प्रस, वीरगंज, १६ माघ/
शहीद दिवस शनिवार नेपाली काङ्ग्रेस वीरगंज नगरसमितिले विभिन्न कार्यक्रम गरी मनाएको छ।
बिहान नारायणी उपक्षेत्रीय अस्पतालस्थित शहीद थीरबम मल्लको सालिकमा माल्यार्पण गरिएको थियो। कार्यक्रम पार्टीका जिल्ला सभापति एवं सभासद् सुरेन्द्रप्रसाद चौधरीको मुख्य आतिथ्यमा भएको थियो।
सो अवसरमा प्रमुख अतिथि चौधरीले अस्पतालका बिरामीहरूलाई फलफूल वितरण गरेका थिए। शहीद दिवसको अवसरमा नगर कार्यसमितिले नाउक्षे अस्पतालको आकस्मिक कक्षमा आवश्यक इमुलाइजेसन मेसिन १ थान हस्तान्तरण गरेको छ। प्रमुख अतिथि चौधरीले अस्पतालका निमित्त मेसु डा. ऐनामुल हकलाई इमुलाइजेसन मेसिन हस्तान्तरण गरेका थिए।
अस्पताल परिसरबाट शुरू गरिएको मोटरसाइकल र्याली वीरगंज नगर परिक्रमा गरी बहुअरीस्थित शहीद तेजबहादुर अमात्यको सालिकस्थलमा पुगी शहीद अमात्यको सालिकमा माल्यार्पण गरेको थियो।
कार्यक्रमका प्रमुख अतिथि शहीदपुत्र एवं सभासद् राजेन्द्रबहादुर अमात्यलगायतले शहीद अमात्यको सालिकमा माल्यार्पण गरेका थिए। उक्त अवसरमा नेता अमात्यले राणाकालमा प्रजातन्त्र स्थापनाका लागि पिताले खेलेको भूमिकाको चर्चा गरेका थिए।
उनले प्रजातन्त्रमा सबैलाई आफ्नो विचार राख्ने अवसर दिनुपर्ने बताउँदै निषेधको राजनीति नगर्न र प्रजातान्त्रिक अभ्यासमा आआफ्नो दलगत क्रियाकलाप सञ्चालन गर्न उनले मधेसकेन्द्रित दललगायत सबैलाई आग्रह गरे।
कार्यक्रम नेका नगर कार्यसमिति वीरगंजका सभापति महम्मद सहाबुद्दीनको अध्यक्षतामा भएको थियो। सहभागीहरूलाई नेका, पर्सा क्षेत्र नं. २ का क्षेत्रीय अध्यक्ष वीरेन्द्र पटेलले स्वागत गरेका थिए भने कार्यक्रमको सहजीकरण नगर सचिव सन्तोष सिंहले गरेका थिए ।
यसैबीच आन्दोलनरत गठबन्धन र मोर्चाले नेकाको विरोध गरेको थियो। नगर कार्यसमितिले शहीद दिवसको अवसरमा आयोजना गरेको कार्यक्रम समापन हुने बितिकै घण्टाघर चोक र शहीद अमात्यको सालिकस्थल बहुअरीमा मोर्चा र गठबन्धनले प्रदर्शन गरेका थिए । उनीहरूले काङ्ग्रेसविरुद्ध नाराबाजी गरेका थिए। काङ्ग्रेसविरुद्ध आक्रोशित समूहले घण्टाघरमा टायर बालेर प्रदर्शन गरेको थियो।
प्रदर्शनकारी र प्रहरीबीच बहुअरीमा सामान्य झडप भएको थियो। झडपमा केही प्रदर्शनकारी घाइते भएका थिए। प्रदर्शनमा सङ्घीय समावेशी मधेसी गठबन्धन र संयुक्त लोकतान्त्रिक मधेसी मोर्चासँग आबद्ध नेता, कार्यकर्ताहरूको सहभागिता थियो।
शहीद दिवस शनिवार नेपाली काङ्ग्रेस वीरगंज नगरसमितिले विभिन्न कार्यक्रम गरी मनाएको छ।
बिहान नारायणी उपक्षेत्रीय अस्पतालस्थित शहीद थीरबम मल्लको सालिकमा माल्यार्पण गरिएको थियो। कार्यक्रम पार्टीका जिल्ला सभापति एवं सभासद् सुरेन्द्रप्रसाद चौधरीको मुख्य आतिथ्यमा भएको थियो।
सो अवसरमा प्रमुख अतिथि चौधरीले अस्पतालका बिरामीहरूलाई फलफूल वितरण गरेका थिए। शहीद दिवसको अवसरमा नगर कार्यसमितिले नाउक्षे अस्पतालको आकस्मिक कक्षमा आवश्यक इमुलाइजेसन मेसिन १ थान हस्तान्तरण गरेको छ। प्रमुख अतिथि चौधरीले अस्पतालका निमित्त मेसु डा. ऐनामुल हकलाई इमुलाइजेसन मेसिन हस्तान्तरण गरेका थिए।
अस्पताल परिसरबाट शुरू गरिएको मोटरसाइकल र्याली वीरगंज नगर परिक्रमा गरी बहुअरीस्थित शहीद तेजबहादुर अमात्यको सालिकस्थलमा पुगी शहीद अमात्यको सालिकमा माल्यार्पण गरेको थियो।
कार्यक्रमका प्रमुख अतिथि शहीदपुत्र एवं सभासद् राजेन्द्रबहादुर अमात्यलगायतले शहीद अमात्यको सालिकमा माल्यार्पण गरेका थिए। उक्त अवसरमा नेता अमात्यले राणाकालमा प्रजातन्त्र स्थापनाका लागि पिताले खेलेको भूमिकाको चर्चा गरेका थिए।
उनले प्रजातन्त्रमा सबैलाई आफ्नो विचार राख्ने अवसर दिनुपर्ने बताउँदै निषेधको राजनीति नगर्न र प्रजातान्त्रिक अभ्यासमा आआफ्नो दलगत क्रियाकलाप सञ्चालन गर्न उनले मधेसकेन्द्रित दललगायत सबैलाई आग्रह गरे।
कार्यक्रम नेका नगर कार्यसमिति वीरगंजका सभापति महम्मद सहाबुद्दीनको अध्यक्षतामा भएको थियो। सहभागीहरूलाई नेका, पर्सा क्षेत्र नं. २ का क्षेत्रीय अध्यक्ष वीरेन्द्र पटेलले स्वागत गरेका थिए भने कार्यक्रमको सहजीकरण नगर सचिव सन्तोष सिंहले गरेका थिए ।
यसैबीच आन्दोलनरत गठबन्धन र मोर्चाले नेकाको विरोध गरेको थियो। नगर कार्यसमितिले शहीद दिवसको अवसरमा आयोजना गरेको कार्यक्रम समापन हुने बितिकै घण्टाघर चोक र शहीद अमात्यको सालिकस्थल बहुअरीमा मोर्चा र गठबन्धनले प्रदर्शन गरेका थिए । उनीहरूले काङ्ग्रेसविरुद्ध नाराबाजी गरेका थिए। काङ्ग्रेसविरुद्ध आक्रोशित समूहले घण्टाघरमा टायर बालेर प्रदर्शन गरेको थियो।
प्रदर्शनकारी र प्रहरीबीच बहुअरीमा सामान्य झडप भएको थियो। झडपमा केही प्रदर्शनकारी घाइते भएका थिए। प्रदर्शनमा सङ्घीय समावेशी मधेसी गठबन्धन र संयुक्त लोकतान्त्रिक मधेसी मोर्चासँग आबद्ध नेता, कार्यकर्ताहरूको सहभागिता थियो।