने औषधि आफूअनुकूल पसलबाट खरिद गराउन लगाउने, ल्याब, भिडिओ एक्स–रेलगायत काम पनि अस्पताल बाहिर गराउन थालेकोमा प्रहरी सक्रियता बढेपछि रोकथाम भएको बताए । उनले अस्पतालका चिकित्सक, कर्मचारीहरूको संलग्नताबारे भने किटानी गर्न चाहेनन्।
मेसु डा. झाले चिकित्सक, कर्मचारीको संलग्नतापछि दलालीप्रथा बढेको बताएपनि प्रत्यक्षरूपमा अहिलेसम्म कसैको त्यस्तो संलग्नताको पुष्टि हुन नसकेको बताए। अपराध पुष्टि नहुन्जेल आरोप लगाउनु उचित नहुने उनले बताए। तर अस्पतालका चिकित्सकहरूले विभिन्न बहाना र बाध्यता सृजना गरेर निजी अस्पताल, नर्सिङहोम तथा क्लिनिकहरूमा बिरामी लाने गरेको बताइन्छ। प्रसूतिगृहमा आउने बिरामीहरूलाई अनिवार्य भिडिओ एक्स–रे परीक्षण गराइन्छ र निजी भिडिओ एक्स–रे सञ्चालकहरूले त्यसको अधिक फाइदा लिने गरेको बताइन्छ। त्यस्तै ल्याब परीक्षणमा पनि ओपिडी समय सिद्धिएपछि रिपोर्ट दिन लगाउने र सम्बन्धित चिकित्सकलाई निजी अस्पताल, नर्सिङहोम, क्लिनिकमा रिपोर्ट देखाउन जानुपर्ने अवस्था सृजना गरेर आफ्नो व्यवसाय चलाउने कार्य भइरहेको कर्मचारीहरू बताउँछन्।
अस्पतालहरूलाई प्रसूति तथा सर्जिकल बिरामीबाट बढी फाइदा हुन्छ । सामान्य अवस्थाका प्रसूतिलाई पनि अप्रेसन गर्न बाध्य पारेर रकम असुलिने काम हुन्छ। जबकि सरकारले प्रसूतिका लागि नाउक्षे अस्पतालमा सम्पूर्ण सुविधा निश्शुल्क प्रदान गर्नुका साथै घर फर्कंदा भाडाबापत रु. पाँच सय पनि प्रदान गर्दै आएको छ।
विभिन्न प्रलोभनका साथै पुरानो अस्पताल भएको र औजारहरू पनि पुरानो भएको बताउँदै इन्फेक्सनको भय देखाएर बिरामीलाई अन्यत्र लगिने कार्य हुँदै आएको छ। प्रहरी बिटले अस्पतालको आग्रहमा यस्ता कार्यविरुद्ध कार्यवाही शुरु गरेपछि दलालहरू लापता हुनुका साथै प्रतिष्ठा जाने भयले चिकित्सकले पनि अस्पतालको सेवा उपभोग गर्न
बिरामीलाई सल्लाह दिंदै आएका छन्।
