पर्सा जिल्लाको वीरगंज महानगरपालिकाबाहेक ३ वटा नगरपालिका तथा १० वडा गाउँपालिकाको मतगणना परिणाम सार्वजनिक भएको छ ।
निर्वाचन कार्यालयले जनाए अनुसार सम्पन्न नगरपालिकाको मतगणनामा बहुदरामाई नगरपालिकाको प्रमुखमा नेपाली काङ्ग्रेसका नितेन्द्र साह र उपप्रमुखमा नेपाली काङ्ग्रेसकै गायत्री देवी विजयी भएकी छन् ।
यसैगरी, पोखरिया नगरपालिकाको प्रमुखमा नेपाली जनता दलका दीपनारायण रौनियार र उपप्रमुखमा सङ्घीय समाजवादी फोरम नेपालकी सलमा खातुन विजयी भएका छन् ।
पर्सागढी नगरपालिकाको प्रमुख र उपप्रमुखमा नेपाली काङ्ग्रेसका लोकनारायण यादव र अर्चना चौधरी विजयी भएका छन् ।
शनिवार सम्पन्न गाउँपालिकाको मतगणनाको परिणाम अनुसार धोबिनी गाउँपालिकाको अध्यक्ष्Fमा काङ्ग्रेसका सुरेश कुर्मी र उपाध्यक्ष्Fमा फोरम नेपालका पारसनाथ पटेल विजयी भएका छन् ।
पकहामैनपुर गाउँपालिकाको अध्यक्ष र उपाध्यक्ष्Fमा फोरम नेपालका विजय चौरसिया र सो पार्टीकी कुसुमी देवी विजयी भएका छन् । उपाध्यक्षमा विजयी कुसुमी देवी मधेस आन्दोलनका शहीद शत्रुघ्न पटेलकी आमा हुन् ।
त्यस्तै, यसअघि घोषणा भएका कालिकामाई गाउँपालिकाको अध्यक्ष्Fमा नेपाली जनता दलका नथुनी कुशवाहा र उपाध्यक्षमा फोरम नेपालका राजेश चौरसिया विजयी भएका छन् ।
त्यस्तै, जगरनाथपुर गाउँपालिकाको अध्यक्ष्Fमा माओवादी केन्द्रका जालिम मियाँ र उपाध्यक्ष्Fमा फोरम नेपालको बिस्मिल्लाह खातुन विजयी भएका थिए ।
यसैगरी छिपहरमाई गाउँपालिकाको अध्यक्ष र उपाध्यक्ष्Fमा माओवादी केन्द्रका मनोज गुप्ता र मरिना खातुन विजयी भए भने विन्ध्यवासिनी गाउँपालिकाको अध्यक्ष्Fमा फोरम नेपालका श्रीलाल साह र उपाध्यक्ष्Fमा काङ्ग्रेसकी किरणदेवी गुप्ता विजयी भएका थिए ।
ठोरी गाउँपालिकाको अध्यक्ष र उपाध्यक्षमा माओवादी केन्द्रका पिएल श्रेष्ठ र शान्तमाया थिङ तथा पटेर्वासुगौली गाउँपालिकाको अध्यक्ष्Fमा एमालेका हरिनारायण चौधरी र उपाध्यक्षमा काङ् ग्रेसकी ममता थारू विजयी भएका थिए ।
वीरगंज महानगरपालिकाको मतगणना भने जारी छ । असोज ३ गते दिउँसोदेखि शुरू भएको मतगणनामा अहिलेसम्म १२ वटा वडाको मतपरिणाम सार्वजनिक भएको छ भने थप वडाहरूको मतगणना जारी छ । शनिवार पछिल्लो मत घोषणा अनुसार करिब ३५ हजार मतगणना सम्पन्न भएको छ । वीरगंज महानगरमा ८४ हजार ७६३ मत खसेको छ ।
आज घोषित मतपरिणाम अनुसार वडा नं. ७ बाट फोरम नेपालका बसन्त अग्रवाल र वडा नं. ९ बाट फोरम नेपालकै मनोज कलवार विजयी भएका छन् ।
यसअघि, वडा नं. १ देखि ५ सम्म क्रमशः काङ्ग्रेसका मनोज गुप्ता, फोरम नेपालका शेख अब्बास, राजपाका बैजुलाल स्वर्णकार, काङ्ग्रेसका जगतसाह कानू, राजपाका प्रदीप चौरसिया विजयी भएका थिए भने वडा नं. २८ देखि ३२ सम्म क्रमशः फोरम नेपालकी गिरिजादेवी कुर्मी, धर्मेन्द्र महतो थारू, एमालेका अमानत मियाँ अन्सारी, काङ्ग्रेसका चुमनदास थारू र राजपाका रेयाज अहमद निर्वाचित भइसकेका छन् ।
मुख्य निर्वाचन अधिकृतको कार्यालय वीरगंजले मतगणना अभैm केही दिन लाग्ने जनाएको छ ।
जारी मतगणनामा दुई दिनसम्म अग्रस्थानमा रहेको राजपाको प्रमुखका प्रत्याशी राजेशमान सिंह तेस्रो स्थानमा पुगेका छन् भने तेस्रो नम्बरमा रहेका फोरम नेपालका विजय सरावगी पहिलो नम्बरमा पुगेका छन् ।
पहिलो र दोस्रो नम्बरमा आउँदै जाँदै गरेका नेपाली काङ्ग्रेसका अजय द्विवेदी पछिल्लो चरणमा झिनो मतअन्तरले दोस्रो नम्बरमा छन् । यसैगरी, चौथो नम्बरमा रहेका माओवादीका रहबर अन्सारी पाँचौं नम्बरमा पुगेका छन् भने चौथोमा एमालेका बसरुद्दीन अन्सारी र छैटौंमा नेपाल लोकतान्त्रिक फोरमका विमलप्रसाद श्रीवास्तव छन् । उपप्रमुखमा नेपाली काङ्ग्रेसको अग्रता कायमै छ । शान्तिदेवी कार्की निरन्तर शुरूदेखि अहिलेसम्म अग्रस्थानमैं छिन् भने दोस्रो स्थानमा फोरम नेपालको पिङ्की यादव र तेस्रो स्थानमा राजपाकी रम्भा मिश्र छन् । त्यस्तै, चौथोमा एमालेकी सोफिया आचार्य छिन् भने पाँचौंमा माओवादीकी दुर्गा क्षेत्री र छैटौंमा नेपाल लोकतान्त्रिक फोरमकी रिङ्कु यादव छन् ।
