प्रस, वीरगंज, १७ चैत/
संयुक्त लोकतान्त्रिक मधेसी मोर्चामा रहेका पार्टीहरूको पर्सा जिल्लाका नेताहरूले आज पत्रकार सम्मेलन आयोजना गरी मोर्चाबाट सरकारमा प्रतिनिधित्व गर्ने मन्त्रीहरूलाई सरकार छाडी फिर्ता आउन आग्रह गरेका छन्।
मधेसी पत्रकार समाज पर्साद्वारा आयोजित पत्रकार सम्मेलनमा संयुक्त लोकतान्त्रिक मधेसी मोर्चा पर्साका तर्फबाट मधेसी जन अधिकार फोरम गणतान्त्रिकका अध्यक्ष शशिकपुर मियाँले चार बुँदे सहमतिको पालना नभएको र अब आएर सहमति पालना हुने आधारहरू पनि खत्तम भइसकेको हुँदा सरकार छोडेर फिर्ता आउन आग्रह गरे।
अध्यक्ष मियाँले संयुक्त लोकतान्त्रिक मधेसी मोर्चासँग भएको चार बुँदे सहमति पालनाको लागि सरकारमा सहभागी भएकोमा सो पालना हुने आशा नभएपछि सरकारमा बस्नुको औचित्य नरहेको भन्दै मन्त्रीबाट फिर्ता आएर मधेसमा राजनीतिक गर्न आग्रह गरे। उनले मोर्चामाथि केवल सरकारमा बसिरहेको आरोप लागिरहेको र सहमतिसमेत कार्यान्वयन नहुँदा मोर्चाको विश्वासमा कमी आएको कारण स्थानीय तवरबाट सरकार छाड्न आग्रह गरिएको पुष्टि गरेका थिए।
मोर्चाका तर्फबाट मधेसी जन अधिकार फोरम लोकतान्त्रिक पर्सा अध्यक्ष हरेन्द्र सिंहले चार बुँदे सहमति पालना गर्नेतर्फ सरकार इमानदार नरहेको बताए। उनले मधेसी समुदाय शासकवर्गबाट शोषित हुँदै आएकोमा न्यायालय पनि मधेसप्रति पूर्वाग्रही भएको आरोप लगाएका थिए।
सद्भावना पार्टीका केन्द्रीय सदस्य निजामुद्दिन समानीले मधेसी दलविरुद्ध षड्यन्त्र भइरहेको बताउँदै सरकारबाट फिर्ता आउन आग्रह गरे। उनले समग्र मधेस एक प्रदेशको मुद्दाबाट हट्न नसक्ने बताउँदै संविधानमा मधेस एक प्रदेश हुनैपर्ने जिकिर गरे। उनले मधेस एक प्रदेश भएपछि यहाँको जनताले त्यसउपरान्त जति प्रदेश बनाए पनि आफूलाई मान्य हुने जनाएका थिए।
समानीले समग्र मधेस एक प्रदेशविरुद्ध राज्यले कहिले मुस्लिम, कहिले चौधरी समुदायलाई मधेसी होइन भनेर अभिव्यक्ति दिन लगाई मधेस प्रदेशको खिलाफ उपयोग गरिरहेको र अहिले आएर दुई प्रदेशको अवधारणा ल्याउनुको साथै वीरगंज र जनकपुर मधेसको राजधानी विवाद सिर्जना गराइरहेको आरोप लगाएका थिए। उनले सबैखाले विवादबाट उन्मुक्त हुन मधेसी समुदायलाई आग्रह गर्दै एक ढिक्का भएर मधेस प्रदेशको लागि आवाज बुलन्द गर्न आग्रह गरे।
मधेसी पत्रकार समाज पर्साका अध्यक्ष सन्तोष पटेलले सञ्चालन गरेको पत्रकार सम्मेलनमा संयुक्त लोकतान्त्रिक मधेसी मोर्चा पर्साको तर्फबाट सङ्घीय सद्भावना पप्पु पटेल, तमलोपा नेपालका गोवद्र्धन मेहता, तमलोपाका योगेन्द्र कुर्मी, मोहन चौधरीलगायतको सहभागिता थियो।
मोर्चाले पर्साको आवाज केन्द्रमा बसेका मोर्चाका नेताहरूले सुनेर मनन गर्नका लागि आग्रह पनि गरेका थिए।
संयुक्त लोकतान्त्रिक मधेसी मोर्चामा रहेका पार्टीहरूको पर्सा जिल्लाका नेताहरूले आज पत्रकार सम्मेलन आयोजना गरी मोर्चाबाट सरकारमा प्रतिनिधित्व गर्ने मन्त्रीहरूलाई सरकार छाडी फिर्ता आउन आग्रह गरेका छन्।
मधेसी पत्रकार समाज पर्साद्वारा आयोजित पत्रकार सम्मेलनमा संयुक्त लोकतान्त्रिक मधेसी मोर्चा पर्साका तर्फबाट मधेसी जन अधिकार फोरम गणतान्त्रिकका अध्यक्ष शशिकपुर मियाँले चार बुँदे सहमतिको पालना नभएको र अब आएर सहमति पालना हुने आधारहरू पनि खत्तम भइसकेको हुँदा सरकार छोडेर फिर्ता आउन आग्रह गरे।
अध्यक्ष मियाँले संयुक्त लोकतान्त्रिक मधेसी मोर्चासँग भएको चार बुँदे सहमति पालनाको लागि सरकारमा सहभागी भएकोमा सो पालना हुने आशा नभएपछि सरकारमा बस्नुको औचित्य नरहेको भन्दै मन्त्रीबाट फिर्ता आएर मधेसमा राजनीतिक गर्न आग्रह गरे। उनले मोर्चामाथि केवल सरकारमा बसिरहेको आरोप लागिरहेको र सहमतिसमेत कार्यान्वयन नहुँदा मोर्चाको विश्वासमा कमी आएको कारण स्थानीय तवरबाट सरकार छाड्न आग्रह गरिएको पुष्टि गरेका थिए।
मोर्चाका तर्फबाट मधेसी जन अधिकार फोरम लोकतान्त्रिक पर्सा अध्यक्ष हरेन्द्र सिंहले चार बुँदे सहमति पालना गर्नेतर्फ सरकार इमानदार नरहेको बताए। उनले मधेसी समुदाय शासकवर्गबाट शोषित हुँदै आएकोमा न्यायालय पनि मधेसप्रति पूर्वाग्रही भएको आरोप लगाएका थिए।
सद्भावना पार्टीका केन्द्रीय सदस्य निजामुद्दिन समानीले मधेसी दलविरुद्ध षड्यन्त्र भइरहेको बताउँदै सरकारबाट फिर्ता आउन आग्रह गरे। उनले समग्र मधेस एक प्रदेशको मुद्दाबाट हट्न नसक्ने बताउँदै संविधानमा मधेस एक प्रदेश हुनैपर्ने जिकिर गरे। उनले मधेस एक प्रदेश भएपछि यहाँको जनताले त्यसउपरान्त जति प्रदेश बनाए पनि आफूलाई मान्य हुने जनाएका थिए।
समानीले समग्र मधेस एक प्रदेशविरुद्ध राज्यले कहिले मुस्लिम, कहिले चौधरी समुदायलाई मधेसी होइन भनेर अभिव्यक्ति दिन लगाई मधेस प्रदेशको खिलाफ उपयोग गरिरहेको र अहिले आएर दुई प्रदेशको अवधारणा ल्याउनुको साथै वीरगंज र जनकपुर मधेसको राजधानी विवाद सिर्जना गराइरहेको आरोप लगाएका थिए। उनले सबैखाले विवादबाट उन्मुक्त हुन मधेसी समुदायलाई आग्रह गर्दै एक ढिक्का भएर मधेस प्रदेशको लागि आवाज बुलन्द गर्न आग्रह गरे।
मधेसी पत्रकार समाज पर्साका अध्यक्ष सन्तोष पटेलले सञ्चालन गरेको पत्रकार सम्मेलनमा संयुक्त लोकतान्त्रिक मधेसी मोर्चा पर्साको तर्फबाट सङ्घीय सद्भावना पप्पु पटेल, तमलोपा नेपालका गोवद्र्धन मेहता, तमलोपाका योगेन्द्र कुर्मी, मोहन चौधरीलगायतको सहभागिता थियो।
मोर्चाले पर्साको आवाज केन्द्रमा बसेका मोर्चाका नेताहरूले सुनेर मनन गर्नका लागि आग्रह पनि गरेका थिए।