आरके पटेल, वीरगंज, १३ असार/
रक्तदानप्रति जनचेतना जगाउन आज वीरगंजमा रक्तदान उत्प्रेरणा कार्यक्रम सम्पन्न भएको छ।
नेपाल रेडक्रस रक्तसञ्चार केन्द्र वीरगंजले आयोजना गरेको कार्यक्रममा शल्यक्रिया गर्दा, दुर्घटनामा पर्दा, प्रसुतिको बेलामा मानिसलाई तुरून्त रगत दिनुपर्ने बेलामा रगतको सहज आपूर्ति नहुँदा मानिसको मृत्युसमेत हुन सक्ने
भएकोले रक्तदान कार्यक्रममा सक्रिय सहभागी भई रक्तदान गर्न जोड दिइएको थियो।
जो कसैलाई पनि जुनसुकै बेला रगतको खाँचो पर्ने हुँदा नियमित रक्तदान गरी रगत आवश्यक परेका सबै बिरामीलाई रगतको सहज आपूर्तिमा सहयोग पुर्याउन अपिल गरिएको थियो। चेतनाको कमीले रक्तदान गर्दा कमजोर भइन्छ भन्ने भ्रम अझै पनि हाम्रो समाजमा कायम नै रहेको नेपाल रेडक्रस केन्द्रीय रक्तसञ्चार सेवाकी कार्यकारी निर्देशक डा. मनिता राजकर्णिकारले बताइन्। उनले रक्तदानपछि हाम्रो शरीरले सामान्य प्रक्रियाबाट रगतको सजिलै आपूर्ति गर्ने हुनाले रक्तदानपछि शरीरले कमजोरी महसुस नगर्ने
बताइन्।
स्वस्थ व्यक्तिले रक्तदानपछि कमजोरी महसुस गर्नु भनेको रक्तदानप्रतिको नकारात्मक मानसिकताले गर्दा हो, उनले बताइन्। रक्तदान गरेपछि विशेष हेरचार गर्नुपर्ने आवश्यकता पनि नरहेको बताइन्। शरीरले उत्पादन गरेको रगत तीन महिनामा आफैं नष्ट भएर जाने भएकोले स्वस्थ व्यक्तिले तीन/तीन महिनामा रक्तदान गर्नु उपयुक्त हुने बताइन्।
कार्यक्रममा प्रमुख अतिथि नेपाल रेडक्रस सोसाइटीका केन्द्रीय सदस्य श्यामकुमार पोखरेलले रगतको सहज आपूर्तिका लागि राजनीतिक दलहरू, त्यसका भातृ सङगठनहरू, अन्य सङ्घसंस्थाहरूले विभिन्न अवसरमा रक्तदान कार्यक्रमको आयोजना गर्नुपर्ने बताए। उनले यसमा युवाहरूको साझा प्रयासले ठूलो सफलता प्राप्त हुने बताए। दलका केही नेताहरूले रगतका लागि अनावश्यक सिफारिस गर्ने गरेकोले पनि रगतको अभाव भएको बताए। रगत चाहिने बिरामीका आफन्तहरूले आफूले रक्तदान गरेर चाहिने रगत लगेमा
कहिल्यै रगतको अभाव नहुने पनि उनले बताए।
कार्यक्रमको सञ्चालन नेरेसो पर्साका शाखा अधिकृत उदयराज शर्माले गरेका थिए भने सहजीकरण रक्तसञ्चार केन्द्र वीरगंजका इन्चार्ज प्रवीण मानन्धर र प्रेम खड्काले गरेका थिए। त्यस्तै कार्यक्रमबारे डा. दीपक शाक्यले प्रकाश पारेका थिए। कार्यक्रममा नेरेसो पर्सा शाखाका सभापति फूलमहम्मद मियाँ, रक्तसञ्चार केन्द्र वीरगंजका संयोजक मदन गुप्तालगायतको पनि उपस्थिति थियो।
रक्तदानप्रति जनचेतना जगाउन आज वीरगंजमा रक्तदान उत्प्रेरणा कार्यक्रम सम्पन्न भएको छ।
नेपाल रेडक्रस रक्तसञ्चार केन्द्र वीरगंजले आयोजना गरेको कार्यक्रममा शल्यक्रिया गर्दा, दुर्घटनामा पर्दा, प्रसुतिको बेलामा मानिसलाई तुरून्त रगत दिनुपर्ने बेलामा रगतको सहज आपूर्ति नहुँदा मानिसको मृत्युसमेत हुन सक्ने
भएकोले रक्तदान कार्यक्रममा सक्रिय सहभागी भई रक्तदान गर्न जोड दिइएको थियो।
जो कसैलाई पनि जुनसुकै बेला रगतको खाँचो पर्ने हुँदा नियमित रक्तदान गरी रगत आवश्यक परेका सबै बिरामीलाई रगतको सहज आपूर्तिमा सहयोग पुर्याउन अपिल गरिएको थियो। चेतनाको कमीले रक्तदान गर्दा कमजोर भइन्छ भन्ने भ्रम अझै पनि हाम्रो समाजमा कायम नै रहेको नेपाल रेडक्रस केन्द्रीय रक्तसञ्चार सेवाकी कार्यकारी निर्देशक डा. मनिता राजकर्णिकारले बताइन्। उनले रक्तदानपछि हाम्रो शरीरले सामान्य प्रक्रियाबाट रगतको सजिलै आपूर्ति गर्ने हुनाले रक्तदानपछि शरीरले कमजोरी महसुस नगर्ने
बताइन्।
स्वस्थ व्यक्तिले रक्तदानपछि कमजोरी महसुस गर्नु भनेको रक्तदानप्रतिको नकारात्मक मानसिकताले गर्दा हो, उनले बताइन्। रक्तदान गरेपछि विशेष हेरचार गर्नुपर्ने आवश्यकता पनि नरहेको बताइन्। शरीरले उत्पादन गरेको रगत तीन महिनामा आफैं नष्ट भएर जाने भएकोले स्वस्थ व्यक्तिले तीन/तीन महिनामा रक्तदान गर्नु उपयुक्त हुने बताइन्।
कार्यक्रममा प्रमुख अतिथि नेपाल रेडक्रस सोसाइटीका केन्द्रीय सदस्य श्यामकुमार पोखरेलले रगतको सहज आपूर्तिका लागि राजनीतिक दलहरू, त्यसका भातृ सङगठनहरू, अन्य सङ्घसंस्थाहरूले विभिन्न अवसरमा रक्तदान कार्यक्रमको आयोजना गर्नुपर्ने बताए। उनले यसमा युवाहरूको साझा प्रयासले ठूलो सफलता प्राप्त हुने बताए। दलका केही नेताहरूले रगतका लागि अनावश्यक सिफारिस गर्ने गरेकोले पनि रगतको अभाव भएको बताए। रगत चाहिने बिरामीका आफन्तहरूले आफूले रक्तदान गरेर चाहिने रगत लगेमा
कहिल्यै रगतको अभाव नहुने पनि उनले बताए।
कार्यक्रमको सञ्चालन नेरेसो पर्साका शाखा अधिकृत उदयराज शर्माले गरेका थिए भने सहजीकरण रक्तसञ्चार केन्द्र वीरगंजका इन्चार्ज प्रवीण मानन्धर र प्रेम खड्काले गरेका थिए। त्यस्तै कार्यक्रमबारे डा. दीपक शाक्यले प्रकाश पारेका थिए। कार्यक्रममा नेरेसो पर्सा शाखाका सभापति फूलमहम्मद मियाँ, रक्तसञ्चार केन्द्र वीरगंजका संयोजक मदन गुप्तालगायतको पनि उपस्थिति थियो।
