प्रस, वीरगंज, १३ असोज/
जिल्ला वन कार्यालय पर्साको ढिलासुस्तीका कारण गादीमाई साझेदारी वन व्यवस्थापन समितिको अधिवेशन हुन नसकेको साझेदारीका पदाधिकारीहरूको आरोप छ ।
व्यवस्थापन समितिको अधिवेशन हुन नसकेको र समितिले संरक्षण गरिरहेको वन क्षेत्र पनि समितिलाई हस्तान्तरण नगरिएको भन्दै आक्रोशित गादीमाई साझेदारीका पदाधिकारीहरूले गत बुधवार जिल्ला वन कार्यालय १ घण्टा घेराउ गरेका थिए ।
तदर्थ समिति गठन भएर संरक्षण कार्यमा जुटेको चार वर्ष बितिसक्दा पनि जिल्लाले वन हस्तान्तरण नगर्नुमा जिल्ला वन कार्यालय पर्साका प्रमुखको नियत सफा नभएको साझेदारी तदर्थ समितिका सदस्य असर्फी साह तेलीको आरोप छ ।
अधिवेशन गराइ वनलाई समुदायको जिम्मा लगाए वन क्षेत्रबाट आफ्नो आधिपत्य समाप्त हुने डरले समितिको साधारणसभा गराउन जिल्ला वन कार्यालयले आलटाल गरिरहेको साहको आरोप छ ।
चेतमन चौधरीको नेतृत्वमा २०६५ सालमा साझेदारी वन व्यवस्थापन समितिको तदर्थ समिति गठन भएको थियो । उक्त समितिको अढाइ महिनाभित्र चुनाव गराइ साझेदारी सामुदायिक वन जिम्मा लगाउने सहमति भएको थियो ।
गठित तदर्थ समितिले गादीमाई वन क्षेत्रभित्रका ३४ गाविसमा गाउँ एकाइ तदर्थ समिति गठन गरी साधारणसभाको सम्पूर्ण तयारी गरिसकेको छ । तर पनि जिल्ला वन अधिकृत शान्तामाया श्रेष्ठले यो महिना अघिल्लो महिना भन्दै लामो समय बिताएको पदाधिकारीहरूको आरोप छ ।
साझेदारी वन हस्तान्तरण एवं समितिको अधिवेशनबारे जिल्ला वन कार्यालय पर्साका निमित्त कार्यालय प्रमुख महन्थ पडितले प्रमुख जिल्ला वन अधिकृत शान्तामाया श्रेष्ठको हाल सरुवा भइसकेको तर उनले रमानापुर्जी नबुझी ३ महिनाको बिदा लिएर जिल्लाबाहिर गएको र अधिकार प्रत्यायोजनसमेत नगरेकोले कार्यालयले तत्काल अधिवेशन गराउन नसक्ने बताए । “हामीलाई कुनै अधिकार प्रत्यायोजन नगरेकोले अहिले सो सम्बन्धमा कुनै प्रक्रिया अगाडि बढाउन मिल्दैन,” निमित्त प्रमुख पडितको भनाइ छ ।
जिल्ला वन कार्यालय पर्साको ढिलासुस्तीका कारण गादीमाई साझेदारी वन व्यवस्थापन समितिको अधिवेशन हुन नसकेको साझेदारीका पदाधिकारीहरूको आरोप छ ।
व्यवस्थापन समितिको अधिवेशन हुन नसकेको र समितिले संरक्षण गरिरहेको वन क्षेत्र पनि समितिलाई हस्तान्तरण नगरिएको भन्दै आक्रोशित गादीमाई साझेदारीका पदाधिकारीहरूले गत बुधवार जिल्ला वन कार्यालय १ घण्टा घेराउ गरेका थिए ।
तदर्थ समिति गठन भएर संरक्षण कार्यमा जुटेको चार वर्ष बितिसक्दा पनि जिल्लाले वन हस्तान्तरण नगर्नुमा जिल्ला वन कार्यालय पर्साका प्रमुखको नियत सफा नभएको साझेदारी तदर्थ समितिका सदस्य असर्फी साह तेलीको आरोप छ ।
अधिवेशन गराइ वनलाई समुदायको जिम्मा लगाए वन क्षेत्रबाट आफ्नो आधिपत्य समाप्त हुने डरले समितिको साधारणसभा गराउन जिल्ला वन कार्यालयले आलटाल गरिरहेको साहको आरोप छ ।
चेतमन चौधरीको नेतृत्वमा २०६५ सालमा साझेदारी वन व्यवस्थापन समितिको तदर्थ समिति गठन भएको थियो । उक्त समितिको अढाइ महिनाभित्र चुनाव गराइ साझेदारी सामुदायिक वन जिम्मा लगाउने सहमति भएको थियो ।
गठित तदर्थ समितिले गादीमाई वन क्षेत्रभित्रका ३४ गाविसमा गाउँ एकाइ तदर्थ समिति गठन गरी साधारणसभाको सम्पूर्ण तयारी गरिसकेको छ । तर पनि जिल्ला वन अधिकृत शान्तामाया श्रेष्ठले यो महिना अघिल्लो महिना भन्दै लामो समय बिताएको पदाधिकारीहरूको आरोप छ ।
साझेदारी वन हस्तान्तरण एवं समितिको अधिवेशनबारे जिल्ला वन कार्यालय पर्साका निमित्त कार्यालय प्रमुख महन्थ पडितले प्रमुख जिल्ला वन अधिकृत शान्तामाया श्रेष्ठको हाल सरुवा भइसकेको तर उनले रमानापुर्जी नबुझी ३ महिनाको बिदा लिएर जिल्लाबाहिर गएको र अधिकार प्रत्यायोजनसमेत नगरेकोले कार्यालयले तत्काल अधिवेशन गराउन नसक्ने बताए । “हामीलाई कुनै अधिकार प्रत्यायोजन नगरेकोले अहिले सो सम्बन्धमा कुनै प्रक्रिया अगाडि बढाउन मिल्दैन,” निमित्त प्रमुख पडितको भनाइ छ ।