आरके पटेल, वीरगंज, ८ असोज/
भिओआइपी प्रविधिद्वारा कल बाइपास गरी लाखौं रुपियाँ भ्रष्टाचार गरेको आरोपमा पक्राउ परेका दूरसञ्चारका इन्जिनियरसहित भारतीय नागरिकलाई प्रहरीले मुक्त गरेको छ। प्रहरीले नेपाल दूरसञ्चार शाखा कार्यालय, वीरगंजका सहायक इन्जिनियर देवधारी महतो र भारत दिल्ली मण्डोलिया थाना एस बिहार निवासी गुलजार आलमलाई पक्राउ गरेको थियो । इन्जिनियर महतोको मिलोमतोमा ९८५५०२६३६६ र ९७५५००१५६१ नम्बरको मोबाइल भारतीय नागरिक आलमले प्राप्त गरेका थिए। आलमलाई ती दुई सीम प्रयोग गरिरहेको अवस्थामा प्रहरीले पक्राउ गरेको थियो। मनहर्वा गाविस–५ निवासी शिवपूजन गिरीको नागरिकता र रौतहट औरहिया निवासी दिपु श्रीवास्तवको फोटो राखेर उक्त सीम निकालेको र सो कार्यमा इन्जिनियर महतोले सिफारिस गरेको दूरसञ्चारको स्रेस्तामा उल्लेख छ।
प्रहरीले पक्राउ गरेको इन्जिनियर महतो र भारतीय नागरिकलाई दुई दिनपछि अनुसन्धान पूरा भएको भन्दै मुक्त गरिएको हो। आलमले प्रयोग गरेको मोबाइलमा अकस्मात ४० हजारको बिल उठेपछि भीओआइपी कल बाइपासको शङकामा पक्राउ गरिएको थियो।
दूरसञ्चार कार्यालयमा कार्यरत एक प्राविधिकका अनुसार कल बाइपास गरी रकम कमाउनु समुद्रबाट पानी झिके सरह हो। यसको कुनै हिसाब–किताब तथा रेकर्ड हुँदैन। कल बाइपास गर्दा कुनै बेला प्राविधिक त्रुटि हुँदा सो समयमा भएको कलको दस्तुर प्रयोग गरेको नम्बरमा उठ्ने गर्छ अनि मात्र दूरसञ्चारलाई थाहा हुन्छ। त्यसपछि दूरसञ्चारले अनुसन्धान सुरु गर्दछ र यस्ता घटना बेलाबेला सार्वजनिक हुने गरेको पनि छ। यो घटना पनि त्यस्तै हो। नत्र आलमले त्यत्रो ठूलो रकम दूरसञ्चार रकम खुरुक्क बुझाउने नै थिएन। जेहोस् अर्काको नागरिकता प्रयोग गरी झुक्याएर सीमकार्ड निकाली गैरजिम्मेवार तरिकाले सीमकार्ड दुरुपयोग गरिरहेको भारतीय नागरिक
आलमलाई प्रहरीले कारबाई तथा
गहन अनुसन्धानबिना नै मुक्त गरिदिएको छ। कलगर्लसँग राति कुरा गर्दा ४८ हजारको बिल उठेको हास्यास्पद कुरा दूरसञ्चार र प्रहरीले अनुसन्धानको
विषय नबनाउनुको रहस्य बुझि नसक्नुभएको दूरसञ्चारका प्राविधिकहरू बताउँछन्। घटनाबारे नेपाल दूरसञ्चार क्षेत्रीय कार्यालय वीरगंज, श्रीपुरका कार्यालय प्रमुख डाइरेक्टर रामानन्द यादवसँग बुझ्दा दूरसञ्चारले पाउने रकम पायो हाम्रो उद्देश्य पूरा भयो। कल कसले गर्यो, कहाँ गर्यो, कसरी गर्यो, खोज्ने र कारबाई गर्ने हाम्रो काम होइन त्यो प्रहरीको काम हो। कारबाई गर्ने
निकाय प्रशासन हो। उनीहरूले अनुसन्धान गरेर कारबाई गर्नुपर्ने हो भन्ने जवाफ दिए।
जिल्ला प्रहरी कार्यालय, पर्साका प्रहरी नायब निरीक्षक दिवेश लोहनीले कल बाइपास गरेको अनुसन्धानबाट नखुलेको र कलगर्लसँग कुरा गरेको बताए । त्यसपछि कानुनले मिल्ने भए कारबाई गर्न दूरसञ्चारको कार्यालय पठाइएको हो उनीहरूले के गरे थाहा भएन भन्ने जवाफ दिए। मुख्य
अभियुक्त इन्जिनियर र भारतीय नागरिक रिहा भएपनि यता मनहर्वा गाविस–५ निवासी बृद्ध शिवपूजन गिरी अहिलेसम्म तारिख खेप्दैछन्। शिवपूजन आफूलाई मोबाइलबारे थाहा नभएको र गाविसको कार्यालयमा मात्र नागरिकताको फोटोकपी पेश गरेको कुरा बारम्बार बताइरहेका छन्। नागरिकता एक व्यक्तिको र फोटो अर्को व्यक्तिको रहनुले शिवपूजनको नागरिकता अरूले गलत प्रयोग गरेको पुष्टि भइसकेको छ।
प्रहरीको अनुसन्धान प्रतिवेदनमा के लेखेको छ ?
बारा, मनहर्वा गाविस–६ निवासी शिवपूजन गिरीको नागरिकताको फोटोकपी कहींबाट फेला पारी रौतहट औरइया निवासी दिपु श्रीवास्तवले आफ्नो फोटो राखी वीरगंज शाखाबाट सीम निकालेको र सीम दिन सहायक इन्जिनियर देवधारी महतोले नागरिकता प्रमाणित गरेका छन्। भारतीय नागरिक आलमले भ्वाइस ओभर इन्टरनेशनल प्रोटोकल (भीओआइपी) नगरेको, काठमाडौंमा कलगर्लसँग कुरा गरेकोले कल बाइपास नगरेकोले निज दोषी नभेटिएको जिल्ला प्रहरीले च.नं. ३०४५ को पत्रमा अनुसन्धानको बेहोरा खुलाई पक्राउ परेको आलमलाई यसै पत्रसाथ नेपाल दूरसञ्चार कर्यालयमा कारबाई गर्न पठाएको बेहोरा उल्लेख छ।
जिल्ला प्रहरीबाट उक्त बेहोराको पत्रसहित अभियुक्त जिम्मा लगाउन दूरसञ्चारमा प्रहरी पुगेपछि दूरसञ्चारले यस्तो लेखेको छ– जिल्ला प्रहरी कार्यालय पर्साबाट प्राप्त भएको पत्रसहितको बेहोरा पढी दूरसञ्चारको खातामा ९८५५०२६३६६ नम्बरको पोस्टपैडबाट २०६८/५/५ को मितिमा गुलजार आलमले रु. ४०,५६५/७८ तथा ९७५५००१५६१ नम्बरबाट उठेको रु. १८७९७/५५ दूरसञ्चारले प्राप्त गर्यो। यस्तो मुद्दामा दूरसञ्चारले कारबाई गर्ने नियम छैन। सो कारण आलमलाई प्रहरीले नै नियन्त्रणमा राखी कारबाई गर्नुपर्ने बेहोरा खुलाई दूरसञ्चार वीरगंज शाखाले पत्रसहित आलमलाई जिल्ला प्रहरी कार्यालय, पर्सामा फिर्ता पठाएको देखिन्छ।
भिओआइपी प्रविधिद्वारा कल बाइपास गरी लाखौं रुपियाँ भ्रष्टाचार गरेको आरोपमा पक्राउ परेका दूरसञ्चारका इन्जिनियरसहित भारतीय नागरिकलाई प्रहरीले मुक्त गरेको छ। प्रहरीले नेपाल दूरसञ्चार शाखा कार्यालय, वीरगंजका सहायक इन्जिनियर देवधारी महतो र भारत दिल्ली मण्डोलिया थाना एस बिहार निवासी गुलजार आलमलाई पक्राउ गरेको थियो । इन्जिनियर महतोको मिलोमतोमा ९८५५०२६३६६ र ९७५५००१५६१ नम्बरको मोबाइल भारतीय नागरिक आलमले प्राप्त गरेका थिए। आलमलाई ती दुई सीम प्रयोग गरिरहेको अवस्थामा प्रहरीले पक्राउ गरेको थियो। मनहर्वा गाविस–५ निवासी शिवपूजन गिरीको नागरिकता र रौतहट औरहिया निवासी दिपु श्रीवास्तवको फोटो राखेर उक्त सीम निकालेको र सो कार्यमा इन्जिनियर महतोले सिफारिस गरेको दूरसञ्चारको स्रेस्तामा उल्लेख छ।
प्रहरीले पक्राउ गरेको इन्जिनियर महतो र भारतीय नागरिकलाई दुई दिनपछि अनुसन्धान पूरा भएको भन्दै मुक्त गरिएको हो। आलमले प्रयोग गरेको मोबाइलमा अकस्मात ४० हजारको बिल उठेपछि भीओआइपी कल बाइपासको शङकामा पक्राउ गरिएको थियो।
दूरसञ्चार कार्यालयमा कार्यरत एक प्राविधिकका अनुसार कल बाइपास गरी रकम कमाउनु समुद्रबाट पानी झिके सरह हो। यसको कुनै हिसाब–किताब तथा रेकर्ड हुँदैन। कल बाइपास गर्दा कुनै बेला प्राविधिक त्रुटि हुँदा सो समयमा भएको कलको दस्तुर प्रयोग गरेको नम्बरमा उठ्ने गर्छ अनि मात्र दूरसञ्चारलाई थाहा हुन्छ। त्यसपछि दूरसञ्चारले अनुसन्धान सुरु गर्दछ र यस्ता घटना बेलाबेला सार्वजनिक हुने गरेको पनि छ। यो घटना पनि त्यस्तै हो। नत्र आलमले त्यत्रो ठूलो रकम दूरसञ्चार रकम खुरुक्क बुझाउने नै थिएन। जेहोस् अर्काको नागरिकता प्रयोग गरी झुक्याएर सीमकार्ड निकाली गैरजिम्मेवार तरिकाले सीमकार्ड दुरुपयोग गरिरहेको भारतीय नागरिक
आलमलाई प्रहरीले कारबाई तथा
गहन अनुसन्धानबिना नै मुक्त गरिदिएको छ। कलगर्लसँग राति कुरा गर्दा ४८ हजारको बिल उठेको हास्यास्पद कुरा दूरसञ्चार र प्रहरीले अनुसन्धानको
विषय नबनाउनुको रहस्य बुझि नसक्नुभएको दूरसञ्चारका प्राविधिकहरू बताउँछन्। घटनाबारे नेपाल दूरसञ्चार क्षेत्रीय कार्यालय वीरगंज, श्रीपुरका कार्यालय प्रमुख डाइरेक्टर रामानन्द यादवसँग बुझ्दा दूरसञ्चारले पाउने रकम पायो हाम्रो उद्देश्य पूरा भयो। कल कसले गर्यो, कहाँ गर्यो, कसरी गर्यो, खोज्ने र कारबाई गर्ने हाम्रो काम होइन त्यो प्रहरीको काम हो। कारबाई गर्ने
निकाय प्रशासन हो। उनीहरूले अनुसन्धान गरेर कारबाई गर्नुपर्ने हो भन्ने जवाफ दिए।
जिल्ला प्रहरी कार्यालय, पर्साका प्रहरी नायब निरीक्षक दिवेश लोहनीले कल बाइपास गरेको अनुसन्धानबाट नखुलेको र कलगर्लसँग कुरा गरेको बताए । त्यसपछि कानुनले मिल्ने भए कारबाई गर्न दूरसञ्चारको कार्यालय पठाइएको हो उनीहरूले के गरे थाहा भएन भन्ने जवाफ दिए। मुख्य
अभियुक्त इन्जिनियर र भारतीय नागरिक रिहा भएपनि यता मनहर्वा गाविस–५ निवासी बृद्ध शिवपूजन गिरी अहिलेसम्म तारिख खेप्दैछन्। शिवपूजन आफूलाई मोबाइलबारे थाहा नभएको र गाविसको कार्यालयमा मात्र नागरिकताको फोटोकपी पेश गरेको कुरा बारम्बार बताइरहेका छन्। नागरिकता एक व्यक्तिको र फोटो अर्को व्यक्तिको रहनुले शिवपूजनको नागरिकता अरूले गलत प्रयोग गरेको पुष्टि भइसकेको छ।
प्रहरीको अनुसन्धान प्रतिवेदनमा के लेखेको छ ?
बारा, मनहर्वा गाविस–६ निवासी शिवपूजन गिरीको नागरिकताको फोटोकपी कहींबाट फेला पारी रौतहट औरइया निवासी दिपु श्रीवास्तवले आफ्नो फोटो राखी वीरगंज शाखाबाट सीम निकालेको र सीम दिन सहायक इन्जिनियर देवधारी महतोले नागरिकता प्रमाणित गरेका छन्। भारतीय नागरिक आलमले भ्वाइस ओभर इन्टरनेशनल प्रोटोकल (भीओआइपी) नगरेको, काठमाडौंमा कलगर्लसँग कुरा गरेकोले कल बाइपास नगरेकोले निज दोषी नभेटिएको जिल्ला प्रहरीले च.नं. ३०४५ को पत्रमा अनुसन्धानको बेहोरा खुलाई पक्राउ परेको आलमलाई यसै पत्रसाथ नेपाल दूरसञ्चार कर्यालयमा कारबाई गर्न पठाएको बेहोरा उल्लेख छ।
जिल्ला प्रहरीबाट उक्त बेहोराको पत्रसहित अभियुक्त जिम्मा लगाउन दूरसञ्चारमा प्रहरी पुगेपछि दूरसञ्चारले यस्तो लेखेको छ– जिल्ला प्रहरी कार्यालय पर्साबाट प्राप्त भएको पत्रसहितको बेहोरा पढी दूरसञ्चारको खातामा ९८५५०२६३६६ नम्बरको पोस्टपैडबाट २०६८/५/५ को मितिमा गुलजार आलमले रु. ४०,५६५/७८ तथा ९७५५००१५६१ नम्बरबाट उठेको रु. १८७९७/५५ दूरसञ्चारले प्राप्त गर्यो। यस्तो मुद्दामा दूरसञ्चारले कारबाई गर्ने नियम छैन। सो कारण आलमलाई प्रहरीले नै नियन्त्रणमा राखी कारबाई गर्नुपर्ने बेहोरा खुलाई दूरसञ्चार वीरगंज शाखाले पत्रसहित आलमलाई जिल्ला प्रहरी कार्यालय, पर्सामा फिर्ता पठाएको देखिन्छ।