प्रस, वीरगंज, १६ वैशाख/
वीरगंजस्थित अधिकांश सटही काउन्टरहरूले अहिले नेपाली रुपैयाँको अवमूल्यन गर्दै गैरकानुनीरूपमा भारु सटहीको बट्टा लिइरहेका छन्।
नेपाल राष्ट्र बैंकले वीरगंजमा रहेका करिब ३० वटा सटही काउन्टरहरूलाई पछिल्लो समयमा साप्ताहिकरूपमा १५ देखि ४० हजारसम्म भारु उपलब्ध गराउँदै आएकोमा उक्त भारु ग्राहकलाई दिंदा सटही काउन्टरहरूले सयकडा ८ रुपैयाँसम्म बट्टा काट्ने गरेको छन्।
राष्ट्र बैंकको नियमानुसार सटही काउन्टरहरूले सयकडा १५ पैसादेखि बढीमा ४० पैसासम्म सटहीबापत शुल्क लिन पाउने व्यवस्था छ।
विगत तीन वर्षदेखि भारुको अभाव भएपछि वीरगंज र रक्सौल क्षेत्रमा नेपाली रुपैयाँको अवमूल्यन बढेको छ। सीमावर्ती भारतीय बजारमा नेपाली मुद्राको अवमूल्यन भएकोमा चिन्तित ग्राहकहरू हाल वीरगंजकै सटही काउन्टरहरूबाट ठगिएका छन्।
रक्सौल बजारका व्यापारीहरूले सयकडा ६ रुपैयाँसम्म सटहीबापत रकम लिंदै आएका छन्।
नेपाल राष्ट्र बैंकले सटही काउन्टरहरूलाई साप्ताहिकरूपमा मात्र भारु उपलब्ध गराउने गरेका छन् भने राष्ट्र बैंकको काउन्टरमा पुग्ने ग्राहकहरूलाई जनही २ हजारसम्म भारु उपलब्ध गराउँदै आएको छ। भारतसँगको व्यापारमा संलग्न
व्यापारी, स्वास्थ्योपचारको लागि जाने रोगीहरू, अध्ययन र भ्रमणका लागि जाने विद्यार्थी एवं पर्यटकहरूलाई भारुको अभावका कारण ठूलो समस्या पर्ने गरेको छ।
नेपाल राष्ट्र बैंक, वीरगंजका प्रबन्धक डा. शङकरप्रसाद आचार्यले भारुको
समस्या विकरालरूपमा देखिएको
बताए। उनले समस्या समाधान हुने तत्कालीन उपाय नरहेको जानकारी गराएका छन्। भारतबाट डलरमा
भारु खरिद गरेर नेपालीलाई
उपलब्ध गराउँदै आएकोमा विभिन्न कारणले सो कार्य पनि केही दिनमा
बन्द हुने बताए।
उनले डलर दिएर भारु खरिद गरेर ल्याएर उपलब्ध गराउँदा पनि हाल ढुवानीको समस्या भएको र ढुवानीमा अत्यधिक रकम खर्च भइरहेको प्रतीकलाई बताए।
डा. आचार्यले आगामी दिनमा स्थानीय सटही काउन्टरहरूलाई उपलब्ध गराउँदै आएको साप्ताहिक रकम पनि बन्द गर्ने तयारीमा राष्ट्र बैंक रहेको बताएका छन्।
अनुगमनको अभावमा सटही सञ्चालकहरूबाट ग्राहक ठगिएका हुनसक्नेमा प्रबन्धक आचार्यले इन्कार गरेनन्।
वीरगंजस्थित अधिकांश सटही काउन्टरहरूले अहिले नेपाली रुपैयाँको अवमूल्यन गर्दै गैरकानुनीरूपमा भारु सटहीको बट्टा लिइरहेका छन्।
नेपाल राष्ट्र बैंकले वीरगंजमा रहेका करिब ३० वटा सटही काउन्टरहरूलाई पछिल्लो समयमा साप्ताहिकरूपमा १५ देखि ४० हजारसम्म भारु उपलब्ध गराउँदै आएकोमा उक्त भारु ग्राहकलाई दिंदा सटही काउन्टरहरूले सयकडा ८ रुपैयाँसम्म बट्टा काट्ने गरेको छन्।
राष्ट्र बैंकको नियमानुसार सटही काउन्टरहरूले सयकडा १५ पैसादेखि बढीमा ४० पैसासम्म सटहीबापत शुल्क लिन पाउने व्यवस्था छ।
विगत तीन वर्षदेखि भारुको अभाव भएपछि वीरगंज र रक्सौल क्षेत्रमा नेपाली रुपैयाँको अवमूल्यन बढेको छ। सीमावर्ती भारतीय बजारमा नेपाली मुद्राको अवमूल्यन भएकोमा चिन्तित ग्राहकहरू हाल वीरगंजकै सटही काउन्टरहरूबाट ठगिएका छन्।
रक्सौल बजारका व्यापारीहरूले सयकडा ६ रुपैयाँसम्म सटहीबापत रकम लिंदै आएका छन्।
नेपाल राष्ट्र बैंकले सटही काउन्टरहरूलाई साप्ताहिकरूपमा मात्र भारु उपलब्ध गराउने गरेका छन् भने राष्ट्र बैंकको काउन्टरमा पुग्ने ग्राहकहरूलाई जनही २ हजारसम्म भारु उपलब्ध गराउँदै आएको छ। भारतसँगको व्यापारमा संलग्न
व्यापारी, स्वास्थ्योपचारको लागि जाने रोगीहरू, अध्ययन र भ्रमणका लागि जाने विद्यार्थी एवं पर्यटकहरूलाई भारुको अभावका कारण ठूलो समस्या पर्ने गरेको छ।
नेपाल राष्ट्र बैंक, वीरगंजका प्रबन्धक डा. शङकरप्रसाद आचार्यले भारुको
समस्या विकरालरूपमा देखिएको
बताए। उनले समस्या समाधान हुने तत्कालीन उपाय नरहेको जानकारी गराएका छन्। भारतबाट डलरमा
भारु खरिद गरेर नेपालीलाई
उपलब्ध गराउँदै आएकोमा विभिन्न कारणले सो कार्य पनि केही दिनमा
बन्द हुने बताए।
उनले डलर दिएर भारु खरिद गरेर ल्याएर उपलब्ध गराउँदा पनि हाल ढुवानीको समस्या भएको र ढुवानीमा अत्यधिक रकम खर्च भइरहेको प्रतीकलाई बताए।
डा. आचार्यले आगामी दिनमा स्थानीय सटही काउन्टरहरूलाई उपलब्ध गराउँदै आएको साप्ताहिक रकम पनि बन्द गर्ने तयारीमा राष्ट्र बैंक रहेको बताएका छन्।
अनुगमनको अभावमा सटही सञ्चालकहरूबाट ग्राहक ठगिएका हुनसक्नेमा प्रबन्धक आचार्यले इन्कार गरेनन्।
