शहरी विकासमन्त्री प्रभु साहले पर्सा जिल्लालगायत देशभरिका योजनालाई तादरुकताका अगाडि बढाउन जोड दिएका छन् । केही दिन पहिले पर्सा आएका मन्त्री साहले विभिन्न योजनाको अनुगमनपश्चात् स्थानीयले दिएको जानकारी तथा काममा ढिलाइ हुनुको कारणबारे आज वीरगंजमा पत्रकार सम्मेलन अयोजना गरी खुलासा गरेका हुन् ।
पत्रकार समेल्लनमा बोल्दै मन्त्री साहले पर्सा लगायत देशभरिमा भवन विभागबाट हुने योजनाहरूबारे जानकारी गराउँदै कर्मचारीहरूबीच समन्व्यको कमी, ठेकेदारहरूको लापरवाही, सरकारको पुरानो नीतिको कारण योजनाहरू कम दरमा सकार गर्ने तथा स्थानीय बासिन्दाको अनावश्यक बिरोध रहेको बताए ।
योजनाहरू समयमा सम्पन्न गर्न मन्त्रालय तथा विभागको टाउको दुःखाइ बन्दै गएको बेला सो समस्या निराकणका लागि अहिले देशभरिबाट रायसुभाव सङ्कलन भइरहेको र प्राप्त निष्कष्र्मका आधारमा नीति निर्माण गर्ने तयारी भइरहेको बताए । पत्रकार सम्मेलनमा भवन विभागबाट पर्सामा सञ्चालित योजनाबारे शहरी विकास मन्त्रालयका प्रवक्ता रमेशप्रसाद सिंहले जानकारी गराएका थिए ।
देशभरिको भवन विभाग अन्तर्गत भएको कामहरूको प्रगति विवरण प्रस्तुत गर्दै सिंहले शहरी भवन डिभिजन अन्तर्गत देशभरिमा एक हजार ८१ वटा आयोजना सञ्चालित रहेको बताए ।
पत्रकार सम्मेलनमा पर्सा जिल्लामा सञ्चालित स्वास्थ्य कार्यक्रम योजनालाई बढी महŒवका साथ अगाडि बढाइएको सिंहले बताए । देशभरमा १ सय ३३ वटा रुग्ण आयोजनामध्ये पर्सा जिल्लामा १६ वटा आयोजना रुग्ण अवस्थामा रहेको र बाँकी ९० प्रतिशत आयोजनाको काम सम्पन्न भइसकेको उनले जानकारी गराएका थिए ।
यस्तै भवन विभागद्वारा सञ्चालित आयोजनाहरूमध्ये अस्पताल भवन निर्माण कार्यमा देखिएको ढिलाइबारे धारणा राख्दै सिंहले निर्माण व्यवसायीहरूले म्याद थप गर्न ढिलाइ हुने, विल भुतmानी समयमा नहुने, योजना सम्पन्न भए पनि सम्बन्धित कार्यालयले बुझ्न नमान्ने हुँदा योजना समयमा सम्पन्न हुन नसकेको बताएका थिए ।
शहरी विकास तथा भवन डिभिजन कार्यालय पर्साका प्रमुख सुरेश वाग्लेले पर्सा जिल्लामा १६ वटा योजना मात्रै रुग्ण अवस्थामा रहेको बताए ।
कार्यक्रममा वीरगंज उद्योग बाणिज्य सङ्घका अध्यक्ष ओमप्रकाश शर्मा, नेकपा माओवादी केन्द्रका नेता बाबूराम कौशिक लगायतले आआप्mनो धारणा व्यक्त गरेका थिए ।
प्रस, पोखरिया/
यसैबीच शहरी विकासमन्त्री प्रभु साहले आजै पोखरिया अस्पतालको पनि स्थलगत निरिक्षण रहेका छन् । निरीक्षणका क्रममा स्थानीयवासीले पोखरिया अस्पतालको बेथिती र समस्याबारे मन्त्री साहलाई जानकारी गराएका थिए । स्थानीयले अस्पतालका स्वास्थ्यकर्मी र चिकित्सकका लागि २०६४ सालदेखि बन्दै गरेको आवासीय भवन निर्माण कार्य ठेकेदारले अधूरो छाडेर भागेको, अस्पतालमा उपकरणहरू भए पनि जनशक्तिको अभाव रहेको, दरबन्दी अनुसार स्वास्थ्यकर्मीहरू नरहेका र अस्पतालमा व्यापक अनियमितता भइरहेको गुनासो गरेका थिए । स्थानीयको गुनासो सुनेपछि मन्त्री साहले अस्पतालको आवासीय भवनको निर्माण कार्य अधूरो छाडेर भागेका ठेकेदारविरुद्ध कारबाई गर्न शहरी विकास तथा भवन डिभिजन कार्यालय पर्साका प्रमुख सुरेश वाग्लेलाई निर्देशन दिएका थिए । मन्त्री साहले आजै पोखरिया नगरपालिकाका राजनीतिक दलका प्रतिनिधि र स्थानीय अगुवाहरूसँग पनि विकास निर्माणको अवस्थाबारे छलफल गरेका थिए ।
छलफलममा मन्त्री साहले पोखरिया नगरपालिकालाइ स्मार्ट सिटीका रूपमा विकसित गर्ने योजनाको खाकासहित मन्त्रालय आउन स्थानीय अगुवासँग आग्रह गरेका थिए ।
४० सालदेखि नगर विकास समितिले अधिग्रहण गरेको जग्गा अतिक्रमणमा परेको जानकारी पाएको भन्दै मन्त्री साहले यसबारे पनि आवश्यक कदम अगाडि बढाइने बताए । पोखरिया नगरपाललिकालाई भद्रगोल होइन, व्यवस्थित बनाउन एक्सन पलानको अवश्यकता रहेकोले स्थानीय बासिन्दा अगाडि बढे सक्दो सहयोग गर्ने बताए । छलफलमा पोखरिया नगर विकास समितिका अध्यक्ष श्रीकृष्ण चौहान, नेकपा माओवादी केन्द्रका नेता बाबूराम कौशिक, राजपा नेता निजामुद्दिन समानीलगायतले धारणा व्यक्त गरेका थिए । कार्यक्रममा स्थानीय अगुवा एवं समाजसेवीहरूको सहभागिता रहेको थियो ।
