वीरगंज उपमहानगरपालिका कार्यालयमा पुन: सुधारको सड्ढेतहरू देखा पर्न थालेको छ । मधेस आन्दोलनपछि आर्थिक र भौतिकरूपले लथालि· परेको वीउमनपामा दरबन्दी रहेका कार्यकारी अधिकृत विष्णु कोइराला काज फिर्ता भएर आएपछि पुन: सुधारका सड्ढेतहरू देखिएका हुन् ।
नगरपालिका कार्यालयमा कार्यरत कर्मचारीहरू कार्यालय अगाडि बगैंचामा र पछाडि यान्त्रिक शाखा र सरसफाइतर्फ घाम तापेर बस्ने गरेकोमा अहिले सबै कार्यालय सञ्चालन हुने ठीक समयमा कार्यालयले उपलब्ध गराएको पोशाकमा हाजिर हुने गरेका छन् । उनीहरू हाजिर मात्रै हुँदैनन्, कार्यालयको निर्धारित समयसम्म जिम्मेवारी पनि निर्वाह गर्दै आएका छन् ।
यसैगरी सरसफाइतर्फ पनि बिहानैदेखि कर्मचारीहरू पोशाकमा ड्युटी गरिरहेका छन् । वीउमनपाले खरिद गरेको रोड, भ्याकुम स्वीपर मेसिन यता आएर रोडको सरसफाइमा प्रयोग भएको छ भने विगत तीन दिनदेखि नगर क्षेत्रमा रहेका मेनरोडको भेपरलाइटको पनि वीउमनपाले खरिद गरेको नयाँ मेसिनबाट मरम्मत–सम्भार तथा जडान भइरहेको छ । पछिल्लोपटक समग्र नगरको विकासमा ध्यान दिएका प्रमुख कोइराला वीरगंज आएपछि नगरवासीले नगरको सुधार हुने अपेक्षा गरेका थिए । अहिले ती कार्य एकपछि अर्को सुधार हुँदै गएपछि नगरले सार्थकता पाएको छ । मधेस आन्दोलन २०७२ पछि रेखदेखविहीन भएको फोरलेन सडकबीच रोपिएको बिरुवाहरूको संरक्षण कार्य पनि शुरु भएको छ । यस अघि जिल्ला प्रहरी कार्यालय, पर्साले नगरपालिका, विभिन्न सामाजिक संस्था, सामुदायिक सेवा केन्द्र र स्कूलको सहयोगमा साप्ताहिकरूपमा शनिवार सञ्चालन गर्दै आएको सरसफाइ कार्यक्रम अन्तर्गत बरख गण वीरगंज अगाडिसम्म रहेको फोरलेन सडकको बिरुवाहरूको उद्धार कार्य गरेको थियो । तर अहिले वारुणयन्त्र लगाएर घण्टाघरदेखि पावरहाउससम्म रहेको फोरलेनको डिभाइडरमा रोपिएका बिरुवाहरूलाई पुनर्जीवन दिन नगरपालिकाले पानी पटाउने कार्य शुरु गरेको छ । टन्टलापुर घामको कारण संरक्षणविहीन भएका रूखबिरुवाहरू क्रमश: नष्ट हुँदै गएका थिए ।
विगत केही महिनादेखि छाडा चौपायाको कब्जामा रहेको मेनरोड अहिले छाडा चौपायामुक्त भएको छ । नगर प्रहरीलाई बिहानैदेखि सवारीसाधनसहित नगर क्षेत्रको मेनरोडबाट छाडा चौपाया नियन्त्रणमा खटाइएको छ । वीउमनपामा काज फिर्ता आउनासाथ कार्यकारी अधिकृत कोइरालाले घडिअर्वा पोखरी, स्वीमिङ पुलको म्याद सकिएकोमा नगरपालिकाको अधीनमा लिने कार्यको थालनी गरेका छन् ।
यसैगरी वीरगंजको विकासमा महत्त्वपूर्ण भूमिका निर्वाह गर्ने मझौला शहरी एकीकृत विकास तथा
वातावरणीय सुधार योजनाका लागि वीउमनपाले बुझाउनुपर्ने पारस्परिक रकममध्ये रु १ करोड ६६ लाख बुझाएका छन् । उनी जानु र आउनुबीच यो पारस्परिक रकम नबुझाउँदा एडिबीका ठेकेदार कम्पनीले उपमहानगरपालिकालाई ताकेतामाथि ताकेता गर्दै योजना प्रभावित हुन सक्ने चेतावनीसमेत दिएको थियो ।
