राधेश्याम पटेल, परवानीपुर, १४ साउन/
वीरगंजमा एकजना ७० वर्षीय वृद्धको अस्पताल डुलाउँदा डुलाउँदै समयमा सही उपचार नपाएर मृत्यु भएको छ। वीरगंज–६ गहवाका एक वृद्धको बुधवार बिहान ३ बजे नेशनल मेडिकल कलेजको आकस्मिक कक्षमा भएको परिवारजनले जनाएका छन्। समयमा पिसिआर रिपोर्ट तथा अस्पतालले विनापिसिआर रिपोर्टबेगर वृद्ध बुबाको उपचार तथा भर्ना गर्न नमानेको कारण उनको अवस्था बिग्रिंदै जाँदा उनको मृत्यु भएको निजका छोराले बताएका छन्।
पहिलेदेखि उच्च रक्तचाप र थाइराइडका रोगी रहेकोमा झाडापखालाको समस्याले उनको अवस्था खराब हुन थालेपछि गत शुक्रवार राति १० बजे वीरगंज हेल्थकेयर अस्पतालमा लगिएको थियो। त्यहाँ आकस्मिक कक्षमा स्वास्थ्य परीक्षण गरी औषधि लेखेर घर पठाइएको थियो। घर पठाउनुभन्दा पहिले आरडिटी नेगेटिभ आएको थियो। तर पिसिआर रिपोर्ट नआउन्जेलसम्म वार्डमा भर्ना गर्न अस्पतालले नमानेपछि घरमैं लगेको राम्रो हुने भनेर पठाइएको थियो। त्यस रातमा पनि उनको अवस्था सामान्य बनेन। त्यसपछि उनलाई शनिवार बिहान १० बजे घरबाट तराई हस्पिटलमा लगियो। त्यहाँ पनि उनको अवस्था ठीक हुन सकेन। केहीबेर स्लाइन पानी चलाएर र रगतको परीक्षणपछि उनको मृगौलामा खराबी देखिएको थियो। उनको क्रिटिनाइन बढेको थियो। अस्पतालले गण्डक कोभिड अस्पतालमा लैजान भनी पठायो।
अस्थायी कोभिड अस्पतालमा लगेपछि पिसिआर रिपोर्टविना भर्ना गर्न नसकिने भएकोले भर्ना लिइएन। त्यसपछि उनलाई वयोधा अस्पताल गण्डकमा पनि लगियो। त्यहाँ पनि उनको उपचार गर्न अस्पतालका चिकित्सकले आनाकानी गरे। पिसिआर रिपोर्टविना आफूहरू उपचार गर्न असमर्थ रहेको भन्दै नारायणी अस्पतालमा पठाए। राति ११ बजे नै नारायणी अस्पतालमा लगे पनि आकस्मिक कक्षबाटै घर पठाइयो। आइतवार बिहान पिसिआर परीक्षण गराएर थप उपचार गराउनु भन्दै पठाइयो। राति १२ बजे घर ल्याएर आइतवार बिहान ११ बजे नारायणीमा स्वाब सङ्कलन गर्न लगेर पुनः घरमा लगे परिवारजनले।
वीरगंजका ठूला अस्पताल नामको मात्र भएको मृतकका छोराको भनाइ छ। अहिलेको अवस्थामा सिकिस्त बिरामीको उपचार गर्ने कुनै अस्पताल नरहेको उनको गुनासो छ। आइतवार पिसिआर परीक्षणको लागि दिइएको स्वाबको रिपोर्ट सोमवार र मङ्गलवारसम्म पनि आएन। मङ्गलवार अपराह्न ४ बजे ती वृद्धको मृगौला खराब भएर श्वासप्रश्वासमा समस्या हुन थाल्यो। त्यसपछि परिवारजनले पर्साकी प्रहरी उपरीक्षक गङ्गा पन्तलाई फोन गरेर नेशनल मेडिकल कलेजमा भर्ना गरी उपचार गराइदिन हारगुहार गरे।
प्रउ पन्तको भनसुनमा नेशनल मेडिकल कलेजमा उनलाई मङ्गलवार राति ८ बजे भर्ना गरी आकस्मिक कक्षमा उपचार शुरू भयो। त्यहाँ चिकित्सकहरूले बिरामी तथा बिरामीका परिवारजनसँग अपशब्द बोल्दै हप्काएका थिए र निजका छोराबाट पनि कृत्रिम श्वासप्रश्वास प्रवाह गर्न पम्पिङ गराए। अन्त्यमा बुधवार बिहान ३ बजे ती ७० वर्षीय वृद्धको मृत्यु भयो। अहिले शव नेशनल मेडिकल कलेज अस्पतालको आकस्मिक कक्षमैं पिसिआर रिपोर्टको पखाईमा छ। मृतकका तीनजना छोरा घरमैं तनावपूर्ण अवस्थामा छन्।
यस्तो अवस्था बन्दा नारायणी अस्पतालको ल्याबमा बुझ्दा अपराह्न ३ बजेसम्म रिपोर्ट आउँछ भनी जानकारी गराइएको थियो। यस विषयमा नारायणी अस्पतालले उनको मृत्यु भएको जानकारी आएपछि स्वाब नमूना परीक्षण भइरहेको बताएको छ। पछिल्लो ३–४ दिनदेखि मृतकको स्वाब नमूना नारायणी प्रयोगशालाले पेन्डिङमा राखेको थियो।
तराई हस्पिटलका चिकित्सक डा रोशन कुर्मीले वीरगंजमा सिकिस्त बिरामीहरूको पिसिआर रिपोर्ट प्राथमिकताका साथ परीक्षण गर्ने वातावरण बन्यो भने आकस्मिक कक्षमैं त्यतिन्जेल उपचार गरी रिपोर्ट आएपछि भर्ना गर्ने कि कोभिड अस्पताल पठाउने बारेमा नारायणी अस्पताल र यहाँका सरोकारवालाहरू रणनीति बनाएर जानुपर्ने सुझाव दिए।
वीरगंजमा एकजना ७० वर्षीय वृद्धको अस्पताल डुलाउँदा डुलाउँदै समयमा सही उपचार नपाएर मृत्यु भएको छ। वीरगंज–६ गहवाका एक वृद्धको बुधवार बिहान ३ बजे नेशनल मेडिकल कलेजको आकस्मिक कक्षमा भएको परिवारजनले जनाएका छन्। समयमा पिसिआर रिपोर्ट तथा अस्पतालले विनापिसिआर रिपोर्टबेगर वृद्ध बुबाको उपचार तथा भर्ना गर्न नमानेको कारण उनको अवस्था बिग्रिंदै जाँदा उनको मृत्यु भएको निजका छोराले बताएका छन्।
पहिलेदेखि उच्च रक्तचाप र थाइराइडका रोगी रहेकोमा झाडापखालाको समस्याले उनको अवस्था खराब हुन थालेपछि गत शुक्रवार राति १० बजे वीरगंज हेल्थकेयर अस्पतालमा लगिएको थियो। त्यहाँ आकस्मिक कक्षमा स्वास्थ्य परीक्षण गरी औषधि लेखेर घर पठाइएको थियो। घर पठाउनुभन्दा पहिले आरडिटी नेगेटिभ आएको थियो। तर पिसिआर रिपोर्ट नआउन्जेलसम्म वार्डमा भर्ना गर्न अस्पतालले नमानेपछि घरमैं लगेको राम्रो हुने भनेर पठाइएको थियो। त्यस रातमा पनि उनको अवस्था सामान्य बनेन। त्यसपछि उनलाई शनिवार बिहान १० बजे घरबाट तराई हस्पिटलमा लगियो। त्यहाँ पनि उनको अवस्था ठीक हुन सकेन। केहीबेर स्लाइन पानी चलाएर र रगतको परीक्षणपछि उनको मृगौलामा खराबी देखिएको थियो। उनको क्रिटिनाइन बढेको थियो। अस्पतालले गण्डक कोभिड अस्पतालमा लैजान भनी पठायो।
अस्थायी कोभिड अस्पतालमा लगेपछि पिसिआर रिपोर्टविना भर्ना गर्न नसकिने भएकोले भर्ना लिइएन। त्यसपछि उनलाई वयोधा अस्पताल गण्डकमा पनि लगियो। त्यहाँ पनि उनको उपचार गर्न अस्पतालका चिकित्सकले आनाकानी गरे। पिसिआर रिपोर्टविना आफूहरू उपचार गर्न असमर्थ रहेको भन्दै नारायणी अस्पतालमा पठाए। राति ११ बजे नै नारायणी अस्पतालमा लगे पनि आकस्मिक कक्षबाटै घर पठाइयो। आइतवार बिहान पिसिआर परीक्षण गराएर थप उपचार गराउनु भन्दै पठाइयो। राति १२ बजे घर ल्याएर आइतवार बिहान ११ बजे नारायणीमा स्वाब सङ्कलन गर्न लगेर पुनः घरमा लगे परिवारजनले।
वीरगंजका ठूला अस्पताल नामको मात्र भएको मृतकका छोराको भनाइ छ। अहिलेको अवस्थामा सिकिस्त बिरामीको उपचार गर्ने कुनै अस्पताल नरहेको उनको गुनासो छ। आइतवार पिसिआर परीक्षणको लागि दिइएको स्वाबको रिपोर्ट सोमवार र मङ्गलवारसम्म पनि आएन। मङ्गलवार अपराह्न ४ बजे ती वृद्धको मृगौला खराब भएर श्वासप्रश्वासमा समस्या हुन थाल्यो। त्यसपछि परिवारजनले पर्साकी प्रहरी उपरीक्षक गङ्गा पन्तलाई फोन गरेर नेशनल मेडिकल कलेजमा भर्ना गरी उपचार गराइदिन हारगुहार गरे।
प्रउ पन्तको भनसुनमा नेशनल मेडिकल कलेजमा उनलाई मङ्गलवार राति ८ बजे भर्ना गरी आकस्मिक कक्षमा उपचार शुरू भयो। त्यहाँ चिकित्सकहरूले बिरामी तथा बिरामीका परिवारजनसँग अपशब्द बोल्दै हप्काएका थिए र निजका छोराबाट पनि कृत्रिम श्वासप्रश्वास प्रवाह गर्न पम्पिङ गराए। अन्त्यमा बुधवार बिहान ३ बजे ती ७० वर्षीय वृद्धको मृत्यु भयो। अहिले शव नेशनल मेडिकल कलेज अस्पतालको आकस्मिक कक्षमैं पिसिआर रिपोर्टको पखाईमा छ। मृतकका तीनजना छोरा घरमैं तनावपूर्ण अवस्थामा छन्।
यस्तो अवस्था बन्दा नारायणी अस्पतालको ल्याबमा बुझ्दा अपराह्न ३ बजेसम्म रिपोर्ट आउँछ भनी जानकारी गराइएको थियो। यस विषयमा नारायणी अस्पतालले उनको मृत्यु भएको जानकारी आएपछि स्वाब नमूना परीक्षण भइरहेको बताएको छ। पछिल्लो ३–४ दिनदेखि मृतकको स्वाब नमूना नारायणी प्रयोगशालाले पेन्डिङमा राखेको थियो।
तराई हस्पिटलका चिकित्सक डा रोशन कुर्मीले वीरगंजमा सिकिस्त बिरामीहरूको पिसिआर रिपोर्ट प्राथमिकताका साथ परीक्षण गर्ने वातावरण बन्यो भने आकस्मिक कक्षमैं त्यतिन्जेल उपचार गरी रिपोर्ट आएपछि भर्ना गर्ने कि कोभिड अस्पताल पठाउने बारेमा नारायणी अस्पताल र यहाँका सरोकारवालाहरू रणनीति बनाएर जानुपर्ने सुझाव दिए।
