व्यवस्थित र सुरक्षित वीरगंज अभियानको बैठक सम्पन्न

प्रस, वीरगंज, १५ असार/
    व्यवस्थित र सुरक्षित वीरगंजका लागि जिल्ला प्रहरी कार्यालय, पर्सामा सोमवार सरोकारवालाहरूको बैठक सम्पन्न भएको छ।
    पर्साकी प्रहरी उपरीक्षक गङ्गा पन्तको अध्यक्षतामा बसेको बैठकले ट्राफिक फर्निचरहरू तोकिएको स्थानमा व्यवस्थापन गर्ने र मीनाबजार क्षेत्रको अनधिकृत बजारलाई व्यवस्थित गर्ने जिम्मेवारी सामुदायिक सेवा केन्द्रलाई प्रदान गर्ने निर्णय गरेको छ।
    जिल्ला ट्राफिक प्रहरी कार्यालयलाई ट्राफिक फर्निचरहरू शहरका मुख्य सडकमा तोकिएको स्थानमा आजैदेखि नै व्यवस्थित गर्न सुझाव दिइएको छ। सोहीअनुरूप आज घण्टाघरदेखि माईस्थान चोकसम्म मुख्य सडकमा ट्राफिक फर्निचरहरूको प्रयोग पार्किङ व्यवस्थापनमा गरिएको छ। दुवैतर्फ सवारीसाधन चल्ने मुख्य सडकमा पार्किङ निषेध गरिएकोले सोहीअनुरूप ट्राफिक फर्निचर जडान गरेर पार्किङमा रोक लगाइएको जिल्ला ट्राफिक प्रहरी कार्यालय, पर्साका प्रनि कमलराज पण्डितले बताए।
    मङ्गलवार र बुधवार पनि शहरका मुख्य सडक र सहायक सडकहरूमा  पार्किङ निषेध गरिएको क्षेत्रमा ट्राफिक फर्निचर व्यवस्थापन गरिने र घण्टाघरदेखि माईस्थानसम्म डिभाइडर जडान गरिने प्रनि पण्डितले बताए। डिभाइडरको लागि आवश्यक सामग्री यसअघि नै दाताले उपलब्ध गराइसकेको छ।
    व्यवस्थित र सुरक्ष्Fित वीरगंज अन्तर्गत माईस्थान चोकदेखि अलखियामठसम्मको एकतर्फ सवारीसाधन चल्ने मुख्य सडकमा सवारी पार्किड्ढो व्यवस्था गरिएको छ भने आगामी बुधवारदेखि दुईतर्फी सवारीसाधन गुड्ने घण्टाघरदेखि माईस्थान र आदर्शनगर चोकदेखि ठाकुर राम क्याम्पससम्मको सडकमा सवारी पार्किङ निषेध गरिनेछ। यी क्षेत्रका सवारीसाधनहरू विपी उद्यान र पुरानो बसपार्कमा पार्किङ गर्ने व्यवस्था गरिनेछ।
    यसैगरी, कैलाश चोकदेखि घडीअर्वासम्म पश्चिमतर्फ एकतर्फी सवारी पार्किड्ढो व्यवस्था गरिएको छ। सवारी पार्किङ व्यवस्थित नहुँदा वीरगंजका सडकमा भीडभाड हुने गरेको छ। जथाभावी पार्किङले सवारी सञ्चालनमा पनि अवरोध भइरहेको छ।
    यसैगरी, बैठकले मीनाबजारमा अव्यवस्थित तरीकाले सडक फूटपाथ मिचेर लाग्ने गरेको बजारको व्यवस्थापन जिम्मा सामुदायिक सेवा केन्द्रलाई दिएको छ। यसअघि उक्त स्थानमा बजार नराख्न र पसलेहरूलाई पनि फूटपाथमा सामान नराख्न भनिएको अभियान अन्तर्गत सचेतना गराउँदै आएको व्यवस्थित वीरगंज अभियानका दिलीपराज कार्कीले बताए। बैठकमा सामुदायिक सेवा केन्द्रका राम सर्राफ, विदुर गुप्ता, सालिकराम प्रसाद, रमेश चौधरी, प्रकाश खेतान, वीरगंज युवा समाजका कमल चौगाई, स्प्रिट क्लबका रोशन गुप्तालगायतको सहभागिता थियो।