माधव तिमिल्सिना, ठोरी, १६ असार/
ठोरी गाउँपालिका–३ मा चालू आव २०७६/०७७ मा ५८ लाख रुपैयाँको लागतमा हुलाकी सडकसँग जोडिएका शाखा सडकहरूलाई स्तरोन्नति गरेर पक्की सडक निर्माण गरिएको छ। गापा कार्यालयले चालू आवमा विनियोजन गरेको बजेटबाट वडा नं ३ का विभिन्न ठाउँमा शाखा सडकलाई पक्की सडकमा स्तरोन्नति गरिएको गापा अध्यक्ष पद्मलाल श्रेष्ठले बताए।
चालू आवमा वडा नं ३ को हुलाकी सडकबाट शुक्रतारा समूहको सार्वजनिक जग्गा जाने १०७ मिटर सडक स्तरोन्नति गरेर पक्की सडक बनाइएको छ। गापाको १० लाख रुपैयाँ लागतमा निर्माण सम्पन्न भएको सो सडकको चौडाइ ४ मिटर रहेको वडा नं ३ का अध्यक्ष सूर्यबहादुर लामाले बताए।
सोही वडामा पर्ने हुलाकी सडकसँग जोडिएको मानेचोकबाट ओमशान्ति चोक जाने १०७ मिटर शाखा सडक पनि रु १० लाखको लागतमा निर्माण सम्पन्न भएको छ। उक्त सडकको चौडाइ पनि ४ मिटर नै रहेको वडाध्यक्ष लामाले बताए। यसैगरी, सोही वडाको ब्रह्मानगरको हुलाकी सडकसँग जोडिएको धर्मशालाबाट उत्तरतर्फ जङ्गल जाने शाखा सडकको स्तरोन्नति गरेर पक्की सडक बनाइएको छ।
१६७.५ मिटर लम्बाइ र ४ मिटर चौडाइको उक्त सडक निर्माणका लागि गापा कार्यालयले रु १५ लाख विनियोजन गरेको हो।
हाल निर्माण सम्पन्न भइसकेको उक्त सडक सञ्चालनमा रहेको वडाध्यक्ष लामाले बताए। वडाध्यक्ष लामाका अनुसार वडा ३ मा पर्ने बुद्धनगरको दुई ठाउँका शाखा सडक स्तरोन्नतिको काम भइरहेको छ।
बुद्धनगरको हुलाकी सडकबाट नेरामावि ओडार जाने चालू आर्थिक वर्षमा १०० मिटर सडक ढलान गरेर स्तरोन्नति गर्न रु १० लाख विनियोजन गरिएको छ। ५ मिटर चौडाइको उक्त सडक निर्माण यसै साता सम्पन्न भएर सञ्चालनमा आउने उनले बताए।
यसैगरी, वडा ३ कै बुद्धनगरमा पर्ने हुलाकी सडकको बुद्धचोकबाट बेलपीपल समूह जाने सडक स्तरोन्नतिका लागि गापा कार्यालयले चालू आवमा रु १३ लाख बजेट विनियोजन गरेको छ। ५ मिटर चौडाइ रहने उक्त सडकको मङ्गलवार ठोरी गापाका अध्यक्ष श्रेष्ठले शिलान्यास गर्दै एक साताभित्र निर्माण सम्पन्न गर्न उपभोक्ता समितिलाई निर्देशन दिए। १३० मिटर लम्बाइको सडक तोकिएको समयमा सकाउने उपभोक्ता समितिका अध्यक्ष राजु खड्काले बताएका छन्।
वीरगंज–ठोरी हुलाकी सडकखण्ड अन्तर्गत पर्ने ठोरी गापाभित्रका सबै शाखा सडकलाई हुलाकी सडकमा जोड्न क्रमैसँग शाखा सडकलाई पक्की सडकमा स्तरोन्नति गर्दै लगिने अभियान गाउँपालिकाले थालेको अध्यक्ष श्रेष्ठले बताए। उनले एकैपटक सबै सडक स्तरोन्नति गर्न बजेट अभाव भएकोले केन्द्र र प्रदेशसँग समन्वय गर्दै र गापा स्तरबाट पनि क्रमशः शाखा सडक स्तरोन्नति गर्दै लगिने प्रस्ट्याए।
उनले अघिल्ला आर्थिक वर्षहरूमा नदी नियन्त्रणमा ठूलो बजेट खर्च गर्नुपरेको बाध्यता सुनाउँदै आगामी आर्थिक वर्षमा सडक स्तरोन्नतिलाई प्राथमिकता दिइएको बताएका छन्।
ठोरी गाउँपालिका–३ मा चालू आव २०७६/०७७ मा ५८ लाख रुपैयाँको लागतमा हुलाकी सडकसँग जोडिएका शाखा सडकहरूलाई स्तरोन्नति गरेर पक्की सडक निर्माण गरिएको छ। गापा कार्यालयले चालू आवमा विनियोजन गरेको बजेटबाट वडा नं ३ का विभिन्न ठाउँमा शाखा सडकलाई पक्की सडकमा स्तरोन्नति गरिएको गापा अध्यक्ष पद्मलाल श्रेष्ठले बताए।
चालू आवमा वडा नं ३ को हुलाकी सडकबाट शुक्रतारा समूहको सार्वजनिक जग्गा जाने १०७ मिटर सडक स्तरोन्नति गरेर पक्की सडक बनाइएको छ। गापाको १० लाख रुपैयाँ लागतमा निर्माण सम्पन्न भएको सो सडकको चौडाइ ४ मिटर रहेको वडा नं ३ का अध्यक्ष सूर्यबहादुर लामाले बताए।
सोही वडामा पर्ने हुलाकी सडकसँग जोडिएको मानेचोकबाट ओमशान्ति चोक जाने १०७ मिटर शाखा सडक पनि रु १० लाखको लागतमा निर्माण सम्पन्न भएको छ। उक्त सडकको चौडाइ पनि ४ मिटर नै रहेको वडाध्यक्ष लामाले बताए। यसैगरी, सोही वडाको ब्रह्मानगरको हुलाकी सडकसँग जोडिएको धर्मशालाबाट उत्तरतर्फ जङ्गल जाने शाखा सडकको स्तरोन्नति गरेर पक्की सडक बनाइएको छ।
१६७.५ मिटर लम्बाइ र ४ मिटर चौडाइको उक्त सडक निर्माणका लागि गापा कार्यालयले रु १५ लाख विनियोजन गरेको हो।
हाल निर्माण सम्पन्न भइसकेको उक्त सडक सञ्चालनमा रहेको वडाध्यक्ष लामाले बताए। वडाध्यक्ष लामाका अनुसार वडा ३ मा पर्ने बुद्धनगरको दुई ठाउँका शाखा सडक स्तरोन्नतिको काम भइरहेको छ।
बुद्धनगरको हुलाकी सडकबाट नेरामावि ओडार जाने चालू आर्थिक वर्षमा १०० मिटर सडक ढलान गरेर स्तरोन्नति गर्न रु १० लाख विनियोजन गरिएको छ। ५ मिटर चौडाइको उक्त सडक निर्माण यसै साता सम्पन्न भएर सञ्चालनमा आउने उनले बताए।
यसैगरी, वडा ३ कै बुद्धनगरमा पर्ने हुलाकी सडकको बुद्धचोकबाट बेलपीपल समूह जाने सडक स्तरोन्नतिका लागि गापा कार्यालयले चालू आवमा रु १३ लाख बजेट विनियोजन गरेको छ। ५ मिटर चौडाइ रहने उक्त सडकको मङ्गलवार ठोरी गापाका अध्यक्ष श्रेष्ठले शिलान्यास गर्दै एक साताभित्र निर्माण सम्पन्न गर्न उपभोक्ता समितिलाई निर्देशन दिए। १३० मिटर लम्बाइको सडक तोकिएको समयमा सकाउने उपभोक्ता समितिका अध्यक्ष राजु खड्काले बताएका छन्।
वीरगंज–ठोरी हुलाकी सडकखण्ड अन्तर्गत पर्ने ठोरी गापाभित्रका सबै शाखा सडकलाई हुलाकी सडकमा जोड्न क्रमैसँग शाखा सडकलाई पक्की सडकमा स्तरोन्नति गर्दै लगिने अभियान गाउँपालिकाले थालेको अध्यक्ष श्रेष्ठले बताए। उनले एकैपटक सबै सडक स्तरोन्नति गर्न बजेट अभाव भएकोले केन्द्र र प्रदेशसँग समन्वय गर्दै र गापा स्तरबाट पनि क्रमशः शाखा सडक स्तरोन्नति गर्दै लगिने प्रस्ट्याए।
उनले अघिल्ला आर्थिक वर्षहरूमा नदी नियन्त्रणमा ठूलो बजेट खर्च गर्नुपरेको बाध्यता सुनाउँदै आगामी आर्थिक वर्षमा सडक स्तरोन्नतिलाई प्राथमिकता दिइएको बताएका छन्।