प्रस, गरुडा, ११ असोज/
श्रीराम सुगर मिल्समा किसानहरूले तोडफोड गरेका छन् । उद्योगपतिले किसानहरूलाई भुक्तानी दिन तयार भए पनि उद्योगका कर्मचारीहरूले गरेको आन्दोलनको कारण भुक्तानी नहुने भएपछि किसानहरूले मङ्गलवार उद्योगमा तोडफोड गरेका छन् ।
बितेको दुई आर्थिक वर्ष उखु किसानहरूले उद्योगलाई बेचेको उखुको मूल्य भुक्तानी पाउन बारम्बार आन्दोलन गर्दै आएका छन् । किसानहरूले आन्दोलनकै क्रममा राजधानी काठमाडौं पुगेर उद्योगमन्त्रीलाई गुहारेका थिए । उद्योगमन्त्री नवीन्द्रराज जोशीको पहलमा उद्योगपति र उखु उत्पादक सङ्घबीच् भुक्तानीको लागि गत हप्ता मात्र सहमति भएको थियो ।
उद्योगपति र किसानबीच भुक्तानीको लागि सहमति भए पनि तलब वृद्धिको माग गर्दै उद्योगका कर्मचारीहरूले उद्योगको कुनै पनि काम नगर्ने भनी आन्दोलनमा उत्रेपछि किसानहरू आक्रोशित भएका थिए । कर्मचारीको आन्दोलनको कारण किसानहरूले दशैं अघि सहमति अनुसार रकम नपाउने भएपछि तोडफोडमा उत्रेका थिए ।
आक्रोशित किसानहरूले आवास क्षेत्रको बैठक तथा कार्यालयको सोफा, टेबुल, कुर्सी तथा झ्याल र ढोकामा तोडफोड गरेका छन् । केही कार्यालयको कुर्सी बाहिर निकालेर किसानहरूले आगजनीसमेत गरेका छन् । किसानहरूले कार्यालयमा तोडफोड र आगजनी गर्न थालेपछि इलाका प्रहरी कार्यालय गरुडा र सशस्त्र प्रहरी बेस दुधियाभारका सशस्त्र प्रहरीहरूले स्थिति नियन्त्रणमा लिएका थिए । उद्योगमा करिब दुई लाख बराबरको क्षति भएको बताइन्छ ।
आक्रोशित किसानहरूले उद्योगमा भयावह अवस्थाको सिर्जना गरेपछि तलब वृद्धिको माग गर्दै आन्दोलनमा उत्रेका कर्मचारीहरू सहमतिमा आएका छन् । उद्योगमा अस्तित्वमा रहेका चारवटा मजदुर सङ्गठनहरूले उखु उत्पादक सङ्घसित सहमति गर्दै किसानको रकम भुक्तानी काम तत्काल अगाडि बढाउने प्रतिबद्धता जनाएका छन् । उद्योगको अन्य काम नगर्ने तर किसानको भुक्तानीसित सम्बन्धित सम्पूर्ण कार्य अगाडि बढाउने सहमति भएको उखु उत्पादक सङ्घ रौतहटका अध्यक्ष अशोकप्रसाद यादवले बताएका छन् ।
२०७१ फागुनको रकम करिब ११ करोड बाँकी रहेको र उद्योगका कर्मचारीहरू सहमतिमा आएपछि किसानहरूको रकम पाउने आशा बढेको सङ्घका कोषाध्यक्ष मनोजकुमार सहनीले बताएका छन् ।
श्रीराम सुगर मिल्समा किसानहरूले तोडफोड गरेका छन् । उद्योगपतिले किसानहरूलाई भुक्तानी दिन तयार भए पनि उद्योगका कर्मचारीहरूले गरेको आन्दोलनको कारण भुक्तानी नहुने भएपछि किसानहरूले मङ्गलवार उद्योगमा तोडफोड गरेका छन् ।
बितेको दुई आर्थिक वर्ष उखु किसानहरूले उद्योगलाई बेचेको उखुको मूल्य भुक्तानी पाउन बारम्बार आन्दोलन गर्दै आएका छन् । किसानहरूले आन्दोलनकै क्रममा राजधानी काठमाडौं पुगेर उद्योगमन्त्रीलाई गुहारेका थिए । उद्योगमन्त्री नवीन्द्रराज जोशीको पहलमा उद्योगपति र उखु उत्पादक सङ्घबीच् भुक्तानीको लागि गत हप्ता मात्र सहमति भएको थियो ।
उद्योगपति र किसानबीच भुक्तानीको लागि सहमति भए पनि तलब वृद्धिको माग गर्दै उद्योगका कर्मचारीहरूले उद्योगको कुनै पनि काम नगर्ने भनी आन्दोलनमा उत्रेपछि किसानहरू आक्रोशित भएका थिए । कर्मचारीको आन्दोलनको कारण किसानहरूले दशैं अघि सहमति अनुसार रकम नपाउने भएपछि तोडफोडमा उत्रेका थिए ।
आक्रोशित किसानहरूले आवास क्षेत्रको बैठक तथा कार्यालयको सोफा, टेबुल, कुर्सी तथा झ्याल र ढोकामा तोडफोड गरेका छन् । केही कार्यालयको कुर्सी बाहिर निकालेर किसानहरूले आगजनीसमेत गरेका छन् । किसानहरूले कार्यालयमा तोडफोड र आगजनी गर्न थालेपछि इलाका प्रहरी कार्यालय गरुडा र सशस्त्र प्रहरी बेस दुधियाभारका सशस्त्र प्रहरीहरूले स्थिति नियन्त्रणमा लिएका थिए । उद्योगमा करिब दुई लाख बराबरको क्षति भएको बताइन्छ ।
आक्रोशित किसानहरूले उद्योगमा भयावह अवस्थाको सिर्जना गरेपछि तलब वृद्धिको माग गर्दै आन्दोलनमा उत्रेका कर्मचारीहरू सहमतिमा आएका छन् । उद्योगमा अस्तित्वमा रहेका चारवटा मजदुर सङ्गठनहरूले उखु उत्पादक सङ्घसित सहमति गर्दै किसानको रकम भुक्तानी काम तत्काल अगाडि बढाउने प्रतिबद्धता जनाएका छन् । उद्योगको अन्य काम नगर्ने तर किसानको भुक्तानीसित सम्बन्धित सम्पूर्ण कार्य अगाडि बढाउने सहमति भएको उखु उत्पादक सङ्घ रौतहटका अध्यक्ष अशोकप्रसाद यादवले बताएका छन् ।
२०७१ फागुनको रकम करिब ११ करोड बाँकी रहेको र उद्योगका कर्मचारीहरू सहमतिमा आएपछि किसानहरूको रकम पाउने आशा बढेको सङ्घका कोषाध्यक्ष मनोजकुमार सहनीले बताएका छन् ।
