$type=ticker$count=12$cols=4$cate=0

पत्रिका पढौ, रेडियो सुनौ

SHARE:

- चन्द्रकिशोर   
‘पत्रिका पढौं, रेडियो सुनौं’  यो एउटा अभियानकै रूपमा अगाडि आउनुपर्छ । एउटा जागरुक समाज हुनको लागि सुसूचित पनि हुन जरुरी छ । उसको सेरोफेरोमा के भइराखेको छ त्यो जान्न जरुरी छ । व्यक्तिले आफ्नो बारे, आफू बसेको समाजबारे र समुदायको पक्षमा के कस्ता कुराहरू प्रकाशित वा प्रसारित भइरहेको छ त्यसबारे अवगत हुन जरुरी छ । वीरगंजकै सन्दर्भमा भन्ने हो भने यो मामिलामा त्यति उत्साहप्रद स्थिति छैन । पत्र–पत्रिका पढ्नुपर्छ वा चिठी लेख्नुपर्छ भन्ने सोचबाट अहिले पनि हामी बेखबर छोै जस्तो लाग्छ ।
    पत्रिकाले समाजमा आफ्नो उपयोगिता स्थापित गर्न नसकेर हो कि, समाजले पत्रिकालाई नपत्याइदिएर हो, वीरगंजमा पत्रिकाको बजार खासै छैन । वीरगजको जुन जनसाङ्ख्यिक बनोट छ, यहाँका बासिन्दाहरूमा जुन प्रकारको क्रयशक्ति छ त्यस अनुपातमा यहाँ पत्रिकाको बजार न्यून छ । पत्रिकाहरू निस्कँदै छन्, पत्रिकाको स्तर र बजार व्यवस्थापन अनुसार बजार छ तर त्यो बजार वीरगंजको सम्भावनाको आधारमा एकदम कम छ । पाठक सङ्ख्या विस्तारबारे यहाँ खासै प्रयास भइरहेको पनि पाइँदैन । पाठकहरूको अभिरुचिबारे यहाँ अध्ययन र सर्वेक्षण पनि भएको छैन । पाठकहरूको रुचि र उसले खोजेको जस्तो सामग्री पस्किनुपर्छ भन्ने सोच पनि खासगरी स्थानीय पत्रिकाहरूमा संंस्थागत हुन पाइरहेको छैन । पत्रिकाले आफ्नै विवेकमा पस्किराखेका सामग्रीहरूले पाठकीय रुचि जागृत गर्न सकिरहेको छैन ।
    अहिलेका पाठक को हुन् ? पाठकलाई तीन वर्गमा विभाजित गरेर हेर्न सकिन्छ । पहिलो, काठमाडौंबाट प्रकाशित हुने पत्रिकाका पाठक, दोस्रो स्थानीय पत्रिकाका पाठक र तेस्रो छिमेकी भारतीय पत्रिकाका पाठक । काठमाडौंबाट अचेल बिहानै पत्रिकाहरू आइपुग्छन्, केही वर्ष पहिलेसम्म पत्रिका पढ्न बेलुकी पर्खिनुपर्ने स्थिति थियो । काठमाडौंका पत्रिकाहरूका केही नियमित पाठक छन्, जो यहाँका स्थानीय बिक्रेतामार्फत् ग्राहक बनेका छन्, उनीहरूलाई घर घर मै पत्रिका पुर्‍याउने व्यवस्था गरिएको छ । पत्रिका पसलहरूबाट पनि सोझै बिक्री वितरण हुने गरेको छ । स्थानीय पत्रिकाहरूको हकमा केही पत्रिकाहरू स्थानीय पसलहरूमा राखिएका हुन्छन् । केहीलाई पत्रिकाले आफ्नै बन्दोबस्तीमा सोझै घर घरमा पुर्‍याउने गर्दछन् । काठमाडौंबाट प्रकाशित हुने पत्रिकाको हकमा पत्रिका अनुसार एउटा निश्चित ग्राहक सङ्ख्या छ तर स्थानीय पत्रिकाको हकमा यो स्थिति छैन । कतिपय पत्रिकाको हकमा आफूखुशी पत्रिका बाँड्ने र वितरण गर्ने स्थिति छ, पाठकसँग पूर्व स्वीकृतिं नै नलिइकन पत्रिका घर–दैलोमा पठाइदिने, पत्रिका पसलबाट बिक्री नभएपनि पत्रिका त्यहाँ राखिछाड्ने स्थिति पनि छ । भारतीय पत्रिकाको हकमा यहाँ एक प्रकारको गतिलो बजार छ भनी मान्नुपर्छ । त्यसका लागि काठमाडौंका पत्रिका नआइपुग्दै ती पत्रिकाहरू वीरगंज आइपुग्छन् ।
    केही स्थानीय पत्रिकाहरूले बेला बेलामा हकरमार्फत् बिक्री गर्ने चलन पनि राखेका छन् । हट न्यूज वा विज्ञापन वा परीक्षाफल प्रकाशित भएको बेला स्थानीय पत्रिका खोजी खोजी किन्नेहरू पनि छन् । केही लेखकविशेष जस्तै– शिक्षा पत्रकार अनन्तकुमार लाल दासको प्रतीक दैनिकमा प्रत्येक सोमवार शिक्षा सम्बन्धी स्तम्भ प्रकाशित हुँदा एउटा निश्चित विद्यार्थी वर्गले नियमितरूपमा त्यो अड्ढ किन्ने गर्छ । यी सबका बावजुद वीरगंजको सन्दर्भमा भन्ने हो भने पाठकहरूको उही एउटा जमात रहिआएको छ । पाठकहरूको नयाँ नयाँ क्षेत्र खोजी, उनीहरूको चाहनाको प्रस्तुति र उनीहरूलाई पत्रिकासँग जोड्ने काम स्थानीय पत्रिकाहरूले प्राथमिक कार्यभारका रूपमा लिएका छैनन् । काठमाडौंका पत्रिकाहरूले पनि वीरगंज क्षेत्रमा पत्रपत्रिका पढ्ने संस्कृतिको विकासका लागि कुनै अभियान चलाएको देखिंदैन, बरु यदाकदा उनीहरू विभिन्न उपहार योजनाका साथ ग्राहक विस्तार कार्यक्रमहरू ल्याइराखेका हुन्छन् ।
    पत्रिकाले नखोजेको भन्दैमा पत्रिका नपढ्ने होइन । एउटा व्यक्ति स्वयं आफूले, सुसूचित हुनका लागि पनि पत्रिका पढ्नुपर्छ । पत्रिकाले उसको अधिकार प्राप्तिको लडाइँलाई सहज बनाउँछ । आइपर्ने समस्याबारे ऊ सजग हुन्छ । उसले आफ्ना पेशागत रणनीति बनाउन सहयोग प्राप्त गर्छ । त्यसैले कुनै पनि समाज कति जागरुक छ वा जवाफदेह छ, त्यसको मापनको आधार त्यहाँ कति सङ्ख्यामा पत्रिका पढ्ने जमात छ, त्यसको आधारमा मूल्याड्ढन गर्ने गरिन्छ । वीरगंजमा पठनीयताको प्रवृत्ति चिन्ताको विषय हो । पत्रिका बढी मान्छेले पढ्दा पत्रिकाको बिक्री बढछ, उसले कमाउँछ भन्ने बुझाइ अधूरो र काँचो हो । पत्रिका पढेर तपाईं आफूलाई जानकार बनाउनु हुन्छ ।
    नेपालकै पूर्वाञ्चलमा तुलनात्मक रूपमा बढी पत्रिका बिक्री हुन्छ । बढी पाठक सङ्ख्यालाई आधार मानी त्यहाँ कतिपय राजधानीका पत्रिकाहरूको स्थानीय संस्करण प्रकाशित हुन्छ । वीरगंजमा पाठक सङ्ख्याको कमीले हामी केैयौं बौद्धिक अवसरहरूबाट वञ्चित भइराखेका हुन्छौं । त्यसैले यस सम्बन्धमा राजनीतिक दल, शैक्षिक प्रतिष्ठान, होटल व्यवसायी, उद्योग क्षेत्रलगायतले आआफ्नो स्तरमा भूमिका खेल्नुपर्ने समयको माग हो । त्यस्तै यहाँका विभिन्न सामाजिक संस्थाहरूले पनि पढ्ने संस्कृतिको विकासका लागि आआफ्नो तह, स्तरमा काम गर्नुपर्ने खाँचो छ । राजनीतिक दलहरूले आफ्ना मातहतका स·ठनहरूमा नियमित पत्रिकाको ग्राहक बनाउने, सार्वजनिक कार्यक्रममार्फत् पढ्ने संस्कृति विकासका लागि अपिल गर्ने, आफूसँग आबद्ध कार्यकर्ताहरूलाई पत्र पत्रिका पढ्न र त्यसमाथि छलफल चलाउने वातावरणका लागि प्रयास गर्न सक्छन् ।
    वीरगंजका शैक्षिक प्रतिष्ठानहरूले ठूलो सङ्ख्यामा रहेका विद्यार्थीहरूमा पत्र पत्रिका पढने बानी विकासका लागि उत्प्रेरक र सहजकर्ताको काम गर्न सक्छन् । उनीहरूलाई पत्रिका किन पढ्ने  भन्नेबारे फराकिलो बुझाइ विकसित गराउन सक्छन् । क्याम्पस वा विद्यालयभित्र पत्र–पत्रिका पढ्ने कक्षको व्यवस्था गर्न सक्छन् । पाठक मञ्च गठन गराउन सक्छन् । पत्र–पत्रिकामा छापिएका विषयवस्तुबारे आवधिक छलफल गराउन सक्छन् । विद्यार्थीहरूलाई पाठक प्रतिक्रिया लेखनका लागि उत्प्रेरित गर्न सक्छन् र त्यसका लागि प्रोत्साहन योजनाहरू ल्याउन सक्छन् । तर वीरगंजको सन्दर्भमा विडम्बना नै मान्नुपर्छ यहाँका शिक्षक र प्राध्यापकहरूमा नियमित पत्रिका पढ्ने बानी छैन । शिक्षक र प्राध्यापकहरूको एउटा ठूलो हिस्सा निश्शुल्क वितरण गरिएका कतिपय स्थानीय पत्रिका वा सहजरूपमा कतै देखिन आएका पत्रिकाहरूमा मात्र नजर हाल्ने गरेका पाइन्छन् । अन्यत्र यस्ता उदाहरणहरू छन् कि शैक्षिक क्षेत्रमा संलग्न जनशक्ति आफ्ना रुचिका जर्नलहरू मगाउने त गर्छन् नै, सामान्य जानकारीका लागि पनि केही पत्रिकाहरूका आफैं नियमित ग्राहक हुन्छन् । जब शिक्षक र प्राध्यापकहरूमैं नियमित पत्रिका पढनका लागि गरिने खर्चलाई विलासिताको खर्च मानिन थाल्छ भने त्यो चिन्ताको विषय हो । कतिपय शिक्षकहरू सुर्ती, पानपराग, जाँडरक्सी र चियापानमा फजुल खर्च गरिराखेका हुन्छन् तर कुनै एउटा पत्रिकाको नियमित ग्राहक हुँदैनन् ।
    छिमेककै भारतीय शहरहरूमा बुटपालिस गर्ने, रिक्सा चलाउने, कुलीको काम गर्नेहरू फुर्सतको बेला लहरै पत्रिका पढिराखेका दृश्यहरू देखिन्छ, त्यो भनेको त्यो वर्गमा पनि पत्रपत्रिका पढ्नमा आफ्ना आम्दानीको निश्चित हिस्सा खर्च गर्न सक्नु हो । यहाँका होटलहरूमा आफ्ना पाहुनालाई कोठामा कुनै एउटा पत्रिका दिने काममा कन्जुस्याइँ देखिन्छ, यसले पनि यस शहरमा पत्रपत्रिका पढ्ने रुझान कतिको छ भन्ने देखाउँछ । वीरगंज औद्योगिक क्षेत्र पनि हो, मजदुर युनियनहरूले श्रमिकवर्गमा पत्रपत्रिका पढ्ने,  रेडियो सुन्ने पक्षको महत्त्वबारे जानकारी गराउन सक्छन्, यो उनीहरूको जिम्मेवारीभित्रको कुरा हो । हो, पछिल्ला वर्षहरूमा बिहान मर्निङवाक गर्दै रेडियो सुन्ने वा बेलुका खाना खाँदै रेडियोका समाचारमूलक कार्यक्रम सुन्ने बानी बसालेकाहरूको सङ्ख्या थपिंदै छ । त्यस्तै बिहानको चियासँगै पत्रिका पढ्ने वा कार्यालयमा पुग्ने बित्तिकै पहिले पत्रिका खोज्नेहरूको क्रम बढ्दै छ ।
    हामी हेर्छौं, रेडियो घन्किराखेको हुन्छ । त्यो भएन । रेडियोका केही समाचारमूलक कार्यक्रमप्रति तपाईंमा विशेष नोटिस हुनुपर्छ । त्यो कार्यक्रम छुट्यो भने तपाईंले केही मिस गर्नुभयो भन्ने तपाईंलाई लागोस् । रेडियो आम सञ्चारको एउटा सस्तो, सहज र सबैका लागि उपलब्ध हुन सक्ने माध्यम हो तर पनि वीरगंज उपमहानगरपालिकाभित्रै नियमित रेडियोका खास कार्यक्रमहरू सुन्ने श्रोतावर्ग छैन । भनौं वीरगंजेली जनसङ्ख्याको कति प्रतिशत बिबिसी नेपाली सेवा नियमित सुन्ने गर्छ ? टेलिभिजन पनि समाचारको एक स्रोत हो । यसले दृश्यमैं विषय वस्तु देखाइदिंदा बोधगम्यता बढी हुन्छ ।
    पत्रपत्रिका पढ्ने र रेडियोका समाचारमूलक कार्यक्रमहरू सुन्ने नियमित बानीले शहरलाई एउटा नयाँ संस्कृति दिन्छ । मानिसको बुझाइ, गराइ र भनाइमा विस्तारै परिवर्तन आउन थाल्छ । त्यसेैले यो शहरलाई उन्नत र परिष्कृत रुचिको शहर भएको हेर्न चाहने जो कोहीले  ‘पत्रिका पढौं, रेडियो सुनौं’ संस्कृतिको विकासमा जोड दिनुपर्छ ।
neelambAd
Name

(स्थानीय समाचार ,1, %प्रमुख समाचार ,1, खेलकूद ,25, मन्तव्य ,3, सम्पादकीय ,27,(७ अप्रिल–विश्व स्वास्थ्य दिवसको उपलक्ष्यमा),1,(सन्दर्भ: ५८ औं राष्ट्रिय सहकारी दिवस,1,(स्थानीय समाचार,7,%प्रमुख समाचार,3,१५ अगस्त,6,२० चैत्र २०७१),1,२०७७ सालको वार्षिक राशिफल,1,main news,8,pramuk samachar,1,recent,5,अन्तरार्टिय समाचार,10,अन्तराष्ट्रिय समाचार,105,अन्तर्राष्ट्रिय मातृभाषा दिवस,1,अन्तर्वार्ता,28,अर्थ विशेष,129,अर्थ-उद्योग-वाणिज्य,710,अर्थ–उद्योग–वाणिज्य,29,अर्थविशेष,390,असार १५: धान दिवस,1,आइतवार विशेष,441,आजको बहस,16,आयुर्वेद,77,आर्थिक समाचार,136,आलेख,3,इतिहास,11,उपन्यास,11,एकाङ्की,4,एकाङ्की नाटक,2,कथा,55,कबीरा खडा बजार,216,कविता,44,कानुनी परामर्श,61,कुरोको चुरो,41,कृति समीक्षा,3,खेलकूद,1780,खोजीनीति,2,गजब,2,गुड फ्राइडे,1,गुरुनानक जयन्ती,1,गुरुनानक देव जयन्ती विशेष,1,चिठ्ठी,1,चियोचर्चा,1,जनसरोकार,2,जीवनी,2,जीवशास्त्र,1,जीवेम शरदः शतम्,1,जीवेम शरद: शतम्,1,जैव विविधता दिवस,1,टाकन–टुकन,54,टाकनटुकन,18,तथ्याङ्क,1,दृष्टिकोण,1,धन्वन्तरि जयन्ती,1,धर्म दर्शन,5,धर्म संस्कृति,10,धर्म–संस्कृति,115,नारी हस्ताक्षर,3,नारी हस्ताक्षर,6,नियतिको फल,1,नियात्रा,2,नीति वचन,1,पाठक पत्र,54,पाठक प्रतिक्रिया,22,पाठक मञ्च,58,पाठकमंच,42,पुस्तक समीक्षा,10,पोषण,2,पोषण/आहार,3,प्रजापिता ब्रह्माबाबाको ४७ औं अव्यक्ति दिवस,1,प्रतीक दैनिक,2264,प्रमुख समाचार,3585,प्रविधि,3,प्रवृत्ति र मनोवृत्ति,2,प्रसङ्गतरङ्ग,4,प्रसङ्गवश,1,फरक,145,फरक मत,2,फिचर,456,फिचर समाचार,81,फोटो,8,बाटिका,441,बुद्ध जयन्तीको उपलक्ष्यमा,1,बेलाको बोली,1,ब्रह्मा स्मृति दिवस,1,भानु जयन्ती,1,भाषा,1,भाषा/संस्कृति,1,भ्यालेन्टाइन डे,1,मजदुर दिवस विशेषः,1,मतमतान्तर,1,मतान्तर,1,मनोरन्जन,9,मन्तव्य,483,महाभारतबाट सङकलन तथा अनुवाद,231,महाभारतबाट सङकलित,16,महाशिवरात्री,1,महिला सरोकार,1,महिला हस्ताक्षर,1,मानवीय व्यवहार,1,यात्रा,29,यात्रा संस्मरण,3,यात्रानुभव,1,युग परिवर्तन कसरी र कहिले,3,युवा आवाज,1,राशिफल,2,रोचक,18,लघुकथा,32,लोक/संस्कृति,11,लोकविश्वास,2,लोहिया जयन्ती,1,वाटिका,553,वातावरण,1,वि.सं. २०७७ सालको वर्षफल,1,विज्ञान प्रविधि,3,विज्ञापनको लागि सम्पर्क,1,विश्लेषण,1,विश्व एड्स दिवसको उपलक्ष्यमा,1,विश्व सन्दर्भ,3,व्यक्तित्व,1,व्यङग्य,27,व्यङ्ग्य,35,व्यङ्ग्यम्,5,शिक्षा नेपाल,10,शिक्ष्f नेपाल,487,सङ्कलन तथा अनुवाद,35,सन्दभ: विश्व मधुमेह दिवस,1,सन्दर्भ ः विवेकानन्दा दिवस,2,सन्दर्भ - महिला हिंसा,3,सन्दर्भ - मानव अधिकार दिवस,1,सन्दर्भ : क्षयरोग दिवस,1,सन्दर्भ : चुरे दिवस,1,सन्दर्भ : बाल दिवस,1,सन्दर्भ : रमजान,1,सन्दर्भ ६१ औं राष्ट्रिय क्षयरोग दिवस,1,सन्दर्भः अन्तर्राष्ट्रिय हिन्दी दिवस,1,सन्दर्भ गाँधी जयन्ती,1,सन्दर्भः गुरु नानक जयन्ती,1,सन्दर्भ भानुजयन्ती,1,सन्दर्भः भारतको स्वतन्त्र दिवस,1,सन्दर्भ मोती जयन्ती,1,सन्दर्भः योग दिवस,1,सन्दर्भ रक्तसञ्चार सेवा दिवस,1,सन्दर्भ विश्व रेडक्रस दिवस,1,सन्दर्भ- विश्व वातावरण दिवस,1,सन्दर्भ- श्रीकृष्ण जन्माष्टमी,2,सन्दर्भ-विश्व पर्यटन दिवस,1,सन्दर्भ– शहीद दिवस,1,सन्दर्भ: २६ जनवरी,8,सन्दर्भ: नारी दिवस,2,सन्दर्भ: बाल दिवस,2,सन्दर्भ: भारतको ६४औं गणतन्त्र दिवस,1,सन्दर्भ: भारतको ६९औं स्वतन्त्रता दिवस,1,सन्दर्भ: भारतको स्वतन्त्र दिवस,2,सन्दर्भ: रमजान पर्व,1,सन्दर्भ: रेडक्रस दिवस,1,सन्दर्भ: विश्व एड्स दिवस,3,सन्दर्भ: विश्व बाल दिवस,1,सन्दर्भ: विश्व मौसम दिवस,1,सन्दर्भ: विश्व रेडक्रस दिवस,1,सन्दर्भ: वीपी जयन्ती,1,सन्दर्भ: श्री गुरु अर्जुनदेवजी महाराज शहिदी दिवस,1,सन्र्दभ विश्व पर्यावरण दिवस,1,सम–सामयिक,1,समय–सन्दर्भ,9,समयान्तर,301,समसामयिक,28,समाचार विश्लेषण,3,समीक्षा,1,समीक्षा समाहरण,1,सम्पादकीय,3049,सरोकार,46,संस्कृति/साहित्य,3,संस्मरण,15,साहित्यवार्ता,1,साहित्यात्मक,5,सिर्सियाँ नदी प्रदूषण प्रकरण,2,स्तवतन्त्र विचार,254,स्थानीय समाचार,12448,स्मृति,2,स्वतन्त्त विचार,2,स्वतन्त्र विचार,2833,स्वान्त सुखाय,88,स्वान्तः सुखाय,14,स्वान्तः सुखायः,140,स्वान्त सुखाय:,132,स्वान्त–सुखाय,157,स्वायन्त सुखाय,22,स्वास्थ्य चर्चा,49,हाम्रो बारेमा,2,हास्य एकाङ्की,1,हास्यव्यङ्ग्य एकाÍी,1,
ltr
item
Prateek Daily । प्रतीक दैनिक : पत्रिका पढौ, रेडियो सुनौ
पत्रिका पढौ, रेडियो सुनौ
https://blogger.googleusercontent.com/img/b/R29vZ2xl/AVvXsEjsSKcPcUVHfP0kymbhH-B_NyIuAw9bGffuykjola8MeK-wKx9zZOUYoJjJRBQZBp_jONHHSPcV_CpUUQxrwoN9gFzN7WZUTw74FqAVjbr3P1MTMPjn1wCdlqa0fZUNFlsrJkRtxC65WoM1/s200/abtika.jpg
https://blogger.googleusercontent.com/img/b/R29vZ2xl/AVvXsEjsSKcPcUVHfP0kymbhH-B_NyIuAw9bGffuykjola8MeK-wKx9zZOUYoJjJRBQZBp_jONHHSPcV_CpUUQxrwoN9gFzN7WZUTw74FqAVjbr3P1MTMPjn1wCdlqa0fZUNFlsrJkRtxC65WoM1/s72-c/abtika.jpg
Prateek Daily । प्रतीक दैनिक
https://www.prateekdainik.com.np/2012/09/blog-post_3954.html
https://www.prateekdainik.com.np/
https://www.prateekdainik.com.np/
https://www.prateekdainik.com.np/2012/09/blog-post_3954.html
true
6917042177189007432
UTF-8
सबै हेर्नुहोस् केही भेटिएन थप विस्तृत जवाफ दिनुहोस् Cancel reply Delete By Home PAGES POSTS सबै हेर्नुहोस सिफारिस गरिएको वर्गीकरण समाचार संग्रह खोज्नुहोस् सबै पोस्ट Not found any post match with your request गृहपृष्ठ Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec भर्खरै एक मिनेट अघि $$1$$ एक मिनेट अघि एक घण्टा अघि $$1$$ एक घण्टा अघि हिजो $$1$$ हिजो $$1$$ एक साताअघि पाँच साताअघि Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy