प्रस, वीरगंज, १६ जेठ/
वीरगंज उपमहानगरपालिका कार्यालयले सडक बोर्डको एक करोड बजेटमा उपभोक्ता समितिमार्फत् ६ ठाउँमा कालोपत्रे काम शुरू गरेको छ । केही महिना पहिले वीउमनपाले आह्वान गरेको टेन्डर प्रक्रियाको विकास योजनामा प्रतिस्पर्धा भई वीउमनपालाई रकम बचत भएको र सो रकमसमेत सडक बोर्डको एक करोड बजेटमा मिलान गरी उपभोक्ता समितिमार्फत् ६ ठाउँमा कालोपत्रे काम शुरू गरिएको योजना अधिकृत प्रकाशमान सिंहले बताए ।
उनले आदर्शनगर क्षेत्रको कैलाश होटलदेखि सिटिजन बैंकसम्म ४० एमएमको कालोपत्रे निर्माण भइरहेको बताए । उनले वडा नं. १० को दुई स्थान, वडा नं. ३ को एक स्थान, वडा नं. २२ को एक स्थान र घण्टाघर–बसपार्क लिड्ढरोडमा २० एमएमको कालोपत्रे काम भइरहेको बताए ।
वीउमनपाका कार्यकारी अधिकृत विष्णु कोइरालाले यसअघि आव २०७१/०७२ को बाँकी योजनाका कामहरू टेन्डरबाट हुने घोषणा गरेका थिए । सोविपरीत अहिले करोडौं लागतका कामहरू उपभोक्ता समितिमार्फत् भइरहेको छ ।
त्यस्तै कार्यकारी अधिकृत कोइरालाले वीउमनपाले निर्माण गर्ने कालोपत्रे ४० एमएमभन्दा कमको नहुने सार्वजनिक घोषणा गर्नुका साथै योजनाहरूको काममा पारदर्शिता अपनाइने दाबी पनि गरेका थिए । तर अहिले टेन्डर र उपभोक्ता समितिमार्फत् आर्थिक वर्षको अन्त्यमा वीउमनपामार्फत् भइरहेका विकास योजनाहरूमा पूर्व घोषणाअनुरूप कार्य भइरहेको छैन ।
वीउमनपाका योजना अधिकृत सिंहले आर्थिक वर्षको अन्तिम समय भएकोले टेन्डर प्रक्रियाबाट काम गर्दा समय अपुग हुने र बजेट फ्रिज हुन सक्ने सम्भावना भएकोले उपभोक्ता समितिमार्फत् कार्य गर्नुपरेको बताए । उनले घोषित योजनाहरूको काम गर्दा सम्बन्धित उपभोक्ता समिति र ठेकेदारलाई पारदर्शिताको लागि सूचित गरिसकेको पनि बताएका छन् ।
वीरगंज उपमहानगरपालिका कार्यालयले सडक बोर्डको एक करोड बजेटमा उपभोक्ता समितिमार्फत् ६ ठाउँमा कालोपत्रे काम शुरू गरेको छ । केही महिना पहिले वीउमनपाले आह्वान गरेको टेन्डर प्रक्रियाको विकास योजनामा प्रतिस्पर्धा भई वीउमनपालाई रकम बचत भएको र सो रकमसमेत सडक बोर्डको एक करोड बजेटमा मिलान गरी उपभोक्ता समितिमार्फत् ६ ठाउँमा कालोपत्रे काम शुरू गरिएको योजना अधिकृत प्रकाशमान सिंहले बताए ।
उनले आदर्शनगर क्षेत्रको कैलाश होटलदेखि सिटिजन बैंकसम्म ४० एमएमको कालोपत्रे निर्माण भइरहेको बताए । उनले वडा नं. १० को दुई स्थान, वडा नं. ३ को एक स्थान, वडा नं. २२ को एक स्थान र घण्टाघर–बसपार्क लिड्ढरोडमा २० एमएमको कालोपत्रे काम भइरहेको बताए ।
वीउमनपाका कार्यकारी अधिकृत विष्णु कोइरालाले यसअघि आव २०७१/०७२ को बाँकी योजनाका कामहरू टेन्डरबाट हुने घोषणा गरेका थिए । सोविपरीत अहिले करोडौं लागतका कामहरू उपभोक्ता समितिमार्फत् भइरहेको छ ।
त्यस्तै कार्यकारी अधिकृत कोइरालाले वीउमनपाले निर्माण गर्ने कालोपत्रे ४० एमएमभन्दा कमको नहुने सार्वजनिक घोषणा गर्नुका साथै योजनाहरूको काममा पारदर्शिता अपनाइने दाबी पनि गरेका थिए । तर अहिले टेन्डर र उपभोक्ता समितिमार्फत् आर्थिक वर्षको अन्त्यमा वीउमनपामार्फत् भइरहेका विकास योजनाहरूमा पूर्व घोषणाअनुरूप कार्य भइरहेको छैन ।
वीउमनपाका योजना अधिकृत सिंहले आर्थिक वर्षको अन्तिम समय भएकोले टेन्डर प्रक्रियाबाट काम गर्दा समय अपुग हुने र बजेट फ्रिज हुन सक्ने सम्भावना भएकोले उपभोक्ता समितिमार्फत् कार्य गर्नुपरेको बताए । उनले घोषित योजनाहरूको काम गर्दा सम्बन्धित उपभोक्ता समिति र ठेकेदारलाई पारदर्शिताको लागि सूचित गरिसकेको पनि बताएका छन् ।