प्रस, निजगढ, १६ माघ।
पर्सा वन्यजन्तु आरक्षको निषेधित वन क्षेत्रमा तपस्वी भनिएका रामबहादुर बमजनका अनुयायीको चहलपहल बढेको छ। तीन महिनायता बमजनका अनुयायीहरूले चहलपहल बढाएका हुन्।
गत कात्तिक महिनाको तेस्रो सातादेखि एक महिनाका लागि आरक्षले तपस्वी बमजन र उनका अनुयायीलाई धार्मिक कार्य गर्न लिखित सहमति दिएको थियो ।
सोही बहानामा जङगल प्रवेश गरेका अनुयायीहरूलाई निर्धारित समयावधि सकिएको डेढ महिना बितिसक्दा पनि आरक्षले बाहिर निकालेको छैन। हलखोरिया निषेधित क्षेत्रमा बमजनका अनुयायीहरू पाल टाँगेर बसेका छन्। सो स्थलमा निर्मित अढाई तले पक्की भवन उनीहरूले पुन: प्रयोगमा ल्याएका छन्।
बाराको हलखोरिया जङगलस्थित तपस्यास्थलबाट बमजनका अनुयायीहरू बस्तीमा आवतजावत गर्ने गरेका छन्। उनीहरूले गत कात्तिक २५ गतेदेखि हलखोरिया जङगलमा बस्दै आएको बताए । सो क्षेत्रमा अन्य मानिस पस्दा सेना र आरक्षका कर्मचारीले रोक लगाउने र कारबाई गर्ने गरेका छन्।
आरक्ष विस्तार हुनुअघि जिल्ला वन कार्यालयले सो क्षेत्रमा भएको वन अतिक्रमण हटाएको थियो। तपस्वीको नाममा निर्माण गरिएका घरटहराहरू भत्काउँदै अतिक्रमणकारीहरूमाथि कारबाई चलाइएको थियो।
आरक्षको सुरक्षार्थ खटिएका नेपाली सेनाको टोलीले बमजनका अनुयायीहरूलाई पटकपटक त्यहाँबाट खेदेको पर्सा वन्यजन्तु आरक्ष आधाभारका प्रमुख संरक्षण अधिकृत युवराज रेग्मीले प्रतिक्रिया दिए।
बमजनका अनुयायीहरू २५ जनाको समूहमा निरन्तर हलखोरियास्थित तपस्यास्थलमा बस्दै आएका र केही अनुयायीहरू बस्ती तथा बजारमा आउने जाने गरेका छन्।
तीन वर्ष पहिले बमजनका अनुयायीहरूले सरकारसँग विभिन्न माग गर्दै प्रदर्शन गरेका थिए। राज्यले सो क्षेत्रलाई धार्मिक वन घोषणा गर्नुपर्ने, तपस्वी बमजनलाई रातो पासपोर्ट उपलब्ध गराउनुपने लगायतका माग राख्दै उनीहरूले सडक अवरोध गरेपछि जिल्ला प्रशासन बारा, जिल्ला वन बाराले उनीहरूलाई त्यहाँबाट हटाएको थियो ।
वनको पालामा पटकपटक फर्किन खोजेका बमजनका अनुयायीहरू आरक्ष विस्तार भएपछि हलखोरिया फर्किएका हुन् ।
हाल पर्सा वन्यजन्तु आरक्ष आधाभारका कर्मचारी र आरक्ष सुरक्षार्थ खटिएका नेपाली सेनाको टोलीले सो क्षेत्रमा गस्ती गर्दै आइरहेका छन् ।
गत मङ्सिर महिनाभरि तपस्वी बमजन अनुयायीहरूका साथ हलखोरिया ज·लमा बसेका थिए । हाल बमजन सिन्धुपाल्चोक जिल्लामा बसेका छन् भने उनका अनुयायीहरूको एउटा समूह हलखोरियामा फर्किएका हुन् ।
पर्सा वन्यजन्तु आरक्षको निषेधित वन क्षेत्रमा तपस्वी भनिएका रामबहादुर बमजनका अनुयायीको चहलपहल बढेको छ। तीन महिनायता बमजनका अनुयायीहरूले चहलपहल बढाएका हुन्।
गत कात्तिक महिनाको तेस्रो सातादेखि एक महिनाका लागि आरक्षले तपस्वी बमजन र उनका अनुयायीलाई धार्मिक कार्य गर्न लिखित सहमति दिएको थियो ।
सोही बहानामा जङगल प्रवेश गरेका अनुयायीहरूलाई निर्धारित समयावधि सकिएको डेढ महिना बितिसक्दा पनि आरक्षले बाहिर निकालेको छैन। हलखोरिया निषेधित क्षेत्रमा बमजनका अनुयायीहरू पाल टाँगेर बसेका छन्। सो स्थलमा निर्मित अढाई तले पक्की भवन उनीहरूले पुन: प्रयोगमा ल्याएका छन्।
बाराको हलखोरिया जङगलस्थित तपस्यास्थलबाट बमजनका अनुयायीहरू बस्तीमा आवतजावत गर्ने गरेका छन्। उनीहरूले गत कात्तिक २५ गतेदेखि हलखोरिया जङगलमा बस्दै आएको बताए । सो क्षेत्रमा अन्य मानिस पस्दा सेना र आरक्षका कर्मचारीले रोक लगाउने र कारबाई गर्ने गरेका छन्।
आरक्ष विस्तार हुनुअघि जिल्ला वन कार्यालयले सो क्षेत्रमा भएको वन अतिक्रमण हटाएको थियो। तपस्वीको नाममा निर्माण गरिएका घरटहराहरू भत्काउँदै अतिक्रमणकारीहरूमाथि कारबाई चलाइएको थियो।
आरक्षको सुरक्षार्थ खटिएका नेपाली सेनाको टोलीले बमजनका अनुयायीहरूलाई पटकपटक त्यहाँबाट खेदेको पर्सा वन्यजन्तु आरक्ष आधाभारका प्रमुख संरक्षण अधिकृत युवराज रेग्मीले प्रतिक्रिया दिए।
बमजनका अनुयायीहरू २५ जनाको समूहमा निरन्तर हलखोरियास्थित तपस्यास्थलमा बस्दै आएका र केही अनुयायीहरू बस्ती तथा बजारमा आउने जाने गरेका छन्।
तीन वर्ष पहिले बमजनका अनुयायीहरूले सरकारसँग विभिन्न माग गर्दै प्रदर्शन गरेका थिए। राज्यले सो क्षेत्रलाई धार्मिक वन घोषणा गर्नुपर्ने, तपस्वी बमजनलाई रातो पासपोर्ट उपलब्ध गराउनुपने लगायतका माग राख्दै उनीहरूले सडक अवरोध गरेपछि जिल्ला प्रशासन बारा, जिल्ला वन बाराले उनीहरूलाई त्यहाँबाट हटाएको थियो ।
वनको पालामा पटकपटक फर्किन खोजेका बमजनका अनुयायीहरू आरक्ष विस्तार भएपछि हलखोरिया फर्किएका हुन् ।
हाल पर्सा वन्यजन्तु आरक्ष आधाभारका कर्मचारी र आरक्ष सुरक्षार्थ खटिएका नेपाली सेनाको टोलीले सो क्षेत्रमा गस्ती गर्दै आइरहेका छन् ।
गत मङ्सिर महिनाभरि तपस्वी बमजन अनुयायीहरूका साथ हलखोरिया ज·लमा बसेका थिए । हाल बमजन सिन्धुपाल्चोक जिल्लामा बसेका छन् भने उनका अनुयायीहरूको एउटा समूह हलखोरियामा फर्किएका हुन् ।