म एक देशभक्त र स्वाभिमानी नेपाली हुँ । त्यसैले आफ्नो देश र देशको राजनीतिक अवस्थाबारे जानकारी राख्नु मेरो कर्तव्य पनि हुन आउँछ । पछिल्लो समय संविधानसभा निर्वाचनको प्रारम्भिक मत परिणाम सार्वजनिक हुँदै गर्दा नेकपा–माओवादीभित्र निर्वाचनमा जान चाहने कमरेडहरूलाई निर्वाचनमा जान नचाहने कमरेडहरूले प्रशन्न मुद्रामा भन्दै थिए– देख्नुभयो त कमरेड प्रचण्डको त यो हाल भयो हाम्रो के हाल हुन्थ्यो ? वास्तवमा ती कमरेड एकदम सही भन्दै थिए । यदि नेकपा–माओवादी निर्वाचनमा गएको भए यही निर्वाचनबाटै सिद्धिन्थ्यो । त्यसैले अहिले उनीहरू जोगिएका छन् । एक किसिमले यो उनीहरूको राजनीतिक जीत नै मान्नुपर्छ ।
अर्कोतिर निर्वाचन सम्पन्न भएपछि यसलाई ऐतिहासिक र जनतालाई साहसिक भनेर धन्यवाद दिने एमाओवादी र केही मधेसवादी दल निर्वाचनको प्रारम्भिक मत परिणाम आफ्नो प्रतिकूल हुँदै जाँदा हतारहतार हताश मनस्थितिमा पत्रकार सम्मेलन गर्न तम्सिए र लाज पचाएर नेपाली जनतासामु फेरि एकपटक झूट बोले । उनीहरूको त्यो लाजमर्दो कुकृत्य नेपाली जनताले टेलिभिजनमा हेर्दै गर्दा धेरैले त हाँसेर उडाए भने केही दु:खी पनि भए । तर, मैले प्रचण्डले पहिले हतियार खोलाले बगाएको भनेको कुरा सम्झें र यसलाई पनि त्यही शृङ्खलासँग जोडें । जुन पनि नराम्रो कार्यको शुरुआत माओवादीबाटै भएको कुरा साँच्चिकै लाग्यो किनकि अहिलेसम्मकै स्वच्छ र निष्पक्ष निर्वाचनमा हारेपछि मत परिणाम नै नस्विकार्ने शुरुआत पनि माओवादीबाटै भयो र मधेसवादी दलले पनि यसैको सिको गरे । यसो हुँदै गर्दा आम जनमानसमा एउटा चोटिलो प्रश्न उब्जेको छ । के अब राजनीति लाज नभएकाहरूका लागि मात्र हो ? राम्रा र सभ्यहरूका लागि राजनीतिमा कुनै ठाउँ छैन ?
अघिल्लो चुनावमा वृद्धवृद्धा, विदेश गएका, मरेका मानिसका नाममा मत हालेर माओवादीले जित्दा, अनि मधेसमा पहाडी र मधेसीको साम्प्रदायिक भावना जगाएर मधेसी दलले जित्दा काङ्ग्रेस र एमालेले सबै थाहा पाएर पनि हाँसी–हाँसी स्विकारेको एमाओवादीले कसरी बिर्सन सकेको ? अहोरात्र खटेर चुनाव सम्पन्न गराएका सुरक्षा निकाय र निर्वाचन आयोग, अनि ज्यानको जोखिम मोलेर मत खसाउन गएका मजस्ता नेपालीलाई गलत आक्षेप लगाएर अपमान गर्ने अधिकार एमाओवादीलाई कदापि छैन ।
एमाओवादीलाई विदेशीले होइन, मजस्ता नेपालीले हराएको हो ।
त्यसैले अहिले नेपाली जनताले दिएको जिम्मेवारी कम भए पनि स्वीकार गर र आफ्नो जिम्मेवारी पूरा गरेर जनताको मन जित । अर्को चुनावमा नेपाली जनताले पक्कै जिताउने छ नत्र बढारिएर जान बेर छैन ।
– हरि पन्त, प्रगतिनगर, वीरगंज
अर्कोतिर निर्वाचन सम्पन्न भएपछि यसलाई ऐतिहासिक र जनतालाई साहसिक भनेर धन्यवाद दिने एमाओवादी र केही मधेसवादी दल निर्वाचनको प्रारम्भिक मत परिणाम आफ्नो प्रतिकूल हुँदै जाँदा हतारहतार हताश मनस्थितिमा पत्रकार सम्मेलन गर्न तम्सिए र लाज पचाएर नेपाली जनतासामु फेरि एकपटक झूट बोले । उनीहरूको त्यो लाजमर्दो कुकृत्य नेपाली जनताले टेलिभिजनमा हेर्दै गर्दा धेरैले त हाँसेर उडाए भने केही दु:खी पनि भए । तर, मैले प्रचण्डले पहिले हतियार खोलाले बगाएको भनेको कुरा सम्झें र यसलाई पनि त्यही शृङ्खलासँग जोडें । जुन पनि नराम्रो कार्यको शुरुआत माओवादीबाटै भएको कुरा साँच्चिकै लाग्यो किनकि अहिलेसम्मकै स्वच्छ र निष्पक्ष निर्वाचनमा हारेपछि मत परिणाम नै नस्विकार्ने शुरुआत पनि माओवादीबाटै भयो र मधेसवादी दलले पनि यसैको सिको गरे । यसो हुँदै गर्दा आम जनमानसमा एउटा चोटिलो प्रश्न उब्जेको छ । के अब राजनीति लाज नभएकाहरूका लागि मात्र हो ? राम्रा र सभ्यहरूका लागि राजनीतिमा कुनै ठाउँ छैन ?
अघिल्लो चुनावमा वृद्धवृद्धा, विदेश गएका, मरेका मानिसका नाममा मत हालेर माओवादीले जित्दा, अनि मधेसमा पहाडी र मधेसीको साम्प्रदायिक भावना जगाएर मधेसी दलले जित्दा काङ्ग्रेस र एमालेले सबै थाहा पाएर पनि हाँसी–हाँसी स्विकारेको एमाओवादीले कसरी बिर्सन सकेको ? अहोरात्र खटेर चुनाव सम्पन्न गराएका सुरक्षा निकाय र निर्वाचन आयोग, अनि ज्यानको जोखिम मोलेर मत खसाउन गएका मजस्ता नेपालीलाई गलत आक्षेप लगाएर अपमान गर्ने अधिकार एमाओवादीलाई कदापि छैन ।
एमाओवादीलाई विदेशीले होइन, मजस्ता नेपालीले हराएको हो ।
त्यसैले अहिले नेपाली जनताले दिएको जिम्मेवारी कम भए पनि स्वीकार गर र आफ्नो जिम्मेवारी पूरा गरेर जनताको मन जित । अर्को चुनावमा नेपाली जनताले पक्कै जिताउने छ नत्र बढारिएर जान बेर छैन ।
– हरि पन्त, प्रगतिनगर, वीरगंज