Posts

Showing posts from March, 2021

प्रतीक दैनिकको सूचना

Image
  prateekdaily.com अबदेखि eprateekdaily.com मा अद्यावधिक (अपडेट) भइरहेको हुनाले ताजा समाचार, विचार र ई–पेपरको लागि eprateekdaily.com भिजिट गर्नुहुन अनुरोध गर्दछौं ।  – प्रतीक दैनिक  

२०७७ फागुन २४ गते सोमवारको प्रतीक दैनिक

Image
 

२०७७ फागुन २३ गते आइतवारको प्रतीक दैनिक

Image
 

नीति हराएको सत्ता राजनीति

Image
                    ओमप्रकाश खनाल सर्वोच्च अदालतले प्रतिनिधिसभा विघटनको सरकारको कदमलाई अमान्य ठहर गरेपछि यतिखेर मुलुकको राजनीति सत्तामा एकोहोरिएको छ। यसो त, विघटनदेखि पुनस्र्थापनाका लागि आन्दोलन र त्यसयताका राजनीतिक परिदृश्यहरूको मूल जड सत्ता सङ्घर्ष नै हो। सर्वोच्चले प्रतिनिधिसभा पुनस्र्थापनाको फैसला दिएपछि धेरैले प्रधानमन्त्री केपीशर्मा ओलीले राजीनामा अपेक्षा गरेका थिए। राजीनामा नदिने र अविश्वासको प्रस्ताव सामना गर्ने अडानले ओली अहिले पनि सकभर सत्तामा टाँसिने उपायको खोजीमा छन् भन्ने प्रस्ट भइसकेको छ। ओली प्रवृत्तिको विरोधमा उत्रिएको नेकपाकै अर्को समूह ओलीलाई सत्ताबाट झार्न आतुर छ। ओलीले सत्तामैं रहनका लागि विधि र प्रक्रिया मिचेर चालेको कदमको विरोधमा उत्रिएका नेकपाजनहरूको ध्येय पनि सत्ताबाहेक अन्य होइन भन्ने बुझ्न धेरै माथापच्ची आवश्यक छैन। ओली आचरण लोकतन्त्र र पद्धतिको प्रतिकूल थियो भन्नेमा विवाद भएन, विधिको पक्षमा उत्रिएकाहरूको साध्य पनि सत्ताप्राप्तिबाहेक अन्य केही होइन। लोकतन्त्र, जनहित र लोककल्याण त सत्तासम्म पुग्ने देखावटी आलाप मात्रै हुन्। सत्तासीन दल कानूनीरूपमा अझै एक भएपनि व

माउन्ट एडमन्डमा लक्ष्य निर्धारण कार्यशाला

Image
प्रस, वीरगंज, २२ फागुन/ माउन्ट एडमन्ड माध्यमिक विद्यालयले लक्ष्य निर्धारण कार्यशाला गोष्ठी सम्पन्न गरेको छ। विद्यालयका प्रधानाध्यापक अनन्तकुमारलाल दास प्रमुख प्रशिक्षक रहेको सो कार्यक्रममा उनले भने– “सपना भनेको कल्पना मात्र हो र लक्ष्य भनेको योजनासहितको सपना हो। लक्ष्यबेगरको मानिस भनेको आत्माबेगरको मानिस हो। यदि लक्ष्य स्मार्ट भएन भने त्यो कहिल्यै पूरा हुँदैन र अहिलेका विद्यार्थीहरूले गोलपोस्टबेगर फूटबल खेलिरहेका हुनाले यो गोष्ठी विद्यार्थीहरूका लागि लाभदायक छ।” यसैगरी, सहायक प्रशिक्षिका सुनिधि दासले यदि समस्यामाथि जोड दिइयो भने लक्ष्य ओझेलमा पर्छ र लक्ष्यमाथि जोड दिइयो भने समस्या ओझेलमा पर्छ भन्दै चुनौतीपूर्ण लक्ष्य निर्धारण गरियो भने लक्ष्य हासिल गर्न रमाइलो हुने बताइन्। कक्षा ८ देखि १० सम्मका विद्यार्थीहरू समावेश भएको सो कार्यशाला गोष्ठीमा लक्ष्य भनेको के हो ? यो किन आवश्यक छ ? लक्ष्य कस्तो हुनुपर्छ ? लक्ष्यलाई कति श्रेणीमा विभाजन गरेर तयार गर्नुपर्छ ? लक्ष्यलाई कसरी स्मार्ट बनाउने ? लक्ष्य किन असफल हुन्छ ? स्वोट (क्ध्इत्) विश्लेषण कसरी गर्ने ? यसका के के फाइदाहरू छन् ? जस्ता विषयहर

आपसी सहमतिमा न्यायोचित मुआवजा दिए –नगरप्रमुख साह

Image
प्रस, रौतहट, २२ फागुन/ गत वर्षकै निरन्तरता स्वरूप मौलापुर नगरपालिकाले यस वर्ष पनि स्थानीयको उत्साहवद्र्धक सहयोग, सद्भाव एवं सक्रिया सहभागितामा मधानी महायज्ञ विशेष समारोह–२०७७ को आयोजना गर्न लागेको नगरप्रमुख रिना साहले बताएकी छन्। मौलापुरको महादेवस्थानमा आयोजित पत्रकार सम्मेलनमा शनिवार उनले महायज्ञ तयारीको क्रममा आवश्यक पर्ने जग्गा नगरपालिकाले स्थानीयसँग सहमति गरेर न्यायोचित मुआवजा दिएको बताइन्। किसानहरूलाई मुआवजा दिए तापनि आफूले मिहिनेत गरी लगाएको हरियो बाली आफ्नै आँखाअगाडि काटिदा उनीहरूको मनोभावलाई छुनु स्वाभाविक भएको उनले बताइन्। विगत लामो समयदेखि ओझेलमा परेको महत्वपूर्ण सम्पदालाई सङ्घ तथा प्रदेश सरकारले विशेष प्राथमिकताका साथ अगाडि बढाउनुपर्नेमा नबढाइरहेको भन्दै उनले गुनासो व्यक्त गरिन्। नगरपालिकाको अगुवाइ तथा स्थानीय जनसमुदायको उत्साहवद्र्धक एकता र सक्रिय सहभागितामा अगाडि बढेको नगरप्रमुख साहको दाबी थियो। मौलिक धार्मिक अनुष्ठान मधानी (कवरथुवा) निरन्तर एक हप्तासम्म सञ्चालन हुने र त्यसमा भारत वृन्दावनको रासलीला, शिवलीला, नेपाल तथा भारतका चर्चित कलाकारहरूद्वारा सांस्कृतिक प्रस्तुति, वि

२ जना महिलासहित ७१ जनाद्वारा रक्तदान

प्रस, वीरगंज, २२ फागुन/ वीरगंज महानगरपालिका–१४ सानो पिपरामा युवा समाज पिपराले आयोजना गरेको रक्तदान कार्यक्रममा दुईजना महिलासहित ७१ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए। उच्च अदालत जनकपुरको अस्थायी इजलास वीरगंजको मूलगेटमा आयोजित रक्तदान कार्यक्रमको उद्घाटन नगरप्रमुख विजयकुमार सरावगीले गरेका थिए। समाजका अध्यक्ष अनिल पटेलको अध्यक्षतामा भएको कार्यक्रममा नेकपाका नेता रहबर अन्सारीले रक्तदान गरेपछि स्वास्थ्यमा हुने फाइदाका बारेमा जानकारी गराएका थिए। कार्यक्रममा सीमा पटेल, सुनीता श्रेष्ठ, रवीन्द्र दास, प्रताप पटेल, शिवरतन साह, राकेश साह, रवीन्द्र पटेल, मन्तोष पटेललगायतले रक्तदान गरेको केन्द्रका प्राविधिक प्रमुख पाण्डेयले बताए।

कलैयाको तरकारी तथा फलफूल बजारमा क्युआर कोड हस्तान्तरण

Image
प्रस, कलैया, २२ फागुन/ नेपाल राष्ट्र बैंकले अहिले क्युआर कोडमार्फत हुने भुक्तानीलाई अभियानकै रूपमा अघि बढाएको सन्दर्भमा माछापुच्छ«े बैंक, कलैया शाखाले बारा, कलैयास्थित तरकारी तथा फलफूल बजारका ४५ जना व्यवसायीलाई क्युआर कोड हस्तान्तरण गरेको छ। नेपाल राष्ट्र बैंक, वीरगंज कार्यालयका निर्देशक डा राजनकृष्ण पन्तको प्रमुख आतिथ्यमा सम्पन्न क्युआर कोड हस्तान्तरण कार्यक्रममा निर्देशक पन्त, कलैया उद्योग वाणिज्य सङ्घका उपाध्यक्ष प्रदीप साहलगायतले बजारमा सामान खरीद गरी क्युआर कोडमार्फत भुक्तानी गरेका थिए। निर्देशक डा पन्तले नेराबैंकको प्रमुख उद्देश्य स्वस्थ, सुरक्षित र सक्षम भुक्तानी प्रणालीको विकास गर्नुरहेको बताए। उनले यस सन्दर्भमा क्युआर कोड भुक्तानी प्रणाली सुरक्षित, भरपर्दो र विश्वासिलो बनाउन नेराबैंकले क्युआर कोड स्ट्यान्डराइजेशन पे्रmमवर्क र गाइडलाइन पनि जारी गरेको तथा दैनिक विद्युतीय कारोबारको सीमासमेत दोब्बर गरेको बताए। उनले नयाँ नोट छपाइ एवं ढुवानी गर्दा ठूलो धनराशि खर्च हुने भएकोले क्युआर कोड भुक्तानी सेवामार्फत राज्यको खर्च घटाउन सहयोग पुग्नुका साथै ग्राहक एवं खुद्रा पसले दुवैलाई फाइदा ह

खोपबारे ज्येष्ठ नागरिकलाई जानकारी

प्रस, ठोरी, २२ फागुन/ कोरोनाविरुद्धको खोपबारे ठोरी गाउँपालिकाका ज्येष्ठ नागरिकहरूलाई अभिमुखीकरण कार्यक्रम गरी जानकारी गराइएको छ। आइतवार फागुन २३ गतेदेखि सरकारले ६५ वर्ष पूरा भएका ज्येष्ठ नागरिकलाई कोरोनाविरुद्धको खोप दिने कार्य शुरू गर्ने हुनाले ठोरी गाउँपालिकाले गापामा भएका ज्येष्ठ नागरिकहरूलाई जानकारी गराउने अभिप्रायले कार्यक्रम आयोजना गरेको स्वास्थ्य संयोजक रमेश थिङले बताए। गापा कार्यालय घ्याङडाँडामा आयोजित कार्यक्रममा सहभागीहरूलाई स्वास्थ्य संयोजक थिङले ठोरी, निर्मलबस्ती, सुवर्णपुरस्थित स्वास्थ्य चौकीमा कोरोनाविरुद्धको खोप लगाइने जानकारी गराए। उनले वडा नं १ र २ का ज्येष्ठ नागरिकलाई ठोरी–२ गौतमनगरस्थित स्वास्थ्यचौकी, वडा नं ३ र ४ का ज्येष्ठ नागरिकलाई विजयबस्ती स्वास्थ्यचौकी र वडा नं ५ का ज्येष्ठ नागरिकलाई सोही वडाको सुवर्णपुर स्वास्थ्यचौकीमा कोरोनाविरुद्धको खोप लगाउने व्यवस्था गरिएको बताए। उनले यो चरणको खोप फागुन २३ देखि २६ गतेसम्म ठोरी गाउँपालिकामा सञ्चालन हुने र त्यसका लागि प्रत्येक केन्द्रमा दुईजना खोप लगाउने स्वास्थ्यकर्मी र स्वास्थ्य स्वयंसेवकको व्यवस्था गरिएको बताए। उनले अहिले

भोज भगत माविको भवन उद्घाटन

Image
प्रस, परवानीपुर, २२ फागुन/ भोजभगत माविको नयाँ भवनको उद्घाटन भएको छ। बारा जिल्ला परवानीपुर गाउँपालिका–३ लिपनीस्थित भोजभगत माविमा नवनिर्मित भवनको प्रदेश २ का भौतिक पूर्वाधार विकासमन्त्री जीतेन्द्र सोनलले उद्घाटन गरेका हुन्। वीरगंज–पथलैया ६ लेन सडक विस्तारको क्रममा सो विद्यालयको पुरानो भवन भत्काइएकोले नयाँ भवन निर्माण गरिएको हो। २०६४ सालपछि ४० लाख रुपैयाँको लागतमा निर्माण गरिएको विज्ञान भवनलाई नै विद्यालयको मुख्य भवनको रूपमा सञ्चालन गर्न शुभारम्भ गरिएको छ। करीब एक बिघा क्षेत्रफलमा निर्माण गरिएको विद्यालय भवनको उद्घाटन समारोहमा बाराका प्रमुख जिल्ला अधिकारी सुरेन्द्र पौडेल, बाराका प्रहरी उपरीक्षक दीपेन्द्र शाही, प्रसौनी गापाका अध्यक्ष भोला गुप्ता, परवानीपुर गापाका अध्यक्ष हरिनारायण साह, वडाध्यक्षहरूलगायतको सहभागिता थियो। सो विद्यालयको पुरानो भवनमा प्लस २ सम्मको अध्ययन हुन्थ्यो भने नयाँ भवनमा कक्षा १० सम्म मात्र पठनपाठन गराइने विद्यालयका प्रधानाध्यापक चनरदेव कुशवाहाले बताए। उद्घाटन समारोहमा विद्यालयको लागि जग्गादान गर्ने स्व भोजभगतकी पत्नी स्व अनुपी देवीको सालिकको पनि अनावरण मन्त्री सोनलले ग

अभिभावकहरूलाई शैक्षिक परामर्श

Image
प्रस, वीरगंज, २२ फागुन/ ज्ञानदा एकेडेमीले अभिभावकहरूलाई लक्षित गरेर शैक्षिक कार्यशाला गोष्ठी आयोजना गरेको छ। सो अवसरमा विद्यालयका प्रअ डा सिबी जदलीले अभिभावकहरूबाट बालबालिकाहरूले अनुसरण गर्ने हुनाले अभिभावक जागरूक हुनुपर्ने सुझाव दिए। उनले कुनै पनि क्रियाकलाप गर्दा बच्चाहरूमा असर पर्ने काम नगर्न अभिभावकहरूलाई सुझाए। बालबालिकाहरूको अगाडि हुने क्रियाकलापहरूको उनीहरूले सिको गर्ने हुनाले अभिभावहरूले यसबारेमा विशेष सजगता अपनाउनुपर्ने उनको सुझाव थियो। २१औं शताब्दीमा बालबालिकाहरूको मनःस्थिति बुझेर अभिभावकले महत्वपूर्ण कदम चाल्नुपर्ने प्रअ डा जदलीले बताए। कार्यक्रममा श्रब्यदृश्यमार्फत् पनि अभिभावकहरूलाई बालबालिकाहरूको आत्मविश्वास बढाउने उपायहरूको बारेमा जानकारी गराइएको थियो। कार्यक्रममा सहभागी अभिभावकहरूले आआफ्ना जिज्ञासा राखेका थिए।

नारायणी क्रिकेट रङ्गशालामा स्थानीय युवाहरूको दादागिरी

प्रस, परवानीपुर, २२ फागुन/ नारायणी क्रिकेट मैदानमा स्थानीय युवाहरूको दादागिरीका कारण फर्मा क्लबले शनिवार पूर्वघोषित प्रतियोगिता गर्न पाएन। नारायणी रङ्गशालादेखि पूर्व–दक्षिणतर्फ रहेको नारायणी क्रिकेट मैदानमा फर्मा क्लबले प्रतियोगिता गराउनको लागि क्यान पर्सासँग अग्रिम बुकिङ गरेको थियो। बिहान ६ देखि ११ बजेसम्मको लागि क्रिकेट मैदान बुकिङ गरिए पनि स्थानीय युवाहरूले सो मैदान खाली नगरिदिंदा प्रतियोगिता हुन नसकेको फर्मा क्लबले जनाएको छ। गत शनिवारदेखि आगामी पाँचवटा शनिवारका लागि फर्मा क्लबले मैदान बुकिङ गरेको थियो। तर त्यहाँ दैनिक अभ्यास गर्ने स्थानीय युवाहरूले मैदान खाली गरेनन् र आजको प्रतियोगिता स्थगित भयो। वीरगंज–पथलैया औद्योगिक कोरिडोरका १० वटा औषधि उद्योगमा कार्यरत फर्मासिस्टहरूले फर्मा क्लब सञ्चालन गरेका छन्। क्लबले प्रत्येक वर्ष मैत्रीपूर्ण क्रिकेट प्रतियोगिता गराउँदै आएको छ। क्लबका अध्यक्ष देवानन्द साहले क्यान पर्सासँग मैदान शुल्क तिरेर अग्रिम बूक गरेको भएपनि युवाहरूले अटेरी गर्दा आजको प्रतियोगिता स्थगित गरिएको बताए। प्रतियोगिता हेर्न अतिथि, दर्शक आएका थिए भने मैदानमा टेन्ट, साउन्ड सिस्

तेस्रो सखुवाप्रसौनी गोल्डकप श्री बाराले जिते

प्रस, पंचगावाँ, २२ फागुन/ तेस्रो सखुवाप्रसौनी गोल्डकप फूटबल प्रतियोगिताको उपाधी श्री बारा ११ले जितेको छ। प्रतियोगिताको फाइनलमा टाइब्रेकरमा पर्सा राइडर युथ क्लबलाई ३ को विरूद्ध ४ गोल गरि उपाधि जितेको हो। फाइनल प्रतियोगिताको खेल दुबै बीच बराबरीमा सकिएपछि टाइब्रेकरबाट प्रतियोगिताको निर्णय गरिएको थियो। प्रतियोगितामा विजयी र उपविजयी टिमलाई निलम्बित सांसद हरिनारायण रौनियारले नगद, शिल्ड, कप, प्रमाणपत्रसहित पुरस्कृत गरेका थिए। प्रतियोगिताको विजयीलाई १ लाख रउपविजयीलाई ५० हजार प्रदान गरिएको थियो। वडाध्यक्ष्F विश्वनाथ पटवारीको अध्यक्षतामा भएको समापन समारोहमा गापा अध्यक्ष्F प्रदीप जैसवाल, उपाध्यक्ष्F फूलमति देवी चौधरी, नेरामावि सिरही सथवलका प्रअ भागवतप्रसाद थारू, वडासचिव चन्द्रकिशोर पटेल, वडासदस्य पारशमहतो थारूलगायतको सहभागिता थियो।

नेविप्रा वीरगंजमा स्मार्ट कक्ष सञ्चालन

प्रस, परवानीपुर, २२ फागुन/ नेपाल विद्युत् प्राधिकरण वितरण केन्द्र वीरगंजमा एकीकृत सेवा उपलब्ध गराउने कक्षको उद्घाटन भएको छ। नेपाल विद्युत् प्राधिकरण प्रादेशिक कार्यालय जनकपुरका प्रमुख मनोजुकमार सिंहले शनिवार कक्षको शुभारम्भ गरेका थिए। प्राधिकरणमा सेवाग्राहीलाई महसूल बुझाउने कार्यबाहेक सबै प्रकारका सेवा एकै थलोबाट उपलब्ध गराउने उद्देश्यले स्मार्ट सिस्टमयुक्त सोधपूछ तथा एकीकृत कक्ष सञ्चालनमा ल्याइएको उनले जानकारी दिए। प्रादेशिक प्रमुख साहले देशका विभिन्न वितरण केन्द्रमा सेवाग्राहीलाई कम समयमा चुस्तदुरुस्त र पारदर्शी सेवा दिने लक्ष्य रहेको र सोको फलस्वरूप वीरगंजमा कक्ष शुरू गरिएको बताए। उनले कुनै प्रकारको सेवाबारे जानकारी, मिटर लिने, मिटर परिवर्तन, नामसारी, ठाउँसारीलगायतका सबै काम अब एउटै कोठाबाट हुने बताए। कुनै फाइल अरू शाखामा लैजानुप–यो भने सो काम वितरण केन्द्रका कर्मचारीहरूले गर्ने बताए। सो कक्षमा अन्य सेवाको राजस्व पनि लिइने वितरण केन्द्र वीरगंजका प्रमुख शम्भु कुसियत रायले बताए। कार्यक्रममा केन्द्रका लेखा प्रमुख राजेशकुमार झा, प्रशासन प्रमुख कृष्णप्रसाद पन्तलगायत प्राधिकरणका कर्मचारीह

ठोरीमा चार दिने स्वास्थ्य शिविर शुरू

प्रस, ठोरी, २२ फागुन/ अन्तर्राष्ट्रिय महिला दिवसको अवसरमा ठोरी गाउँपालिकामा चार दिने पाठेघरसम्बन्धी परीक्षण तथा निश्शुल्क स्वास्थ्य शिविर शुरू भएको छ। वडा कार्यालयको आयोजनामा वयोधा अस्पताल वीरगंज र उन्नति मेडिकल सुवर्णपुरको प्राविधिक सहयोगमा आयोजित शिविरको उद्घाटन उपाध्यक्ष शान्तिमाया थिङले गरेकी थिइन्। उनले महिलाहरूको हकहित महिला दिवसमा मात्र नभई ३६५ दिन लागू हुनुपर्ने बताइन्। उनले समाजका धेरैजसो महिला स्वास्थ्य संस्थासम्म पुगेर उपचार गराउने हैसियतमा नरहेकाले गाउँपालिकामा शिविर सञ्चालन गरेको भन्दै सोबाट लाभ लिन आग्रह गरिन्। उनले घरायसी हिंसा र अशिक्षाको कारण महिलाहरू आफ्नो रोगलाई लुकाउने गरेको र पछि समस्या बल्झेर पीडित हुने गरेको भन्दै शिविरमा खुलेर आफ्नो रोगको उपचार गराउन सुझाइन्। कार्यक्रममा सुनीता बुढाथोकीले स्वागत गरेकी थिइन् भने सहजीकरण चन्द्र नेवारले गरेका थिए। वडाध्यक्ष्F रामबहादुर पाख्रिनको अध्यक्ष्Fतामा भएको उद्घाटन समारोहमा स्वास्थ्य संयोजक रमेश थिङ, शिक्षक महासङ्घका अध्यक्ष अमृत श्रेष्ठ, समाजसेवी लेखमान थापालगायतले शुभकामना व्यक्त गरेका थिए। शिविर सुवर्णपुरमा दुई दिन र वडा

२०७७ फागुन २२ गते शनिवारको प्रतीक दैनिक

Image
 

भेडाहा र सिंघाही खोला उत्खननको स्वीकृति

Image
प्रस, पर्सागढी, २१ फागुन/ वीरगंज महानगरपालिका–३१ स्थित भेडाहा खोला र पर्सागढी नगरपालिकाको सिंघाही खोलामा नदीजन्य पदार्थको उत्खनन पुनः शुरू भएको छ। ठेक्का लागेर खोला उत्खनन हुँदै आएकोमा ठेक्का सकार गर्दा प्रारम्भिक वातावरणीय परीक्षण रिपोर्टको मापदण्डविपरीत कार्य भएको भन्दै जिल्ला अनुगमन समितिले माघ २० गते दुवै खोलामा उत्खनन अर्को निर्णय नहुन्जेलसम्म रोक्का राखेको थियो। जिल्ला अनुगमन समिति, पर्साका संयोजक जिल्ला समन्वय समितिका सभापति नेक महम्मद अन्सारीले कार्यविधि बनाएर खोलाको उत्खनन मापदण्ड अनुसार गर्न निर्देशन दिंदै शुरू भएको बताए। वीरगंज महानगर–३१ भेडाहा खोलामा एक साताअगाडिदेखि उत्खनन भइरहेको छ भने पर्सागढी नगरपालिका अन्तर्गत सिंघाही खोलामा दुई दिनअघिदेखि उत्खनन शुरू भएको अनुगमन समितिका संयोजक अन्सारीले बताए। उनले कार्यविधि बनाइएको र सो पालना भए नभएको बारेमा नियमित अनुगमनको जिम्मेवारी स्थानीय तहलाई दिइएको तथा सोविपरीत गर्नेलाई कसूर अनुसार कारबाई गर्ने कार्यविधिमा उल्लेख रहेको बताए।

डिपिएसको १७औं वार्षिकोत्सव सम्पन्न

Image
प्रस, वीरगंज, २१ फागुन/ दिल्ली पब्लिक स्कूल वीरगंजले १७औं वार्षिकोत्सव मनाएको छ। बाराको परवानीपुर गाउँपालिका वडा नं ४ चैनपुरस्थित विद्यालय परिसरमा विविध कार्यक्रम गरी वार्षिकोत्सव मनाइएको हो। कार्यक्रममा एलकेजीदेखि कक्षा १२ सम्मका विद्यार्थीले विविध प्रस्तुति प्रदर्शन गरेका थिए। कार्यक्रममा कराँते, कथक नृत्य (लावनी), नेपाली नृत्य, हिन्दी नृत्य, नाट्य कथा तथा नेपाली र अङ्ग्रेजी गीतमा गायन पनि प्रस्तुत गरिएको थियो। विद्यालय व्यवस्थापन समितिका अध्यक्ष भिखमचन्द अग्रवालको अध्यक्ष्Fता तथा भारतीय महावाणिज्य दूतावासका कन्सुलर डा. कोट्रास्वामीको प्रमुख आतिथ्यमा सम्पन्न कार्यक्रममा विद्यालय व्यवस्थापन समिति सदस्य सत्यनारायण अग्रवाल, चौधरी ग्रुपका एडुकेशन हेड गर्ली अग्रवाल, सिजी फाउन्डेशनका एकेडेमिक हेड भूषणचन्द सेन गुरुङलगायतको सहभागिता रहेको विद्यालयका प्रधानाध्यापक गौरीशङ्कर चौधरीले बताए। कार्यक्रमको अन्त्यमा विद्यालयका उपप्रधानाध्यापक रञ्जीव आनन्दले विद्यार्थी, अभिभावक, शिक्षक, कर्मचारी, सम्पूर्णमा धन्यावद ज्ञापन गरे। कार्यक्रममा प्रमुख अतिथि डा. स्वामीले विद्यार्थीहरूको चौतर्फी विकासको लागि

रेलमार्ग निर्माणका लागि सर्भे कार्य पुनः सुचारु

Image
प्रस, निजगढ, २१ फागुन/ रेलमार्ग निर्माणको लागि रोकिएको सर्भे कार्य शुक्रवारबाट पुनः सुचारु भएको छ। बकैया खोला किनार ड्यामको पूर्वी किनारलाई समाउँदै रेलमार्ग लैजाँदा मानवबस्ती, निजी खेतीयोग्य जमीन नपर्ने, तटबन्धको दीर्घकालीन समस्यासमेत समाधान हुने गरी रेलमार्ग लैजाँदा उपयुक्त हुने भन्दै सर्भे कार्य सुचारु गरिएको हो। यसअघि मानवबस्ती, खेतीयोग्य जमीनबीचबाट कोही कसैलाई जानकारी नै नदिई सर्भे गरेसँगै स्थानीयहरूले अवरोध गर्दै रोकेका थिए। त्यसपछि रेल विभाग काठमाडौंका महानिर्देशक प्रमिला बज्राचार्य, रेलमार्गका लागि युसिङ कोरियन सर्भे कन्सल्ट्यान्टका मुख्य सर्वेयर मिस्टर कु, मिस्टर सोन, रेल विभागका सिनियर डिभिजन इन्जिनीयर देवेन्द्रप्रसाद साह, नेपाली सर्भे कन्सल्ट्यान्टका जियोलोजिस्ट अच्युत कोइरालासहितको प्राविधिक टोलीले निजगढको बकैया खोलाको पूर्वीतर्फको क्षेत्रको स्थलगत अनुगमन गत फागुन ९ गते गरेको थियो। सो अनुगमनमा निजगढका प्रमुख सुरेशकुमार खनाल, रेलमार्ग पीडित सरोकार समिति निजगढका पदाधिकारी, स्थानीयसमेत थिए। स्थलगत अनुगमन गर्नुअघि निजगढ नपामा भएको सो टोलीसँगको छलफलमा बकैया खोलापारि पश्चिम किनारल

अनाथालयलाई बालबालिकाको खान्गी पु–याउन नै धौधौ

Image
 प्रस, गरुडा, २१ फागुन/ रौतहटको गरुडामा स्थापित वंशीराम जयसवाल अनाथालयले आउँदो चैतको पहिलो हप्तामा रजतजयन्ती समारोहको आयोजना गर्दैछ। २०५२ चैतमा स्थापित यस अनाथालयले अभावको अनेक शृङ्खला पार गरिसकेको छ तर पनि अभावले सताउन छोडेको छैन। निरन्तर अनाथको सम्पूर्ण सेवा गरिरहेको यस निस्स्वार्थ संस्थामा खाद्यान्न अभाव सदैव भइरहन्छ। अनाथालयले सहयोग पाउँदै नपाउने होइन, सर्वसाधारणको निरन्तर सहयोग पनि पाइरहेको छ तर अनाथ बालबालिकाको सङ्ख्या धेरै भएको यस संस्थामा मानवीय समस्याहरू भने आइरहन्छन्। “एक दिनको दुई छाकमा झन्डै १५ किलो चामल खर्च हुन्छ, एक बोरा चामलले मुश्किलले दुई दिन टर्छ,” अनाथालयको रेखदेख गर्ने नवयुवक हृदयनारायण कश्यप भन्छन्। उनी थप्छन्– बालबालिका धेरै छन्, यसैले गर्दा खाद्यान्न अभाव भइरहन्छ। धेरै मनकारी तथा धनकारीहरूले आफ्नो जन्मदिन, विवाहोत्सव, छोरा वा छोरीको जन्मदिन तथा अन्य शुभ अवसरहरूमा खाद्यान्न उपलब्ध गराउने गरेका छन्। आफ्नै खुशीले उपलब्ध गराउने चामल, दाल, तरकारी तथा अन्य साधनले अनाथालयमा बालबालिका पालिएका छन्। मौसम अनुसारको कपडा तथा चाडपर्व अनुसारको सामग्री पनि मानिसहरूले पु–याइदिने

उपचारपछि सिंहको एउटा आँखाले देख्न छाड्यो

Image
प्रस, वीरगंज, २१ फागुन/ वीरगंज महानगर–१५ भिस्वा निवासी ४१ वर्षीय वीरेन्द्र सिंहले एउटा आँखा गुमाएका छन्। वीरगंज–१६ नगवास्थित किरण आँखा अस्पतालमा उपचार गराउने क्रममा उनले आँखा गुमाउनुपरेको बताए। दुई साताअघि आँखा दुखेपछि किरण आँखा अस्पतालमा चेकजाँच गराएको र त्यहाँका चिकित्सक डा अमर क्यालले आँखामा इन्जेक्सन लगाएपछि उनले देख्न छाडेको बताए। किरण आँखा अस्पतालमा उपचार गराउँदा आँखाले देख्न छाडेपछि वीरगंजका अन्यत्र आँखा अस्पतालमा पनि देखाएको र त्यहाँका चिकित्सकहरूले आँखा निको हुन नसक्ने भनी बताएको पीडित सिंहले बताए। अन्यत्रका चिकित्सकले आँखाले देख्न नसक्ने बताएपछि यसबारेमा किरण आँखा अस्पतालमा बुझ्न गएको तर चिकित्सकहरू कोही नभेटिएको उनले बताए। उनले आफूहरू आँखा अस्पतालमा आउँदै गरेको जानकारी पाएर चिकित्सकहरू फरार भएको बताए। एउटा आँखा गुमाएका सिंहले यसविरुद्ध कारबाई प्रक्रिया अगाडि बढाउने बताएका छन्।

२ महिलासहित १२५ जनाद्वारा रक्तदान

Image
प्रस, पोखरिया, २१ फागुन/     पर्साको पोखरिया नगरपालिका र बाराको बारागढी गाउँपालिकामा नेपाल रेडक्रस सोसाइटी उपशाखाले आयोजना गरेको रक्तदान कार्यक्रममा दुईजना महिलासहित १२५ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए।     पोखरियामा नेपाल विद्युत् प्राधिकरण, सशस्त्र प्रहरी, नेशनल माइक्रो फाइनान्स र पोखरिया नगरपालिकाको सहकार्यमा नेपाल रेडक्रस सोसाइटी पोखरिया उपशाखाले आयोजना गरेको रक्तदान कार्यक्रममा ८३ जनाले रक्तदान गरेको रक्तसञ्चार केन्द्रका प्रमुख उदयराज शर्माले बताए।     रक्तदान कार्यक्रममा अनिल गिरी, जनार्दन गिरी, रमाकान्त महतो, बृजेश साह कानू, प्रमेन्द्र थारू, उमेश चौहान, प्रभात पटेल, हरिकिशोर चौहान, धीरेन्द्र यादव, अजय यादवलगायतले रक्तदान गरेको प्रमुख शर्माले जानकारी गराए।     उपशाखाका सभापति भगवान्प्रसाद कुर्मीको अध्यक्षतामा भएको कार्यक्रममा प्रदेशसभा सदस्य प्रह्लाद गिरी, नगरप्रमुख दीपनारायण रौनियार, संविधानसभा सदस्य रामेश्वर रौनियार, ललन द्विवेदीलगायतको सहभागिता थियो।     यसैगरी, बारागढी नगरपालिकामा नेपाल रेडक्रस सोसाइटी बारागढी उपशाखाले आय

कानूनबमोजिम समस्याको समाधान –प्रजिअ पौडेल

Image
प्रस, वीरगंज, २१ फागुन/ बाराका प्रमुख जिल्ला अधिकारी सुरेन्द्र पौडेलले जिल्लामा रहेका समस्याहरूलाई कानूनबमोजिम समाधान गर्ने प्रतिबद्धता जाहेर गरेका छन्। जिल्ला प्रशासन कार्यालय, बारामा शुक्रवार आयोजित पत्रकार सम्मेलनमा प्रजिअ पौडेलले आफ्नै सबै कामकारबाईहरू कानूनको परिधिभित्र रहेर हुने बताए। उनले आफूले यो गर्छु, त्यो गर्छु भन्दा पनि प्राथमिकतामा कानूनलाई राखेर काम गर्ने बताए। उनले आफ्नो कार्यकालमा सुशासनको अनुभूति दिलाउने प्रतिबद्धता पनि जाहेर गरे। प्रजिअ पौडेलले भने, “मेरो कामकारबाईबाट तपाईंहरू खुशी हुनुहुनेछ र सन्तुष्टि प्रकट गर्नुहुनेछ।”

वीमनपा ठीक्क ! बिरालो भन्छ थुक्क

Image
                मुकुन्द आचार्य वीरगंज वीरहरूको नगरी हो किनभने यसको नामको ‘वीर’ वीर शमशेरको नामकै मूल अंश हो। यसको न्वारन कसले, कहाँ, कसरी गरायो, त्यसको वीरता कुन विषयमा थियो, ती सब कुरा तपसीलका हुन्। हालसाल तिनलाई खोतलखातल पार्न जरुरी देखिन्न। त्यसो त अहिले सबै आफूलाई वीर (हीरो) नै ठान्छन्। वर्तमानमा चहार्दा यो वीरगंज नगरी पहिलेको दाँजोमा निकै तन्किएको छ। पूर्व, पश्चिम, उत्तर, दक्षिण चारै दिशामा यसको तन्काइ निकै बढेको छ। चुइङ्गम भएको छ। यसको आकार, प्रकारलाई उपध्रोसँग तन्काउने श्रेय यसको नगरीकरण–शहरीकरण गर्ने सोचलाई जान्छ। सबै दिशाबाट यहाँ आएर वीर भएर वीरतापूर्वक बस्ने सबै वीरबहादुर प्रशंसनीय छन्, वन्दनीय छन्। उनीहरू आआफ्नो जीवनचक्रमा खुङ्खार अपराधी हुन सक्लान्स तर त्यो खोतलखातल गर्ने काम हामी नगरौं। त्यो हाम्रो काम हैन। अब कुरोको चुरोतिर लागौं। वीरगंज नगरपालिकाले उपध्रो उन्नति गरेको छ, यसमा रौं बराबर शङ्का गर्ने ठाम छैन। ठाउँ–ठाउँमा कालाचिल्ला सडकहरू दक्षिण भारतीयको अनुहारजस्तै टिलिक्क टल्केका छन्। अस्पताल, रोगी, विद्यालय, महाविद्यालय, होटेल, वाणिज्य–व्यवसाय, प्रहरी प्रशासन, अपराधी, तस

द्रोण पर्व–३४

Image
                    उमाशङ्कर द्विवेदी ब्राह्मणमा सत्य, साधुहरूमा नम्रता र यज्ञमा लक्ष्मीको हुनु जसरी निश्चित छ, त्यसै प्रकार जहाँ नारायण छन्, त्यहाँ विजय पनि निश्चित छ। भोलि बिहान हँुदैमा मेरो रथ तयार रहोस्, यस प्रकारको प्रबन्ध मिलाउनुहोस्, किनभने हामीमाथि ठूलो काम आइपरेको छ। तदन्तर अर्जुनले श्रीकृष्णसित भने–“भगवन्, अब तपाईं गएर सुभद्रा र उत्तरालाई सम्झाइबुझाइ गरेर उनीहरूको शोकलाई साम्य पार्नुहोस्।” अनि धेरै उदास भई श्रीकृष्ण अर्जुनको शिविरभित्र गएर पुत्रशोकले पीडित आफ्नी बहिनीलाई ढाडस दिन थाले। उनले भने– “हेर बहिनी, तिमी र बुहारी उत्तरा दुवैले शोक न गर। कालद्वारा एक दिन सबैको यस्तै गति हुन्छ। तिम्रो पुत्र उत्तम वंशमा उत्पन्न, धीर, वीर र क्षत्रिय थियो, यो मृत्यु उसको योग्य नै भएको हो, त्यसैले शोकलाई त्याग गर। हेर, बडे बडे सन्त पुरुष तपस्या, ब्रह्मचर्य, शास्त्रज्ञान र सद्बुद्धिद्वारा जुन गतिलाई प्राप्त गर्न चाहन्छन्, त्यही गति तिम्रो पुत्रलाई प्राप्त भएको छ। तिमी वीरमाता, वीरपत्नी, वीरकन्या र वीरकी बहिनी हौ, कल्याणी, तिम्रो पुत्रलाई उत्तम गति प्राप्त भएको छ, तिमी उसको लागि शोक न गर। बाल

प्रतिगमन

Image
                समीर पाख्रिन कर्णे आज बिहानैदेखि थकित छ। ऊ आँगनमा बसेर घरीघरी हाइ...हाइ काँडिरहेको छ। बिहान सबेरै उठेर पँधेराबाट दुई–तीन गाग्री पानी ओसारिसक्ने कर्णेलाई आज जाँगर चलेको छैन। “लिनोस् चिया। के भो ? बिहानै नून खाएको कुखुराजस्तो झोक्राउनुभएको छ नि ?” कर्णेकी पत्नी चमेलीले चिया टक्राउँदै प्रश्न गरिन्। “दिनभरि घोक्रो फुलाइफुलाइ जिन्दाबाद १ आई लभ यू भनेर चिच्याएकोले होला जीउ फतक्क गलेको छ।” “मल बोक्नुपर्ने मान्छे, दिनदिनै जुलूसमा हिंडेका छन्। म एक्लैबाट त हुँदैन है भनीदिएकी छु नि,” चमेली फतफताउँदै भान्सातिर लागिन्। “ल ल दिउँसोतिर बोकौंला,” यति भनी कर्णे चिया पिउन थाल्छ। हुन पनि कर्णे मात्र होइन गाउँका लोग्ने मानिसहरू हिजोआज सबै काम लथालिङ्ग छाडेर घर लौरीमा हिंडेका छन्। जान्न भन्नसमेत नपाइने अवस्था आएपछि गरोस् पनि के ? “पहिला एक भारी घाँस ल्याउँछु, त्यसपछि भात खान्छु र दिउँसोतिर मल बोक्नुप–यो,” उसले अठोट गरेको मात्र के हुन्छ एक हूल गाउँँले आँगनमा देखा पर्छ। “कर्णे, लौ लौ जानुप–यो तयार भैहाल्नूू,” एउटाले फूर्तिका साथ भन्यो। “हैन कहाँ जाने भन्या फेरि ?” कर्णेले झर्को मान्दै हूलतिर

प्राचीनकालमा तिलक, गौना र दोङ्गाको महत्व

Image
                राजेश मिश्र कालान्तरमा तिलक दहेजको आवरणमा थिएन। किनभने विवाहलाई धार्मिक अनुष्ठान मानिन्थ्यो। धार्मिक संस्कार अन्तर्गत दुलहालाई विवाहपूर्व तिलक गर्ने परम्परा थियोे। विवाहमा धार्मिक संस्कार, पूजापाठ र लोकपरम्परा आदि उच्च प्राथमिकतामा थिए। बेहुला पक्षलाई पूज्य मान्ने उहिलेको मान्यता अहिले पनि निरन्तर छ। पुरोहित, हजाम र नितान्त आफन्तजनको उपस्थितिमा तिलकोत्सव हुन्थ्यो। एकाध सम्भ्रान्तजनबाट तिलकमा शुरू भएको दहेज प्रदर्शनको सङ्क्रमण समाजमा फैलिंंदै गयो। एकअर्काको अनुसरण हुन थाल्यो। तिलकमा दहेज लिने/दिने मात्र होइन, प्रदर्शनजन्य परम्पराको सुरुआत भयो। तिलकोत्सव बिस्तारै दहेज प्रदर्शनको केन्द्र बन्दै गयो। तामझाम बढ्न थाल्यो। खर्चिलो बन्दै गयो। उच्च भीड र अकुत दाइजो प्राप्तिलाई ‘सामाजिक औकात मापक यन्त्र’ मान्न थालियो। अहिले अस्ताउँदो तिलकको प्रचलन ‘छेका’ र ‘अँगुठी समारोह’ जस्ता नयाँ स्वरूपमा उदीयमान छ। तिलकलाई स्थानीय भाषामा ‘तिल्काउने’ अर्थात् तिलक गर्ने भनिन्छ। मधेसको सन्दर्भमा ‘तिलक’ अति प्रचलित शब्द हो। तिलक के हो ? भन्ने प्रश्नको जिज्ञासामा अपवादबाहेक मस्तिष्कमा दहेज लेनदेनको

अद्र्धनारीश्वरदेखि दुईलिङ्गी चरोसम्म

Image
                    सञ्जय मित्र मनुस्मृतिमा एउटा श्लोक यस्तो छ ः     द्विधा कृत्वाऽऽत्मनो देहमर्धेन पुरुषोऽभ्यत्ः।     अर्धेन नारी तस्यां स विराजमसृजत्प्रभुः।।     यसको भावार्थ के बताइएको छ भने ब्रह्माले आफ्नो शरीरलाई दुई भाग गरी आधाबाट पुरुष र आधाबाट नारी बनाएर त्यसमा विराट् पुरुषको सृष्टि गरे।     मानिसको सृष्टि वा सिर्जना कसरी भयो वा मानिसको विकासक्रम के हो भन्ने विषयमा अनेक वादविवाद रहेको छ। धर्मशास्त्र र विज्ञानले फरक–फरक तर्क राख्दै आएका छन्। मानवको उत्पत्ति कसरी भयो भन्ने विषयमा अनेक तर्क र बहसहरू लामो समयदेखि चल्दै आएको सत्य हो। सबै तर्क र सिद्धान्तलाई मान्नेहरू छन् र सबैमाथि प्रश्न उठाउनेहरू पनि छन्।     मनुस्मृतिको उपर्युक्त श्लोकबाट एउटा कल्पना उभिन्छ कि ब्रह्मामैं स्त्री र पुरुष दुवैको शक्ति थियो। ब्रह्मालाई सामान्यतया वृद्ध पुरुषको रूपमा चित्राङ्कन गरिएको पाइन्छ र यस श्लोकमा भनिएको जस्तो प्रस्तुति सितिमिति कुनै प्रसङ्गमा गरिएको पाइन्न। तर मनुस्मृति पनि हिन्दू धर्म–दर्शनमा दख्खल राख्ने ग्रन्थ भएकोले एकैचोटि ठाडै अस्वीकार गर्न पनि सकिन्न। यस ग्रन्थले ब्रह्मा एकै देवतामा नारी

प्रजातन्त्रले प्रजाको भावना खोइ बुझेको ?

Image
                वैधनाथ ठाकुर ‘जनताद्वारा जनताको लागि जनताको सरकार’लाई प्रजातन्त्र भनिन्छ। सुन्दा वा पढ्दा यो कुरा सा–है कर्णप्रिय, मानवतावादी तथा प्रजामुखी देखिन्छ। प्रजातन्त्रको यो परिभाषा अमेरिकी राष्ट्रपति अब्राहम लिङ्कनले दिएका थिए। परिभाषाको मूलभाव प्रजा अर्थात् जनताप्रति नै राजनीति उत्तरदायी हुनुपर्छ भन्नु हो। यस खालको प्रजातन्त्रलाई लेनिनको शब्दमा ‘संसद् भनेको खसीको टाउको झुन्ड्याएर कुकुरको मासु बेच्ने स्थल हो’ भन्ने भनाइ झट्ट सुन्दा गलत तथा पूर्वाग्रहले भरेको जस्तो लाग्छ। तर वास्तविकता यस्तो होइन। नेपालको सन्दर्भमा कुरा गर्ने हो भने २००७ देखि २०७७ सालसम्म आइपुग्दा नेपाली जनताले थुप्रै प्रजातान्त्रिक सरकार देखेका छन्। के काङ्ग्रेस, के पञ्च, के कम्युनिस्ट, सबैले देशमा पालैपालो प्रजातन्त्रको नाम लिंदै शासन गरेकै हुन् तर कुनै पनि बेला सरकार प्रजामैत्री बन्न सकेको देखिएन बरु जहिले पनि भ्रष्टाचारमैत्री, तस्कर तथा माफियामैत्री, अपराधमैत्री व्यवहार सरकारबाट प्रदर्शन हुँदै आएको सर्वविदितै छ। यतिबेला एकचोटि फेरि भनिएको छ, देश ठूलो सङ्कटमा फस्नबाट जोगियो। सर्वोच्चको संसद् पुनस्र्थापनाको फ

जग्गा दिने हो ?

सुकुमबासीलाई जग्गा दिने र अव्यवस्थित बसोवास अर्थात् जग्गा उपभोग गरिरहेका तर धनीपुर्जा नपाएकाहरूलाई धनीपुर्जासमेत उपलब्ध गराउने गरी सङ्घीय सरकारले प्रक्रिया अगाडि बढाएको छ। केन्द्रीयस्तरमा आयोगका अध्यक्षलगायतका पदाधिकारी नियुक्त भएको एक वर्ष बितिसक्दा पनि काम अगाडि बढ्न सकेको थिएन। तर केपीशर्मा ओली नेतृत्व सरकारको कार्यकाल सम्भावित उत्तराद्र्धमा आइपुगेपछि जिल्लास्तरमा पदाधिकारी नियुक्तिका साथै स्थानीयस्तरमा लगत सङ्कलन शुरू भएको छ। आयोग गठन तथा नियुक्ति प्रक्रिया अनि तिनका बारेमा विरोध वा समर्थन बारेमा यहाँ चर्चा गर्न खोजिएको होइन। लगत सङ्कलन गर्न थालिएपछि देखिएका विकृति कसैबाट लुकेको छैन। सुकुमबासी र अव्यवस्थित बसोबासीको सङ्ख्या वृद्धि भइरहेको छ। पालिकाहरूमा नयाँ झुपडी बन्ने क्रम जारी छ। पालिकामा सुकुमबासीको नाम टिपाउने भीड छ। स्थानीय पालिकाहरूले ‘भूमिहीन दलित, भूमिहीन सुकुमबासी र अव्यवस्थित बसोबासीको लगत सङ्कलनसम्बन्धी कार्यविधि २०७७’ बमोजिम आफ्नो क्षेत्रभित्रका सुकुमबासी, दलित सुकुमबासी, अव्यवस्थित बसोबासी र जग्गा क्षेत्रफलको विवरण, त्यसैगरी ऐलानी, सार्वजनिक, पर्ती, सरकारी तथा नदी उका

२०७७ फागुन २१ गते शुक्रवारको प्रतीक दैनिक

Image
 

ठगी मुद्दाको आरोपमा जाटिया पक्राउ

Image
 प्रस, वीरगंज, २० फागुन/ वीरगंज, छपकैयाको रेलवे सडकको छेउमा रहेको श्रीराम कोलोनीका तत्कालीन जग्गाधनी प्रेम जाटियालाई ठगी गरेको आरोपमा जिल्ला प्रहरी कार्यालय, पर्साले पक्राउ गरेको छ। श्रीराम कोलोनीको जग्गा खरीद गरी १७ वटा कित्तामा बिक्री गरेपछि मोहीवालाले हकदाबी गरेपछि प्रहरीले जाटियालगायत पाँचजनामाथि सङ्गठित ठगी मुद्दा दर्ता गरेको छ। श्रीराम कोलोनीको जग्गा १७ कित्तामा बिक्री गर्दा तत्कालीन अवस्थामा मोही नदेखिएको र पछि मोहीवालाले मुद्दा गरेपछि आफूहरू ठगिएको भन्दै कृष्ण सर्राफलगायत अन्य पीडितले जिल्ला प्रहरी कार्यालय, पर्सामा उजूरी दर्ता गराएका थिए। पीडित सर्राफका अनुसार २०६० सालमा सो जग्गाको बिक्री शुरू भएको र आफूहरू २०६५ सालदेखि घर बनाएर बसिरहेको अवस्थामा अहिले आएर एक्कासि मोहीवालाले भूमिसुधारमा मुद्दा गरेपछि न्यायको लागि पीडितहरू जिल्ला प्रहरी कार्यालय पुगेका थिए। पीडित सर्राफका अनुसार जग्गाधनी रुद्रदेवी उपाध्यायबाट गोपाल अग्रवाल र अग्रवालबाट प्रेम जाटिया र त्यसपछि १७ जनाले सो जग्गा खरीद गरेका थिए। ६० नं कित्ताबाट २०६० सालमा जाटियाले ७ कट्ठा जग्गा खरीद गर्दा गोपाल अग्रवालको लालपुर्जाम

समयमा कर चुक्ता गरी लाभ लिन सकिन्छ –भण्डारी

Image
 प्रस, निजगढ, २० फागुन/ आर्थिक विधेयक २०७७ ले प्रदान गरेको छुट सुविधासम्बन्धी अन्तत्र्रिmया निजगढमा बिहीवार सम्पन्न भयो। कार्यक्रममा आन्तरिक राजस्व कार्यालय सिमरा बाराका प्रमुख नारायणप्रसाद भण्डारीले उद्योगी–व्यवसायीलाई राज्यबाट नै कर छुट आएकोले तोकिएकै समयसीमाभित्र करचुक्ता गरी लाभ लिन आग्रह गरे। कार्यक्रममा सहभागी उद्योगी–व्यवसायीहरूले आन्तरिक राजस्व कार्यालयमा जाँदा कर्मचारीहरूको व्यवहार मैत्रीपूर्ण नहुने, प्रक्रिया झन्झटिलो बनाउने जस्ता अनावश्यक दुःख दिने गरेकाले कर तिर्न जाँदा पनि पीडाबोध हुने वातावरण अहिले पनि कायमै रहेको खुलेरै पीडा पोखे। कार्यक्रमका प्रमुख अतिथि निजगढका प्रमुख सुरेशकुमार खनालले कर तिर्न आउने उद्योगी–व्यवसायीहरूलाई मैत्रीपूर्ण व्यवहार गर्न आग्रह गर्दै जनताले तिरेको करबाट नै मुलुक सञ्चालन हुने भएकोले समयमैं राज्यलाई कर तिर्न उनले आग्रह गरे। कार्यक्रममा विशिष्ट अतिथि निजगढकी उपप्रमुख लीलादेवी लामिछानेले सबै उद्योगी–व्यवसायीलाई करको बारेमा जानकारी नहुने हुँदा बेलाबखत तालीमको व्यवस्था र सेवाग्राहीहरूले नबुझेका कुरालाई सहज ढङ्गले बुझाउँदै बेलैमा राज्यलाई कर तिर्नुपर्

वन कर्मचारीहरूमाथि आक्रमण गर्ने जेल चलान

 प्रस, निजगढ, २० फागुन/ एक महीनाअघि बाराको करैयामाई गाउँपालिका–७ प्रिपामा वन सुरक्षाकर्मीहरूमाथि सामूहिकरूपमा गरेको आक्रमणको घटनामा संलग्न सोही गाउँपालिका–७ का बलिराम दास थारू पुर्पक्षको लागि जेल चलान भएका छन्। सालको गोलिया चोरी गरी बस्ती आसपासको स्थानमा लुकाएको सुराकी दिएर फरेस्टर जयप्रकाश साह, सशस्त्र वनरक्षक जमदार नवलकिशोर साह, सशस्त्र वनरक्षक मानबहादुर श्रेष्ठ, वनरक्षक नवीन चौधरीमाथि माघ १९ गते राति योजनाबद्ध तरीकाबाट आक्रमण गरिएको थियो। सो आक्रमणमा घाइते भएकामध्ये साह, श्रेष्ठ र चौधरी अहिलेसम्म पूर्णरूपमा स्वस्थ भएका छैनन्। उनीहरूको उपचार भइरहेको डिभिजन वन कार्यालय बाराले जनाएको छ। सो घटनाका घाइते सशस्त्र वनरक्षकले अभियुक्त बलिरामलाई सोही बखत नियन्त्रणमा लिन सफल भएका थिए। अभियुक्त बलिराममाथि बारा प्रहरीले अनुसन्धान गरी मुद्दा दायर गरेसँगै बारा जिल्ला अदालतले फागुन १८ गते पुर्पक्षका लागि जेल चलानको आदेश दिएको र उनलाई वीरगंज कारागार चलान गरिएको डिभिजन वन कार्यालय बाराले जनाएको छ। सो घटनामा संलग्न थप तीनजनामाथि कर्तव्य ज्यान मुद्दालगायतको किटानी जाहेरी डिभिजन वन कार्यालय बाराले बारा

आगलागीपीडितलाई राहत वितरण

Image
 प्रस, पर्सागढी, २० फागुन/ आगलागीबाट मृत्यु भएकी रिङ्की देवीको परिवारलाई प्रदेशसभा सदस्य राजेश्वर साह तेलीले खाद्यान्न सहयोग गरेका छन्। १२औं दिनको पुण्यतिथिमा रिङ्की देवीका पति राजेश कुमारलाई २ बोरा चामल, २ बोरा च्युरा, १/१ बोरा दाल, चिनी, नून र १५ लिटर तेल प्रदेशसभा सदस्य तेलीले सहयोग गरेका हुन्। सो अवसरमा मदनप्रसाद यादव, सरजुग महतो, वकील अन्सारी, रुदल अन्सारी, प्रकाश ठाकुरलगायतको सहभागिता थियो। मुसौली टोलकी रिङ्की देवी आगलागीबाट घाइते भएपछि उनको उपचार वीरगंज, काठमाडौं र पटनामा गराइएको र पछि वीरगंजको नारायणी अस्पतालमा उपचारको क्रममा मृत्यु भएको थियो।

छात्राहरूलाई आत्मरक्षा तालीम

Image
प्रस, पर्सागढी, २० फागुन/     यौनजन्य हिंसा न्यूनीकरणका लागि आसमान नेपालले पर्सागढी नगरपालिकाको नेरामावि बर्वाटाँडीमा अध्ययनरत छात्राहरूलाई आत्मरक्षा तालीम प्रदान गरेको छ।     कक्षा ६ देखि १२ मा अध्ययनरत छात्राहरूलाई यौनजन्य हिंसा न्यूनीकरणका लागि आत्मरक्षा तालीम प्रदान गरिएको हो। तालीममा फाइस ब्याक क्लब ललितपुरका उद्धव थापामगर, सुरेन्द्र थापामगर, अश्विनकुमार चौधरी, विनोदबहादुर तामाङ, उर्मिला तामा, निशा तामाङ, सन्तुकुमार तामाङ, पूजा मगरलगायत १७ जनाले आत्मरक्षाका विविध विधाबारेमा छात्राहरूलाई प्रशिक्ष्Fण दिएका थिए। उनीहरूले महिला हिंसा न्यूनीकरणका लागि छात्राहरू आफैं सक्रिय हुनुपर्ने बताउँदै आत्मरक्षासम्बन्धी विविध विधाबारेमा प्रदर्शन गरेर प्रशिक्ष्Fण दिएका थिए।

ग्रीन सिटीको आयोजनामा वृक्षरोपण

Image
प्रस, वीरगंज, २० फागुन/ समुदाय–प्रहरी साझेदारी कार्यक्रम अन्तर्गत ग्रीन सिटी सामुदायिक सेवा केन्द्र आदर्शनगरले बिहीवार वृक्षरोपण गरेको छ। आदर्शनगरलाई ग्रीन बनाउने अभियान अन्तर्गत १८औं चरणको कार्यक्रममा आज नेपाल राष्ट्र बैंकको उत्तरतर्फको फूटपाथदेखि ठाकुर राम बहुमुखी क्याम्पसअगाडि श्रीसिया पुलसम्म ८० वटा बिरुवा रोपिएको ग्रीन सिटीका अध्यक्ष प्रकाश खेतानले बताए। नगरप्रमुख विजयकुमार सरावगी, प्रमुख जिल्ला अधिकारी आसमान तामाङ, प्रहरी उपरीक्षक बेलबहादुर पाण्डे, सशस्त्र प्रहरी उपरीक्षक राजेन्द्र खड्का, नेपाल पत्रकार महासङ्घ पर्साका सचिव युवराज खड्का, वीरगंज युवा समाजका अध्यक्ष कमल चौगाईं, प्रनि सुमन कार्की, दीपक साह, सरोज प्रजापति, ग्रीन सिटीका सञ्जय शर्मा, कविता खेतानलगायतको सहभागितामा वृक्ष्Fरोपण गरिएको थियो।

बारामा काठ चोरी तस्करीका घटना बढ्यो

Image
प्रस, निजगढ, २० फागुन/ दिनरात वन सुरक्षाका लागि खटिएका वन कर्मचारीहरूले गस्ती गरिरहे पनि बाराको वन क्षेत्रमा पेशेवर काठ चोर तस्करहरूले रूख ढाल्दै गोलिया चोरी तस्करी गर्ने गरेका छन्। डिभिजन वन कार्यालय सिमरा र मातहतका सशस्त्र वनरक्षक, वनरक्षक, वन कर्मचारीहरूले काठ चोरी तस्करीमा संलग्नहरूलाई नियन्त्रणमा लिने प्रयास गरिरहेको र केही सफलता पनि पाएका छन्। तस्कररूले काठको तस्करी लुकीछिपी, छक्याएर गर्ने गर्छन्। चोरी तस्करी हुने वन पैदावार अन्त्यमा गाउँबस्तीमैं ल्याएर प्रयोग गर्ने गर्छन्। अवैध कार्य गर्नेहरूविरुद्ध सचेत स्थानीयहरूले समयमैं सूचना वन संरक्षणकर्मीहरूलाई दिन बेवास्ता गर्दा वा आफूलाई असुरक्षित महसूस हुने भएकाले पनि सम्बन्धित निकायसम्म सूचना पुग्दैन। यसले गर्दा काठ तस्करहरूको मनोबल बढेको पाइन्छ। गत आर्थिक वर्ष २०७६/०७७ मा ३२ वटा वन मुद्दा दायर भएको थियो। जसमा २२ वटा डिभिजन वन कार्यालयमा र १० वटा बारा जिल्ला अदालतमा दायर भएको थियो। काठ चोरी तस्करी बढेपछि वन मुद्दाको सङ्ख्यासमेत बढेको डिभिजन वन कार्यालय बाराको तथ्याङ्कले देखाएको छ। गत आर्थिक वर्ष २०७६/०७७ मा १ हजार २८२.४३ क्यूफिट काठ च

प्रस्तावित चलचित्र पत्रकार सङ्घ गठन

Image
 प्रस, वीरगंज, २० फागुन/ वीरगंजमा प्रस्तावित चलचित्र पत्रकार सङ्घ पर्सा गठन गरिएको छ। बिहीवार भएको भेलाले नीलिमा पौडेलको अध्यक्ष्Fतामा प्रस्तावित चलचित्र पत्रकार सङ्घ गठन गरेको हो। नवगठित सङ्घमा विवेक कर्ण उपाध्यक्ष्F, सूर्य विक सचिव, प्रणय साह सहसचिव, समिना रञ्जीतकार कोषाध्यक्ष्F र सदस्यहरूमा रश्मि राजभण्डारी, सोनम गौतम, जया साह, रञ्जीत यादव, एन्जल चौधरी, शम्भु सुमन छन्। केन्द्रीय महासचिव समीर बलामीको उपस्थितिमा १०औं शाखाको रूपमा प्रस्तावित चलचित्र पत्रकार सङ्घ पर्सा गठन भएको हो। कार्यक्रमका प्रमुख अतिथि चलचित्र पत्रकार सङ्घका महासचिव बलामीले वीरगंजमा नेपाली चलचित्रको बजार न्यून रहेको बताए। उनले नवगठित समितिले नेपाली चलचित्रको बजार वीरगंजमा बढाउन सघाउने विश्वास व्यक्त गरे। आर्थिक एवं व्यापारिक नगरी वीरगंजमा चलचित्र बजारको सम्भावना भएपनि राज्यबाट उपेक्षा गरिएको आरोप लगाए। कार्यक्रममा नेपाल पत्रकार महासङ्घ, पर्साका अध्यक्ष श्याम बन्जारा, उपाध्यक्ष्F अनुप तिवारी, होटल तथा पर्यटन व्यवसायी सङ्घका अध्यक्ष हरि पन्त, प्रेस सङ्गठनका अध्यक्ष नीरज पिठाकोठे मगरलगायतले शुभकामना व्यक्त गरेका थिए। क

हरिवनका चारवटा पसललाई जरिवाना

Image
प्रस, वीरगंज, २० फागुन/ वाणिज्य आपूर्ति तथा उपभोक्ता संरक्षण कार्यालय पर्साले बिहीवार हरिवनको सर्लाही बजारको अनुगमन गर्ने क्रममा चारवटा पसललाई १ लाख ७० हजार रुपैयाँ जरिवाना तिराएको छ। निमित्त कार्यालय प्रमुख जीतबहादुर भण्डारीको नेतृत्वमा इलाका प्रहरी कार्यालय हरिवन, इलाका प्रशासन कार्यालय हरिवन, हरिवन नगरपालिका, नगर उद्योग वाणिज्य सङ्घका पदाधिकारीहरू सहभागी भएको टोलीले मूल्यसूची नराख्ने चारवटा पसललाई जरिवाना गरेको हो। हरिवन–९ स्थित मोहन किरानापसल, न्यू दीपक वस्त्रालय र सुयोग टे«डर्सलाई ५०/५० हजार र निशा हार्डवेयरलाई उपभोक्ता संरक्षण ऐन बमोजिम २० हजार रुपैयाँ जरिवाना गरिएको आपूर्ति तथा उपभोक्ता संरक्षण कार्यालयका सूचना अधिकारी दिलीपखङ्ग खत्वेले जानकारी दिए।

आर्थिक रूपान्तरणका लागि विपन्न वर्ग कर्जा

Image
                शीतल महतो ग्रामीण क्षेत्रको बाहुल्यता भएको हाम्रो जस्तो विकासोन्मुख मुलुकमा चरम गरीबीको अवस्थामा रहेका आम नागरिकको आर्थिक स्तर उकास्न वित्तीय साधनको अभाव प्रमुख बाधकका रूपमा रहेको हुन्छ। त्यसमा पनि कोरोना भाइरस (कोभिड–१९) सङ्क्रमण रोकथाम तथा नियन्त्रणका लागि सरकारले लागू गरेको झन्डै ६ महीना लामो लकडाउनका कारण मुलुकको समग्र अर्थतन्त्रमा गम्भीर असर परेको छ। अधिकांश साना तथा मझौला उद्योग–व्यवसाय नराम्ररी थला परेका छन् भने कतिपय त्यस्ता उद्योग–व्यवसाय बन्द भएका छन्। उत्पादकत्व घटेको छ भने हजारौंको रोजगारसमेत गुमेको छ। लकडाउन खुकुलो भएपछि कोरोना भाइरस सङ्क्रमणको डर र अर्थतन्त्रकै भविष्यको अनिश्चयका बीच पनि बन्द रहेका व्यवसायहरू बिस्तारै खुल्ने प्रयासमा छन्। यति लामो लकडाउनका कारण विशेषगरी व्यवसाय ठप्प भएका साना तथा मझौला उद्योग–व्यवसाय लगभग फेरि उठ्नै नसक्ने गरी आर्थिक दबाबमा परेका छन्। नेपाल राष्ट्र बैंकको तथ्याङ्क अनुसार करीब साढे तीन लाख यस्ता उद्योग–व्यवसाय बन्द भइसकेका छन्। त्यस्ता उद्योग–व्यवसाय पुनः सञ्चालनका लागि थप नयाँ लगानीको आवश्यकता पर्छ। नभए तीमध्ये अत्यन्त थोर

बेरोजगारीको लागि हाम्रो शिक्षा नीति दोषी छ

Image
                विश्वराज अधिकारी हाम्रो समाज, परम्परा र संस्कृतिले श्रमलाई इज्जत दिंदैन। कामलाई पनि सानो र ठूलो भनेर विभेद गर्छ। कुर्सीमाथि बसेर गरिने कामलाई ठूलो मान्दछ र त्यो कामलाई इज्जत दिन्छ। प्रत्यक्षरूपमा शारीरिक श्रम खर्च गरेर गरिने र समाजले तल्लो किसिमको काम भनेर वर्गीकृत गरेको कामलाई सानो काम मान्ने गर्छ र त्यस्तो कार्य गर्नेलाई पट्टकै इज्जत दिंदैन। “पढ्नु गुड्नु साढे बाइस, हलो जोती नाम कमाइस,” यो धारणा हाम्रो समाजमा अहिले पनि व्याप्त छ। सबैको पेट भेर्ने जस्तो महान् कार्य गर्ने, हलो जोत्ने कार्य गर्नेलाई हाम्रो समाजले अहिले पनि इज्जत दिंदैन। हलो जोत्नुलाई तुच्छ कार्य मान्दछ। कामलाई हेर्ने सामाजिक दृष्टिकोण अनुसार कुनै कामलाई सानो मानिएको छ भने त्यस किसिमको काम गर्नेले समाजबाट इज्जत पाउँदैन तर कुनै कामलाई ठूलो मानिएको छ भने त्यस किसिमले काम गर्नेले इज्जत पाउँछ। यो कारणले गर्दा जहिले पनि व्यक्तिहरू ठूलो र इज्जतदार कहलिएको काम गर्न इच्छुक हुन्छन् तर रोजगारको प्रशस्त सम्भावना भए तापनि तल्लो कहलिएको काम गर्न तयार हुँदैनन्। बरु बेरोजगार बस्न तयार हुन्छन् तर सानो कहलिएको काम गर्न तय