आर्थिक नगरी वीरगंज दीपावलीको दिन धपक्कै बलेको थियो । पोहोर–परार भन्दा पनि यसपालि हषोल्लासको साथ सबैले दीपावली मनाएका छन् । घरघरमा दियो बाली, विशेष पूजा आराधना गरी वीरगंजवासीले दीपावली मनाएका छन् । धनतेरसको दिनदेखि वीरगंजमा सर्वसाधारणको घुइँचो लागेको थियो । त्यसको भोलिपल्ट एउटा दियो बालेर दिपावली गरियो भने आइतवार साँझ झिलीमिली पारी पर्सा–बारामा दीपावली गरियो । साँझ ५ बजे पर्सा क्षेत्र नं १ का सांसद प्रदीप यादवको पहलमा समाजवादी पार्टीले मधेस आन्दोनलका शहीदहरूको सम्मानमा पहिलो दियो बालेर आप्mना कार्यकर्ताहरूलाई घरघरमा दीपावली शुरू गर्ने आग्रह गरेका थिए । उद्योगी–व्यवसायीहरूले भगवती लक्ष्मीको विशेष पूजा आराधना गरी घरघरमा दीपावली मनाएका थिए ।
ग्रीनसिटी बन्यो सङ्गमस्थल
आदर्शनगर ग्रीनसिटी सामुदायिक प्रहरी सेवा केन्द्रको क्षेत्रले यसपालि पनि वीरगंजवासीको मन जित्यो । दीपावलीमा राम्रो रमाइलो गर्ने ठाउँ नहुँदा विगतमा वीरगंजका बासिन्दा हेटौंडा, पोखरा, काठमाडौं वा अन्त्य गएर दीपावली मनाउने गर्थे । आन्तरिक पर्यटकलाई रोक्न र वीरगंजमा धुमधामका साथ दीपावली मनाउन केही वर्षदेखि दीपावलीको दिन पूmड फेस्टीभल र सांस्कृतिक कार्यक्रम पनि आयोजना गरिंदै आएको ग्रीनसिटीका मुरली जलानले बताए । उनले वीरगंजको यस वर्षको दीपावलीमा करीब १० हजारजनाको सहभागिता रहेको बताए । सांस्कृतिक कार्यक्रम, साथाीभाइसँग भेटघाट र शुभकामना आदानप्रदान र सेल्फी प्वाइन्ट निर्माणले गर्दा ग्रीनसिटीको मेला सबैले मन पराएको उनले बताए ।
महँगी आकाशियो
दीपावालीमा सरोकारवाला निकायको अनुगमन नहुँदा सुनदेखि नुनसम्म वीरगंजको बजारमा सबै कुरा महँगो दाममा सर्वसाधारण किन्न बाध्य भए । किराना तथा खाद्य सामग्रीसहित पूजाका सामान–केराको बोट, पूmलको माला, पुष्पगुच्छा, मिठाई, तेल, हरियो तरकारीलगायत सामानको दाम २० देखि ३० प्रतिशतसम्म महँगोमा बिक्री भएको सर्वसाधारण उपभोक्ताले बताए । पूmलको माला पोहोर ४०/५० मा बिक्री भएको थियो भने यसपालि ७५ देखि १ सय रुपियाँमा बिक्री भयो । मिठाईको दरमा पनि किलोको ५० देखि सय रुपियाँसम्म थपिएको थियो । पूजा सामग्री र किराना समानमा मनपरी ग्राहकलाई ठगिएको थियो । आवश्यक दक्ष जनशिक्त र चाडपर्वमा प्रहरी प्रशासन, नापतौल तथा गुणस्तर विभाग, वाणिज्य कार्यालयहरू सक्रिय नहुँदा बजारमा महँगी बढेको र सोबारे स्थानीय प्रहरी प्रशासन गम्भीर बन्न उपभोक्ताहरूले आग्रह गरेका छन् ।
नेवार समुदायले धुमधामले मनायो नयाँ वर्ष, सामूहिक म्हः पूजा पनि
नेवार समुदायले मनाउने नयाँ वर्ष अर्थात् नेपाल संवत् वीरगंजमा पनि धुमधामले मनाइयो । सोमवार नेवार समुदायले ११४० औं नेपाल संवत् विविध कार्यक्रम गरी मनाएको हो । नेवा देयँ् दबु पर्सा र वीरगंज नेवार महासङ्घको संयुक्त आयोजनामा बिहान ८ बजे अलखियामठबाट निस्केको प्रभातफेरी घण्टाघर हुँदै माईस्थान मन्दिर नजीकै नेपाल संवत्का संस्थापक शंखधर साख्वाको शालिकमा पुगेर समापन भएको थियो।
तिथिको गडबढीका कारण सोमवार केही स्थानमा नेपाल संवत् र म्हः पूजा गरिएको थियो भने काठमाडौं उपत्यकाका नेवार समुदायले मङ्गलवार नेपाल संवत् मनाएको थियो ।
वीरगंजको प्रभातफेरीको अवसरमा नेवार समुदायले झाँकी पनि प्रदर्शन गरेको थियो । यसैबीच, सोमवार वीरगंजको आदर्शनगरमा मध्याह्न १२ बजे सामूहिक म्हः पूजा पनि गरिएको थियो । नेवारी विधि अनुसार विभिन्न क्षेत्रका ६५ जना व्यक्तिको म्हःपूजामा सहभागिता रहेको नेवार महासङ्घ वीरगंजका अध्यक्ष चक्रबहादुर शाक्यले बताए ।
नयाँ वर्ष मनाउन सबैभन्दा पहिले आत्म अर्थात् शरीर–पूजा गर्ने चलन रहेकोले म्हः पूजा गरिएको उनले बताए । नयाँ वर्ष मनाउन म्हः पूजा अनिवार्य रहेकोले केही वर्षदेखि वीरगंजमा सामाजिक सद्भाव अभिवृद्धि गर्न सामूहिक म्हः पूजा गर्ने गरिएको नेवार महासङ्घका सदस्य सुनील श्रेष्ठले बताए ।
प्रदेश नं २ का मुख्यमन्त्री लालबाबू राउतको प्रमुख आतिथ्यमा भएको कार्यक्रममा प्रदेश २ का भौतिक पूर्वाधार विकासमन्त्री जितेन्द्र सोनल, पर्सा क्षेत्र नं १ का सङ्घीय सासद प्रदीप यादव, क्षेत्र नं ४ का सङ्घीय सांसद लक्ष्मणलाल कर्ण, प्रदेश सांसद ओमप्रकाश शर्मा, पर्साका प्रहरी उपरीक्षक सोमेन्द्रसिंह राठौर, वीरगंज उद्योग वाणिज्य सङ्घका अध्यक्ष गोपाल केडिया, उपाध्यक्ष सुबोध गुप्ता, पूर्व अध्यक्षहरू गणेश लाठ, अशोक टेमानीलगायत डाक्टरहरू लक्ष्मी थापा, मनोज गुप्ता, नीरजसिंह, नेपाल पत्रकार महासङ्घ प्रदेश २ का अध्यक्ष दिपेन्द्र चौहान, रेडियो वीरगंजका प्रबन्ध निर्देशक ध्रुव साहलगायतको सहभागिता थियो ।
कार्यक्रममा मुख्यमन्त्री राउतले सम्पूर्ण नेपालीलाई म्हःपूजाको अवसरमा शुभकामना दिएका थिए भने नेवार समुदायको पर्वले सबैमा आपसी मेलमिलाप तथा सद्भाव कायम गर्न सफल देखिएको धारणा राखेका थिए । म्हः पूजाको अवसरमा सहभागीहरूलाई सगुन पनि दिइएको थियो ।
