प्रस, वीरगंज, १४ पुस/
नेकपा–माओवादी निकट क्रान्तिकारी पत्रकार महासङ्घ, पर्साको अगुवा भेला आज वीरगंजमा सम्पन्न भयो।
भेलाले नेपाल पत्रकार महासङ्घको सदस्यताका लागि जिल्लामा देखिएको विवाद, आवेदक पत्रकारहरूको आन्दोलन र सहमतिबारे समीक्षा गरेको छ।
सदस्यता प्रदानका लागि महासङ्घको शाखाले केन्द्रमा सिफारिस गर्ने नामहरूमा महासङ्घ, पर्सा शाखा र सिफारिसका लागि गठित समिति संवेदनशील हुनुपर्नेमा भेलाले जोड दिएको छ।
व्यावसायिक पत्रकारिताको मर्म र धर्मलाई केन्द्रबिन्दुमा राखेर सक्रिय र मापदण्ड पुगेका सञ्चारकर्मीहरूको नाम मात्र सिफारिस गर्नुपर्नेमा भेलाले जोड दिएको छ। आफ्नो–पराई भेदभाव नगरी क्रियाशीलताको आधारमा निष्पक्ष किसिमले सिफारिस गर्न समिति र शाखालाई क्रान्तिकारी महासङ्घले सुझाव दिएको छ। पक्षपातपूर्ण व्यवहार भएमा समस्या निम्तिने भन्दै महासङ्घको भेलाले त्यसतर्फ सचेत गराएको सङगठनका केन्द्रीय सदस्य सरोज खड्काले जानकारी दिएका छन्।
क्रान्तिकारी महासङ्घ, पर्साका सहसंयोजक जगरनाथ साहको सभापतित्व एवं सदस्य राधेश्याम पटेलको सहजीकरणमा सम्पन्न भेलाले पर्सेली सञ्चारकर्मीहरूको हक अधिकार र नेपाल पत्रकार महासङ्घको सदस्यता प्राप्तिका लागि महासङ्घको केन्द्रमा पहल गर्न तीन सदस्यीय दबाब समिति गठन गरेको छ।
गठित समितिको अध्यक्षमा सरोज खड्का एवं सदस्यहरूमा सङगठनका जिल्ला संयोजक प्रताप श्रेष्ठ र केशव अधिकारी रहेका छन्।
गठित समितिले क्रान्तिकारी पत्रकार महासङ्घ निकट रही नेपाल पत्रकार महासङ्घको केन्द्रीय समितिमा सहभागी पदाधिकारी तथा सदस्यहरूसँग समन्वय गरी आवेदक सञ्चारकर्मीहरूलाई सदस्यता दिलाउन पहल गर्ने बताइएको छ।
सक्रिय सञ्चारकर्मीहरूलाई सदस्यताबाट वञ्चित नगर्न र अधिकार प्राप्तिका लागि जिल्लास्थित सञ्चार सम्बद्ध अन्य सङ्घ सङगठनहरूले पनि आआफ्नो सञ्जालमार्फत् केन्द्रमा दबाब दिनुपर्ने सम्पन्न भेलाले ठहर गरेको छ।
नेकपा–माओवादी निकट क्रान्तिकारी पत्रकार महासङ्घ, पर्साको अगुवा भेला आज वीरगंजमा सम्पन्न भयो।
भेलाले नेपाल पत्रकार महासङ्घको सदस्यताका लागि जिल्लामा देखिएको विवाद, आवेदक पत्रकारहरूको आन्दोलन र सहमतिबारे समीक्षा गरेको छ।
सदस्यता प्रदानका लागि महासङ्घको शाखाले केन्द्रमा सिफारिस गर्ने नामहरूमा महासङ्घ, पर्सा शाखा र सिफारिसका लागि गठित समिति संवेदनशील हुनुपर्नेमा भेलाले जोड दिएको छ।
व्यावसायिक पत्रकारिताको मर्म र धर्मलाई केन्द्रबिन्दुमा राखेर सक्रिय र मापदण्ड पुगेका सञ्चारकर्मीहरूको नाम मात्र सिफारिस गर्नुपर्नेमा भेलाले जोड दिएको छ। आफ्नो–पराई भेदभाव नगरी क्रियाशीलताको आधारमा निष्पक्ष किसिमले सिफारिस गर्न समिति र शाखालाई क्रान्तिकारी महासङ्घले सुझाव दिएको छ। पक्षपातपूर्ण व्यवहार भएमा समस्या निम्तिने भन्दै महासङ्घको भेलाले त्यसतर्फ सचेत गराएको सङगठनका केन्द्रीय सदस्य सरोज खड्काले जानकारी दिएका छन्।
क्रान्तिकारी महासङ्घ, पर्साका सहसंयोजक जगरनाथ साहको सभापतित्व एवं सदस्य राधेश्याम पटेलको सहजीकरणमा सम्पन्न भेलाले पर्सेली सञ्चारकर्मीहरूको हक अधिकार र नेपाल पत्रकार महासङ्घको सदस्यता प्राप्तिका लागि महासङ्घको केन्द्रमा पहल गर्न तीन सदस्यीय दबाब समिति गठन गरेको छ।
गठित समितिको अध्यक्षमा सरोज खड्का एवं सदस्यहरूमा सङगठनका जिल्ला संयोजक प्रताप श्रेष्ठ र केशव अधिकारी रहेका छन्।
गठित समितिले क्रान्तिकारी पत्रकार महासङ्घ निकट रही नेपाल पत्रकार महासङ्घको केन्द्रीय समितिमा सहभागी पदाधिकारी तथा सदस्यहरूसँग समन्वय गरी आवेदक सञ्चारकर्मीहरूलाई सदस्यता दिलाउन पहल गर्ने बताइएको छ।
सक्रिय सञ्चारकर्मीहरूलाई सदस्यताबाट वञ्चित नगर्न र अधिकार प्राप्तिका लागि जिल्लास्थित सञ्चार सम्बद्ध अन्य सङ्घ सङगठनहरूले पनि आआफ्नो सञ्जालमार्फत् केन्द्रमा दबाब दिनुपर्ने सम्पन्न भेलाले ठहर गरेको छ।
