प्रस, ठोरी, १५ फागुन/
पर्साको ठोरीदेखि चितवनको नारायणगढसम्म पुग्ने हुलाकी सडक अन्तर्गत माडी क्षेत्रमा कालोपत्रे गर्ने काम बिहीवारदेखि शुरू भएको छ । माडीको देवेन्द्रपुर–बगही ८ किलोमिटर सडकखण्डमा बाटो कालोपत्रे गर्ने काम माडी नगरपालिका–८ का वडाध्यक्ष कृष्णराज अधिकारीले आज शिलान्यास गरेका हुन् । कार्यक्रममा माडीका वडाध्यक्षहरू रामबन्धु पोखरेल र भरतबहादुर गुरुङसँगै वडा सदस्यहरू र स्थानीयको उल्लेखनीय सहभागिता थियो ।
कार्यक्रमका वक्ताहरूले सडक कालोपत्रे भएपछि ठोरी र माडीको सामीप्यता बढ्नुका साथै दुवैतर्फको विकास निर्माणले फडको मार्ने बताए । चितवन राष्ट्रिय निकुञ्जको क्षेत्रभित्र पनि जतिसक्दो छिटो कालोपत्रे गर्न वक्ताहरूले जोड दिएका छन् । ठोरीपछि चितवन राष्ट्रिय निकुञ्जको जङ्गल कटेलगत्तै बगहीबाट कालोपत्रे शुरू भएको हो ।
कार्यक्रममा सहभागी ठेकेदार पक्षका प्रतिनिधिहरूले वर्षायाममा पनि काम नरोकिने गरी नदीजन्य निर्माण सामग्री सङ्कलन शुरू भइसकेको जानकारी दिएका छन् । ठेकदारले हाल खोलामा डाइभर्सन बनाउनुका साथै गिट्टी–बालुवालगायत निर्माण सामग्री भण्डारण गरिरहेको वडाध्यक्ष अधिकारीले बताए ।
सडक निर्माण जनता र राष्ट्रको प्रत्यक्ष उन्नतिसँग जोडिएकोले कानूनी अडचनमा नअल्झन आग्रह गर्दै सबै तर्फबाट सक्दो सहयोग तथा सहजीकरण गर्न तयार रहेको नागरिक अगुवा तथा पूर्व गाविस अध्यक्ष पुर्णभद्र पनेरूले बताएका छन् ।
वीरगंज–ठोरी सडक खण्ड निर्माण ठेकेदारको लापरवाहीको कारण विलम्ब भइरहेको भन्दै वक्ताहरूले ठोरी–नारायणगढ सडकखण्डमा त्यस्तो लापरवाही देखिए चुप लागेर नबस्ने चेतावनी दिएका छन् ।
माडी–देवेन्द्रपुर सीमामा रहेको परूई खोलादेखि बगहीसम्म करीब ८.१५७ मिटर लम्बाइको कालोपत्रे सडकको ७ मिटर चौडाइमा कालोपत्रे हुने, सडकको दुवैतर्फ २/२ मिटर सेटब्याक तथा १.५ मिटर ड्रेनेज रहने हुलाकी राजमार्ग परियोजनाका वरिष्ठ इन्जिनइयर सञ्जय ठाकुरले जानकारी गराएका छन् ।
३० महीनाभित्र निर्माण सम्पन्न गरिसक्क्नुपर्ने सम्झौता रहेको उक्त सडक निर्माणको कुल लागत ३५ करोड रहेको हुलाकी राजमार्ग निर्देशनालय योजना कार्यालय वीरगंजले जनाएको छ । शिलान्यास भएको सडकखण्ड निर्माण गर्न बज्रगुरू कन्स्ट्रक्सन (प्रा.) लि.ले ठेक्का पाएको हो ।
पर्साको ठोरीदेखि चितवनको नारायणगढसम्म पुग्ने हुलाकी सडक अन्तर्गत माडी क्षेत्रमा कालोपत्रे गर्ने काम बिहीवारदेखि शुरू भएको छ । माडीको देवेन्द्रपुर–बगही ८ किलोमिटर सडकखण्डमा बाटो कालोपत्रे गर्ने काम माडी नगरपालिका–८ का वडाध्यक्ष कृष्णराज अधिकारीले आज शिलान्यास गरेका हुन् । कार्यक्रममा माडीका वडाध्यक्षहरू रामबन्धु पोखरेल र भरतबहादुर गुरुङसँगै वडा सदस्यहरू र स्थानीयको उल्लेखनीय सहभागिता थियो ।
कार्यक्रमका वक्ताहरूले सडक कालोपत्रे भएपछि ठोरी र माडीको सामीप्यता बढ्नुका साथै दुवैतर्फको विकास निर्माणले फडको मार्ने बताए । चितवन राष्ट्रिय निकुञ्जको क्षेत्रभित्र पनि जतिसक्दो छिटो कालोपत्रे गर्न वक्ताहरूले जोड दिएका छन् । ठोरीपछि चितवन राष्ट्रिय निकुञ्जको जङ्गल कटेलगत्तै बगहीबाट कालोपत्रे शुरू भएको हो ।
कार्यक्रममा सहभागी ठेकेदार पक्षका प्रतिनिधिहरूले वर्षायाममा पनि काम नरोकिने गरी नदीजन्य निर्माण सामग्री सङ्कलन शुरू भइसकेको जानकारी दिएका छन् । ठेकदारले हाल खोलामा डाइभर्सन बनाउनुका साथै गिट्टी–बालुवालगायत निर्माण सामग्री भण्डारण गरिरहेको वडाध्यक्ष अधिकारीले बताए ।
सडक निर्माण जनता र राष्ट्रको प्रत्यक्ष उन्नतिसँग जोडिएकोले कानूनी अडचनमा नअल्झन आग्रह गर्दै सबै तर्फबाट सक्दो सहयोग तथा सहजीकरण गर्न तयार रहेको नागरिक अगुवा तथा पूर्व गाविस अध्यक्ष पुर्णभद्र पनेरूले बताएका छन् ।
वीरगंज–ठोरी सडक खण्ड निर्माण ठेकेदारको लापरवाहीको कारण विलम्ब भइरहेको भन्दै वक्ताहरूले ठोरी–नारायणगढ सडकखण्डमा त्यस्तो लापरवाही देखिए चुप लागेर नबस्ने चेतावनी दिएका छन् ।
माडी–देवेन्द्रपुर सीमामा रहेको परूई खोलादेखि बगहीसम्म करीब ८.१५७ मिटर लम्बाइको कालोपत्रे सडकको ७ मिटर चौडाइमा कालोपत्रे हुने, सडकको दुवैतर्फ २/२ मिटर सेटब्याक तथा १.५ मिटर ड्रेनेज रहने हुलाकी राजमार्ग परियोजनाका वरिष्ठ इन्जिनइयर सञ्जय ठाकुरले जानकारी गराएका छन् ।
३० महीनाभित्र निर्माण सम्पन्न गरिसक्क्नुपर्ने सम्झौता रहेको उक्त सडक निर्माणको कुल लागत ३५ करोड रहेको हुलाकी राजमार्ग निर्देशनालय योजना कार्यालय वीरगंजले जनाएको छ । शिलान्यास भएको सडकखण्ड निर्माण गर्न बज्रगुरू कन्स्ट्रक्सन (प्रा.) लि.ले ठेक्का पाएको हो ।