वीरगज–पथलैया सडकखण्डको परवानीपुरदेखि गण्डक चोकसम्म ४ लेनको सडक विस्तार कार्य आगामी मङ्सिरदेखि शुरु हुने भएको छ ।
सडक विस्तार हुने कुरा वीरगंज–पथलैया व्यापारिक मार्ग विस्तार योजना कार्यालय पथलैयाले बताएको छ । सडक विस्तार कार्यका लागि आह्वान भएको बोलपत्रमा ८ वटा ठेकेदार कम्पनीले बोलपत्र दर्ता गराएको र एक महिना भित्र ठेक्का प्रक्रिया थालिने योजना कार्यालयले जनाएको छ ।
४ किलोमिटर दूरीको सडक विस्तारको लागि करिब रु ४० करोडको लागतमा कार्यालयले गत जेठ २९ गते बोलपत्र अह्वान गरेको थियो । बोलपत्रको एक महिनाको समय सीमामा पप्पु /कनटेक, सपना, आशिष/रोशन, बिरुवा/कञ्चन, मोतीदाना, आश्रयलगायत ८ वटा कम्पनीले बोलपत्र हालेको उनले बताए । ‘ठेकेदार कम्पनीहरूको मूल्याङ्कनको काम चलिरहेको छ, २०/२५ दिनमैं ठेक्का प्रक्रिया पूरा भई ठेकेदार कम्पनीहरूसँग सम्झौता भई काम थालिने इन्जिनियर यादवले बताए ।
कसरी हुन्छ सडक विस्तार
हाल सडकको मध्यबिन्दुबाट २५/२५ मिटर दायाँबायाँ सडकको विस्तार कार्य हुनेछ । चार लेन सडकको बीचमा चार मिटरको हरित क्षेत्र (डिभाइडर) हुन्छ । डिभाइडरको दायाँबायFँमा समान ११ मिटर चौडा साढे ३/३ मिटरको ७ मिटरको २ लेन सडक र ४ मिटरको पूmटपाथ बनाइने छ । दायाँबायFँ दुवै र डिभाइडरको चौडाइ जोडने हो भने ४ लेन सडकको चोडाइ २६ मिटरको हुनेछ ।
जामबाट मुक्ति सडक विस्तारका लागि दुई वर्षको समयावधि तोकिएको छ । काम सम्पन्न भएपछि वीरगंज–पथलैया सडकको ट्राफिक व्यवस्थापनमा सहयोग मिल्नेछ । साथै परवानीपुरदेखि गण्डकसम्म हुने ट्राफिक जामबाट पनि मुक्ति पाइने चालकहरूले बताएका छन् ।
अतिक्रमणकारीको टाउको दुखाइ
हाल परवानीपुर–गण्डक सडक किनारको अधिकांश जग्गा अतिक्रमित भएको छ । सडकको दुवै छेउमा पसल, टहरा, पक्की भवनलगायत विभिन्न भौतिक संरचना खडा गरी जग्गा मिचिएकोले सडक विस्तार कार्य अघि बढेसँगै अतिक्रमण गरी वर्षौंदेखि बसोबास तथा व्यापार गर्नेहरूमा खैलाबैला मचेको छ ।
नापी तथा मालपोतका कर्मचारीहरूलाई प्रभावमा पारी बनाएको जग्गाको नकल्ली कागजात पनि फेल हुने र आप्mनो भौतिक संरचना हटाइने डरले जग्गा अतिक्रमणकारीहरू तनावग्रस्त भएका छन् ।
