प्रस, निजगढ, १५ फागुन/
निजगढमा सञ्चालन हुँदै आएको शहीद हीरालाल स्मृति तेस्रो गोल्डकप फूटबल प्रतियोगिताको प्रथम उपाधि वीरगंज युथ एकेडेमीले जित्न सफल भएको छ ।
शनिवार भएको प्रतियोगिताको फाइनल खेलमा आरएफसी चितवनलाई ० का विरुद्ध ४ गोल गरी वीरगंज युथ एकेडेमी फराकिलो गोलअन्तरले उपाधि हात पारेको हो ।
खेलको ७ औं मिनेटमा वीरगंज युथका जर्सी नं. १२ का चतुर्धन चौधरीले पहिलो गोलको खाता खोलेपछि उपविजेता आरएफसी चितवनका लागि गोलको वर्षा शुरू भएको थियो । खेलको १२ औं मिनेटमा आरएफसी चितवनतर्फको डिबक्सभित्र सोही टिमका खेलाडीको ह्यान्ड भएपछि वीरगंज युथलाई पेनाल्टी प्रहार गर्ने सुनौलो अवसर जुरेको थियो । उक्त अवसरलाई वीरगंज युथका जर्सी नं. ११ का कृष्ण शाक्यले प्रहार गरेको पेनाल्टी गोलमा परिणत हुन पुग्यो । उनले प्रहार गरेको बल गोलकीपरले सही अनुमान गर्न नसक्दा विपरीत दिशातर्फ डाइभ हान्न पुगेका थिए ।
वीरगंज युथकै खेलाडी जर्सी नं. १८ का रामअयोध्या चौधरीले ३५ औं मिनेटमा गोल गरे । खेलको ४० औं मिनेटमा वीरगंज युथकै जर्सी नं. ११ का कृष्ण शाक्यले अर्को गोल थप्दै ० का विरुद्ध ४ गोलको फराकिलो अन्तरले आफ्नो क्लबलाई उपाधिका लागि अकाट्य दाबेदार बनाएको थियो । आरएफसी चितवनले शुरूदेखि नै अपनाएको अफसाइड रणनीतिलाई बुझ्दै वीरगंज युथले गोलको वर्षा गर्न सफल भएको हो । चारै गोल पहिलो हाफमैं भएको हो । खेलको दोस्रो हाफमा आरएफसी चितवन रक्षात्मकरूपमा प्रस्तुत भएपछि उसले एक गोल पनि थप्न सकेन । चितवनका खेलाडीले प्रहार गरेका गतिला बललाई वीरगंज युथका.जर्सी नं. १ का गोलकीपर जयराम चौधरीले राम्ररी बचाव गरेका थिए । आजको खेलमा उत्कृष्ट खेल प्रदर्शन गरेबापत वीरगंज युथका गोलकीपर जयराम चौधरी ‘म्यान अफ दि म्याच’ घोषित भए । विजेता वीरगंज युथले ५० हजार नगद, मेडल, प्रमाणपत्र हात पार्यो भने उपविजेता आरएफसी चितवनले २५ हजार नगद, मेडल, प्रमाणपत्र प्राप्त गर्यो ।
प्रतियोगिता अवधिभर उत्कृष्ट खेल प्रदर्शन गरेबापत वीरगंज युथका कृष्ण शाक्य र सर्वाधिक गोल गर्ने चपुर–११ रौतहटका राजु लामालाई ट्रफी प्रदान गरिएको थियो । प्रतियोगितामा मुख्य रेफ्री रियाजुल इस्लाम तथा सहायक रेफ्रीमा दधीर क्षेत्री, कृष्णमणि चौधरी र सानु मगरले भूमिका निभाएका थिए । प्रतियोगितामा ८ टिमले सहभागिता जनाएको आयोजक क्लबका सचिव पुरुषोत्तम भट्टराईले जानकारी दिए ।
प्रतियोगिताको सम्पूर्ण खेल निजगढ नगरपालिका–५ स्थित बागदेवस्थित खेल मैदानमा भएको थियो ।
प्रतियोगिता समापन :
सो गोल्डकप प्रतियोगिताको समापन पूर्व खेलकुदमन्त्री एवं बारा क्षेत्र नं. ६ का सभासद् पुरुषोत्तम पौडेलले एक गरेका थिए । प्रमुख अतिथि पौडेलले रेफ्रीलाई खेल मैदानमा फूटबल हस्तान्तरण गरेपछि फाइनल खेल शुरू भएको थियो ।
कार्यक्रममा प्रमुख अतिथि पौडेलले राजनीतिक परिवर्तनका लागि ज्यानको कुनै पर्वाह नगरी शहीद भएका गौतमलगायत अन्य शहीद, घाइतेहरूको उच्च सम्मान र मूल्याड्ढन राज्यले गरि रहेको बताए ।
छिमेकी राष्ट्र भारतले हाम्रो मुलुकलाई महिनौं नाकाबन्दी गरेर देश र आमजनतालाई अनाहकमा दु:ख दिए पनि खेलमा नाकाबन्दी गर्न नसकिने रहेछ भन्ने भारतलाई सागमा फूटबल खेलमा पराजित गर्दै नेपालले स्वर्ण पदक जितेर देखाएको बताए । उनले निजगढकी यानकुमारी चौलागाईंले सागमा रजत पदक जितेकोमा उनलाई बधाईसमेत दिए ।
सो अवसरमा संसदीय विकास कोषबाट निजगढस्थित हीरालाल खेल मैदान, सिमरा खेल मैदान र मनहर्वा खेल मैदानको स्तरोन्नतिका लागि १/१ लाख रुपैयाँ उपलब्ध गराउने घोषणासमेत प्रमुख अतिथि पौडेलले गरे ।
कार्यक्रममा शहीद गौतमका पिता षडानन्द गौतम र शहीदपत्नी गायत्री गौतमको पनि उपस्थिति थियो ।
क्लबका अध्यक्ष थानेश्वर सापकोटाको सभातित्वमा सम्पन्न कार्यक्रमको सञ्चालन गोविन्दप्रसाद गौतमले गरेका थिए ।
निजगढमा सञ्चालन हुँदै आएको शहीद हीरालाल स्मृति तेस्रो गोल्डकप फूटबल प्रतियोगिताको प्रथम उपाधि वीरगंज युथ एकेडेमीले जित्न सफल भएको छ ।
शनिवार भएको प्रतियोगिताको फाइनल खेलमा आरएफसी चितवनलाई ० का विरुद्ध ४ गोल गरी वीरगंज युथ एकेडेमी फराकिलो गोलअन्तरले उपाधि हात पारेको हो ।
खेलको ७ औं मिनेटमा वीरगंज युथका जर्सी नं. १२ का चतुर्धन चौधरीले पहिलो गोलको खाता खोलेपछि उपविजेता आरएफसी चितवनका लागि गोलको वर्षा शुरू भएको थियो । खेलको १२ औं मिनेटमा आरएफसी चितवनतर्फको डिबक्सभित्र सोही टिमका खेलाडीको ह्यान्ड भएपछि वीरगंज युथलाई पेनाल्टी प्रहार गर्ने सुनौलो अवसर जुरेको थियो । उक्त अवसरलाई वीरगंज युथका जर्सी नं. ११ का कृष्ण शाक्यले प्रहार गरेको पेनाल्टी गोलमा परिणत हुन पुग्यो । उनले प्रहार गरेको बल गोलकीपरले सही अनुमान गर्न नसक्दा विपरीत दिशातर्फ डाइभ हान्न पुगेका थिए ।
वीरगंज युथकै खेलाडी जर्सी नं. १८ का रामअयोध्या चौधरीले ३५ औं मिनेटमा गोल गरे । खेलको ४० औं मिनेटमा वीरगंज युथकै जर्सी नं. ११ का कृष्ण शाक्यले अर्को गोल थप्दै ० का विरुद्ध ४ गोलको फराकिलो अन्तरले आफ्नो क्लबलाई उपाधिका लागि अकाट्य दाबेदार बनाएको थियो । आरएफसी चितवनले शुरूदेखि नै अपनाएको अफसाइड रणनीतिलाई बुझ्दै वीरगंज युथले गोलको वर्षा गर्न सफल भएको हो । चारै गोल पहिलो हाफमैं भएको हो । खेलको दोस्रो हाफमा आरएफसी चितवन रक्षात्मकरूपमा प्रस्तुत भएपछि उसले एक गोल पनि थप्न सकेन । चितवनका खेलाडीले प्रहार गरेका गतिला बललाई वीरगंज युथका.जर्सी नं. १ का गोलकीपर जयराम चौधरीले राम्ररी बचाव गरेका थिए । आजको खेलमा उत्कृष्ट खेल प्रदर्शन गरेबापत वीरगंज युथका गोलकीपर जयराम चौधरी ‘म्यान अफ दि म्याच’ घोषित भए । विजेता वीरगंज युथले ५० हजार नगद, मेडल, प्रमाणपत्र हात पार्यो भने उपविजेता आरएफसी चितवनले २५ हजार नगद, मेडल, प्रमाणपत्र प्राप्त गर्यो ।
प्रतियोगिता अवधिभर उत्कृष्ट खेल प्रदर्शन गरेबापत वीरगंज युथका कृष्ण शाक्य र सर्वाधिक गोल गर्ने चपुर–११ रौतहटका राजु लामालाई ट्रफी प्रदान गरिएको थियो । प्रतियोगितामा मुख्य रेफ्री रियाजुल इस्लाम तथा सहायक रेफ्रीमा दधीर क्षेत्री, कृष्णमणि चौधरी र सानु मगरले भूमिका निभाएका थिए । प्रतियोगितामा ८ टिमले सहभागिता जनाएको आयोजक क्लबका सचिव पुरुषोत्तम भट्टराईले जानकारी दिए ।
प्रतियोगिताको सम्पूर्ण खेल निजगढ नगरपालिका–५ स्थित बागदेवस्थित खेल मैदानमा भएको थियो ।
प्रतियोगिता समापन :
सो गोल्डकप प्रतियोगिताको समापन पूर्व खेलकुदमन्त्री एवं बारा क्षेत्र नं. ६ का सभासद् पुरुषोत्तम पौडेलले एक गरेका थिए । प्रमुख अतिथि पौडेलले रेफ्रीलाई खेल मैदानमा फूटबल हस्तान्तरण गरेपछि फाइनल खेल शुरू भएको थियो ।
कार्यक्रममा प्रमुख अतिथि पौडेलले राजनीतिक परिवर्तनका लागि ज्यानको कुनै पर्वाह नगरी शहीद भएका गौतमलगायत अन्य शहीद, घाइतेहरूको उच्च सम्मान र मूल्याड्ढन राज्यले गरि रहेको बताए ।
छिमेकी राष्ट्र भारतले हाम्रो मुलुकलाई महिनौं नाकाबन्दी गरेर देश र आमजनतालाई अनाहकमा दु:ख दिए पनि खेलमा नाकाबन्दी गर्न नसकिने रहेछ भन्ने भारतलाई सागमा फूटबल खेलमा पराजित गर्दै नेपालले स्वर्ण पदक जितेर देखाएको बताए । उनले निजगढकी यानकुमारी चौलागाईंले सागमा रजत पदक जितेकोमा उनलाई बधाईसमेत दिए ।
सो अवसरमा संसदीय विकास कोषबाट निजगढस्थित हीरालाल खेल मैदान, सिमरा खेल मैदान र मनहर्वा खेल मैदानको स्तरोन्नतिका लागि १/१ लाख रुपैयाँ उपलब्ध गराउने घोषणासमेत प्रमुख अतिथि पौडेलले गरे ।
कार्यक्रममा शहीद गौतमका पिता षडानन्द गौतम र शहीदपत्नी गायत्री गौतमको पनि उपस्थिति थियो ।
क्लबका अध्यक्ष थानेश्वर सापकोटाको सभातित्वमा सम्पन्न कार्यक्रमको सञ्चालन गोविन्दप्रसाद गौतमले गरेका थिए ।