पर्सा जिल्लामा दोस्रो चरण निर्वाचनको एकथरी तामझामका साथ प्रचारप्रसारमा लागेको छ भने अर्कोथरी विरोध र बहिष्कारमा लागेको छ।
राजपा नेपालसँग आबद्ध कार्यकर्ताहरूले सामाजिक सञ्जालमा आप्mनो उम्मेदवारीको दाबेदारी गर्दै आएकोमा पछिल्लोपटक राजपाले आन्दोलन घोषणा गरेपछि दाबेदारीको चर्चा साम्य भएको छ ।
यसैगरी टोल–टोलमा आआप्mनो उम्मेदवारीको चर्चा गर्दै मत माग्दै आएका राजपाका कार्यकर्ताहरू अहिले लुकीछिपी सो कार्य गर्दैछन् । केही कार्यकर्ताहरू राजपा चुनावमा सहभागी हुने नभएपछि स्वतन्त्र उम्मेदवारी दिने अथवा चुनावमा सहभागी हुने अन्य पार्टीमा प्रवेश गर्ने क्रम पनि देखिएको छ ।
यता नेपाली काङ्ग्रेस, एमाले, माओवादी केन्द्र र सङ्घीय समाजवादी फोरम नेपाल पर्सामा चुनावी तयारीमा लागेको छ । हुनत सङ्घीय समाजवादी फोरम नेपाल पर्साका अध्यक्ष प्रदीप यादवले सर्वोच्चको पैmसलापछि खुलारूपमा चुनावी प्रचारमा नलागेको बताएका छन् । उनले आन्तरिक तयारीमा जुटे पनि खुलारूपमा चुनाव अभियानमा नलागेको बताए । उनले यस सन्दर्भमा एकाध दिनमा केन्द्रीय निर्णय अनुरूप चल्ने प्रतीकलाई बताएका छन् ।
एमाले, पर्साका संयोजक प्रभु हजराले वडा, नगर, गाउँमा उम्मेदवारहरूको छनोट, सिफारिस कार्य पहिलो चरणको निर्वाचनमा सम्पन्न भए पनि अहिले पुनः छलफल शुरु गरिएको बताए । उम्मेदवारी घोषणा हुन मात्र बाँकी रहेको उनको भनाइ थियो । चुनावलाई लिएर एमालेले जिल्लाभरि कार्यक्रमहरू गर्दै आएको बताए । चुनावमा पूर्णरूपमा एमाले, पर्सा होमिएको उनको भनाइ थियो ।
नेपाली काङ्ग्रेसले पनि दोस्रो चरणको निर्वाचनको तयारी तीव्र गरेको छ । केही गाउँपालिकाहरूको सर्वसम्मत घोषणा भइसकेको छ भने केहीमा तालमेल मिलाउने कार्य भइरहेको छ । नगर क्षेत्रको प्रमुख, उपप्रमुखको उम्मेदवारबाहेक वडाअध्यक्ष तहको सबै उम्मेदवारहरूको नाम सिफारिस भइसकेको र घोषणा गर्न बाँकी रहेको काङ्ग्रेस स्रोतले जनाएको छ ।
माओवादी केन्द्रले पनि चुनावको तयारी गरेको छ । जिल्लाभरिको गाउँ, वडा, नगरमा भेला गरी उम्मेदवारहरूको नाम छनोट, सिफारिस गर्ने कार्यमा केन्द्र लागिपरेको छ ।
यसबाहेक गाउँ र नगरमा घरदैलो अभियान शुरु भइसकेको छ । उम्मेदवारहरू आआप्mनो पक्षमा मत माग्न घरदैंलो कार्यक्रम गरिरहेका छन् ।
