प्रस, वीरगंज, १५ असार/
असार १५ गते मनाइँदै आएको राष्ट्रिय धान दिवस बुधवार पर्सा जिल्लामा पनि विभिन्न कार्यक्रम आयोजना गरी मनाएको छ।
व्यावसायिक धानखेतीको आधार, सामुदायिक नर्सरीको विस्तार भन्ने नाराका साथ १३ औं राष्ट्रिय धान दिवस पर्सा जिल्लामा सरकारी तथा गैरसरकारी संस्थाको पहलमा मनाइएको छ। धान दिवसको अवसरमा जिल्ला कृषि कार्यालय, पर्साले वीउमनपाको अलौमा धान रोपाइँ गरी कार्यक्रम मनाएको छ।
स्थानीय महिला कृषक समूह अलौद्वारा आयोजित धान दिवस समारोहको प्रजिअ केशवराज घिमिरेले धान रोपाइँ गरी उद्घाटन गरेका थिए । उनले नेपालीहरूको प्रमुख बाली धानखेती भएकोले यसको खेती उन्नत प्रविधिबाट गन सुझाव दिएका थिए। स्थानीय विकास अधिकारी विश्वप्रकाश अर्यालको अध्यक्षतामा आयोजित धान दिवस कार्यक्रममा जिल्ला कृषि विकास कार्यालय, पर्साका प्रमुख वीरेन्द्रप्रसाद सिन्हा, कृषि सामग्री संस्थान क्षेत्रीय कार्यालयका प्रमुखलगायतले मन्तव्य व्यक्त गरेका थिए। वार्षिकरूपमा असार १५ का दिन मनाइने धान दिवसको अवसरमा बुधवार अलौमा सहभागी कृषक र सरोकारवाला सरकारी कर्मचारीहरूले हिलो छ्यापाछ्याप र धान रोपेर दिवस मनाएका थिए।
प्रमोद यादव, रङगपुर, १५ असार/
धान दिवसको अवसरमा जिल्ला वन कार्यालय पर्सा, सामुदायिक वन उपभोक्ता महासङ्घ र खसिया गढीमाई वन उपभोक्ता समितिको संयुक्त आयोजनामा बगवन्ना गाविसको अतिक्रमित वन क्षेत्रमा बुधवार वृक्षरोपण गरिएको छ।
पशुपतिनगरको २० हेक्टर जमिनमा सिमल, अमला, खैर, साल, मसाला, तेजापात, बकैनो, टिक, सिसौ, अर्जुन, डाले घाँसलगायत तीन हजार बिरुवा रोपिएको हो।
कार्यक्रमका प्रमुख अतिथि जिल्ला वन कार्यालय पर्साका प्रमुख चन्द्रदेव लाल कर्ण तथा वक्ताहरूले वन अतिक्रमण, चरिचरन र अवैध चोरी निकासी रोक्न जोड दिएका थिए।
वनसम्पदाको चोरी निकासी नियन्त्रणको लागि सामुदायिकलाई जिम्मेवारी दिए स्थानीय तस्करी नियन्त्रण गर्न सजिलो हुने जिल्ला वन कार्यालय, पर्साका प्रमुख चन्द्रदेवलाल कर्णले बताए। उनले वन क्षेत्र अतिक्रमण गरी किसानले धान, मकै बाली लगाएकोमा सो कार्य अविलम्ब नरोके कारबाई गर्ने बताए। वन क्षेत्रमा ९ लाखको तारबार लगाएर साना बिरुवा जोगाउने प्रयास भइरहेको उनले बताए ।
सबैया साझेदारीका संयोजक लखनलाल साह, कोइलाभार विन्दवासिनी साझेदारीका शैलेन्द्रप्रसाद यादव, सामुदायिक प्रकोप व्यवस्थापन समितिका राष्ट्रिय सञ्जाल, पर्साका अध्यक्ष भगिरथ गिरी, वासुदेव चौधरी, कैलाश महतो, पार्वती तिवारीलगायतको कार्यक्रममा उपस्थिति थियो । कार्यक्रम मधुवन मथवल सेक्टर वन कार्यालय बढनिहारका सहायक वन अधिकृत सरजुगप्रसाद चौरसियाको सभापतित्वमा सम्पन्न भएको थियो।
प्रस, परवानीपुर/
क्षेत्रीय कृषि अनुसन्धान केन्द्र परवानीपुरले पनि १३ औं राष्ट्रिय धान दिवस धान रोपाइँ गरी मनाएको छ। अनुसन्धान केन्द्रको परिसरमा रहेको खेतमा कर्मचारी तथा कामदारहरूको सहभागितामा धान रोपाइँ गरिएको थियो ।
कार्यक्रमको उद्घाटन केन्द्रका प्रमुख तुफैल अख्तरले गरेका थिए। कार्यक्रममा परवानीपुर आसपासका किसानहरूको समेत सहभागिता थियो।
प्रस, पथलैया/
राष्ट्रिय धान दिवसको अवसरमा जिल्ला कृषि कार्यालय बारा र समाज सुधार कृषि सहकारी संस्थाले बुधवार डुमरवानामा धान रोपाइँ र दही–चिउरा खाने कार्यक्रम गरेको छ।
कार्यक्रमको बारा क्षेत्र नं. ६ का सभासद् पुरुषोत्तम पौडेलले उद्घाटन गरेका थिए। कार्यक्रमको उद्घाटन गर्दै पूर्व युवा तथा खेलकुदमन्त्री पौडेलले कृषि क्षेत्रमा विभिन्न चुनौती भए पनि यान्त्रिक प्रविधिले किसानलाई राहत मिलेको बताए ।
राज्यले किसानका समस्या हेर्ने भन्दै पौडेलले व्यावसायिकरूपमा अघि बढ्नका लागि यान्त्रिक प्रविधि प्रयोग गर्न आग्रह गरे। कृषि क्षेत्रमा भित्रिएको प्रविधि प्रयोगका लागि राज्यले किसानलाई सहयोग गर्न जरुरी रहेको उनको भनाइ थियो। कार्यक्रम उद्घाटनपछि पौडेलले खेतमा पुगेर यान्त्रिक मेसिनले रोपाइँ समेत गरेका थिए।
सांसद पौडेलसँगै बाराका प्रमुख जिल्ला अधिकारी कृष्णप्रसाद ढुङगानाले समेत मेसिनले रोपाइँ गरे। पूर्वमन्त्री र प्रजिअले रोपाइँ शुरु गरेपछि कार्यक्रममा सहभागीले गीत गाउँदै रोपाइँ गरेका थिए । रोपाइँका क्रममा एकअर्कालाई हिलो छ्यापाछ्याप गरेको दृश्य हेर्नलायक थियो। रोपाइँपछि सहभागीले दही–चिउरा खाएर नाचगान गरेका थिए।
जिल्ला कृषि कार्यलयका प्रमुख जितेन्द्र यादव र समाज सुधारका अध्यक्ष नारायणदत्त अधिकारीको संयुक्त अध्यक्षतामा सम्पन्न कार्यक्रममा पूर्वसभासद जयराम दहाल, नेकपा माओवादी केन्द्रका पोलिटब्युरो सदस्य क्षेत्रबहादुर श्रेष्ठ, बाराका प्रहरी उपरीक्षक नरेन्द्रप्रसाद उप्रेती, नेपाल बचत तथा ऋण केन्द्रीय सहकारी सङ्घका सञ्चालक कृष्ण पौडेल, नेकपा एमाले बाराका प्रशिक्षण विभाग प्रमुख मनोज पौडेललगायत विभिन्न सहकारी संस्थाका अध्यक्ष र प्रतिनिधिको सहभागिता रहेको थियो।
यस अघि समाज सुधारले धान काट्न प्रयोग गरिने यान्त्रिक प्रविधि सहभागीलाई अवलोकन गराएको थियो। धान काट्न प्रयोगमा ल्याइने यन्त्रबाट धान काटेर देखाइएको थियो। समाज सुधारले अहिले धानको बीउ छर्न, बीउ रोप्न, गोड्न, औषधि छर्न, काट्न र धान झार्नसमेत यन्त्र प्रयोग गर्न किसानलाई सिकाउँदै प्रयोगमा ल्याउन थालेको छ।
असार १५ गते मनाइँदै आएको राष्ट्रिय धान दिवस बुधवार पर्सा जिल्लामा पनि विभिन्न कार्यक्रम आयोजना गरी मनाएको छ।
व्यावसायिक धानखेतीको आधार, सामुदायिक नर्सरीको विस्तार भन्ने नाराका साथ १३ औं राष्ट्रिय धान दिवस पर्सा जिल्लामा सरकारी तथा गैरसरकारी संस्थाको पहलमा मनाइएको छ। धान दिवसको अवसरमा जिल्ला कृषि कार्यालय, पर्साले वीउमनपाको अलौमा धान रोपाइँ गरी कार्यक्रम मनाएको छ।
स्थानीय महिला कृषक समूह अलौद्वारा आयोजित धान दिवस समारोहको प्रजिअ केशवराज घिमिरेले धान रोपाइँ गरी उद्घाटन गरेका थिए । उनले नेपालीहरूको प्रमुख बाली धानखेती भएकोले यसको खेती उन्नत प्रविधिबाट गन सुझाव दिएका थिए। स्थानीय विकास अधिकारी विश्वप्रकाश अर्यालको अध्यक्षतामा आयोजित धान दिवस कार्यक्रममा जिल्ला कृषि विकास कार्यालय, पर्साका प्रमुख वीरेन्द्रप्रसाद सिन्हा, कृषि सामग्री संस्थान क्षेत्रीय कार्यालयका प्रमुखलगायतले मन्तव्य व्यक्त गरेका थिए। वार्षिकरूपमा असार १५ का दिन मनाइने धान दिवसको अवसरमा बुधवार अलौमा सहभागी कृषक र सरोकारवाला सरकारी कर्मचारीहरूले हिलो छ्यापाछ्याप र धान रोपेर दिवस मनाएका थिए।
प्रमोद यादव, रङगपुर, १५ असार/
धान दिवसको अवसरमा जिल्ला वन कार्यालय पर्सा, सामुदायिक वन उपभोक्ता महासङ्घ र खसिया गढीमाई वन उपभोक्ता समितिको संयुक्त आयोजनामा बगवन्ना गाविसको अतिक्रमित वन क्षेत्रमा बुधवार वृक्षरोपण गरिएको छ।
पशुपतिनगरको २० हेक्टर जमिनमा सिमल, अमला, खैर, साल, मसाला, तेजापात, बकैनो, टिक, सिसौ, अर्जुन, डाले घाँसलगायत तीन हजार बिरुवा रोपिएको हो।
कार्यक्रमका प्रमुख अतिथि जिल्ला वन कार्यालय पर्साका प्रमुख चन्द्रदेव लाल कर्ण तथा वक्ताहरूले वन अतिक्रमण, चरिचरन र अवैध चोरी निकासी रोक्न जोड दिएका थिए।
वनसम्पदाको चोरी निकासी नियन्त्रणको लागि सामुदायिकलाई जिम्मेवारी दिए स्थानीय तस्करी नियन्त्रण गर्न सजिलो हुने जिल्ला वन कार्यालय, पर्साका प्रमुख चन्द्रदेवलाल कर्णले बताए। उनले वन क्षेत्र अतिक्रमण गरी किसानले धान, मकै बाली लगाएकोमा सो कार्य अविलम्ब नरोके कारबाई गर्ने बताए। वन क्षेत्रमा ९ लाखको तारबार लगाएर साना बिरुवा जोगाउने प्रयास भइरहेको उनले बताए ।
सबैया साझेदारीका संयोजक लखनलाल साह, कोइलाभार विन्दवासिनी साझेदारीका शैलेन्द्रप्रसाद यादव, सामुदायिक प्रकोप व्यवस्थापन समितिका राष्ट्रिय सञ्जाल, पर्साका अध्यक्ष भगिरथ गिरी, वासुदेव चौधरी, कैलाश महतो, पार्वती तिवारीलगायतको कार्यक्रममा उपस्थिति थियो । कार्यक्रम मधुवन मथवल सेक्टर वन कार्यालय बढनिहारका सहायक वन अधिकृत सरजुगप्रसाद चौरसियाको सभापतित्वमा सम्पन्न भएको थियो।
प्रस, परवानीपुर/
क्षेत्रीय कृषि अनुसन्धान केन्द्र परवानीपुरले पनि १३ औं राष्ट्रिय धान दिवस धान रोपाइँ गरी मनाएको छ। अनुसन्धान केन्द्रको परिसरमा रहेको खेतमा कर्मचारी तथा कामदारहरूको सहभागितामा धान रोपाइँ गरिएको थियो ।
कार्यक्रमको उद्घाटन केन्द्रका प्रमुख तुफैल अख्तरले गरेका थिए। कार्यक्रममा परवानीपुर आसपासका किसानहरूको समेत सहभागिता थियो।
प्रस, पथलैया/
राष्ट्रिय धान दिवसको अवसरमा जिल्ला कृषि कार्यालय बारा र समाज सुधार कृषि सहकारी संस्थाले बुधवार डुमरवानामा धान रोपाइँ र दही–चिउरा खाने कार्यक्रम गरेको छ।
कार्यक्रमको बारा क्षेत्र नं. ६ का सभासद् पुरुषोत्तम पौडेलले उद्घाटन गरेका थिए। कार्यक्रमको उद्घाटन गर्दै पूर्व युवा तथा खेलकुदमन्त्री पौडेलले कृषि क्षेत्रमा विभिन्न चुनौती भए पनि यान्त्रिक प्रविधिले किसानलाई राहत मिलेको बताए ।
राज्यले किसानका समस्या हेर्ने भन्दै पौडेलले व्यावसायिकरूपमा अघि बढ्नका लागि यान्त्रिक प्रविधि प्रयोग गर्न आग्रह गरे। कृषि क्षेत्रमा भित्रिएको प्रविधि प्रयोगका लागि राज्यले किसानलाई सहयोग गर्न जरुरी रहेको उनको भनाइ थियो। कार्यक्रम उद्घाटनपछि पौडेलले खेतमा पुगेर यान्त्रिक मेसिनले रोपाइँ समेत गरेका थिए।
सांसद पौडेलसँगै बाराका प्रमुख जिल्ला अधिकारी कृष्णप्रसाद ढुङगानाले समेत मेसिनले रोपाइँ गरे। पूर्वमन्त्री र प्रजिअले रोपाइँ शुरु गरेपछि कार्यक्रममा सहभागीले गीत गाउँदै रोपाइँ गरेका थिए । रोपाइँका क्रममा एकअर्कालाई हिलो छ्यापाछ्याप गरेको दृश्य हेर्नलायक थियो। रोपाइँपछि सहभागीले दही–चिउरा खाएर नाचगान गरेका थिए।
जिल्ला कृषि कार्यलयका प्रमुख जितेन्द्र यादव र समाज सुधारका अध्यक्ष नारायणदत्त अधिकारीको संयुक्त अध्यक्षतामा सम्पन्न कार्यक्रममा पूर्वसभासद जयराम दहाल, नेकपा माओवादी केन्द्रका पोलिटब्युरो सदस्य क्षेत्रबहादुर श्रेष्ठ, बाराका प्रहरी उपरीक्षक नरेन्द्रप्रसाद उप्रेती, नेपाल बचत तथा ऋण केन्द्रीय सहकारी सङ्घका सञ्चालक कृष्ण पौडेल, नेकपा एमाले बाराका प्रशिक्षण विभाग प्रमुख मनोज पौडेललगायत विभिन्न सहकारी संस्थाका अध्यक्ष र प्रतिनिधिको सहभागिता रहेको थियो।
यस अघि समाज सुधारले धान काट्न प्रयोग गरिने यान्त्रिक प्रविधि सहभागीलाई अवलोकन गराएको थियो। धान काट्न प्रयोगमा ल्याइने यन्त्रबाट धान काटेर देखाइएको थियो। समाज सुधारले अहिले धानको बीउ छर्न, बीउ रोप्न, गोड्न, औषधि छर्न, काट्न र धान झार्नसमेत यन्त्र प्रयोग गर्न किसानलाई सिकाउँदै प्रयोगमा ल्याउन थालेको छ।
