विभिन्न किसिमको दुरवस्था झेलिरहेको नेपाली जनतालाई अहिले विभिन्नथरीको आशङ्काको रोगले च्याप्न थालेको छ । नेपाली जनतामा, लामो समयदेखि निरन्तर जारी सङ्क्रमणकालले कुनै पनि कामप्रति आशङ्का जन्मने स्वभाव बन्दै गइरहेको छ र परिस्थितिले पनि उक्त स्वभावको पोषणमा योगदान दिइरहेको छ । पर्सा जिल्लामा जारी स्थानीय तहको मतगणना कार्य, अन्यत्र सम्पन्न भइसकेर, महानगरपालिका मात्र बाँकी रहँदा, आजभोलि परिणाम आउने आशमा बसेको नगरवासीको मनमा तुषारापात भएको छ । निर्वाचन आयोगले जारी गरेको मत–तालिका र दलका मतगणना प्रतिनिधिहरूले दिएको तालिकामा भिन्नता रहेको अत्तो थापेर एकथरीले विवाद उठाएपछि भरतपुरजस्तै लामो समयसम्म वीरगंजको मतगणना पनि विलम्बित हुने हो कि भन्ने आशङ्का उब्जेको थियो । भरतपुरकाण्डको परिणामबाट त्रस्त नेपालीमा संत्रास उत्पन्न गराएको थियो । हुनत तत्कालका लागि मतगणना राखी राख्ने सद्यःनिर्णयले यो आशङ्का टरेको छ ।
कुनै व्यवधान उत्पन्न नहुने हो भने भोलि वा पर्सिसम्म वीरगंजको मतगणना सम्पन्न भएर परिणाम आइसक्छ । परिणामको अनुकूलता वा प्रतिकूलताले कोही हर्षित र कोही दुःखी बन्नु अनिवार्य छ । यो स्वाभाविक मानव प्रकृति हो । तर यसलाई एउटा खेल ठान्ने हो भने आजको खेलको विश्लेषण गरेर, आजको कमी–कमजोरी र रणनीतिक त्रुटि परिमार्जन गरेर भोलिको विजयलाई निश्चित गर्न सकिन्छ । एउटा व्यक्ति वा राजनीतिक पार्टीका लागि उपयुक्त पनि यही हो । हारलाई जसरी पनि विजयमा परिणत गर्ने बानी बसालियो भने दीर्घकालमा त्यसले नराम्रो परिणाम दिन्छ । मानिस पो अल्पजीवी हुन्छ, देश र राजनीति दीर्घजीवी हुन्छ । मानिसले गर्ने हित भनेको आपूm संलग्न दल र देशको मात्र हो । एउटा व्यक्ति बन्यो र सम्पूर्ण समाज पतनोन्मुख भयो भने त्यो स्वेच्छावादी सोच हो । एउटा व्यक्तिको शर्तमा समग्र समाज र देशको भलो हुनु समष्टिको हित हो । यद्यपि हाम्रो समाजमा यो सोच फलीभूत हुन समय लाग्ला तर देश त्यसै दिशातर्फ उन्मुख छ । र आउँदो दिनमा हाम्रो समाज सम्पूर्णतामा पुग्ने निश्चित देखिएको छ ।
हामी लोकतन्त्र उन्मुख छौं । लोकतन्त्रमैं देश र देशवासीको हित छ भन्ने हाम्रो समयको मान्यता हो । अब यस मार्गबाट विचलित हुन पाइन्न । लोकतन्त्रको संस्थागत विकासका लागि जनता र जनताको मतमा विश्वास गर्नैपर्छ । जनताले दिएको निर्णय निःसङ्कोच स्वीकार गर्नैपर्छ । आज निर्वाचनको समयमा प्राप्त मत जनताको निर्णय हो । त्यो निर्णय कसको पक्षमाम गयो र कसको विपक्षमा गयो र किन गयो भनी समीक्षा गर्ने बेला आउँदै छ । आजको दायित्व भनेको बिनापूर्वाग्रह जननिर्णय स्वीकार गर्नु हो । यसमा व्यवधान पु¥याउनु भनेको ‘थान गुमाएर गज प्राप्त गर्ने’ बनियाँ–प्रवृत्ति साबित हुन जानेछ । असत्यमाथि सत्यको विजयरूपी बडादशैं महान् पर्वको शुभ अवसरमा वीरगंज महानगरपालिकाको निर्वाचनले सत्य र असत्यको भेद मेटाउने छ भन्ने कुरामा ढुक्क हुन सक्नु नै लोकतान्त्रिक मर्म र मान्यतालाई अङ्गीकार गरेको ठहर हुनेछ । अन्यथा भीरबाट खस्न लागेको गाईका लागि राम १ राम ११ मात्र भन्न सकिन्छ । त्यो अवस्था नआइलागोस् भन्ने हेक्का राखेर पाइला चाल्नु नै श्रेयस्कर हुनेछ ।
कुनै व्यवधान उत्पन्न नहुने हो भने भोलि वा पर्सिसम्म वीरगंजको मतगणना सम्पन्न भएर परिणाम आइसक्छ । परिणामको अनुकूलता वा प्रतिकूलताले कोही हर्षित र कोही दुःखी बन्नु अनिवार्य छ । यो स्वाभाविक मानव प्रकृति हो । तर यसलाई एउटा खेल ठान्ने हो भने आजको खेलको विश्लेषण गरेर, आजको कमी–कमजोरी र रणनीतिक त्रुटि परिमार्जन गरेर भोलिको विजयलाई निश्चित गर्न सकिन्छ । एउटा व्यक्ति वा राजनीतिक पार्टीका लागि उपयुक्त पनि यही हो । हारलाई जसरी पनि विजयमा परिणत गर्ने बानी बसालियो भने दीर्घकालमा त्यसले नराम्रो परिणाम दिन्छ । मानिस पो अल्पजीवी हुन्छ, देश र राजनीति दीर्घजीवी हुन्छ । मानिसले गर्ने हित भनेको आपूm संलग्न दल र देशको मात्र हो । एउटा व्यक्ति बन्यो र सम्पूर्ण समाज पतनोन्मुख भयो भने त्यो स्वेच्छावादी सोच हो । एउटा व्यक्तिको शर्तमा समग्र समाज र देशको भलो हुनु समष्टिको हित हो । यद्यपि हाम्रो समाजमा यो सोच फलीभूत हुन समय लाग्ला तर देश त्यसै दिशातर्फ उन्मुख छ । र आउँदो दिनमा हाम्रो समाज सम्पूर्णतामा पुग्ने निश्चित देखिएको छ ।
हामी लोकतन्त्र उन्मुख छौं । लोकतन्त्रमैं देश र देशवासीको हित छ भन्ने हाम्रो समयको मान्यता हो । अब यस मार्गबाट विचलित हुन पाइन्न । लोकतन्त्रको संस्थागत विकासका लागि जनता र जनताको मतमा विश्वास गर्नैपर्छ । जनताले दिएको निर्णय निःसङ्कोच स्वीकार गर्नैपर्छ । आज निर्वाचनको समयमा प्राप्त मत जनताको निर्णय हो । त्यो निर्णय कसको पक्षमाम गयो र कसको विपक्षमा गयो र किन गयो भनी समीक्षा गर्ने बेला आउँदै छ । आजको दायित्व भनेको बिनापूर्वाग्रह जननिर्णय स्वीकार गर्नु हो । यसमा व्यवधान पु¥याउनु भनेको ‘थान गुमाएर गज प्राप्त गर्ने’ बनियाँ–प्रवृत्ति साबित हुन जानेछ । असत्यमाथि सत्यको विजयरूपी बडादशैं महान् पर्वको शुभ अवसरमा वीरगंज महानगरपालिकाको निर्वाचनले सत्य र असत्यको भेद मेटाउने छ भन्ने कुरामा ढुक्क हुन सक्नु नै लोकतान्त्रिक मर्म र मान्यतालाई अङ्गीकार गरेको ठहर हुनेछ । अन्यथा भीरबाट खस्न लागेको गाईका लागि राम १ राम ११ मात्र भन्न सकिन्छ । त्यो अवस्था नआइलागोस् भन्ने हेक्का राखेर पाइला चाल्नु नै श्रेयस्कर हुनेछ ।