राजमिस्त्रीहरू आर्थिक समस्या झेल्दै

प्रस, वीरगंज, १३ कात्तिक/
    नदीजन्य पदार्थको उत्खनन रोकिएको कारण अहिले घरनिर्माण कार्यमा संलग्न हजारौं मिस्त्री र मजदूर आर्थिक समस्या झेल्दै आएका छन् ।
    सरकारले असारदेखि असोजसम्म नदीजन्य पदार्थ उत्खननमा रोक लगाउने गरेको र त्यसपछि उत्खनन गर्न छुट दिएपनि यसपटक प्रारम्भिक वातावरणीय परीक्ष्Fण रिपोर्ट अहिलेसम्म नआउँदा असोज बितिसक्दा पनि नदीजन्य पदार्थको उत्खनन हुन नसकेको हो ।
    परीक्ष्Fण रिपोर्ट आउन अझै एक महीना लाग्ने प्रFविधिकहरू बताउँछन् । बालुवा, गिट्टी, ढुङ्गाको अभावमा पर्सा जिल्लामा घरनिर्माणको काम प्रभावित भएको छ । दैनिक हजारौं मानिसको संलग्नता हुने घरनिर्माण कार्य ठप्प हुँदा उनीहरू चार महीनादेखि आर्थिक समस्या झेल्दै आएका छन् । वीरगंज, माईस्थानमा घरनिर्माण कार्यमा खट्ने दैनिक ज्यालादारीका सयौं मजदूर बिहान आउने र काम नपाई फर्कने गरेको बताउँछन् । नदीजन्य पदार्थ उत्खनन रोकिएकोले उनीहरूको रोजगार प्रभावित भएको हो ।
    भारतको आदापुरलगायत क्ष्Fेत्रबाट माईस्थानमा सयौंको सङ्ख्यामा मजदूर दैनिक ज्यालादारीको लागि आउने गरेकोमा अहिले उनीहरूको सङ्ख्या पातलिएको छ । चार महीनादेखि काम कम भएको कारण अहिले ८० जना मात्र दैनिक आउने गरेका छन् । यस अघि त्यहाँ ४ सयदेखि १ हजार मानिस दैनिक ज्यालादारीको लागि आउने गरेको एकजना मजदूरले बताए । काम नभएपछि अन्य कामतर्पm मजदूरहरू लागेकाले पनि माईस्थानमा दैनिक ज्यालादारीको लागि आउने मजदूरहरूको सङ्ख्या पातलिएको हो ।