बाराको पथलैयास्थित मध्य क्षेत्रीय सशस्त्र प्रहरी बल मुख्यालय रुद्रवाहिनीमा शुक्रवार दुई दिने क्षेत्रीय गोष्ठी शुरू भएको छ ।
शान्ति सुरक्षाका साथै अपराध नियन्त्रणका लागि सा·ठनिक योजना बनाउनका लागि गोष्ठी शुरू भएको हो । गोष्ठीमा वाहिनी मातहत रहेका चार गण, आठ सीमा सुरक्षा कार्यालय, सात गुल्म, ३९ वटा बोर्डर आउट पोस्ट र ६५ वटा सुरक्षा बेस क्याम्पका प्रमुखहरूको सहभागिता छ ।
गोष्ठीको उद्घाटन वाहिनीपति सशस्त्र प्रहरी नायब महानिरीक्षक शैलेन्द्र खनालले गरेका थिए । गोष्ठीको उद्घाटन गर्दै उनले स·ठनको कामलाई थप प्रभावकारी बनाउनका लागि गोष्ठीको आयोजना गरिएको बताए । समाजमा हुने हरेक किसिमका अपराध न्यूनीकरणका साथै सीमा क्षेत्रमा भइरहेका राजस्व चुहावट, भ्रष्टाचार र हिंसा नियन्त्रण गर्नका लागि पनि गोष्ठीमा छलफल हुने बताए ।
वाहिनी मातहत रहेका विभिन्न एकाइबीचको सम्बन्ध र सूचना आदानप्रदानका लागि पनि गोष्ठीले सघाउ पुर्याउने उनले बताए । खनालले आपराधिक गतिविधि र स·ठनको जिम्मेवारीलाई पूरा गर्नका लागि कुनै कसर बाँकी नराख्नसमेत एकाइ प्रमुखहरूलाई निर्देशन दिएका थिए । खनालले स·ठनभित्र रहेर उत्कृष्ट काम गर्नेलाई पुरस्कृत गर्दै हौसला प्रदान गर्ने र नीतिविपरीत काम गर्नेलाई तत्काल कारबाई गरी त्यस्ता कामलाई निरुत्साहित बनाउन आफू प्रतिबद्ध रहेको बताए ।
सशस्त्र वरिष्ठ प्रहरी उपरीक्षक मन्दीप श्रेष्ठले स·ठनभित्रको कामकारबाईलाई चुस्त बनाउन गोष्ठीले योजना बनाउने बताए । उनले समाजलाई अपराधमुक्त बनाउनुका साथै भ्रष्टाचार र चोरीतस्करी नियन्त्रणका लागि स·ठनले गर्दै आएको कामको समीक्षा र थप योजनाका विषयमा गोष्ठीमा छलफल हुने बताए । कार्यक्रममा स्वागत मन्तव्य राख्दै सशस्त्र प्रहरी उपरीक्षक वंशीराज दहालले क्षेत्रीयस्तरको गोष्ठीले स·ठनको कामलाई थप प्रभावकारी बनाउनेमा आफू ढुक्क रहेको बताए ।
गोष्ठीको उद्घाटन कार्यक्रममा मध्य क्षेत्रबाट सर्वोत्कृष्ट ठहरिएका प्रहरी नायब निरीक्षक अम्मरबहादुर घर्तीमगर र प्रहरी जवान कृष्णलाल श्रेष्ठलाई पुरस्कृत गरिएको थियो । वाहिनी मातहत रहेर उत्कृष्ट काम गर्ने १२ वटा एकाइलाई नायब महानिरीक्षक खनालले प्रशंसापत्र प्रदान गरेका थिए ।
कार्यक्रमकै अवसर पारी कार्यालयले मध्य क्षेत्र अन्तर्गत रहेका एकाइले तीन महिनाभित्र छ करोड ७८ लाख बराबरको अवैध सामान र ५० लाख मूल्य बराबरको काठ बरामद गरेको विवरण सार्वजनिक गरेको थियो ।
