आज बिहान ११:५५ देखि शुरु भएको भूकम्पले देशमा क्षति पुर्याए पनि अन्य जिल्लाको तुलनामा पर्सा जिल्लामा सामान्य क्षति पुर्याएको छ ।
आएको भुइँचालोबाट वीरगंजलगायत ग्रामीण क्षेत्र केही समयको लागि त्रस्त बनेको थियो । घरबाट बाहिर निस्केर नगर तथा गाउँका मानिस सडकमा आएका थिए । जिल्ला प्रहरी कार्यालय पर्सा, सीमा सुरक्षा कार्यालय पर्सा तथा जिल्ला प्रशासन कार्यालय पर्सा अहिलेसम्म भुइँचालोबाट क्षति भए/नभएको अनुगमन कार्यमा जुटेका छन् । दैवी प्रकोप उद्धार समितिले पर्सा जिल्लाको हकमा भुइँचालोबाट भएको क्षति सड्ढलन कार्य शुरु गरेको जनाएको छ ।
हामीलाई प्राप्त जानकारी अनुसार हरिहरपुर–५ निवासी ठाकुरप्रसाद कुर्मीको भुइँचालोको समयमा ज्यान गएको छ । गाउँमा पञ्चायती गरिरहेको बेला आएको भुइँचालोको डरले ह्दयाघात भई उनी लडेका र मृत्यु भएको इलाका प्रहरी कार्यालय, ल·डीले जनाएको छ ।
भुइँचालोबाट घाइते भएका २० जनाभन्दा बढीको नारायणी उपक्षेत्रीय अस्पतालमा उपचार भइरहेको छ । पर्सा जिल्लाको हकमा सबभन्दा बढी निगरानीमा रहेको जिल्ला कारागारमा क्षति नभएको समाचार प्राप्त भएको छ ।
भुइँचालो आएपछि नारायणी उपक्षेत्रीय अस्पतालमा उपचार गराइरहेका रोगीहरू र चिकित्सकहरू बाहिर आएका थिए । अधिकांश बिरामीको उपचार अस्पतालअगाडि चौरमा भइरहेको छ । अपरेसन थिएटरबाट भिस्वा–८ का उद्देश्य पटेलकोका पाँच वर्षीय छोरालाई अपरेसन पूरा हुनुअगावै अचेत अवस्था बाहिर निकालिएको थियो भने दुईजना महिलाको बाटैमा छेकबार गरी प्रसूति गराइएको थियो । अस्पताल स्रोतका अनुसार पर्सा जिल्लाका विभिन्न ठाउँमा पर्खाल तथा छतबाट कुदेर घाइते भएका व्यक्तिहरूको उपचार भएको थियो ।
घाइते हुनेमा विन्ध्यवासिनीका राजमतीदेवी बरइन, पूजादेवी बरइन, अपौनीका गुलरिया देवी, अवधेश कुमार, बारा दहियार–३ निवासी शिवकुमार राम, उमजन–३ की फूलादेवी,
जगरनाथपुर–८ का ज·बहादुर श्रेष्ठ घाइते भएका र उनीहरूको उपचार नाउक्षेमा भइरहेको छ । भूकम्पका घाइतेहरूलाई मधेसी जनअधिकार फोरम नेपालले आज राहत वितरण गरेको छ ।
मजफो नेपालका अध्यक्ष प्रदीप यादवको नेतृत्वमा गएको टोलीले बिरामी तथा कुरुवालाई टेन्ट गाडी राहत वितरण गरेको थियो । राहत वितरण कार्यक्रममा प्रमुख जिल्ला अधिकारी केशवराज घिमिरेसमेत उपस्थित थिए ।
भुइँचालोबाट अञ्चल प्रहरी कार्यालयको पर्खाल, विश्रामपुर–५ पिपराटोलका वीरबहादुर पटेल, डोमा पटेल, हरिहरपुर–८ गुलरिया टोलको दर्शनराउत कुर्मी, केदार राउत कुर्मी, द्वारिका राउतकुर्मीको पक्की घरमा क्षति पुगेको छ । त्यसैगरी नेरा निमावि बगवन्नाको पर्खाललगायत घर भत्केको छ ।
भुइँचालो आएको बेला तत्काल सयौंको सङ्ख्यामा सशस्त्र प्रहरी तथा नेपाल प्रहरी सडकमा खटी नागरिकलाई आश्वस्त पारेका थिए भने मातहतमा रहेका सम्पूर्ण सुरक्षा निकायलाई भुइँचालोबाट भएको क्षति सड्ढलन गर्न खटाएको जनाइएको छ ।
महिलाको मृत्यु
प्रमोद यादव, र·पुर/
लालपर्सा–७ निवासी रामईश्वर ठाकुरकी पत्नी ४५ वर्षीया कलावती देवीको भूकम्पको कारण मृत्यु भएको छ । भूकम्प आएदेखि नै त्रासित र थरथराइरहेकी कलावतीको साँझ ६:३० बजे पुन: भूकम्पको धक्का आएपछि ह्दयघातबाट मृत्यु भएको आफन्तजनले बताएका छन् ।
शौचालय गएको बेला भूकम्पले धक्का दिंदा उनी आत्तिएर शौचालयभित्रै ढलेकी थिइन् । ११:५५ को भूकम्पपछि पटकपटक झस्किने र तर्सिने गरिरहेकी कलावतीको अकस्मात् मृत्यु भएको प्रहरीचौकी परवानीपुरका प्रनानि जयराम यादवले बताएका छन् ।
निर्मलबस्ती निवासीको काठमाडौंमा मृत्यु
पप्पु सुमन, पोखरिया/
निर्मलबस्ती गाविस स्थायी घर भई काठमाडौंमा रोजगारी गर्नेमध्ये भूकम्पका कारण चारजनाको मृत्यु भएको खबर छ । मृत्यु भएकामध्ये निर्मलबस्ती–४ निवासी २७ वर्षीय विक्रम लामा र उनकी दुई वर्षीया छोरीको पहिचान भइसकेको छ भने अन्यको पहिचान हुन बाँकी छ । उनीहरू सीतापाइलास्थित पाँच तले घरमा डेरा गरिबसेकोमा सो घरको जगसमेत उखेलिएर ढलेको लामाका आफन्तजनहरूले बताएका छन् । पाँच तले घरले च्यापिएर सो नजिकैको अर्को एउटा सानो घर पनि भत्किएको छ । उक्त घरभित्र कतिजना पर्सेलीहरू थिए भन्ने यकिन छैन । राति १२ बजेसम्म उनीहरूको उद्धार जारी रहेको काठमाडौं प्रहरीले जनाएको छ । पाँच तले घरमैं रहेका दशजनाभन्दा बढीको मृत्यु भएको र त्यसमा चारजनाभन्दा बढी निर्मलबस्तीको बासिन्दा परेका भएपनि उनीहरूको नाम खुलेका छैनन् ।
भूकम्पकै कारण निर्मलबस्ती–८ स्थित निर्माणाधीन खानेपानी ट्याड्ढी भत्किएको छ । सोही टोलमा एउटा घर भत्किएको र मानवीय क्षति भने नभएको स्थानीय प्रहरीले जनाएको छ ।
धारामा आपैंm पानी आयो
प्रमोद यादव, र·पुर/
बितेको चार/पाँच वर्षदेखि पानी सुकेको चापाकलमा शनिवार आपैंm पानी निस्किएको छ । भूकम्पको प्रभावको कारण उक्त धाराहरूमा स्वस्फूर्त पानी निस्किएका हुन् । सखुवा प्रसौनी, गादी, बिरुवागुठी, पटेर्वा सुगौली, बागवन्नालगायतका गाविसमा गाडिएको चापाकलमा यसरी पानी आउन थालेको हो । उक्त क्षेत्रका करिब ५ सयवटा चापाकलमा आपैंm पानी आउन थालेको सो क्षेत्रका बासिन्दाहरूले बताएका छन् ।
चापाकल गाड्ने बेलामा आर्टिजनयुक्त ‘आपैंm पानी आउने’ उक्त चापाकलहरू बीचमा सुकेर बितेको ४–५ वर्षदेखि पम्प चलाएपछि मात्रै पानी आउने गरेको थियो ।
जमिन फाटेर पानीको फोहरा
गादी–६ बेलवास्थित रामकृष्ण चौधरीको खेत चिरा परेर पानीको फोहरा बाहिर निस्किएको छ । चौधरीको डेढ बिघा खेतमा १५ ठाउँभन्दा बढी जमिन फाटेर पानी बाहिर फ्याँकिएका छन् । यसरी बाहिर निस्किरहेको पानी जेनेरेटर लगाएर तानेको भन्दा पनि ठूलो छ । प्रत्येक ठाउँ १० मिटरभन्दा लामो चिरा परेको छ । पानीसँगै बालुवा पनि बाहिर निस्किरहेको छ । यसैगरी चोर्नी गाविसको टेडामा पनि जमिन फाटेर पानी निस्किएको थियो । सो पानी ३–४ घण्टापछि बन्द भएको त्यहाँका बासिन्दाहरूले बताएका छन् ।
घर भत्कियो
भूकम्पबाट सखुवा प्रसौनी–३ का जगदीश महतो, महादेव महतो र तपेन्द्र महतोको पक्की घर भत्किएको छ । त्यसैगरी बिरुवागुठी–१ झबराहाँस्थित लक्ष्मी लामाको काठको घर पनि भत्किएको छ ।
बहुअरी पिडारीस्थित ज्ञानकुञ्ज इ·लिश बोर्डिङ स्कूलको सम्पूर्ण पर्खाल भत्किएर भुइँमा लडेको छ । उदयपुरघुर्मीस्थित रवि इँटा उद्योगको चिमनी भाँचिएको छ भने देवरवाना–६ स्थित जोगेन्द्र साह र हरपुर–९ स्थित लक्ष्मी यादवको घर भत्किएको छ । उदयपुर निवासी सलाउद्दीन आलमको घरभित्रको धानको भकारी भत्कँदा उनकी ६ वर्षीया छोरी मञ्जिरा खातुन घाइते भएकी छन् । घाइते बालिकाको नारायणी उपक्षेत्रीय अस्पताल वीरगंजमा उपचार भइरहेको छ ।
