धूमपानरहित दिवसको कार्यक्रमका प्रमुख अतिथिबाटै विरोध

    विश्व धूमपान तथा सुर्तीरहित दिवसमा जिल्ला जनस्वास्थ्य कार्यालय, पर्साले सहभागी अतिथिहरूलाई प्लास्टिकको गिलासमा चिया वितरण गरेको थियो । सरकारले सरकारी कार्यालयहरूमध्ये स्वास्थ्य क्षेत्रसँग सम्बन्धित जनस्वास्थ्यमा पनि प्लास्टिकजन्य पदार्थमध्ये झोला, गिलास आदिको प्रयोगमा रोक लगाइएकोमा चिया प्लास्टिकको गिलासमा वितरण गर्दा सहभागी सञ्चारकर्मी र कार्यक्रमका प्रमुख अतिथि सप्रजिअ पौडेलले सोको विरोध गरेका थिए । जो अगुवा उही बाटो हगुवा भनेर प्लास्टिकजन्य पदार्थको प्रयोग रोक्नुपर्ने कार्यालयले उल्टो त्यसो गर्नु हास्यास्पद भएको उनको तर्क थियो ।


प्रस, वीरगंज, १७ जेठ/
    जिल्ला जनस्वास्थ्य कार्यालय, पर्साले विश्व धूमपान तथा सुर्तीरहित दिवस औपचारिकता पूरा गर्न मात्र मनाएको भन्दै कार्यक्रमका प्रमुख अतिथि सहायक प्रजिअ दुर्गादत्त पौडेल कार्यक्रमस्थलमैं पडकिए ।
    जिल्ला जनस्वास्थ्य कार्यालय, पर्साले ३१ मेमा मनाइने विश्व धूमपान तथा सुर्तीरहित दिवस कार्यालयको बन्द कोठाभित्र मनाएको भन्दै कार्यक्रमका प्रमुख अतिथि सप्रजिअ पौडेल रिसाएका थिए । उनले सार्वजनिक चासोको विषय रहेको धूमपान तथा सुर्तीरहित दिवस सार्वजनिकस्थलमा आयोजना गर्नुपर्ने बताए । उनले दिवसको अवसरमा ¥याली ननिकालिएकोमा पनि आपत्ति जनाए ।
    प्रमुख अतिथि पौडेलले दिवसको अवसरमा जिल्ला जनस्वास्थ्य कार्यालय, पर्साले वितरण गरेको प्रचार सामग्री सन् २०१० कै वितरण गरिएको भनी हपारे । सन् २०१७ चलिरहेको बेलामा ६ वर्ष पुरानो प्रचार सामग्री वितरण गरेर आम मानिससहित पत्रकारहरूलाई पनि भ्रमित सूचना दिएको भनी उनले आगामी दिनमा एक वर्ष अगाडिको तथ्याङ्कसहितको प्रचार सामग्री वितरण गर्न निर्देशन दिए ।
    पत्रकार महासङ्घ, पर्साका अध्यक्ष्F श्याम बन्जाराले पनि सार्वजनिक महŒवको कार्यक्रम झारा टार्ने तरिकाले कार्यालयको बन्द कोठामा गरिएकोमा विरोध गरे । उनले शिक्ष्Fा र स्वास्थ्यमा सरकारको सबैभन्दा बढी लगानी रहेको र यही क्षेत्र चरम आर्थिक अनियमितताको कारण सबैभन्दा पछाडि परेको भनी आलोचना गरे ।
    उनले स्वास्थ्य क्ष्Fेत्र आम मानिसको सरोकारको विषय भएकोले यससँग सम्बन्धित कामहरू पारदर्शी तरिकाबाट इमानदारितापूर्वक गर्न सुझाव दिए ।
    कार्यक्रम जिल्ला जनस्वास्थ्य कार्यालय, पर्साका प्रमुख जनस्वास्थ्य अधिकृत राजकिशोर पडितको अध्यक्ष्Fतामा भएको थियो भने कार्यक्रमको सहजीकरण अमलेश्वर मिश्राले गरेका थिए ।
ब्रह्माकुमारी राजयोग केन्द्रद्वारा धूमपान तथा सुर्तीरहित दिवस सम्पन्न
प्रस, वीरगंज/
    विश्व धूमपान तथा सुर्तीरहित दिवस ब्रह्माकुमारी राजयोग सेवा केन्द्र वीरगंजले विभिन्न कार्यक्रम गरी मनाएको छ ।
    माईस्थान विद्यापीठ माविको नवनिर्मित भवनमा ब्रह्माकुमारीले आयोजना गरेको धूमपान दुव्र्यसनसम्बन्धी जनचेतनामूलक चित्र प्रदर्शनीका साथै आध्यात्मिक विचार गोष्ठीको उच्च अदालत वीरगंज इजलासका न्यायाधीश मोहनबहादुर कार्कीले उद्घाटन गरेका थिए ।
    कार्यक्रमका प्रमुख अतिथि कार्कीले उद्घाटन मन्तव्य व्यक्त गर्दै ब्रह्माकुमारीले आयोजना गरेको जनचेतनामूलक कार्यक्रमले व्यक्ति, परिवार र समाजलाई धूमपानजस्ता दुव्र्यसनलगायत विकृति, विसङ्गतिबाट टाढा रहन उत्प्रेरणा जागृत गराउने बताए । उनले धूमपान दुव्र्यसन, विकृति, विसङ्गतिरहित जीवन जिउन र सुन्दर समाज निर्माण गर्न ब्रह्माकुमारीको प्रयास उदाहरणीय भएको र आपूm सोबाट प्रभावित भएको बताए ।
    कार्यक्रममा सहभागी डा. अजितकुमार साह, क्याम्ब्रिज इन्स्ट्च्यिूटका निर्देशक विजय यादव र शिक्षिका ज्योति गुप्ताले ब्रह्माकुमारी राजयोगमा सिकाउने राजयोग मेडिटेसनको अभ्यासबाट मानिसमा सकारात्मक चिन्तन एवं आत्मविश्वासको विकास हुने दाबी गरे । उनीहरूले मेडिटेशनबाट तनाव र नकारात्मक आवेग हटाएर संयमित शान्त जीवनयापनमा सहयोग पुग्ने हुनाले त्यसको प्रयोग गर्न सुझाव पनि दिए ।
    कार्यक्रमकी अध्यक्ष रविणा दिदीले संस्थाले ८० वर्षदेखि विश्वको कुनाकाप्चामा विकृति, विसङ्गतिविरुद्ध स्वर्णिम समाज निर्माणका लागि जनचेतनामूलक कार्यक्रमहरूको आयोजना गर्दै आएको बताइन् । उनले नेपाल, भारत समेत विश्वको लाखौ मानवले यसबाट लाभ लिएर धूमपान, मद्यपान, लागू औषध
दुव्र्यसनबाट मुक्त भई प्रसन्नतापूर्वक जीवनयापन गरिरहेको हुनाले सेवा केन्द्रमा प्रदान गरिने राजयोग ध्यान साधनाको निश्शुल्क लाभ लिन सुझाव दिएकी थिइन् ।
    कार्यक्रममा सहभागीहरूलाई धूमपान दुव्र्यसन परिचय, बेफाइदा र रोकथाम सम्बन्धी ब्रह्माकुमारी तृप्तिले सचित्र वर्णन गरी जानकारी गराएकी थिइन् । कार्यक्रममा स्वागत बेली दिदी र धन्यवाद ब्रह्माकुमारी रेणुले गरेकी थिइन् ।
    कार्यक्रमको सहजीकरण ब्रह्माकुमार गोकुल गुभाजुले गरेका थिए । कार्यक्रममा विद्यालयका प्राचार्य विनोद मेहता, प्रहरी नायब उपरीक्षक यज्ञप्रसाद भट्टराई, राजयोगी प्रमोद मेहता, शान्ता श्रेष्ठलगायतको सहभागिता थियो ।