पीडितको तथ्याङ्क सङ्कलनमा लापरवाही, चैनपुरमा सयजनाको नाम छुट्यो

प्रस, परवानीपुर, १४  वैशाख/
    गत चैत १७ गते आएको विनाशकारी हावाहुरीले बारामा पु¥याएको क्षतिको तथ्याङ्क सङ्कलनमा लापरवाही भएको छ ।
    परवानीपुर गाउँपालिका–४ चैनपुरका वासिन्दाले जिल्ला विपद् व्यवस्थापन समिति, बाराको नामावली  सङ्कलन प्रतिवेदन त्रुटिपूर्ण रहेको गुनासो गरेका छन् । चैनपुरका दीपेन्द्रप्रसाद कुर्मीका अनुसार चैनपुरको पूmलबारी टोल र अन्य टोलका गरी करीब १२५ जना पीडितहरूको नाम छुटेको छ । सो  सम्बन्धमा शनिवार गाउँलेहरू भेला भई जिल्ला विपद् व्यवस्थापन समितिको प्रतिवेदन त्रुटीपूर्ण रहेकोले पुनरवलोकनको माग गरेका छन् ।
    चैनपुरकै  सत्यनारायण साह कानूले पनि तथ्याङ्क सङ्कलन टोलीले चरम लापरवाही  गरेको बताए । “५० हजार नोक्सान भएकाले ३ लाख पाउने र तीन लाखको नोक्सान भएकाले ५० हजार पाउने किसिमको प्रतिवेदन छ । यसकारण प्रतिवेदन सच्याउनै पर्छ”–उनले भने ।
    तीन लाख रुपियाँभन्दा बढीको क्षति भएको घर परिवारको २८ हजारको क्षतिपूर्ति भएको विवरण आएपछि गाउँलेहरू आक्रोशित भएको बताए । साहले पीडितको नामावली तथा क्षति सङ्कलनको क्रममा चैनपुरका वडा अध्यक्ष गजेन्द्र पटेलको पनि दोष रहेको आरोप लगाए ।  वडा अध्यक्ष पटेलले तथ्याङ्क सङ्कलन गर्ने टोलीसँग राम्ररी समन्वय नगरेको र हचुवाको भरमा तथ्याङ्क सङ्कलन गरेकोले समस्या उत्पन्न भएको पीडितहरूको गुनासो छ ।
    वडा कार्यालयले शुरूमा ५४८ जनाको विवरण पेश गरेकोमा रेडक्रसकर्मी र प्रहरीको संयुक्त टोलीले जम्मा ४७७ जनाको विवरण पठाएकोले गाउँमा विवाद बढेको साहले बताए । जिल्ला विपद् व्यवस्थापन समितिले पठाएको विवरणको आधारमा ४७७ घर मध्ये २१५ वटा पूर्णरूपमा क्षति भएको छ भने २६२ वटामा आंशिक क्षति पुगेको जनाइएको छ । साथै क्षति पुगेको घरको मूल्याङ्कनको आधारमा क्षतिपूर्ति तोकिएको छ ।
     यस सम्बन्धमा नेपाल रेडक्रस सोसाइटी प्रदेश २ का सभापति पूmलमहम्मद मियाँले संयुक्तरूपमा तथ्याङ्क सङ्कलन गर्ने कार्य भएकोले गल्ती हुने सम्भावना न्यून रहेको दाबी गरेका छन् ।