प्रस, वीरगंज, १५ जेठ/
केडिया अर्गनाइजेशनका अध्यक्ष हीरालाला केडियाका छोरा सुरेश केडियालाई अपहरण भएको ४ दिनपछि भारतीय प्रहरीले सकुशल मुक्त गराएको छ।
मोतिहारी, गोपालगंज रोडस्थित कोतवा भन्ने ठाउँबाट बिहान १ बजे मोतिहारीका एसपी जितेन्द्र राणा र बेतियाका एसपी विनय कुमारको नेतृत्वमा खटेको बिहार पुलिसको टोलीले केडियालाई अपहरणकारीको चङ्गुलबाट मुक्त गराउनुका साथै अपहरणमा संलग्न रक्सौल निवासी रञ्जन झालाई पक्राउ गरेको छ। भारतीय प्रहरीले आज दिउँसो १ बजे फोनबाट सुरेश केडिया अपहरणमुक्त भएको सूचना उनको परिवारलाई दिएको थियो।
वीरगंज उद्योग वाणिज्य सङ्घका अध्यक्ष प्रदीप केडियाले घटनाको आधा घण्टापछि भारतीय प्रहरीबाट सूचना पाएको बताए।
केडिया अर्गनाइजेशनका अध्यक्ष हीरालाला केडियाका छोरा सुरेश केडियालाई अपहरण भएको ४ दिनपछि भारतीय प्रहरीले सकुशल मुक्त गराएको छ।
मोतिहारी, गोपालगंज रोडस्थित कोतवा भन्ने ठाउँबाट बिहान १ बजे मोतिहारीका एसपी जितेन्द्र राणा र बेतियाका एसपी विनय कुमारको नेतृत्वमा खटेको बिहार पुलिसको टोलीले केडियालाई अपहरणकारीको चङ्गुलबाट मुक्त गराउनुका साथै अपहरणमा संलग्न रक्सौल निवासी रञ्जन झालाई पक्राउ गरेको छ। भारतीय प्रहरीले आज दिउँसो १ बजे फोनबाट सुरेश केडिया अपहरणमुक्त भएको सूचना उनको परिवारलाई दिएको थियो।
वीरगंज उद्योग वाणिज्य सङ्घका अध्यक्ष प्रदीप केडियाले घटनाको आधा घण्टापछि भारतीय प्रहरीबाट सूचना पाएको बताए।
"बिहार पुलिसका दुईजना एसपी जितेन्द्र राणा र विनय कुमारको अनुसन्धानबाट केडिया मुक्त भएका हुन् । बिहार पुलिसलाई अपहरणपछि नेपाल पुलिसले अनुसन्धानमा सघाएको थियो ।
अपहरणमा नेपाल र भारतका अपराधीको हात रहेको एसपी जितेन्द्र राणाले पत्रकार सम्मेलनमा जानकारी गराए।
भारतीय प्रहरी इन्सपेक्टर दिलीप कुमार र रवि कुमारको नेतृत्वमा रहेको टोलीले केडियालाई सकुशल उद्धार गरेको पक्राउ परेका रञ्जन झासँगै विदेशी पिस्तोलसहित त्यसमा प्रयोग हुने तीनवटा गोलीसमेत बरामद भएको पत्रकार सम्मेलनमा जानकारी गराइएको थियो।
केडिया चढेको गाडी अपराधी नजिक पुगेपछि विस्तारै हिड्न थालेको र अपराधीले केडियालाई नियन्त्रणमा लिएको एसपी राणाले यस विषयमा पनि अनुसन्धान भइरहेको जानकारी गराए।
पक्राउ परेका झासँग रहेको तीनवटा मोबाइलबाट धेरै कुरा खुलेको तर अनुसन्धानको क्रममा रहेको कारण सार्वजनिक गर्न नमिल्ने उनले बताएका थिए।
पत्रकार सम्मेलनमा बोल्दै अपहरित केडियाले चालकलाई गोली हानेपछि आफूलाई मोटरसाइकलमा लगेको र केही अगाडिबाट स्कार्पियोमा लगेको बताए। हात र मुख बाँधी ३ दिनसम्म एउटै कोठामा राखेको बताए। आज दिउँसो हात तथा मुख बाँधेर मोटरसाइकलमा हाइवेसम्म पुर्याई छोडी हिंडेको र पछि भारतीय प्रहरीले उद्धार गरेको बताए।"
गत बिहीवार बारा जिल्लाको बघवनस्थित पसहा पुलबाट, भारतीय नम्बरको स्कारपियो लिएर नेपाल प्रवेश गरेका ६ जना हतियारधारी समूहले केडियाका चालकलाई गोली हानी घाइते पारेर केडियाको अपहरण गरेका थिए । अपहरणपश्चात् नेपाल र भारत दुवैतर्फका उच्च सुरक्षा अधिकारीहरूले अपहरणविरुद्ध अभियान चलाएका थिए ।
नेपालका प्रतिष्ठित उद्योगी घराना केडिया अर्गनाइजेशनका सदस्य एवं सांसद् विमल केडियाका सहोदर दाइ भएको कारण नेपाल पुलिस सुरेश केडिया अपहरणमा निकै गम्भीर भएको थियो।
नेपाली व्यापारीको अपहरण गरी भारत बिहार ल्याएको सूचनापछि बिहार सरकारका उच्च अधिकारीहरूले पनि गम्भीर चासो देखाएको कारण केडिया ४ दिनमा मुक्त भएको पत्रकार सम्मेलनमा एसपी राणाले जानकारी गराए। सुरेश केडियालाई मोतिहारी जेलमा रहेका कुख्यात अपराधी बब्लु दुबेको समूहले अपहरण गरेको खुल्न आएको छ।
भारतीय पत्रकारले दिएको सूचना अनुसार जेलमा रहेका दुबेले अपहरण गराएको भारतीय प्रहरीले अनुमान गरेको छ। पक्राउ परेकाबाट सो कुराको पुष्टि भए पनि प्रहरीले पक्राउ परेका व्यक्ति रञ्जन झाको बयान सार्वजनिक गरेको छैन।
केडिया सकुशल मक्त भएकोबारे बेतिया र मोतिहारीका एसपीद्वय विनय कुमार र जितेन्द्र राणाले थाना प्रभारीको कार्यालय रक्सौलमा पत्रकार सम्मेलन गरी जानकारी गराएका थिए । केडियालाई रक्सौलस्थित भारतीय राजदूतावासको सम्पर्क कार्यालयमा राखिएको थियो। केडियालाई रक्सौलबाट नेपालका उच्च अधिकारीको जिम्मा लगाएर पठाइएको जानकारी प्राप्त भएको छ।
यसैबीच बारा प्रहरीले कबही, बरियारपुर, कलैयाबाट सोधपुुछको लागि ६ जनालाई हिरासतमा लिएको प्रहरीले जनाएको छ।
नेपालका प्रतिष्ठित उद्योगी घराना केडिया अर्गनाइजेशनका सदस्य एवं सांसद् विमल केडियाका सहोदर दाइ भएको कारण नेपाल पुलिस सुरेश केडिया अपहरणमा निकै गम्भीर भएको थियो।
नेपाली व्यापारीको अपहरण गरी भारत बिहार ल्याएको सूचनापछि बिहार सरकारका उच्च अधिकारीहरूले पनि गम्भीर चासो देखाएको कारण केडिया ४ दिनमा मुक्त भएको पत्रकार सम्मेलनमा एसपी राणाले जानकारी गराए। सुरेश केडियालाई मोतिहारी जेलमा रहेका कुख्यात अपराधी बब्लु दुबेको समूहले अपहरण गरेको खुल्न आएको छ।
भारतीय पत्रकारले दिएको सूचना अनुसार जेलमा रहेका दुबेले अपहरण गराएको भारतीय प्रहरीले अनुमान गरेको छ। पक्राउ परेकाबाट सो कुराको पुष्टि भए पनि प्रहरीले पक्राउ परेका व्यक्ति रञ्जन झाको बयान सार्वजनिक गरेको छैन।
केडिया सकुशल मक्त भएकोबारे बेतिया र मोतिहारीका एसपीद्वय विनय कुमार र जितेन्द्र राणाले थाना प्रभारीको कार्यालय रक्सौलमा पत्रकार सम्मेलन गरी जानकारी गराएका थिए । केडियालाई रक्सौलस्थित भारतीय राजदूतावासको सम्पर्क कार्यालयमा राखिएको थियो। केडियालाई रक्सौलबाट नेपालका उच्च अधिकारीको जिम्मा लगाएर पठाइएको जानकारी प्राप्त भएको छ।
यसैबीच बारा प्रहरीले कबही, बरियारपुर, कलैयाबाट सोधपुुछको लागि ६ जनालाई हिरासतमा लिएको प्रहरीले जनाएको छ।