नेपाली काङ्ग्रेस, पर्साले केन्द्रीय कार्यक्रम अनुरूप आज वीरगंजमा प्रदर्शन र विरोधसभा गरेको छ ।
घण्टाघरबाट निकालिएको विरोध प्रदर्शन नगरपरिक्रमापछि सोही स्थानमा पुगेर कोणसभा गरेको थियो । कोणसभाका वक्ताहरू केन्द्रीय सदस्य रमेश रिजाल, अजय चौरसिया, पूर्वमन्त्री सुरेन्द्र चौधरी, पूर्वसांसद अनिल रूँगटा, पूर्वसभापति जनार्दनसिंह क्षत्री, वीरेन्द्रलाल नेपाली र पटेर्वा सुगौली गापाका उपाध्यक्ष्F ममता महतोले वर्तमान नेकपा नेतृत्व सरकारको कडा आलोचना गरेका थिए ।
उनीहरूले सरकारले प्रजातन्त्रविरुद्ध गतिविधि गरेर मुलुकमा अधिनायकवाद लाद्न खोजेको र सो कार्यलाई नेकाले कुनै पनि हालतमा स्वीकार नगर्ने बताए । वक्ताहरूले विश्वबाट कम्युनिज्म पलायन भइरहेको अवस्थामा नेपालमा उदय भएको र त्यसको उन्माद कम्युनिस्ट सरकारमा देखिएको बताउँदै नेपालको सबैखाले परिवर्तनमा अहम् भूमिका रहेको नेकाले अहिलेको अवस्थामा पनि प्रजातन्त्र गुम्न नदिन जनताको साथ लिएर सरकारविरुद्ध जेहाद छेड्ने बताए ।
केपी शर्मा ओलीको नेतृत्वमा फोरम नेपाल सरकारमा सहभागी भएको र राजपाले सरकारलाई समर्थन दिएकोले उनीहरूको चरित्र जनता सामु उदाङ्गो भएको बताए ।
नेका पर्साका सभापति अजय द्विवेदीले सहजीकरण गर्दै विरोधको यो स्वरूप टेलर मात्र भएको बताए । उनले सरकारले सर्वसत्तावादी सोच नत्यागे योभन्दा बढी विरोध हुने चेतावनी दिए । उनले वीरगंज महानगरपालिकाले बढाएको करको विरोध पनि गरे ।
रवीन्द्रप्रसाद साह, कलैया/ नेपाली काङ्ग्रेस बाराले आज कलैयामा सरकारविरुद्ध बृहत् विरोध प्रदर्शन गरेको छ ।
पार्टी कार्यालयबाट निस्केको विरोध ¥यालि कलैया बजार परिक्रमा गरी भरत चोकमा पुगी कोणसभामा परिणत भएको थियो । पार्टी सभापित जयचन्द्र चौरिसयाको अधयक्षतामा सम्पन्न विरोध सभामा केन्द्रीय सदस्य राधेचन्द्र यादव, पूर्व सांसद मधु शाही ठकुरी, लालबाबू सिंह, महागढीमाई नगरपालिकाका नगर प्रमुख उपेन्द्रप्रसाद यादव, निजगढ नगरपालिकाका प्रमुख सुरेश खनाल, कलावती पासवान, चन्द्रशेखर यादव, कृष्णव्रत सिंह, नेपाल तरुण दल बाराका अध्यक्ष लोकेश सिंह, मुस्लिम सङ्घका केन्द्रीय सचिव परवेज आलमलगायतले सरकारको काम कारबाईको चर्काे विरोध गरेको नेपाली काङ्ग्रेस बाराका प्रचार प्रसार समन्वय उपसमितिका सह संयोजक मुकेश यादवले बताए ।
जुलुसमा सहभागीहरूले एउटै पार्टीको सभामुख, उपसभामुख राख्न पाइँदैन, ६५ वर्षमा वृद्ध भत्ता, मिर्गौला, स्पाइनल इन्जुरी, क्यान्सर तथा मुटुरोगका गम्भीर बिरामीलाई मासिक पाँच हजार भत्ता दिने निर्णय कार्यन्वयन गर, महँगी नियन्त्रण गर, भ्रष्ट सरकार राजीनामा दे, जनतामारा कर खारेज गर, हत्या बलात्कार बन्द गर, ओलि सरकार कस्तो श्री ३ सरकारजस्तो, संविधानमा एउटा कुरा टाँसिदे, बलात्कारीलाई फाँसी दे जस्ता नारा लगाएको जुलुसका सह संयोजक यादवले बताए ।
भरतचोकमा कोणसभा पछि जुलुस पुनः बजार परिक्रमा गर्दै पार्टी कार्यालयमा आएर समाप्त भएको थियो ।
प्रस, रौतहट/
वर्तमान सरकारले जनविरोधी क्रियाकलाप गरेको विरोधमा नेपाली काङ्ग्रेसले आज सदरमुकाम गौरमा भव्य जुलुस प्रदर्शन गरेको छ ।
गौर राइस मिलदेखि शुरु भएको जुलुसले गौर नगरपालिकाका विभिन्न क्षेत्रको परिक्रमा गर्दै नारा लगाएको थियो । सभामुख तथा उपसभामुख पद अलग दलबाट व्यवस्था गर, सवैधानिक व्यवस्थाको पालना गर, स्वतन्त्र न्याय तथा प्रेसमाथिको आक्रमण बन्द गर, पूर्ववर्ती सरकारको जनप्रिय निर्णय कार्यान्वयन गर, ६५ वर्षमैं वृद्ध भत्ता दिने निर्णय गर, गम्भीर प्रकृतिका बिरामीलाई मासिक रु ५ हजार जीविकोपार्जन भत्ता कायम गर, भूकम्प पीडितलाई एक लाख अनुदान थप गर्ने निर्णय कार्यान्वयन गर, जनताको ढाड सेक्ने मूल्यवृद्धि र कर वृद्धि फिर्ता गर, बाढी पीडित तथा पहिरो पीडितका लागि विशेष प्याकेज व्यवस्था गर, संवैधानिक निकायमाथिको कार्यकारी हस्तक्षेप बन्द गरजस्ता नारा लगाइएको थियो ।
क्षेत्र नं २ का सांसद मोहम्मद आफताब आलम, नेपाली काङ्ग्रेसका जिल्ला सभापति कृष्णप्रसाद यादव, जितेन्द्रकुमार यादव, देवचन्द्र मिश्र लगायत नेताहरूको सक्रियतामा निस्केको जुलुस कोणसभामा परिणात भएको थियो । कोणसभामा मानीनय मोहम्मद आफताब आलमले वर्तमान सरकारको आलोचना गरेका थिए ।
नेका सभापति कृष्णप्रसाद यादवको अध्यक्षता जितेन्द्र यादवले स्वागत मन्तव्य व्यक्त गरेका थिए ।
