माधव तिमिल्सिना, ठोरी, १७ वैशाख/
वीरगंज–ठोरी हुलाकी सडक अन्तर्गत ठोरी गाउँपालिकाको क्षेत्रमा निर्माण कार्य सुचारु भएको छ। कोरोना भाइरस नियन्त्रणका लागि सरकारले गरेको लकडाउनका कारण बन्द रहेको हुलाकी सडक निर्माण कार्य मङ्गलवारदेखि पूर्णरूपमा सञ्चालनमा आएको निर्माण कम्पनीले जनाएको छ।
सडक निर्माण सम्झौता अवधिको अन्त्यतिर सरकारले लकडाउन गरेपछि सडक निर्माणको काम अलपत्र परेको थियो । जीराभवानी गाउँपालिका र ठोरी गापाको साँधमा पर्ने चमरीहोलदेखि पश्चिमतर्फ ठोरी पर्सा र चितवनको साँध चौतारासम्म पर्ने ३० किलोमिटर सडक निर्माणको ठेक्का सकारेको कालिका/बानियाँ जेभीले काम सुचारु गरेको हो। ठोरीका स्थानीय मजदूरमार्फत् काम अघि बढाएको बानियाँ निर्माण सेवाका प्रतिनिधि उद्धव न्यौपानेले जानकारी दिए।
भौतिक योजना तथा पूर्वाधार निर्माण मन्त्रालय, गृह मन्त्रालय, जिल्ला प्रशासन कार्यालय पर्सा एवं ठोरी गाउँपालिका कार्यालयबाट अनुमति लिएर सडक निर्माण कार्य थालिएको न्यौपानेले बताए । ३० किलोमिटर सडकखण्ड अन्तर्गत हाल ५ ठाउँमा एकैसाथ काम भइरहेको जानकारी दिंदै उनले इन्जिनीयर, ड्राइभर र प्राविधिकबाहेकका जनशक्ति स्थानीय नै लगाइरहेको जानकारी दिएका छन्। अहिले ठोरीमा वडा नं ४ को आठघरेमा कल्भर्ट ढलान भइरहेको छ। त्यसैगरी, वडा नं ३ को बुद्धनगरमा नाला निर्माण, सोही वडाको रामनगरमा सडक सम्याउने काम र वडा नं १ र २ को २ ठाउँमा ग्राभेल बिछ्याउने काम भइरहेको ठेकेदार कम्पनीका प्रतिनिधि न्यौपानेले जानकारी दिए।
कोरोना महामारीबाट जोगिन स्वास्थ्य मापदण्ड एवं सामाजिक दूरीसमेत कायम गर्दै एक ठाउँमा १५ जनाभन्दा धेरै कामदार नराखिएको निर्माण कम्पनीले जनाएको छ। बाहिरबाट आएका सबै प्राविधिक तथा श्रमिकहरूको स्वास्थ्य परीक्षणसमेत आवधिकरूपमा भइरहेको ठेकेदार कम्पनीले जानकारी गराएको छ ।
२९ महीनामा ७० प्रतिशत काम
वीरगंज–ठोरी हुलाकी सडकखण्ड अन्तर्गत चमरीहोलदेखि चौतारासम्म ३० किमि सडक निर्माण कार्य ३० महीनामा सम्पन्न गर्ने शर्तमा निर्माण कम्पनीले ठेक्का सकारेको थियो।
ठेक्का सम्झौता अनुसार २९ महीना अवधि सकिसकेको छ। १ अर्ब ६ करोड रुपैयाँको लागतमा निर्माण गर्ने गरी उक्त सडकखण्ड २०७४ मङ्सिर १ मा कालिका/बानियाँ जेभीले सम्झौता गरेको हि। २०७७ जेठ २० गतेसम्म निर्माण सम्पन्न गर्नुपर्नेमा करीब १ महीना समयावधि बाँकी छँदा निर्माण कम्पनीले ७० प्रतिशत मात्र काम सकेको छ। हुलाकी सडक आयोजनासँगको सम्झौता अवधि सकिनै लाग्दा सडक निर्माणको काम भने ३० प्रतिशत अधूरो रहेको ठेकेदार कम्पनीले जनाएको छ।
लकडाउन हुनुअघि करीब ६८ प्रतिशत प्रगति भएको र लकडाउन अवधिमा करीब २ प्रतिशत निर्माण कार्यमा प्रगति भएको हो। ठोरी–४ को मालीबस्तीबाहेक चमरीहोलदेखि विजयबस्ती पेट्रोलपम्पसम्म कालोपत्रे सम्पन्न भएको छ। साबिकको सुवर्णपुर र निर्मलबस्ती गाविस अन्तर्गतको करीब २२ किलोमिटर सडकखण्डमा निर्माण कार्य द्रुतगतिमा चलेको भएपनि साबिक ठोरी गाविसको करीब ८ किलोमिटर सडकखण्डमा भने निर्माण सुस्त छ।
३० किलोमिटर सडकखण्डमा कुल ५१ वटा कल्भर्ट रहेकामा हालसम्म ३६ वटा कल्भर्ट निर्माण सम्पन्न भएर सञ्चालनमा आइसकेको छ। चारवटा कल्भर्ट निर्माणको अन्तिम चरणमा रहेको र बाँकी ११ वटा कल्भर्ट निर्माणमा स्थानीयले विरोध गरेका कारण काम नै शुरू गर्न नसकिएको निर्माण कम्पनीका फिल्ड इन्चार्ज न्यौपानेको भनाइ छ। उनले विवाद समाधान नभएसम्म कल्भर्ट निर्माण गर्न अप्ठ्यारो भएको बताए।
हरेक वर्ष फागुनदेखि जेठ महीनासम्म सडक निर्माणको पिक आवर मानिन्छ। यही अवधिमा निर्माण प्रगति उल्लेख्य हुनुपर्ने भन्दै इन्चार्ज न्यौपानेले लकडाउनका कारण सडक निर्माणको प्रगति प्रभावित बनेको बताए। उनले कुनै किसिमको अवरोध नभए आउँदो ९ महीनाभित्र सडक निर्माण सम्पन्न भइसक्ने दाबीसमेत गरे।
वीरगंज–ठोरी हुलाकी सडक अन्तर्गत ठोरी गाउँपालिकाको क्षेत्रमा निर्माण कार्य सुचारु भएको छ। कोरोना भाइरस नियन्त्रणका लागि सरकारले गरेको लकडाउनका कारण बन्द रहेको हुलाकी सडक निर्माण कार्य मङ्गलवारदेखि पूर्णरूपमा सञ्चालनमा आएको निर्माण कम्पनीले जनाएको छ।
सडक निर्माण सम्झौता अवधिको अन्त्यतिर सरकारले लकडाउन गरेपछि सडक निर्माणको काम अलपत्र परेको थियो । जीराभवानी गाउँपालिका र ठोरी गापाको साँधमा पर्ने चमरीहोलदेखि पश्चिमतर्फ ठोरी पर्सा र चितवनको साँध चौतारासम्म पर्ने ३० किलोमिटर सडक निर्माणको ठेक्का सकारेको कालिका/बानियाँ जेभीले काम सुचारु गरेको हो। ठोरीका स्थानीय मजदूरमार्फत् काम अघि बढाएको बानियाँ निर्माण सेवाका प्रतिनिधि उद्धव न्यौपानेले जानकारी दिए।
भौतिक योजना तथा पूर्वाधार निर्माण मन्त्रालय, गृह मन्त्रालय, जिल्ला प्रशासन कार्यालय पर्सा एवं ठोरी गाउँपालिका कार्यालयबाट अनुमति लिएर सडक निर्माण कार्य थालिएको न्यौपानेले बताए । ३० किलोमिटर सडकखण्ड अन्तर्गत हाल ५ ठाउँमा एकैसाथ काम भइरहेको जानकारी दिंदै उनले इन्जिनीयर, ड्राइभर र प्राविधिकबाहेकका जनशक्ति स्थानीय नै लगाइरहेको जानकारी दिएका छन्। अहिले ठोरीमा वडा नं ४ को आठघरेमा कल्भर्ट ढलान भइरहेको छ। त्यसैगरी, वडा नं ३ को बुद्धनगरमा नाला निर्माण, सोही वडाको रामनगरमा सडक सम्याउने काम र वडा नं १ र २ को २ ठाउँमा ग्राभेल बिछ्याउने काम भइरहेको ठेकेदार कम्पनीका प्रतिनिधि न्यौपानेले जानकारी दिए।
कोरोना महामारीबाट जोगिन स्वास्थ्य मापदण्ड एवं सामाजिक दूरीसमेत कायम गर्दै एक ठाउँमा १५ जनाभन्दा धेरै कामदार नराखिएको निर्माण कम्पनीले जनाएको छ। बाहिरबाट आएका सबै प्राविधिक तथा श्रमिकहरूको स्वास्थ्य परीक्षणसमेत आवधिकरूपमा भइरहेको ठेकेदार कम्पनीले जानकारी गराएको छ ।
२९ महीनामा ७० प्रतिशत काम
वीरगंज–ठोरी हुलाकी सडकखण्ड अन्तर्गत चमरीहोलदेखि चौतारासम्म ३० किमि सडक निर्माण कार्य ३० महीनामा सम्पन्न गर्ने शर्तमा निर्माण कम्पनीले ठेक्का सकारेको थियो।
ठेक्का सम्झौता अनुसार २९ महीना अवधि सकिसकेको छ। १ अर्ब ६ करोड रुपैयाँको लागतमा निर्माण गर्ने गरी उक्त सडकखण्ड २०७४ मङ्सिर १ मा कालिका/बानियाँ जेभीले सम्झौता गरेको हि। २०७७ जेठ २० गतेसम्म निर्माण सम्पन्न गर्नुपर्नेमा करीब १ महीना समयावधि बाँकी छँदा निर्माण कम्पनीले ७० प्रतिशत मात्र काम सकेको छ। हुलाकी सडक आयोजनासँगको सम्झौता अवधि सकिनै लाग्दा सडक निर्माणको काम भने ३० प्रतिशत अधूरो रहेको ठेकेदार कम्पनीले जनाएको छ।
लकडाउन हुनुअघि करीब ६८ प्रतिशत प्रगति भएको र लकडाउन अवधिमा करीब २ प्रतिशत निर्माण कार्यमा प्रगति भएको हो। ठोरी–४ को मालीबस्तीबाहेक चमरीहोलदेखि विजयबस्ती पेट्रोलपम्पसम्म कालोपत्रे सम्पन्न भएको छ। साबिकको सुवर्णपुर र निर्मलबस्ती गाविस अन्तर्गतको करीब २२ किलोमिटर सडकखण्डमा निर्माण कार्य द्रुतगतिमा चलेको भएपनि साबिक ठोरी गाविसको करीब ८ किलोमिटर सडकखण्डमा भने निर्माण सुस्त छ।
३० किलोमिटर सडकखण्डमा कुल ५१ वटा कल्भर्ट रहेकामा हालसम्म ३६ वटा कल्भर्ट निर्माण सम्पन्न भएर सञ्चालनमा आइसकेको छ। चारवटा कल्भर्ट निर्माणको अन्तिम चरणमा रहेको र बाँकी ११ वटा कल्भर्ट निर्माणमा स्थानीयले विरोध गरेका कारण काम नै शुरू गर्न नसकिएको निर्माण कम्पनीका फिल्ड इन्चार्ज न्यौपानेको भनाइ छ। उनले विवाद समाधान नभएसम्म कल्भर्ट निर्माण गर्न अप्ठ्यारो भएको बताए।
हरेक वर्ष फागुनदेखि जेठ महीनासम्म सडक निर्माणको पिक आवर मानिन्छ। यही अवधिमा निर्माण प्रगति उल्लेख्य हुनुपर्ने भन्दै इन्चार्ज न्यौपानेले लकडाउनका कारण सडक निर्माणको प्रगति प्रभावित बनेको बताए। उनले कुनै किसिमको अवरोध नभए आउँदो ९ महीनाभित्र सडक निर्माण सम्पन्न भइसक्ने दाबीसमेत गरे।