काठमाडौं, ११ कातिक/रासस
गणतन्त्र नेपालको दोस्रो राष्ट्रपतिमा नेकपा (एमाले) का उपाध्यक्ष विद्यादेवी भण्डारी निर्वाचित भएकी छन् ।
राष्ट्रपतिका लागि आज भएको निर्वाचनमा भण्डारीलाई ३२७ मत प्राप्त भएको थियो । उनका प्रतिस्पर्धी नेपाली काङ्ग्रेसका पूर्व महामन्त्री कुलबहादुर गुरुङले भने २१४ मत प्राप्त गरे ।
सत्तारूढ गठबन्धनको समर्थनमा भण्डारी नेपालकै पहिलो महिला राष्ट्रपति भएकी छन् ।
मतगणना कार्य सकिएपछि बसेको व्यवस्थापिका–संसद्को बैठकमा सभामुख ओनसरी घर्तीले नेपालको संविधानको धारा २९७ को उपधारा (३) बमोजिम तथा संसद्को अन्तरिम कार्यविधि, २०७२ को दफा ३७ को उपदफा (१) बमोजिम भण्डारी विजयी भएको घोषणा गरिन् ।
सभामुख घर्तीले राष्ट्रपतिमा निर्वाचित भएकोमा संसद् र आफ्नो तर्फबाट भण्डारीलाई बधाई तथा शुभकामना प्रदान गरिन् ।
गत असोज ३ गते संविधानसभाबाट जारी भएको नयाँ संविधान बमोजिम नयाँ राष्ट्रपतिको निर्वाचन भएको हो । उपराष्ट्रपतिको निर्वाचन यही कात्तिक १४ गते हुनेछ ।
नयाँ बानेश्वरस्थित व्यवस्थापिका–संसद्को ल्होत्से हलमा बिहान ११ बजेदेखि मतदान प्रक्रिया शुरु भई दिउँसो २ बजेसम्म चलेको थियो भने त्यसपछि गरिएको गणनाको परिणाम बैठक अघि सभामुखलाई हस्तान्तरण गएिको थियो ।
संसद्मा हाल कायम रहेका ५९७ सांसदमध्ये मतदानमा ५४९ ले भाग लिएका थिए । आन्दोलनरत संयुक्त लोकतान्त्रिक मधेसी मोर्चाका ३५ सांसदले निर्वाचनमा भाग लिएनन् । केही सांसद अनुस्थित भए भने ८ मत बदर भएको थियो ।
गणतन्त्र नेपालको दोस्रो राष्ट्रपतिमा नेकपा (एमाले) का उपाध्यक्ष विद्यादेवी भण्डारी निर्वाचित भएकी छन् ।
राष्ट्रपतिका लागि आज भएको निर्वाचनमा भण्डारीलाई ३२७ मत प्राप्त भएको थियो । उनका प्रतिस्पर्धी नेपाली काङ्ग्रेसका पूर्व महामन्त्री कुलबहादुर गुरुङले भने २१४ मत प्राप्त गरे ।
सत्तारूढ गठबन्धनको समर्थनमा भण्डारी नेपालकै पहिलो महिला राष्ट्रपति भएकी छन् ।
मतगणना कार्य सकिएपछि बसेको व्यवस्थापिका–संसद्को बैठकमा सभामुख ओनसरी घर्तीले नेपालको संविधानको धारा २९७ को उपधारा (३) बमोजिम तथा संसद्को अन्तरिम कार्यविधि, २०७२ को दफा ३७ को उपदफा (१) बमोजिम भण्डारी विजयी भएको घोषणा गरिन् ।
सभामुख घर्तीले राष्ट्रपतिमा निर्वाचित भएकोमा संसद् र आफ्नो तर्फबाट भण्डारीलाई बधाई तथा शुभकामना प्रदान गरिन् ।
गत असोज ३ गते संविधानसभाबाट जारी भएको नयाँ संविधान बमोजिम नयाँ राष्ट्रपतिको निर्वाचन भएको हो । उपराष्ट्रपतिको निर्वाचन यही कात्तिक १४ गते हुनेछ ।
नयाँ बानेश्वरस्थित व्यवस्थापिका–संसद्को ल्होत्से हलमा बिहान ११ बजेदेखि मतदान प्रक्रिया शुरु भई दिउँसो २ बजेसम्म चलेको थियो भने त्यसपछि गरिएको गणनाको परिणाम बैठक अघि सभामुखलाई हस्तान्तरण गएिको थियो ।
संसद्मा हाल कायम रहेका ५९७ सांसदमध्ये मतदानमा ५४९ ले भाग लिएका थिए । आन्दोलनरत संयुक्त लोकतान्त्रिक मधेसी मोर्चाका ३५ सांसदले निर्वाचनमा भाग लिएनन् । केही सांसद अनुस्थित भए भने ८ मत बदर भएको थियो ।