प्रस, वीरगंज, १० असोज/
प्रदेश नं. २ को बाँकी रहेको बारा जिल्लाको कलैया उपमहानगरपालिका मतगणना हिजो रातिदेखि स्थगित छ भने पर्साको वीरगंज महानगरपालिकाको मतगणना आज दिउँसो डेढ बजेदेखि सुचारु भएको छ ।
कलैया उपमहानगरपालिकाको वडा नं. २० बसतपुरका वडाध्यक्ष, सदस्यहरूले बदर मत सङ्ख्या बढेपछि र मतपत्रमा दुईथरीको स्वस्तिक चिह्न प्रयोग भएको भेटेपछि मतगणना स्थगित गरी पुनः मतदानको लागि माग गरेको कारण हिजो रातिदेखि मतगणना स्थगित भएको हो । वडा नं. २० मा २२५० मतदान भएको छ, जसमा १२५ मत हिजो बदर भएको थियो । मत बदर सङ्ख्या बढन सक्ने कारण दोहोरो स्वस्तिक चिह्नको प्रयोग भएको पाइएपछि प्रतिनिधिहरूले गणना स्थगन गरी पुनः मतदानको माग गरेका हुन् ।
२७ वडा रहेको कलैया उपमहानगरपालिकामा २६ वडाको गणना भइसकेको छ । गणना सुचारु गर्नको लागि आज बिहानदेखि गरिएको प्रयास दिउँसोसम्म सहमति जुटन नसकेको बताइएको छ ।
वीरगंजमा भने अस्ति बेलुकीदेखि नगर प्रमुख र उपप्रमुखको पुनः मतगणनाको माग गर्दै आएका दलहरूले आज दिउँसो डेढ बजेदेखि सहमति जनाएपछि रोकिएको वडा नं. १६, १७, १८ को मतगणना शुरु भएको छ । नेकाका उम्मेदवार अजय द्विवेदीले मतगणनामा त्रुटि देखिएको बताउँदै जिल्ला निर्वाचन कार्यालयमार्पmत् निर्वाचन आयोगलाई वडा नं. १६, १७, १८ को मतगणना स्थगित गरी गणना भएका वडाहरूको हकमा मेयर, उपमेयरको मत पुनः गणना गर्न माग गरेका थिए । उनको लिखित मागको कारण हिजो नै गणना शुरु हुनुपर्ने वडा नं. १६, १७, १८ को गणना रोकिएको थियो ।
आज बिहानदेखि गणना सुचारु गर्न सर्वदलीय प्रयास भएको र आयोगले समेत गणनालाई निरन्तरता दिन निर्देश गरेपछि सर्वदलीय सहमति पनि बनेको हो । सर्वदलीय सहमतिपछि दिउँसो २ बजेदेखि वडा नं. १६ को २ स्थानमा र वडा नं. १७ र १८ को १–१ स्थान गरी चार स्थानमा मतगणना शुरु भएको छ । ३२ वडा रहेको वीरगंज महानगरपालिकाको २८ वडाको मत परिणाम सार्वजनिक भइसकेको छ ।
वडा नं. १४ को मतगणना अन्तिम चरणमा छ । सो वडामा फोरम नेपालका भरतप्रसाद कुर्मी अग्रस्थानमा छन् । उनको जीत लगभग पक्का छ ।
यसैगरी हिजो निर्वाचन कार्यालयले वडा नं. १०, १२, १३, २०, २२ को परिणाम सार्वजनिक गरेको थियो । घोषित परिणाममा वडा नं. १० मा नेकाका रामनगिना साह कानू विजयी भएका छन् भने १२ मा फोरम नेपालका रामदरशप्रसाद कुशवाहा विजयी
भएका छन् । वडा नं. २० मा एमालेका प्रत्याशी परागभन्दा १ मत बढी ल्याएर माओवादी केन्द्रका पारस यादव विजयी भए ।
यसैगरी वडा नं. १३ मा एमालेका हीरा गिरीभन्दा १२ मत बढी ल्याएर फोरम नेपालका तुफान फारूक अन्सारी विजयी भएका छन् । वडा नं. २२ मा फोरम नेपालका ग्यासुद्दिन अन्सारी विजयी भएका छन् । यसैगरी आज ३ वडाको घोषणा गरिएको छ । घोषित वडामा वडा नं. ११ बाट एमालेका प्रद्युम्न सेढाई विजयी भएका छन् भने १५ मा नेकाका गजेन्द्र पटेल र १९ मा नेपाल लोकतान्त्रिकका सन्तोष तिवारी विजयी भएका छन् ।
पर्सा जिल्लामा नेपाल लोकतान्त्रिकका उम्मेदवार विजयी भएको वडा नं. १९ एक मात्र हो ।
२८ वडाको ७३०७२ मत गणना हुँदा नगर प्रमुखका प्रत्याशी फोरम नेपालका विजय सरावगीले १६८४१ मत ल्याएका छन् भने नेकाका अजय द्विवेदीले १५५४० मत ल्याएका छन् ।
उपमेयरमा फोरमकी पिङ्की यादवको १५९७६ भन्दा नेकाकी शान्ति कार्की १७९०५ मत ल्याएर अगाडि छिन् ।
त्यस्तै राजपाका मेयरमा राजेशमान सिंहले १००८५ र उपमेयरमा रम्भा मिश्राले ८८७५ मत पाएका छन् ।
एमालेका बसरुद्दिन अन्सारीले ७६१३ र सोफिया आचार्यले ९१९९ मत पाएका छन् ।
त्यस्तै माओवादीका रहबर अन्सारी ७६१२ र दुर्गा क्षत्री ४६४३, फोरम लोकतान्त्रिकका विमल श्रीवास्तवले ७१०१ र रिङ्कु देवी यादवले ६०८८ मत पाएका छन् । अब ४ वटा वडाको गणनापछि जीत–हारको निर्णय हुनेछ ।
प्रदेश नं. २ को बाँकी रहेको बारा जिल्लाको कलैया उपमहानगरपालिका मतगणना हिजो रातिदेखि स्थगित छ भने पर्साको वीरगंज महानगरपालिकाको मतगणना आज दिउँसो डेढ बजेदेखि सुचारु भएको छ ।
कलैया उपमहानगरपालिकाको वडा नं. २० बसतपुरका वडाध्यक्ष, सदस्यहरूले बदर मत सङ्ख्या बढेपछि र मतपत्रमा दुईथरीको स्वस्तिक चिह्न प्रयोग भएको भेटेपछि मतगणना स्थगित गरी पुनः मतदानको लागि माग गरेको कारण हिजो रातिदेखि मतगणना स्थगित भएको हो । वडा नं. २० मा २२५० मतदान भएको छ, जसमा १२५ मत हिजो बदर भएको थियो । मत बदर सङ्ख्या बढन सक्ने कारण दोहोरो स्वस्तिक चिह्नको प्रयोग भएको पाइएपछि प्रतिनिधिहरूले गणना स्थगन गरी पुनः मतदानको माग गरेका हुन् ।
२७ वडा रहेको कलैया उपमहानगरपालिकामा २६ वडाको गणना भइसकेको छ । गणना सुचारु गर्नको लागि आज बिहानदेखि गरिएको प्रयास दिउँसोसम्म सहमति जुटन नसकेको बताइएको छ ।
वीरगंजमा भने अस्ति बेलुकीदेखि नगर प्रमुख र उपप्रमुखको पुनः मतगणनाको माग गर्दै आएका दलहरूले आज दिउँसो डेढ बजेदेखि सहमति जनाएपछि रोकिएको वडा नं. १६, १७, १८ को मतगणना शुरु भएको छ । नेकाका उम्मेदवार अजय द्विवेदीले मतगणनामा त्रुटि देखिएको बताउँदै जिल्ला निर्वाचन कार्यालयमार्पmत् निर्वाचन आयोगलाई वडा नं. १६, १७, १८ को मतगणना स्थगित गरी गणना भएका वडाहरूको हकमा मेयर, उपमेयरको मत पुनः गणना गर्न माग गरेका थिए । उनको लिखित मागको कारण हिजो नै गणना शुरु हुनुपर्ने वडा नं. १६, १७, १८ को गणना रोकिएको थियो ।
आज बिहानदेखि गणना सुचारु गर्न सर्वदलीय प्रयास भएको र आयोगले समेत गणनालाई निरन्तरता दिन निर्देश गरेपछि सर्वदलीय सहमति पनि बनेको हो । सर्वदलीय सहमतिपछि दिउँसो २ बजेदेखि वडा नं. १६ को २ स्थानमा र वडा नं. १७ र १८ को १–१ स्थान गरी चार स्थानमा मतगणना शुरु भएको छ । ३२ वडा रहेको वीरगंज महानगरपालिकाको २८ वडाको मत परिणाम सार्वजनिक भइसकेको छ ।
वडा नं. १४ को मतगणना अन्तिम चरणमा छ । सो वडामा फोरम नेपालका भरतप्रसाद कुर्मी अग्रस्थानमा छन् । उनको जीत लगभग पक्का छ ।
यसैगरी हिजो निर्वाचन कार्यालयले वडा नं. १०, १२, १३, २०, २२ को परिणाम सार्वजनिक गरेको थियो । घोषित परिणाममा वडा नं. १० मा नेकाका रामनगिना साह कानू विजयी भएका छन् भने १२ मा फोरम नेपालका रामदरशप्रसाद कुशवाहा विजयी
भएका छन् । वडा नं. २० मा एमालेका प्रत्याशी परागभन्दा १ मत बढी ल्याएर माओवादी केन्द्रका पारस यादव विजयी भए ।
यसैगरी वडा नं. १३ मा एमालेका हीरा गिरीभन्दा १२ मत बढी ल्याएर फोरम नेपालका तुफान फारूक अन्सारी विजयी भएका छन् । वडा नं. २२ मा फोरम नेपालका ग्यासुद्दिन अन्सारी विजयी भएका छन् । यसैगरी आज ३ वडाको घोषणा गरिएको छ । घोषित वडामा वडा नं. ११ बाट एमालेका प्रद्युम्न सेढाई विजयी भएका छन् भने १५ मा नेकाका गजेन्द्र पटेल र १९ मा नेपाल लोकतान्त्रिकका सन्तोष तिवारी विजयी भएका छन् ।
पर्सा जिल्लामा नेपाल लोकतान्त्रिकका उम्मेदवार विजयी भएको वडा नं. १९ एक मात्र हो ।
२८ वडाको ७३०७२ मत गणना हुँदा नगर प्रमुखका प्रत्याशी फोरम नेपालका विजय सरावगीले १६८४१ मत ल्याएका छन् भने नेकाका अजय द्विवेदीले १५५४० मत ल्याएका छन् ।
उपमेयरमा फोरमकी पिङ्की यादवको १५९७६ भन्दा नेकाकी शान्ति कार्की १७९०५ मत ल्याएर अगाडि छिन् ।
त्यस्तै राजपाका मेयरमा राजेशमान सिंहले १००८५ र उपमेयरमा रम्भा मिश्राले ८८७५ मत पाएका छन् ।
एमालेका बसरुद्दिन अन्सारीले ७६१३ र सोफिया आचार्यले ९१९९ मत पाएका छन् ।
त्यस्तै माओवादीका रहबर अन्सारी ७६१२ र दुर्गा क्षत्री ४६४३, फोरम लोकतान्त्रिकका विमल श्रीवास्तवले ७१०१ र रिङ्कु देवी यादवले ६०८८ मत पाएका छन् । अब ४ वटा वडाको गणनापछि जीत–हारको निर्णय हुनेछ ।