प्रस, वीरगंज, १६ जेठ/
वीउमनपा वडा नं. २६ प्रसौनी बिर्तामा उपभोक्ता समिति गठनको विषयलाई लिएर विवाद चर्किएको छ ।
उपभोक्ता समिति गठन गर्नको लागि सम्बन्धित वडा सचिवले मिति र समय तोकी सार्वजनिक सूचना जारी गर्नुपर्ने र सो दिन सरोकारवालाहरू भेला भई उपभोक्ता समिति गठन गर्नुपर्ने व्यवस्था भएपनि राजनीतिकरूपमा दबदबा बनाएका व्यक्तिहरूको दबाबमा उपभोक्ता समिति गठन भएकोले विवाद भएको बताइएको छ ।
सो वडाका सचिव हरेराम चौधरीले सभासद् विचारी यादव आपैंmले कागजीरूपमा उपभोक्ता समिति गठन गरेर आफूसँग हस्ताक्षर गराएको र त्यसको एक महिनापछि मधेसी जनअधिकार फोरम पर्साका अध्यक्ष प्रदीप यादवले पनि अर्को उपभोक्ता समिति दबाबमा गठन गराएको बताएका छन् । सभासद् यादवले आफूखुशी उपभोक्ता समिति गठन गरी हस्ताक्षर गर्न ल्याउँदा आफू नमानेपछि दबाब दिएको वडा सचिव चौधरीले बताए । उनले सभासद्ले आफूखुशी उपभोक्ता समिति बनाएपछि अर्को पक्षले पनि आफूलाई दबाबमा पारी अर्को उपभोक्ता समिति गठन गरेको कारण विवाद भएको प्रस्ट्याए ।
प्रसौनी बिर्तामा संसदीय कोषबाट रु.१५ लाखको लागतमा शौचालय निर्माण, त्यसैगरी १०/१० लाखको लागतमा ग्रेभल सडक निर्माण, ७ लाख लागतको अर्को विकास योजना र जिविसको अनुदानमा रु.३ लाखको योजनाको लागि दुवै पक्षले दबाबमा उपभोक्ता समिति गठन गरेको बताइएको छ ।
उपभोक्ता समिति गठन सम्बन्धमा विवाद भइरहेकै अवस्थामा सभासद् यादवले गठन गरेको उपभोक्ता समितिले अहिले शौचालय, ग्रेभल सडक निर्माणलगायतका कामहरू गर्दै आएको छ । अर्को पक्ष यो कार्यविरुद्ध वीउमनपा, जिविस र जिल्ला प्रशासन कार्यालयमा धाइरहेको छ । सर्वसहमतिमा उपभोक्ता समिति गठन गर्नुपर्नेमा दुई विरोधी पक्षको दबाबमा दुईवटा उपभोक्ता समिति गठन गरेर विवादमा परेका सचिव हरेराम चौधरीलाई ३–४ दिन पहिले वीउमनपाले वडा नं. २६ बाट सरुवा गरी वडा नं. २८ को सचिवको जिम्मेवारी सुम्पेको छ ।
उजुरीकर्तामध्येका जमुनाप्रसाद यावदले गाउँभेला नगरी सरोकारवालाहरूसँग राय परामर्श नगरेर गैरकानुनी ढ·ले उपभोक्ता समिति गठन गरिएकोले सोको विरोध भएको बताएका छन् । उनले वीउमनपा, जिविस र जिल्ला प्रशासन कार्यालयमा दिएको उजुरीमाथि कुनै सुनुवाइ नभएको पनि बताए । यादवले आगामी एक साताभित्र सुनुवाइ नभए सशक्त आन्दोलन गर्ने चेतावनी दिएका छन् ।
उपभोक्ता समिति गठन सम्बन्धमा सभासद् यादवले भने विधिपूर्वक गठन भएको दाबी गरे । उनले समिति गठन भएर तीनवटा काम सम्पन्न हुने अवस्थामा पुगिसकेको पनि बताए ।
समितिमार्फत् भएका कामहरूमा कहीं कसैले औंला उठाउने ठाउँ नरहेको र विरोधको लागि मात्र राजनीतिक विवाद गरिएको सभासद् यादवले बताएका छन् ।
वीउमनपा वडा नं. २६ प्रसौनी बिर्तामा उपभोक्ता समिति गठनको विषयलाई लिएर विवाद चर्किएको छ ।
उपभोक्ता समिति गठन गर्नको लागि सम्बन्धित वडा सचिवले मिति र समय तोकी सार्वजनिक सूचना जारी गर्नुपर्ने र सो दिन सरोकारवालाहरू भेला भई उपभोक्ता समिति गठन गर्नुपर्ने व्यवस्था भएपनि राजनीतिकरूपमा दबदबा बनाएका व्यक्तिहरूको दबाबमा उपभोक्ता समिति गठन भएकोले विवाद भएको बताइएको छ ।
सो वडाका सचिव हरेराम चौधरीले सभासद् विचारी यादव आपैंmले कागजीरूपमा उपभोक्ता समिति गठन गरेर आफूसँग हस्ताक्षर गराएको र त्यसको एक महिनापछि मधेसी जनअधिकार फोरम पर्साका अध्यक्ष प्रदीप यादवले पनि अर्को उपभोक्ता समिति दबाबमा गठन गराएको बताएका छन् । सभासद् यादवले आफूखुशी उपभोक्ता समिति गठन गरी हस्ताक्षर गर्न ल्याउँदा आफू नमानेपछि दबाब दिएको वडा सचिव चौधरीले बताए । उनले सभासद्ले आफूखुशी उपभोक्ता समिति बनाएपछि अर्को पक्षले पनि आफूलाई दबाबमा पारी अर्को उपभोक्ता समिति गठन गरेको कारण विवाद भएको प्रस्ट्याए ।
प्रसौनी बिर्तामा संसदीय कोषबाट रु.१५ लाखको लागतमा शौचालय निर्माण, त्यसैगरी १०/१० लाखको लागतमा ग्रेभल सडक निर्माण, ७ लाख लागतको अर्को विकास योजना र जिविसको अनुदानमा रु.३ लाखको योजनाको लागि दुवै पक्षले दबाबमा उपभोक्ता समिति गठन गरेको बताइएको छ ।
उपभोक्ता समिति गठन सम्बन्धमा विवाद भइरहेकै अवस्थामा सभासद् यादवले गठन गरेको उपभोक्ता समितिले अहिले शौचालय, ग्रेभल सडक निर्माणलगायतका कामहरू गर्दै आएको छ । अर्को पक्ष यो कार्यविरुद्ध वीउमनपा, जिविस र जिल्ला प्रशासन कार्यालयमा धाइरहेको छ । सर्वसहमतिमा उपभोक्ता समिति गठन गर्नुपर्नेमा दुई विरोधी पक्षको दबाबमा दुईवटा उपभोक्ता समिति गठन गरेर विवादमा परेका सचिव हरेराम चौधरीलाई ३–४ दिन पहिले वीउमनपाले वडा नं. २६ बाट सरुवा गरी वडा नं. २८ को सचिवको जिम्मेवारी सुम्पेको छ ।
उजुरीकर्तामध्येका जमुनाप्रसाद यावदले गाउँभेला नगरी सरोकारवालाहरूसँग राय परामर्श नगरेर गैरकानुनी ढ·ले उपभोक्ता समिति गठन गरिएकोले सोको विरोध भएको बताएका छन् । उनले वीउमनपा, जिविस र जिल्ला प्रशासन कार्यालयमा दिएको उजुरीमाथि कुनै सुनुवाइ नभएको पनि बताए । यादवले आगामी एक साताभित्र सुनुवाइ नभए सशक्त आन्दोलन गर्ने चेतावनी दिएका छन् ।
उपभोक्ता समिति गठन सम्बन्धमा सभासद् यादवले भने विधिपूर्वक गठन भएको दाबी गरे । उनले समिति गठन भएर तीनवटा काम सम्पन्न हुने अवस्थामा पुगिसकेको पनि बताए ।
समितिमार्फत् भएका कामहरूमा कहीं कसैले औंला उठाउने ठाउँ नरहेको र विरोधको लागि मात्र राजनीतिक विवाद गरिएको सभासद् यादवले बताएका छन् ।
