प्रस, वीरगंज, १३ साउन/
वीरगंज बसपार्कको निर्माण कार्य सम्पन्न भएपनि सञ्चालनमा आउन सकेको छैन । पुरानो संरचना भत्काएर अत्याधुनिक बसपार्क निर्माण सम्पन्न भएको महीना बितिसक्दा पनि सञ्चालनमा आउन सकेको छैन ।
मेयर विजय सरावगीले एक साताभित्र बसपार्क सञ्चालनको लागि तयारी भइरहेको बताए । उनले यस अघि गरिएको तयारी बाढीको कारण तहसनहस नभएकोले पुनः नयाँ तयारीका साथ बसपार्क सञ्चालन हुने बताए । मेयर सरावगीले बसपार्क सञ्चालनमा नआउँदै त्यहाँको शौचालय जथाभावी प्रयोग गर्दा खराब भएको र बिजुली बत्तीको उचित व्यवस्थापन बाँकी भएकोले एकाध दिन ढिलो हुने बताए । उनले सबै तयारीको लागि मानिस खटाइसकेको र एक साताभित्र सञ्चालनमा आउने बताए ।
यस अघि बसपार्क निर्माण कार्य सम्पन्न भएपछि बस व्यवसायी, प्रहरी र व्यवस्थित वीरगंज अभियानका व्यक्तिहरूले सबै बसलाई बसपार्कबाट सञ्चालन गर्ने सहमति गरेका थिए । सहमतिको केही दिन बसपार्कबाट बसहरू सञ्चालन भएपनि अहिले पुरानै ढर्राबाट बसपार्क बाहिरबाट बसहरू सञ्चालन भइरहेका छन् ।
नारायणी यातायात सञ्चालक समिति प्रालिका जगतसाह कानूले बसपार्क पूर्णरूपमा नबनेको कारण भित्रबाट सञ्चालन हुन कठिनाइ भएको बताए । उनले शौचालय, बत्तीको उचित व्यवस्था नभएको, बसपार्क बाहिरको सडक अवस्था जीर्ण भएको र बसपार्कभित्रबाट तत्काल सञ्चालन गर्ने अवस्था नभएकोले व्यवसायीहरूले बाहिरबाट सञ्चालन गर्नुपर्ने बाध्यता रहेको बताए ।
उनले बसपार्क सञ्चालनमा ल्याउन माग गरेका छन् ।
वीरगंज बसपार्कको निर्माण कार्य सम्पन्न भएपनि सञ्चालनमा आउन सकेको छैन । पुरानो संरचना भत्काएर अत्याधुनिक बसपार्क निर्माण सम्पन्न भएको महीना बितिसक्दा पनि सञ्चालनमा आउन सकेको छैन ।
मेयर विजय सरावगीले एक साताभित्र बसपार्क सञ्चालनको लागि तयारी भइरहेको बताए । उनले यस अघि गरिएको तयारी बाढीको कारण तहसनहस नभएकोले पुनः नयाँ तयारीका साथ बसपार्क सञ्चालन हुने बताए । मेयर सरावगीले बसपार्क सञ्चालनमा नआउँदै त्यहाँको शौचालय जथाभावी प्रयोग गर्दा खराब भएको र बिजुली बत्तीको उचित व्यवस्थापन बाँकी भएकोले एकाध दिन ढिलो हुने बताए । उनले सबै तयारीको लागि मानिस खटाइसकेको र एक साताभित्र सञ्चालनमा आउने बताए ।
यस अघि बसपार्क निर्माण कार्य सम्पन्न भएपछि बस व्यवसायी, प्रहरी र व्यवस्थित वीरगंज अभियानका व्यक्तिहरूले सबै बसलाई बसपार्कबाट सञ्चालन गर्ने सहमति गरेका थिए । सहमतिको केही दिन बसपार्कबाट बसहरू सञ्चालन भएपनि अहिले पुरानै ढर्राबाट बसपार्क बाहिरबाट बसहरू सञ्चालन भइरहेका छन् ।
नारायणी यातायात सञ्चालक समिति प्रालिका जगतसाह कानूले बसपार्क पूर्णरूपमा नबनेको कारण भित्रबाट सञ्चालन हुन कठिनाइ भएको बताए । उनले शौचालय, बत्तीको उचित व्यवस्था नभएको, बसपार्क बाहिरको सडक अवस्था जीर्ण भएको र बसपार्कभित्रबाट तत्काल सञ्चालन गर्ने अवस्था नभएकोले व्यवसायीहरूले बाहिरबाट सञ्चालन गर्नुपर्ने बाध्यता रहेको बताए ।
उनले बसपार्क सञ्चालनमा ल्याउन माग गरेका छन् ।