प्रस, वीरगंज, १२ अशोज/
भंसारी छली गरी नेपाल भित्र्याएको कपडा प्रहरीले नियन्त्रणमा लिएको छ। छपकैया नाका हुँदै नेपालतर्फ तस्करहरूले कपडा लिएर आउँदै गरेकोमा प्रहरीको गस्ती टोलीसँग बिहान ५:३० बजे वीरगंज–२ स्थित सडकमा जम्का भेट भएपछि तस्करहरू कपडा छोडेर फरार भएको प्रत्क्षदर्शीहरूले बताएका छन्। ५ वटा प्लास्टिकको बोरामा रहेको अन्दाजी ५० हजार रुपियाँ मूल्य बराबरको कुर्ता सुरुवालको कपडा बरामद गरी भंसार दाखिला गरेको जिल्ला प्रहरी कार्यालय पर्साले जनाएको छ।
भंसार छली भएको बहाना गरी कपडालगायत विभिन्न सामग्रीहरू प्रहरीले पक्राउ गरिरहेकोप्रति वीरगंजका नागरिकहरूले भने आक्रोश व्यक्त गरेका छन्।
जारी आन्दोलनको क्रममा आन्दोलनकारीले सवारी साधन निषेध गर्नुका साथै सामग्रीहरूसमेत लुटपाट गरिरहेको अवस्था र वीरगंज भंसार नाकालगायत छोटी नाकाहरूमा समेत आन्दोलनकारीले धर्ना दिइरहेको बेला प्रहरीले पनि सामान पक्राउ गरेर जनतालाई सास्तिमा पार्न खोजेको उनीहरूको आरोप छ।
वीरगंज–१३ रानीघाट निवासी रामेश्वर तुरहाले प्रहरीप्रति आक्रोश पाख्दै भने–“अलोकप्रिय बन्ने काम प्रहरी आफैंले गर्दैछ। भंसार भए पो भंसार तिरेर ल्याउनु, हिम्मत छ भने प्रहरीले भंसार सुचारु गराउन सक्नुपर्छ, तब पो बिना भन्सारको सामान बरामद गर्न मिल्छ।”
भारतले अघोषित नाकाबन्दी गर्नु र प्रहरीले भारतीय सामान भन्सार नतिरेको बहानामा निषेध गर्नु दुवैले नेपाली जनतालाई समस्यामा पारेको वीरगज––३ निवासी तवरेत अहमदले बताए।
दैनिक उपभोग्य सामानको अभाव बढ्दै गएको अवस्थामा सुरक्षा निकायले यान्त्रिकरूपमा मात्रै नभएर जिम्मेवार तरिकाले प्रस्तुत हुनुपर्ने र यसतर्फ जिल्लाका सुरक्षा अधिकारीहरूको समयमा नै ध्यान जानुपर्ने वीरगंज–१९ निवासी रामएकबाल कहारको भनाइ
छ।
प्रहरी एकाइ नभएका पर्सा बाराको ग्रमीण क्षेत्रहरूमा नाकाभन्दा दायाँ बायाँको क्षेत्रबाट दैनिक उपभोग्य भारतीय सामग्रीहरू नेपाल भित्रिरहेको भए पनि उक्त सामग्री वीरगंजलगायत नगर क्षेत्रमा आउन भने आन्दोलनकारी र प्रहरी दुवैले निषेध गरिरहेको नगरवासीको गुनासो छ।
भंसारी छली गरी नेपाल भित्र्याएको कपडा प्रहरीले नियन्त्रणमा लिएको छ। छपकैया नाका हुँदै नेपालतर्फ तस्करहरूले कपडा लिएर आउँदै गरेकोमा प्रहरीको गस्ती टोलीसँग बिहान ५:३० बजे वीरगंज–२ स्थित सडकमा जम्का भेट भएपछि तस्करहरू कपडा छोडेर फरार भएको प्रत्क्षदर्शीहरूले बताएका छन्। ५ वटा प्लास्टिकको बोरामा रहेको अन्दाजी ५० हजार रुपियाँ मूल्य बराबरको कुर्ता सुरुवालको कपडा बरामद गरी भंसार दाखिला गरेको जिल्ला प्रहरी कार्यालय पर्साले जनाएको छ।
भंसार छली भएको बहाना गरी कपडालगायत विभिन्न सामग्रीहरू प्रहरीले पक्राउ गरिरहेकोप्रति वीरगंजका नागरिकहरूले भने आक्रोश व्यक्त गरेका छन्।
जारी आन्दोलनको क्रममा आन्दोलनकारीले सवारी साधन निषेध गर्नुका साथै सामग्रीहरूसमेत लुटपाट गरिरहेको अवस्था र वीरगंज भंसार नाकालगायत छोटी नाकाहरूमा समेत आन्दोलनकारीले धर्ना दिइरहेको बेला प्रहरीले पनि सामान पक्राउ गरेर जनतालाई सास्तिमा पार्न खोजेको उनीहरूको आरोप छ।
वीरगंज–१३ रानीघाट निवासी रामेश्वर तुरहाले प्रहरीप्रति आक्रोश पाख्दै भने–“अलोकप्रिय बन्ने काम प्रहरी आफैंले गर्दैछ। भंसार भए पो भंसार तिरेर ल्याउनु, हिम्मत छ भने प्रहरीले भंसार सुचारु गराउन सक्नुपर्छ, तब पो बिना भन्सारको सामान बरामद गर्न मिल्छ।”
भारतले अघोषित नाकाबन्दी गर्नु र प्रहरीले भारतीय सामान भन्सार नतिरेको बहानामा निषेध गर्नु दुवैले नेपाली जनतालाई समस्यामा पारेको वीरगज––३ निवासी तवरेत अहमदले बताए।
दैनिक उपभोग्य सामानको अभाव बढ्दै गएको अवस्थामा सुरक्षा निकायले यान्त्रिकरूपमा मात्रै नभएर जिम्मेवार तरिकाले प्रस्तुत हुनुपर्ने र यसतर्फ जिल्लाका सुरक्षा अधिकारीहरूको समयमा नै ध्यान जानुपर्ने वीरगंज–१९ निवासी रामएकबाल कहारको भनाइ
छ।
प्रहरी एकाइ नभएका पर्सा बाराको ग्रमीण क्षेत्रहरूमा नाकाभन्दा दायाँ बायाँको क्षेत्रबाट दैनिक उपभोग्य भारतीय सामग्रीहरू नेपाल भित्रिरहेको भए पनि उक्त सामग्री वीरगंजलगायत नगर क्षेत्रमा आउन भने आन्दोलनकारी र प्रहरी दुवैले निषेध गरिरहेको नगरवासीको गुनासो छ।