१० औंं गणतन्त्र दिवसको अवसरमा वीरगज कारागारमा कैद सजाय भोगिरहेका मध्ये ३४ जना कैदी आज रिहा भएका छन् ।
वीरगंज कारागार व्यवस्थापनले ५० जना कैदीको बाँकी कैद माफ गरी रिहा गर्न नेपाल सरकारलाई सिफारिस गरेको भए पनि ३४ जना मात्र आज रिहा हुने भएका छन् ।
कारागारमा कार्यक्रमको आयोजना गरी तीनजना महिलासहित ३४ जना कैदीको बाँकी कैद मिनाहा गरी रिहा गरिएको वीरगंज कारागारका प्रमुख चक्रपाणी गौतमले बताए ।
रिहा हुनेहरूमा अश्वेसर पटेल, दशै चौधरी, दरोगा कुर्मी, ध्रुव पटेल, जङ्ग बहादुर कुर्मीलगायत रहेका छन् ।
कर्तव्य ज्यान, डाँका, हातहतियार तथा खरखजाना र चोरी मुद्दामा
कैद सजाय भोगिरहेका ३४ जना
कैदीको बाँकी कैद मिनाहा गरी आज रिहा गरिएको जेलर गौतमले जानकारी दिए ।
गणतन्त्र दिवसको अवसरमा सरकारले हरेक वर्ष चेलीबेटी बेचबिखन, जघन्य अपराध, देशद्रोह, लागू औषध, मुद्रा अपचलनलगायत १३ वटा मुद्दाबाहेक अन्य मुद्द्रामा ४० प्रतिशत कैद सजाय भोगिसकेका कैदीहरूलाई राम्रो
आचरण र बानीव्यवहोराको मूल्याङ्कन गरेर बाँकी कैद सजाय माफ गरी रिहा गर्दै आएको छ ।
सातजना कैदीलाई साठी प्रतिशत कैद माफ
प्रस, रौतहट/
नवौ गणतन्त्र दिवस २०७४ को उपलक्ष्यमा कारागार कार्यालय, रौतहटले सातजना कैदीलाई साठी प्रतिशत कैद माफ गरी रिहा गरेको छ । रिहा हुनेमा खहेरूराय यादव, राजकिशोर यादव, कृष्णबहादुर सापकोटा, काशीनाथ महतो, योगेन्द्रप्रसाद पटेल, रामबहादुर चौधरी, विजय ठाकुरले चालीस प्रतिशत कैद काटेकोले रिहा गरेको कारागार कार्यालय रौतहटले जनाएको छ ।
रिहा भएकामध्ये तीनजना कर्तव्य ज्यान, दुईजना ज्यान मार्ने उद्योग र एकजना डाँकाजनी र एकजना खुन डाँका मुद्दाका कैदी रिहा भएको गौर कारागारका प्रमुख विष्णुरञ्जन बरालले बताएका छन् । कारागारमा रहेका कैदीहरूको चालचलन सुधारोन्मुख देखेरसिफारिसको आधारमा नेपाल सरकारको मन्त्रिपरिषद्बाट हुने निर्णयको आधारमा कारागार विभागले दिएको आदेशानुसार कैदीहरू आज रिहा भएका बताइएको छ ।
प्रस, वीरगज, १५ जेठ/
दशौं गणतन्त्र दिवस आज मुलुकभर विभिन्न कार्यक्रमको अयोजना गरी मनाएको छ ।
जनान्दोलन २०६२/०६३ को जगमा गणतन्त्र घोषणा भएको ऐतिहासिक दिनको स्मरण गर्दै हरेक वर्ष जेठ १५ गते देशभर विभिन्न कार्यक्रम गरी गणतन्त्र दिवस मनाइन्छ । संविधानसभाको पहिलो बैठकले विक्रम संवत् २०६५ साल जेठ १५ गते नेपाललाई सङ्घीय लोकतान्त्रिक गणतन्त्रात्मक मुलुक घोषणा गरेको थियो । सोही क्रममा पर्सामा आज वीरगज घण्टाघरलगायत विभिन्न ठाँउमा सरसफाइ तथा ¥याली निकालिएको थियो ।
यसैबीच १० औं गणतन्त्र दिवसको अवसरमा प्याब्सनमा आबद्ध विद्यालयका विद्यार्थी र शिक्षकहरूले वीरगजको मुख्य सडकमा सरसफाइ गरेका छन् । शिक्षक र विद्यार्थीहरूले नारायणी उपक्षेत्रीय अस्पतालदेखि पावर हाउस चोकसम्मको मुख्य सडकमा सरसफाइ गरेका हुन् ।
सरसफाइ कार्यक्रममा प्याब्सन पर्साका अध्यक्ष डाक्टर हरिशङ्कर साह, पर्साका प्रमुख जिल्ला अधिकारी केशवराज घिमिरे, प्रहरी उपरीक्षक गोविन्दकुमार साहलगायतको उपस्थिति थियो ।
निजगढमा सरसफाइ अभियान
प्रस, निजगढ/
गणतन्त्र दिवसको अवसरमा निजगढमा सरसफाइ अभियान शुरु भएको छ ।
कार्यक्रममा निजगढ नगरपालिका कार्यकारी अधिकृत एवं गणतन्त्र दिवस मूल समारोह समिति निजगढका संयोजक भरतचन्द्र अधिकारीले सबैको सहकार्यमा सरसफाइ अभियान थालिएको बताउँदै राजमार्ग, भित्री सडक छेउछाउ अन्य सार्वजनिक स्थलहरूमा सरसफाइलाई निरन्तरता दिइरहनुपर्ने बताए ।
यस्ता खाले काममा नगरपालिकाको ध्यान जान नसकेको हुन सक्छ । नगरवासीलाई सुझाव, सल्लाह दिनसमेत उनले आग्रह गरे । धेरैले घर आँगन, चोक, चौतारा, बस बिसौनीजस्ता सार्वजनिकस्थलमा फोहरमैला गर्ने तर सरसफाइ गर्ने बेला नगरपालिकाको मात्र मुख ताक्ने परम्परा हटाई–‘आप्mनो गाउँ, आप्mनो ठाउँ आफैं सरसफाइमा लागौं’ भन्दै अघि बढन सके मात्र निजगढ साँच्चै नैं सफा, सुन्दर शहरको रूपमा परिचित हुन कुनै समय नलाग्ने बताए ।
निजगढको विकास नजानिंदो ढङ्गबाट भइरहेकोले फोहोर मैलामुक्त शहर बनाउन निजगढवासी स्वयं सचेत, सक्रिय हुनुपर्ने निजगढ नगर विकास समितिका अध्यक्ष कृष्णप्रसाद खरेलले स्वागत मन्तव्य राख्दै भने ।
निजगढ नगरपालिका, सशस्त्र प्रहरी बेस निजगढ, जिल्ला ट्राफिक प्रहरी निजगढ, इलाका प्रहरी निजगढले संयुक्त रूपमा व्यवस्थापन गरी सो अभियान चलाएको हो । नगरपालिका परिसरबाट बिहान निस्केको ¥याली भमरा पुल पुगी राजमार्ग छेउछाउको फोहर व्यवस्थापन गरेको हो ।
कार्यक्रममा विभिन्न सङ्घ संस्था, राजनीतिक दल, युथ अफ निजगढको सक्रिय सामेली थियो । कार्यक्रम सञ्चालन नगरपालिकाका सूचना अधिकारी नवीन खनालले गरेका थिए ।
